MGA URI NG EKOKRITISISMO

ANG EKO PANITIKAN SA EKOKRITISIMO

Tinatawag na eko-panitikan ang mga tekstong pampanitikan na tumatalakay ng kalikasan at
kapaligiran. Hindi man lantad ang diskusyon ng isang akda tungkol dito, subalit taglay naman sa mga ito
ang metapora o talinhaga para sa kalikasan at kapaligiran. Sa implikasyon ni Rigby (2002) mula sa
kanyang pagsusuri sa akda ni Wordsworth, ang eko-panitikan ay greening o pagbeberde ng marami at
iba-ibang mga lugar na ating tinitirhan. Pinaliwanag ang ideya ni Dobie (2012) nang sinabi niyang ang
ekokritismo ay eko-panitikang naglalahad ng kaugnayan ng akda at kalikasan bilang paraan ng
pagbabago sa kamalayan ng mga mambabasa sa mundo ang mga hindi tao (nonhuman world) at
kanyang responsibilidad dito. Hindi lamang itong malikhaing pagpapahayag bagkus ito ay malikhain at
taglay ang mapanuring katangian ng tungkulin ng tao at iba pang nilalang sa kalikasan at kapaligiran.

ANG EKO-ALAMAT
Salaysay ito tungkol sa pinagmulan at pinanggalingan ng isang bagay, lugar, at tao. Taglay ng
salaysay na ito ang paglalarawan tungkol sa pagbuo ng bagay, lugar, at tao kaya nagpapaliwanag ito sa
mga salik at sangkap tungkol sa pinagmulan. Ito ay ginagamit ng mga ninuno upang ipaliawanag at
talakayin ang mga likas mundo na nasa kanilang palibot.

ANG EKO-SANAYSAY
Ito ay malikhaing anyo ng paggamit ng wika na nagpapaliwanag o nagpapahayag ng sariling
kaisipan tungkol sa isang pangyayari, bagay, tao at iba pa. Binuo ang salitang ito ni Abadilla
(Lumbera,2000,p.4) mula sa sanay at salaysay na nangangahulugan namang pagsasalaysay ng isang
sanay (Arrogante, et al, 1991, p.153). ang sanaysay ay isang anyo ng panitikan na ipinapahayag sa
anyong pangungusap o tuluyan. Karaniwang paksa nito ang tungkol sa kaisipan sa mga nangyayari sa
lipunan gaya ng politika, ekonomika, mga palabas sa medya at iba pa.
Ang pagbabasa ng sanaysay ay hindi nakakulong lamang sa tatak ng personalidad ng manunulat.
Pangunahing isinasaalang-alang dito ang paghahanap sa kabuluhang nais ibahagi ng akda sa
mamababasa.

Dizon, Rosarion B., et al. 2018. Ekokritisismo at Pagpapahalaga sa Kalikasan.

Mutya. Publishing House, Inc: Malabon City.