Editor
JC Lalthanfala
HLIMKHawpuI
Estd 2005
N. Hlimen Branch Y.M.A. Kartin Chanchinbu Kum 16-na, Issue No. 30 Dt. 15.08.2021
 Hunawl hman \hat  Zofate hmasawnna ngaihtuah
YMA HUANG
Branch thla thar Committee nei:
Ni 13 August, 2021 zirtawpni zan khan YMA
Office-ah thla thar Branch Executive Committee neih a ni
a, member 20 an kal.
Branch Hnatlang:
YMA in Primary School-I muala thing kan zai tir
chu ni 16.8.2021, thawh\anni zingkarah puchhuaka hnatlang
neih tur a ni a, YMA Member-te thawhchhuah i tum vek
ang u.
Builum luia Dynamo hmanga Sangha man:
Builum lui humhalhah Pu Satneuva leh Builum khua
mi pathum ten Dynamo hmangin Sangha an man a, YMA
chuan Pu Satneuva hi Rs. 1000/- a chawi tir a. Khaw dang
mi kan ram chhunga sangha rawn man te chungchang hi
VC te kutah dah a ni.
Branch Committee chuan BA pass thar te
lawmpuina neih nise tiin a rel a. Chawimawina thilpek lo
ngaihtuah turin Pu JC Lalthanfala, Vice President leh Pu
SR Ramngaihzuala, Secretary te kutah a dah a ni.
B.A. PASS THAR
Tunhnai Mizoram University Result chhuakah khaan heng
mite hian B.A. \ha takin an pass a, Hlimkhawpui Editorial
Board leh Branch YMA te chuan kan lawmpui tak meuh
meuh a ni.
R.Lalrinkimi d/o Vanhlupuii
B.A (Educationa) First Division
Lalrinmuana s/o Lalfelkima
B.A (Pol. Science)
COVID VACCINE LAK THEIH
Ni 17 August 2021, thawhlehni dar 10 - 2 pm
chhung hian Bukpui PHC-ah Covid-19 Vaccine, kum 18-
44 first dose la lo leh kum 45 chung lam Second dose la lo
tan a lak theih ang.
Vaccine la tur kumj 18-44 inkar ten mahni Self
Registration leh booking an tilawk tur a ni a. Reference ID
number tawp digit 43 an hre ngei ngei tur ani. Vaccine la
tur reng rengin hengte hi a vaiin emaw pakhat tal lo ken tur
a ni. Aadhar Card, Voter ID, Ration Card.
Bukpui a Covid-19 Vaccine la duh chuan mahni
kalna tur motor inngaihtuah chawp mai tur a ni.
Hlimkhawpui semtute : Anita Vanlallenpuii, Lalhruaitluanga, MaryVanlaldinpuii, Rebek Remsangpuii,
Elizabeth Lalnunpuii, Niangzokimi, Paulalvena, Lalruatfeli
Kumpuan : Zirna Uar Joint Editor
Laltlanmawia
News Editors
SR Ramngaihzuala
Lianhminghlua
K.Lalrinfela
Cir. Manager
Chhundinga
 Kristian nun dan \ha ngaihsan
THIHPUI TLÂK
Kan dam chhûng tawiteah hian beiseina in
leihlâwn kan dawh a, hmabák hlenchhuah tumin thlen
tumna kan insiam a, hmabák neia insiam hi a hlimawm
a, chu chu hringnun tihlutu leh tinuamtu pawh a ni. He
khawvela vawikhat kan lo pian ve manah hian eng emaw
tal hlawhchhuah leh nih tumin kan duhthusam ram kan
um thin a.
Naupang kan nih lai chuan lehkha nasa takin
kan zir a, kan zir puitlin huna nih tum leh duhthusam
neiin phûr takin kan zir sauh sauh a, kan tum ram chu
rinna mitin kan thlir a, mitthlain kan hmu a, chu chuan
keimahniah phûrna leh thathona min pe a, nun hi a hluin
a nuam thin a ni.
Kan lo lian leh deuh va, eizawnna hna engemaw
tal vawn neih loh chuan mihring kan tling lovin kan hre
leh a, zah thlákah ngaiin engmah thawk lova awm ringawt
mai chu dik lovin kan hre leh a, eizawnna kawngah kan
tlân leh a. Chhungkua kan han din a, nupui/pasal fanau
nena kan han inkhung khawm meuh chuan in leh lo din
rilruah a lo awm leh a. In leh lo din tumin tan kan han la
leh a, kum a lo tam a, kum upa kan lo ni a, mihring nun
hi a awmzia kan hre tam telh telh a, kan hriat tam hnuah
meuh chuan kan thih ni kan lo hnaih tial tial a lo ni tih
kan hre chhuak leh a.
