Ang kahulugan ng talumpati para sa akin ay isang paraan ng
pagpapahayag ng manunulat ng kanyang saloobin, kaisipan, at damdamin na isinulat tungkol sa paksa. Karaniwang binibigkas ito sa harap ng mga tagapakinig o kaya sa entablado na may layong manghikayat, tumugon, mangatwiran, magbigay impormasyon at maglahad ng konsepto at paniniwala. Ito rin ay itinatanghal na may malalim na pag-iisip.
2. Ano-ano ang mahahalagang salik na dapat bigyang-diin sa pagsulat ng
isang talumpati?
Ang mahahalagang salik na dapat bigyang-diin sa pagsulat ng isang
talumpati ay ang paghahanda, pagpapanatili ng kawilihan ng tagapakinig, pagpapanatili ng kasukdulan, at ang pagbibigay ng konklusyon sa tagapakinig.
3. Bakit mahalagang isaalang-alang ang mga tagapakinig sa pagtatalumpati?
Mahalagang isaalang- alang ang mga tagapakinig sa pagtatalumpati
sapagkat sila ang ating hinihikayat at binibigyan ng impormasyon sa pamamagitan ng pagsasalita. Bilang isang mananalumpati ay kailangan nating makuha ang kanilang interes para hindi sila mabagot dahil kung hindi natin sila bibigyan ng pansin ay maaaring hindi nila maunawaan at mababalewala ang talumpati na magpapasa walang silbi ng pagtatanghal.
4. Anong uri ng talumpati ang binasang teksto?
Ito ay isang isinaulong talumpati. Ang ganitong uri ng talumpati ay
karaniwang binibigkas sa mga programa at patimpalak na kinakailangan na meryado o saulado ng tagapagsalita ang pyesa bago ihatid ito sa mga tagapakinig.
5. Paano masisiguro ng isang mananalumpati na napupukaw niya ang
damdamin ng kanyang mga tagapakinig?
Masisigurado ng isang mananalumpati na napupukaw niya ang
damdamin ng kanyang mga tagapakinig kapag nakapokus ang mga ito sa kanyang sinasabi at walang ginagawang iba kung hindi makinig at tumingin lamang. Mapapansin din na buo ang konsentrasyon ng atensyon ang kanilang binibigay sa tagapagsalita. Isabuhay Mo Na
Balikan mo ang kabuoang talumpati na iyong binasa. Pagkatapos, punan ng
mga hinihinging detalye ang balangkas sa ibaba. Ilagay ang iyong sagot sa short bond paper.
Pamagat ng Talumpati: _Bisa ng Kapangyarihan ng Edukasyon_
Mahalagang Paksa:
Walang makakahadlang sa pagkamit ng pangarap hangga’t
naghuhumiyaw ang tinig ng tagumpay sa mga taong nag-aalab ang determinasyon. Sabi nga nila, kapag may gusto may paraan. Pinapatunayan ng talumpati na nadadaan sa sikap at tiyaga ang mga mithiin sa buhay. Sa tulong ng edukasyon ay makakamit ang kaunlaran sa buhay kahit ano pa man ang estado sa buhay.
Naging damdamin Mo sa Paksa Habang Binabasa o Matapos Basahin ang
Talumpati:
Napagtanto ko kung gaano ako pinagpala ng Diyos. Na kung miinsan ay
nabubulag ako sa mga biyaya at nakakalimutan ko nang pahalagahan ang mga ito. Hindi pala lahat ng tao ay may pagkakataon at ipinagkaloob magkaroon; kahit mga pangunahing pangangailangan man lamang ay nahihirapan silang tugunan. Sa halip na magpasalamat at pagbutihin ang pag-aaral ay tila binabalewala ko ang silbi nito.
Mahalagang Aral na Natutuhan sa Talumpati:
Kailangan nating pahalagahan ang mga ipinagkaloob sa atin ng Poong
Maykapal sapagkat hindi lahat ng tao ay dumaranas ng maganda at maayos na buhay. Marami ang nahihirapan na tustusan kahit pa ang pang araw-araw nilang pangangailangan. Tanging edukasyon na lamang ang nagsisilbing pag-asa upang maka-ahon sa hirap ng buhay.
Natuklasan sa Sarili Kaugnay sa Aral ng Talumpati:
Natuklasan kong hindi ko gaanong binibyan ng importansya ang mga bagay na mayroon ako. Sa halip na pahalagahan ang mga ito ay minsan ay nakukulangan at nagrereklamo pa ako.
Mahalagang Konseptong Nabuo sa Iyong Sarili:
Patuloy na magsipag at magpursigi sa pag-aaral dahil may magandang
patutunguhan ito. Lahat ng pagod at tiyaga ay magiging sulit kapag nakamit na ang kaunlaran. At higit sa lahat ay kailangang pahalagahan ang mga biyayang hinandog sa ating ng Diyos.