6

Edukasyon sa
Pagpapakatao
Ikatlong Markahan – Modyul 7:
Ating Isakatuparan at Igalang,
Batas Pambansa at Pandaigdigan
Edukasyon sa Pagpapakatao (EsP) – Ikaanim na Baitang
Alternative Delivery Mode
Ikatlong Markahan – Modyul 7: Ating Isakatuparan at Igalang, Batas Pambansa at Pandaigdigan
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan muna ang
pahintulot ng ahensiya o tanggapan ng pamahalaan na naghanda ng akda kung ito ay pagkakakitaan.
Kabilang sa mga maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay
ng karapatang-ari ng mga iyon. Pinagsumikapang matunton ang mga ito upang makuha ang pahintulot
sa paggamit ng materyales. Hindi inaangkin ng mga tagapaglathala at mga may-akda ang karapatang-
aring iyon. Ang anomang gamit maliban sa modyul na ito ay kinakailangan ng pahintulot mula sa mga
orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

ELEMENTARY MODULE DEVELOPMENT TEAM

Awtor : Maria Linda B. Muli
Co-Awtor - Content Editor : Jeanette Peñaflor
Co-Awtor - Language Reviewer : Cris V. Regala
Co-Awtor - Illustrator : Mary Grace L. Beltran
Co-Awtor - Layout Artist : Maria Linda B. Muli

DISTRICT MANAGEMENT TEAM:

District Supervisor, Dinalupihan : Rodger R. De Padua, EdD
Principal District LRMDS Coordinator : Miralou T. Garcia, EdD
Teacher District LRMDS Coordinator : Jennifer G. Cruz
District SLM Content Editor : Alma Q. Flores
District SLM Language Reviewer : Cris V. Regala :

DIVISION MANAGEMENT TEAM:

Schools Division Superintendent : Romeo M. Alip, PhD, CESO V
OIC- Asst. Schools Division Superintendent : William Roderick R. Fallorin, CESE
Chief Education Supervisor, CID : Milagros M. Peñaflor, PhD
Education Program Supervisor, LRMDS : Edgar E. Garcia, MITE
Education Program Supervisor, AP/ADM : Romeo M. Layug
Education Program Supervisor, EsP/Values : Jacqueline C. Tuazon
Project Development Officer II, LRMDS : Joan T. Briz
Division Librarian II, LRMDS : Rosita P. Serrano
Division Book Designer : Rommel M. Magcalas

Inilimbag sa Pilipinas ng Kagawaran ng Edukasyon - Schools Division of Bataan

Office Address: Provincial Capitol Compound, Balanga City, Bataan
Telefax: (047) 237-2102
E-mail Address: bataan@deped.gov.ph
 6

Edukasyon sa
Pagpapakatao
Ikatlong Markahan – Modyul 7:
Ating Isakatuparan at Igalang,
Batas Pambansa at Pandaigdigan
Paunang Salita
Ang Self-Learning Module o SLM na ito ay maingat na inihanda para sa ating
mag-aaral sa kanilang pag-aaral sa tahanan. Binubuo ito ng iba’t ibang bahagi na
gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na

naglalaman ng mga paalala, pantulong o estratehiyang magagamit ng mga magulang
o kung sinumang gagabay at tutulong sa pag-aaral ng mga mag-aaral sa kani-
kanilang tahanan.

Ito ay may kalakip na paunang pagsusulit upang masukat ang nalalaman ng

mag-aaral na may kinalaman sa inihandang aralin. Ito ang magsasabi kung
kailangan niya ng ibayong tulong mula sa tagapagdaloy o sa guro. Mayroon ding
pagsusulit sa bawat pagtatapos ng aralin upang masukat naman ang natutuhan.
May susi ng pagwawasto upang makita kung tama o mali ang mga sagot sa bawat
gawain at pagsusulit. Inaasahan namin na magiging matapat ang bawat isa sa
paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot sa
mga pagsasanay.

Hinihikayat ang mga mag-aaral na makipag-ugnayan agad sa kanilang guro

kung sila ay makararanas ng suliranin sa pag-unawa sa mga aralin at paggamit ng
SLM na ito.

