1. Talakayin ang suliraning panlipunan na tinalakay sa video o teksto.
(isang talata na may sampung pangungusap)
Ang suliraning panlipunan na tinalakay sa video na aking napanood ay tungkol sa
edukasyon sa gitna ng panddemya. Ang susi at pundasyon ng ating kinabukasan ay edukasyon. Nabanggit sa video na ito ang nararanasan ng bawat isa sa ating mga estudyante ang hirap ng makabagong sistema ng edukasyon ngayong pandemya. Isa na rin dito ang nararanasang krisis na nagdudulot ng problema sa pag bayad ng matrikula sa eskwelahan. Natalakay rin dito ang pagkawala ng gana, paghihirap sa mga akademikong gawain at napipilitang pakikisabay ng bawat estudyante sa araw araw na nagaganap sa makabagong paraan ng pag-aaral. Kabilang sa mga suliraning nabanggit ay ang kakulanagan sa kagamitang kakailanganin sa online learning na nararanasan ng mga kabataan. Isa na rin sa problemang nararanasan ng mga kabataan na nabanggit sa video ay ang kawalan ng access sa internet na siyang pinakamahalaga ngayong online learning. Ang pagkakaroon ng ganitong klase ng sistema ay nag dulot ng napakaraming pagbabago sa ating buhay sapagkat tayo ay nasanay sa tradisyunal na sistema ng edukasyon kung saan nakakapagaral tayo sa loob ng isang silid-aralan. Sa mga guro naman, sila rin ay nakakaranas ng hirap sa gitna ng pandemyang ito sapagkat kailanagan nilang palaguin pa lalo ang kanilang kaalaman at magdagdag ng panibagong paraan ng pagtuturo dahil sa online learning na nararanasan. Napakaraming suliranin ang ating nararanasan sa gitna ng pandemyang ito ngunit kailangan nating tatagan ang ating sarili dahil sa huli, ito ay magdudulot ng magandang resulta sa atin.
2. Maglahad ng limang (5) pamamaraan kung papaano ito mabibigyan ng solusyon
batay sa sarili mong suhestyon. Ipaliwanag ang bawat pamamaraan (isang talata na may anim na pangungusap sa bawat pamamaraan.)
Ang aking unang suhestyon na pamamaraan kung papaano mabibigyan ng
solusyon itong mga suliraning nararanasan sa edukasyon ng isang estudyante sa gitna ng pandemya ay ang pakikiugnay ng mga magulang sa kani-kanilang mga anak na estudyante. Magulang ang pinaka importanteng katuwang sa edukasyon ng kanilang mga anak. Makiisa sa mga guro upang malaman ang mga gawain sa paaralan. Ito na rin ay para makapagsalamuha sa iyong anak kung ano ba ang kailangan niya. Aking naisip na pamamaraan ito dahil karamihan sa mga kabataan ngayon ay nahihirapan sa pag-aaral at natatakot mag sabi sa mga magulang. Itong suhestyon ko na ito ay napakalaking tulong sa mga estudyanteng nahihirapan ngayon sa bagong sistema ng edukasyon ngayong pandemya. Ang pangalawa kong suhestyon ay ang pakikipagugnayan ng mga guro sa kani- kanilang mga estudyante. Sa bagong sistema ng edukasyon ngayong pandemya, maraming mga estudyante ang nahihirapan mag hanap ng signal para maka access sa internet. Ang internet ay napaka importante sa buhay ng isang mag- aaral sapagkat ito ang nagiging daan upang magkaroon ng komunikasyon ang guro at mag-aaral. May mga ilang mag-aaral din na nahihirapang magkaroon ng access sa internet dahil sa kakulangan ng budget o dahil may mga lugar na hindi naaabot ng malakas na signal para sa internet. Aking naisip na suhestyon ito dahil may mga gurong hindi mapagbigay sa mga estudyanteng nagkakaroon ng problema sa pag pasok sa eskwela dahil sa ganitong klaseng suliranin. Dapat ay makipagugnayan ang mga guro sa kani-kanilang mga estudyante sa paraan ng pakikipagusap sa kanila kung ano ba ang problema upang kahit papaano ay matulungan nila ito at mabigyang konsiderasyon. Ang isa ko ring naisip na pamamaraan ay ang pagkakaroon ng seminar para sa mga guro. Ngayong pandemya, hindi lamang ang mga estudyante ang nagkaroon ng problema sa edukasyon. Ang mga guro sa paaralan ay may problema ring nararanasan gaya ng paninibago sa bagong sistema ng edukasyon. Hindi lahat ng guro ay marunong gumamit ng internet. Isang suliranin din na nararanasan ng mga guro ay ang pagiisip ng panibaging paraan kung paano nga ba sila magtuturo sa online learning mode na ating nararanasan ngayon. Ang seminar na aking suhestyon ay para mabigyan din ng tulong ang ating mga guro dahil maski sila ay nahihirapan. Sa paraan ng pagkakaroon ng seminar na ito, maraming matututunan ang mga guro na bagong kaalaman na makatutulong sa kanila ngayong may bagong sistema na ng edukasyon. Isang suhestyon din na aking naisip ay ang pagpapatupad ng isang linggong academic break. Sa academic break na ito, mababawasan ang pangkalusugang krisi na nararansan ng mga estudyante at mga guro. Ang isang linggong academic break na aking suhestyon ay magbibigay ng pahinga na matagal ng inaasam ng mga estudyante at mga guro. Ang academic break na ito ay isang pagmamalasakit lamang sa kalusugan ng mga nahihirapan sa bagong sistema ng edukasyon sngayong pandemya. Ang academic break na ito ay magbibigay ng kaginhawaan para sa mga estudyante at mga guro na nakakaranas ng stress sa araw-araw na nararanasang hirap sa pag-aaral. Ang pamamaraan na ito ay magsusulong ng pahinga ng mga estudyante at guro sa pressure na nararanasan ngayong bagong sistema ng edukasyon. Ang aking huling suhestyon na pamamaraan kung papaano mabibigyan ng solusyon itong mga suliraning nararanasan sa edukasyon ng isang estudyante sa gitna ng pandemya ay ang pag bahagi ng mga materyales na tinalakay ng guro sa klase. Sa pamamaraan na ito, ang mga estudyanteng hindi nakakasabay sa synchronous na klase dahil sa mahinang signal ay pupwede pa ring mag-aral ng sarili sa kani-kanilang bahay dahil sa maibabahagi na mga materyales ng teacher. Maaari ding makipagugnayan sa guro pagkatapos ng synchronous na klase sa Facebook Messenger at magtanong sa guro kung ano ang hindi naintindihan sa naibahagi na materyal. Ito ay napakalaking tulong sa mga estudyante sapagkat napakahirap nga namang makisabay sa ganitong klase ng sistema ng edukasyon. Hindi lahat ay merong malakas na signal para sa internet na pinaka kailangan ngayong online class. Sa ganitong pamamaraan, mababawasan ang pressure at stress na nararanasan ng estudyante dahil sa pagiisip na nahuhuli na siya sa klase.