He khawvela kan châm chhûng reiloteah hian
duhthusam ram um reng rengin kan hmanhlel a, kan hun
leh tha zawng zawng kan hmang zo a ni ber mai. Mi tam
berin kan buaipui sum leh pai te hi kan va um nasa em
aw...pawisa hian engkim mai hi chingfel theiin kan ngai
a ni ta ber mai a. Tangka sum kan hmuh theihna a nih
dawn phawt chuan khawilam atanga lokal nge tih lam hi
kan ngaihtuah hman tawh lo a ni ber mai.
He kan damchhûng reilotea kan buaipui ber leh
kan hun tam ber kan hmanna hi THIHPUI TLÂK
khawpa buaipui tlák a ni em, thihpui tham a ni em tih
laia hi a pawimawh ber chu a ni. A tak takah chuan
thihna nena kan inhmachhawna thlanmual lam pana he
hringnun hi a inher hnaih hret hret meuh chuan Lal Isua
leh a Chanchin |ha chauh hi thihpui tlák khawpa buaipui
tlák chu a ni. Kan thih hnuah chuan eng anga tam nge
kan hnutchhiah a pawimawh ber lo thei a, kan rosum
hnutchhiah hian kan tân hlutna an nei tawh dawn lova,
thih hnu piah lama chhawm theih pakhatmah a awm tawh
lo.
He kan damchhûng reiloteah hian kan
mihringpuite tân thil tha a tam thei ang ber hnutchhiah
ila, Pathian duhzawngin kan nun hi hmang bawk ila, a
tâwpah kan inchhir lo nge nge in a rinawm.
 N. Hlimen Branch Y.M.A. Kartin Chanchinbu Kum 16-na
Editorial...  HRE VEL VEK
Mi â pawh a ngawih reng chuan mi finga ngaih a
ni \hin tih a nih lain \henkhat chuan kan \awng kan umpha
lo \hin viau thung lawi a. Ze inang lo, ngaihtuahna thuhmun
lo cheng ho kan ni miau a, a mak hran lo ve. Mi dangte
nena kan khawsaknaah te, khawtlang anga kan chet
chhuah nikhua te hian mi thiam leh remhriate an awm chuan
thil tih a samkhai phah em em \hin. Thawh tur an sawi lo
ngaichang ve tawp chi an awm hian roreltute tan a
thlamuanthlak em em thung ang a.
Hre ve zul, hre ziktluak tak tak si lo, midang aia
hria emaw inti tlat, ngawi duh miah si lo chi kan lo awm
ve chiah hian thil a khawbaw ta \hin a ni. Chhungkua
emaw, khawtlangah mi remhria leh themthiamte hi an hlu
a, intiremhria leh intithiam erawh hnunglama mi nuihzatbur
mai an ni.
Hre reng chunga ngawih tlat chu a \angkai lo va,
hre si lo, sawi ve phet tum phei chu buaina thlentu mai a
ni thung. Mi fing chu a hun leh hmun azirin a insiamrem
zung zung \hin a, ngawih hun leh \awng hun, chet chhuah
hun thlengin a thliar thiam \hin. Hre vek nih a tum ngai lo
va, hriat loh neih a zak lo mai ni lovin a hriat loh thilte hriat
tumin a hre zawkte a\angin a inzir belh reng zawk \hin.
COVID APPROPRIATE BEHAVIOUR (CAB)
COVID-19 laka him tlanna tura kan zawm tur
nunphung te:
1. Intawk kher lovin inchibai thin tur a ni.
2. Khawiah pawh inhnaihchilh lova feet 6 tal inkarhlata
awm zel tur a ni.
3. Hmaituamna hmanga hmui-hmai tuam reng tur a ni.
4. Mit, Hnâr leh Kâ te khawih loh tur a ni.
5. Respiratory Hygiene vawng la - Khuh leh hahchhiauvin
hmai hup/tuam rawh.
6. A khât tawkin sahbawn nen fai taka kut sil fo tur a ni.
7. Khawih fo thin hmunhmate tihthianghlim fo \hin tur a
ni.
8. Chil chhak/pik mai mai loh tur a ni.
9. Tul tak lovah zin/veivah pumpelh rawh.
10. Mi tute mah thlei hrang lo la, Covid-19 veite thinhrik
loh tur a ni.