Sa pamamagitan ng modyul na ito at sa tulong ng ating mga tagapagdaloy,

umaasa kami na matututo ang ating mag-aaral kahit wala sila sa paaralan.
 Alamin

Bilang isang mag-aaral, nakatupad ka na ba sa mga batas natin? Kahit saan ka

man, patuloy ka bang sumusunod sa mga patakaran o tuntunin pambansa at
pandaidigan? Nakakikilala ka ba ng ilan sa mga batas na kinakailangang tuparin,
sundin at gawin?

Napakahalagang matutuhan mo bilang bata na maisaisip, maigalang at makatupad

sa mga batas pambansa at pandaigdigan man. Nakapagdudulot ito ng kaayusan at
kapayapaan para sa lahat.

Matapos ang modyul na ito, inaasahang matutuhan mo ang:

* Nakatutupad sa mga batas pambansa at pandaigdigan (EsP6PPP-IIIh-i-40) para

sa:
 kaligtasan sa daan;
 pangkalusugan; at
 pag-abuso sa paggamit ng ipinagbabawal na gamot

1
 Subukin

Isulat ang T kung ang pahayag ay nagpapakita ng pagtupad sa batas at HT naman

kung hindi. Isulat sa sagutang papel ang iyong sagot.

1. Madalas na pag-uubos ng oras sa isang pook-sugalan o pook-inuman.

2. Iniiwasang gumamit ng mga pook-tawiran at overpass upang mas mapabilis
sa pupuntahan.
3. Hindi pagbebenta ng sigarilyo sa mga menor de edad.
4. Pagpipili ng mga basura at pagsisinop dito upang hindi kumalat kung saan.
5. Hindi nabigyang pansin ang mga taong biktima ng bawal na gamot.
6. Isang drayber na isinasakay o ibinababa lamang ang kaniyang pasahero sa
itinakdang lugar.
7. Pag-iingat sa mga karatula o babala sa kalsada upang mas mapakinabangan
nang matagal.
8. Pagtatapon ng basura sa kanal o ilog na katabi ng inyong bahay.
9. Ang sinturong pangkaligtasan ng sasakyan ay isinusuot kung kailan lamang
gusto.
10. Sinuot ang helmet habang nagmamaneho ng motor kahit sa malapit na
distansya lamang.

Mga Tala para sa Guro

Isang katungkulan mong matiyak na ang bawat mag-aaral ay
nabibigyan ng sapat na tulong at pag-alalay mula sa kanilang mga
magulang, nakatatandang kapatid o tagapag-alaga sa kanilang
tahanan o may paggabay din mula sa mga kamag-anak, kaibigan o
kapitbahay sa kung kinakailangang pagkakataon.

2
 Aralin
Ating Isakatuparan at Igalang,
1 Batas Pambansa at Pandaigdigan
Anuman ang iyong edad at katayuan sa buhay, lahat tayo ay kinakailangang
sumunod sa mga batas na ipinapatupad dito sa ating bansa at gayundin sa iba
pang mga bansa. Dapat na gawin o isakilos ang pagtupad sa mga batas bilang
pananagutan mo sa pagiging isang mamamayang Pilipino. Maalam ka man o hindi
sa mga batas ay nararapat mo itong hindi suwayin upang ang iyong pang araw-
araw na pamumuhay ay magdulot ng kaligtasan, kaayusan at kapayapaan para sa
ating lahat.

Bilang mag-aaral, dapat na iyong tupadin ang ilan sa mga batas pambansa o
pandaigdigan na mapag-aaralan sa modyul na ito. Halina at tayo’y matuto.

Balikan

Basahin ang mga pahayag na may kaugnayan sa pagkamalikhain upang magbigay

ng solusyon. Isulat ang letra mula sa pagpipilian sa ibaba sa iyong sagutang papel.

a. Gagamitin ang lumang pambalot na naitabi noon.

b. Manghihiram muna sa kapitbahay ng perang pambaon.

c. Magalang na hihiram ng ballpen sa guro o kamag-aral.

d. Tataniman ito ng mga halamang gulay.

e. Babatiin ko siya nang buong puso saka yayakapin.

__1. May pagsusulit kayo ngunit nakalimutan mo ang iyong ballpen sa bahay.

__2. Hindi nakapag-iwan ng iyong baon ang nanay sa pagmamadali na

mamalengke.

