Professional Documents
Culture Documents
Inang Wika
Inang Wika
ni Amado Hernandez
Ang aking magiging kabiyak ng buhay ay isang binatang puti, binatang sibol sa
kanluran: maganda’t makisig, marunong, mayaman tila pulot-gata sa bibig ng isang
mundong kaibigan.
Sa tanging sasakyan, nang kami’y lumulan, may natanaw ako sa tapat ng bahay na
isang matandang babaing luhaan, waring tinatawag ang aking pangalan tila
humihingi ng kaunting pagdamay; subalit sa gitna ng kaligayahan, siya ay hindi ko
binati man lamang, siya ay hindi ko pinansin man lamang, habang ang sasakyan ay
nagtutumulin hanggang sa simbahan.
Noon ko natanong ang ina kong mahal, ang Inang wika kong sa aki’y nagbigay ng
lahat ng dangal, ang wikang tagalong na naiwang limot nang ako’y matanghal, at
itinakwil ko sa pagtatagumpay, ay isang babaing nabuhay sa dusa’t sa lungkot
namatay, nang ako’y pakasal sa Wikang Dayuhan.