11. Mipui punkhawmna pumpelh la, hri lakah him rawh.
12. Social media-a thu veivak nazawng, a dik tih fiah
lovin thehdarh ve ngawt suh.
13. Covid-19 lam hawi thu Sawrkara mawhphurtute hnen
a\anga chhuak a ni em tih ngaichang hmasa \hin rawh.
14. Hriat duh leh mamawh reng reng chu National Help-
Line 1075-ah emaw State Helpline 1070-ah emaw
Health Department Helpline 102-ah zawtfiah \hin ang
che.
15. Hripui leng vanga rilru thlabar/phili/chiai te tan rilru
lama mithiam rawn thin ang che.
Published by : Young Mizo Association, N. Hlimen Branch, 196 Copies,
Issue No. 30 Dt. 15.08.2021
LawRKHawM
Lirthei neituten kawng sam fai:
Ni 14th Aug, 2021 inrinni khan N.Hlimen khuaa
lirthei neitute chuan kawngpui dung hnim lutuk tihziaawm
nan kawng an samfai a. Chhim lam leh Hmar lamah
in\henin ramri chin ve ve a\angin samfai a ni. He hnatlangah
hian mi 58 an thawkchhuak.
Vawk 21628 an thi tawh:
Vawk Pul hri African Swine Fever vangin nimin
thleng khan Mizoram district 11-a khua leh veng 224 te
chu ASF Infected Area a puan a ni tawh a. Mizoram
hmun hrang hrangah ASF vangin vawk 21628 an thi tawh
a ni. Vawk suat tawh zawng zawng zat chu 8290 an tling
tawh a ni.
2017-19 chhungin exam-a fail zirlai 4,000
chuang intihlum: Kum 2017 leh 2019 inkar
khan zirlai naupang, kum 14 leh 18 inkar, an pawl sawnna
tur examination-a an hlawhchham avangin 4,000 chuang
an intihlum niin sorkar chuan a sawi. Hetih chhung hian
zirlai naupang 24,000 vel an intihlum niin National Crime
Records Bureau (NCRB)-in naupang a intihlum a
chhinchhiahna, parliament rorel inkhawmah pharh a ni.
Naupang 24,568 an intihlum a, heng zinga 13,325 chu
hmeichhia kum 14 leh 18 inkar an ni. Sorkarin a
chhinchhiahnaa a lan dan chuan kum thum chhung hian
kum tin naupang intihlum hi an pung a. Kum 2018-ah
8,029 an ni a, 2018-ah 8,162-ah chhovin kum 2019 chuan
8,377 an tling tawh. Naupang intihlum zat a sang zawnga
a kalna hi a tamna ber, Madhya Pradesh bakah West
Bengal, Maharashtra leh Tamil Nadu te an ni. An exami-
nation-a an hlawhchham avanga naupang intihlum hi 4,046
chuang an awm a. Nupui pasal neih kaihhnawiha intihlum
639 awmin an zinga 411 hi hmeichhia an ni. Inngaihzawnna
leh hmangaihna lam thila intihlum naupang 3,315 an awm
a, damlohna avangin naupang 2,567 an intihlum bawk.
Sorkarin a chhinchhiahnaah hian naupang intihlum 81%
hi kutthlak tuar \hin an ni. Kumtlinglote intihhlum chhan
langsar dang chu ngaihzawng lak lungrun, zu leh ruihhlova
buai, nau pai palh, vantlanga hmuhsit tawh, hna neih loh,
retheihna, ngaihdan eng emaw riau neih leh sakhaw thila
intihhlum te a ni.
Virus hri hlauhawm chi khat hmuchhuak:
Africa khawthlang lam ram pakhat Guinea-ah
virus hri hlauhawm chi khat hmuh chhuah thar leh a ni. He
hri hlauhawm Marburg (Mar-bâk tia lam tur) hi Ebola te,
Covid-19 te anga khawvel huapa darh hluai
hlauhthawnawm a ni a. W.H.O hruaitute chuan a
inkaichhawnna kawng chhut chah vat a tul a ni, an ti.
Marburg virus vanga natna hi a inkaichhawn dan ber chu
thei rah tlan thin bak emaw zawng (monkey), marburg
hri vei mekte atangin mihringin an kai thei a. Chu mi hnuah
mihring leh mihring, taksaa tui chhuakte atangin a inkai
chhawn leh theih a ni.
Contact No. 8787561967