__3. Walang mabiling bagong pambalot ng regalo para kay Lola Nena.

__4. Kaarawan ng iyong ate ngunit nais mo siyang pasiyahin sa payak na paraan.

__5. Nakapaglinis kayo ni Itay ng iyong malawak na bakuran na may matabang

lupa.

3
 Tuklasin

Halina at basahin mo ang isang kuwento na nasa ibaba. Tuklasin kung anong mga
dapat mabatid tungkol sa mga batas pambansa at pandaigdigan.

Mga Responsableng Mag-aaral

Ni: Maria Linda B. Muli

Masiglang natapos ang talakayan sa loob ng

silid-aralan ni Bb. Lopez. Ang kaniyang mga
mag-aaral ay kasalukuyang nag-uusap-usap
na lamang tungkol sa isang pag-uulat ng
bawat pangkat para sa asignaturang Araling
Panlipunan. Ang unang pangkat na binubuo
nila Leo, Bea at Liza ay naatasang mag-ulat
ng mga batas na dapat sundin at igalang ng
bawat mamamayang Pilipino. Nilinaw rin na
ang iuulat nila ay ilan sa kabahagi ng mga
batas pambansa na siyang umiiral dito sa
Pilipinas at batas pandaigdigan din na siya
namang umiiral din sa ibang mga bansa at
maaaring sa buong mundo.

Napagkasunduan ng magkakaibigang Leo, Bea at Liza na magkaroon sila ng kani-

kaniyang paksang iuulat. Si Leo sa mga batas para sa kaligtasan sa daan; si Bea
para sa mga batas pangkalusugan; at si Liza ay para sa mga batas laban sa pag-
aabuso sa paggamit ng ipinagbabawal na gamot.

Narito ang ilan sa mga batas na naihandang iuulat ng magkakaibigang mag-aaral.

Tagapag-ulat: Leo Santos

Paksang Iuulat: Mga dapat tandaan tungkol sa mga batas para sa kaligtasan sa daan

1. Paggamit ng seat belt ng nagmamaneho at pasahero sa unahan ng sasakyan.

2. Ipinagbabawal ang pagpapaupo sa unahan ng sasakyan ng mga batang 6 na
taong gulang pababa.
3. Pagsusuot ng helmet habang nakasakay o nakaangkas sa motorsiklo.
4. Hindi pagsisira ng mga sign boards o babala na nasa kalsada.
5. Paggamit o pagtawid sa tamang tawiran o pedestrian lanes.
6. Pagsakay o pagbaba sa mga sasakyan sa lugar na sadyang hintuan at babaan
(loading/unloading area)

4
 Tagapag-ulat: Bea Canlas
Paksang Iuulat: Mga dapat tandaan tungkol sa
mga batas para sa kalusugan
1. Pagbabawal sa paninigarilyo sa
pampublikong lugar at sa mga
sasakyang pambayan.
2. Ipinagbabawal din sa mga sasakyan
ang labis na pagbubuga ng usok
saanman.
3. Hindi pinapahintulutan ang pagtatapon
ng mga basura sa kalye o kalsada o saanman.
4. Bawal na pagbubukas ng mga sinehan,
pook-sugalan, pook-inuman na malapit
sa simbahan at paaralan.
5. Pagbabawal sa pagbebenta ng
sigarilyo at alak sa mga menor de edad
na may gulang na 17 pababa.
6. Palagiang pagsusuot ng face mask,
face shield at social distancing sa
tuwing lumalabas ng tahanan ang
taong nasa edad 16 hanggang 60.

Tagapag-ulat: Liza Ruiz

Paksang Iuulat: Mga dapat tandaan tungkol sa mga
batas laban sa ipinagbabawal na gamot
1. Hindi pinapahintulutan ang pagbebenta o
paggamit ng anumang uri ng ipinagbabawal
na gamot.
2. Paglalaan at pagbubuo ng mga programa
laban sa pagsugpo ng pagkalat ng mga
bawal na gamot o droga.
3. Pagkakaroon ng programa para sa
gamutan at rehabilitasyon ng mga naging
biktima ng pag-abuso sa bawal na gamot.

