Professional Documents
Culture Documents
Nakabubuti ba ang mithiing ito ng binata? Sa iyong palagay, mga anong edad
kaya siya nang lumayo siya sa kanyang tahanan at gawin ang kanyang
minimithi? Bakit ang edad na ito ang naisip mo?
Pawang mabuti ang kanyang gusto na magsilbi para sa bayan, ngunit ang
kanyang hangarin, ang maging bantog at makamit ang kaluwalhatian ay hindi
pangmatagalan na mga dahilan upang lumaban. Kung gusto man niyang
maging sundalo, dapat gawin niya ito para sa mga tao, dahil dapat ang
pagtatanggol ay walang hinihiling na kapalit. Hindi ka magsusundalo para
maging isang bayani, ikaw ay isang bayani kapag isa kang sundalong kayang
ibigay ang lahat para sa bayan.
Sa aking palagay mga edad 18 pataas siya nang sumabak sa pagiging
sundalo. Ito ang naisip ko dahil ito naman talaga ang legal na edad na pwede
kang makapagtrabaho at sa pagpapahiwatig nang manunulat, binata pa
naman siya nang siya ay sumali. Kaya dahil rin sa lakas ng kanyang
kagustuhan, alam kong agad-agad na niyang ginawa ang kanyang mithiin at
linisan ang kanyang tahanan para makamit ang kanyang pangarap ng mas
maaga.
Bakit kaya muli niyang kinasabikan ang kanyang tanging bahay? Alin kaya sa
mga karanasan niya sa buhay ang nagdulot ng pagkasabik niyang muling
bumalik sa kanyang kinalumatan?
Kinasabikan niya ang kanyang tanging bahay dahil napagtanto niya na hindi
na siya makakabalik sa payapang buhay na iyon dahil sa kanyang
pagkasundalo. Dahil sa digmaan—ang ingay, dugo at pagod ng
pakikipaglaban—naramdaman niya ang matinding pagkakaiba nito sa
kanyang buhay noon. Dahil dito, gusto na niyang umuwi, ngunit hindi na niya
kaya pang talikuran ang responsibilidad nang kanyang pinasok. Ang tanging
kaya niyang magagawa na lamang ay ang maging sabik sa alaala ng
kahapong payapa pa ang kanyang buhay.
May pinagsishan ba ang binata sa kanyang buhay? Kung mayroon man, ano
ito? Ipaliwanag.
Sa palagay ko, hindi naman nagsisi ang binata ngunit nanghihinayang lang na
hindi niya minahal at napahalagahan ang buhay matiwasay niya noong una.
Ang palaging iniisip lang niya sa panahong iyon ay kung paano siya
makakalayo sa kanyang tahanan at sa kanyang pangarap na maging sundalo,
hindi man lang niya naisip na kahit gaano man kalaki ang iyong karangyaan at
kaluwalhatian, balang araw babalik ka rin sa iyong tahanan. Hindi man ikaw
ang bayani sa tahanan na iyon, hindi man ikaw ang pinakabantog; ngunit dahil
sa tahanang ito, nakamit mo ang lahat ng bagay na mayroon ka ngayon.
Tahanang aba at hamak, ngunit naghahawak sa lahat ng dahilan sa iyong
karangyaan.
Alam rin niyang hindi na siya makakabalik pa ng permanente sa tahanang ito
dahil sa kanyang mga responsibilidad bilang isang sundalo, kaya parang
natatakpan ng pagsisisi ang kanyang emosyong panghihinayang.
Digmaan
Hulyo 4, 1804
KASINGKAHULUGAN
Payapa kong katre
Payapang buhay
Pumula sa dugo
Maraming namatay
Rurok sa mithiin
Sa palpak ng tuwa
Malayong bituin