Professional Documents
Culture Documents
Batas 1:
Mandatoring paggamit ng Baybayin sa mga teksto sa mga karatula ng kalye, mga
gusali tulad ng paliparan, mall, paaralan, poste, at sa bawat logo ng mga negosyo,
pampubliko man o pribado na may kaakibat na kahulugan sa Wikang Filipino.
Ambag sa wika:
Higit na lalaya at lulusog ang ating pananaw sa ating sarili kapag ibinukas natin ang
ating sarili sa iba’t ibang perspektiba ng oryentasyong pangkultura at kapag higit nating
pinagbuhusan ng tiyaga ang pagtitig sa natitira’t pira-pirasong gunita ng ating katutubo’t
sinaunang sarili. Ang Baybayin ang isang dakilang halimbawa sa nakapagsasariling
katangian ng wika at kulturang Filipino. Bilang pantulong sa wikang Filipino, ay lalong
yayaman ang ating kultura at wikang ating ginagamit.
Batas 2:
Pagtuturo ng baybayin (pagsulat at pagbasa) sa lahat ng antas bilang asignatura at
bilang larangan.
Ambag sa wika:
Sa pamamagitan ng pagyakap at pagtanggap ng buo sa baybayin ay lalong yayabong,
uunlad at yayaman (tradisyunal man o modernong baybayin). Maaaring magamit ng
bawat Pilipino sa kanyang araw-araw na pamumuhay. Sinasabing ang baybayin ay
magiging estetikang pagbabago na kailangan ituro bago pa man maging pambansang
sistema ng pagsusulat. Kailangan nating turuan ang bawat Pilipino patungkol sa wika at
pagsulat. Hindi pa huli ang lahat para magkaroon tayo ng sariling sistema ng
pagsusulat. Masasabi ko ring hindi lahat ng Pilipino ay gamay sa paggamit nito.