Bilang pagwawakas ng ulat, nilinaw at pinaliwanag ng magkakaibigan ang

kahalagahan ng mga batas. Ayon sa kanila, ang mga batas ay nararapat sundin at
gawin ng mga mamamayan. Ito ay pinaiiral at sumasaklaw para sa lahat sa buong
bansa at walang sinuman ang hindi kabilang. Ang mga batas ay tinutupad at hindi
sinusuway upang makamit ng lahat ang kaayusan, kaligtasan at kapayapaan. Nag-
iwan ng isang tanong ang tatlong tagapag-ulat, “Paano mo naipapamalas ang
pagsunod sa mga batas?

5
Matagumpay na nakapag-ulat ang mga magkakaibigan. Sila ay pinalakpakan ng
lahat. “Mahusay!”, wika ng kanilang guro.

Suriin

Sagutan ang mga gabay na tanong. Itala ito sa iyong kuwaderno o papel upang
mas malalim na mapag-isipan ang tungkol sa tampok na aralin. Maaaring humingi
ng tulong sa mga kasama sa bahay.

1. Anong pangunahing paksa ang naiulat sa klase ng magkakaibigang mag-aaral?

2. Isa-isahin ang mga paksang naisabatas na binanggit ng tatlong mag-aaral sa

kuwento.

3. Paano ka tutupad sa mga batas para sa kaligtasan sa daan?

4. Paano ka tutupad sa mga batas para sa kalusugan?

5. Paano ka tutupad sa mga batas laban sa pag-aabuso ng ipinagbabawal na

gamot?

6. Bakit kailangan mong tumupad sa mga batas na pinaiiral dito sa ating bansa?

Pagyamanin

Gawain 1
Isulat sa iyong sagutang papel ang salitang TAMA kung ang sitwasyon ay
nagpapakita ng pagtupad sa batas at HINDI kung hindi nagpapakita ng pagtupad
sa batas.
_______1. Hindi susundin ang ilaw trapiko lalo kung nagmamadali sa pupuntahan.
_______2. Pagtawid sa pagitan ng mga sasakyang nakahinto sa gitna ng daan.
_______3. Palagiang pagsusuot ng sinturong pangkaligtasan upang makaiwas sa
aksidente.

6
_______4. Paggamit ng cellphone habang nagmamaneho.
_______5. Pinipiling tumawid sa takdang tawiran o sa overpass.
_______6. Nagsusuot ng helmet kung nagmamaneho ng motorsiklo.
_______7. Hindi nakainom ng alak habang namamasada o nagmamaneho.
_______8. Pinauupo ang mga batang maliliit sa harapang upuan ng sasakyan.
_______9. Nagbebenta ng ipinagbabawal na gamot sa mga kaibigan o kakilala.
_______10. Pagmamaneho sa daan ng mga drayber na may lisensya lamang.

Gawain 2
Buuin ang diwa ng bawat pahayag. Pumili ng mga tampok na salita sa loob ng
kahon.

pangkalusugan tumutupad makikinabang

pagpapairal magsilbing aral

1. Marapat pagtuunan ng pansin ng pamahalaan ang ______________ ng mga batas.

2. Ang lahat ng batas ay nagpapataw ng parusa upang ito ay ______________ sa
lahat.
3. Higit na uunlad at may kaayusan sa ating bansa kung lahat tayo ay
_____________ sa batas.
4. Ang batas ______________ ay naglalayon na mapangalagaan tayo laban sa sakit.
5. Mamamayan ang _______________ sa kabutihang dulot ng mga batas at
patakaran.

Isaisip

Ano-ano ang iyong mga natutunan sa ating aralin? Ipakita sa pamamagitan ng

pagkumpleto sa talahanayan sa ibaba. Gawin ito sa iyong sagutang papel.

Dapat kong gawin o tuparin tungkol sa Kabutihang dulot ng pagtupad sa

mga batas na para sa: batas:
a. Kaligtasan sa Daan:
1.

b. Pangkalusugan
1.

7
 c. Laban sa Ipinagbabawal na Gamot
1.

Isagawa

Gawain 1
Ipaliwanag ang pangunahing mensahe ng kasabihang ito. Gawin ito sa iyong
sagutang papel.

“Walang sinuman ang pinakahigit na nakatataas sa batas”

Isapuso at gamiting gabay ito sa iyong pang araw-araw na pamumuhay upang

lalong maipakita mo ang pagtupad at paggalang sa mga batas pambansa at
pandaigdigan.

Tayahin

Isulat ang tsek (√) kung nakatutupad sa batas at ekis (X) naman kung hindi.
Isulat ang iyong sagot sa sagutang papel.
1. Nagkaroon ng ordinansa o kautusang pambarangay na tuwing Sabado ay may
malawakang paglilinis ang buong barangay sa bawat lugar. Maraming residente
ang nakilahok kung kayat nahirang na pinakamalinis na barangay ang Barangay
Masinop.
2. May isang di-kilalang lalaki ang nag-aalok sa iyo ng malaking pera kapalit ng
paghahatid mo ng bagay na nakabalot pa, sa isang lalaki sa kabilang daan. Dali-
dali mo itong hinatid.
3. Hindi ipinarada ng iyong tatay ang motorsiklong sinasakyan ninyo sa lugar na
may nakasulat na “NO Parking”.
4. Nagtetext habang nagmamaneho ang tsuper ng jeepney na sinasakyan mo.
5. Patuloy na ginagamit ng inyong kapitbahay ang kaniyang kotse na lubos ang
paglalabas ng usok.

8
 Karagdagang Gawain

Pagnilayin ang bawat kaganapan ng pagtupad mo sa batas. Itsek (√) kung gaano
mo kadalas naisasakatuparan ang bawat isa ayon sa iyong karanasan.

Gawaing Lagi Madalas Paminsan- Hindi

minsan

1. Pagtawid sa tamang pook-tawiran.

2. Pagsakay sa pinakaligtas na lugar ng
upuan sa sasakyan.
3. Paghuhugas ng mga kamay.
4. Pag-iwas sa pagbili o pagbenta ng sigarilyo.
5. Pagtatapon ng basura sa tamang tapunan.
6. Pagsusuot ng helmet kung nakaangkas.
7. Bumababa sa tamang babaan.
8. Sumasakay sa tamang sakayan.
9. Pagsusuot ng seatbelt kung nasa harapan
ng sasakyan
10. Iniingatan ang mga karatula o babala.

9
 10
Subukin
1. HT Balikan Suriin
2. HT
3. T 1. C 1. to 6.
4. T 2. B
3. A Depende sa sagot ng
5. HT
4. E mga bata
6. T
7. T 5. D
8. HT
9. HT
10.T
Pagyamanin Pagyamanin Isagawa
Gawain 2 Gawain 1
Depende sa sagot ng
Gawain 1 1. pagpapairal
mga bata
2. magsilbing aral
1. Mali 3. tumutupad Tayahin
2. Mali 4. pangkalusugan 1. √
3. Tama 5. makikinabang 2. X
4. Mali
Isaisip 3. √
5. Tama
Depende sa sagot ng 4. X
6. Tama 5. X
7. Tama mga bata
8. Mali
9. Mali Karagdagang Gawain
10.Tama
Depende sa sagot ng
mga bata
Susi sa Pagwawasto
Sanggunian

Kurikulum guide – Edukasyon sa Pagpapakatao 6

Ylarde, Zenaida at Gloria A. Peralta, 2016. Ugaling Pilipino sa Makabagong Panahon,

Edukasyon sa Pagpapakatao 6 - Batayang Aklat

Bayugo, Jasmin. “Pagtupad sa mga Batas para sa Kaligtasan sa Daan” 2019.

https://lrmds.deped.gov.ph/detail/14317

Bernardo, Alice. “Ang mga Batas sa Pilipinas” 2014.

https://www.slideshare.net/aralpan6/ang-mga-batas-sa-pilipinas

Honradez, Editha. “31 ang mga batas sa bansa” 2015.

https://www.slideshare.net/edithahonradez/31-ang-mga-batas-sa-bansa

11
Para sa mga katanungan o puna, sumulat o tumawag sa:

Department of Education – Region III,

Schools Division of Bataan - Curriculum Implementation Division
Learning Resources Management and Development Section (LRMDS)

Provincial Capitol Compound, Balanga City, Bataan

Telefax: (047) 237-2102

Email Address: bataan@deped.gov.ph