REPUBLIKA NG PILIPINAS )

LUNGSOD NG BATANGAS) S.S.

SINUMPAANG SALAYSAY

AKO, si ZANDRO MARUDO y PANGANIBAN, may sapat na gulang,

binata, at kasalukuyang naninirahan sa Brgy. Cuta, Batangags City, ay malaya at
kusang loob na nagsasalaysay ng mga sumusunod:

1. Na, noong ikatlong araw ng Disyembre taong 2019 sa humigit

kumulang mga 8:30 ng gabi, ay bumibili ako ng buy 1 take 1 na burger
at softdrinks sa kiosk ng Jelly’s Burger sa D. Silang St, Batangas City;

2. Na, habang bumibili ako ng burger ay nandoon rin sa Jelly’s Burger ang
tatlong kabataang lalaki na naninigarilyo, isang nakapulang basketball
jersey, isang nakaputing t-shirt at isang naka dilaw na t-shirt;

3. Na, narinig ko ang lalaking puting t-shirt na nagsabing “mga pre,

parating yung dalawang mayabang o!”;

4. Na, nakita ko sa direksyong tinitingnan nila ang dalawang kabataang

lalaki na parehong naka basketball jersey ng Batangas State University
na naglalakad, na sa kalauanan ay nakilala ko bilang Martin Nabera at
Gary Balenciaga;

5. Na, nang nasa harap na ng kiosk ang dalawang lalaki ay agad sumigaw
ang lalaking nasa kiosk na nakapulang basketball jersey ng “Hoy mga
yabang! Pabida talaga kayo kagabi! Sumagot din ng pasigaw si Martin
Nabera ngunit di ko na iyo masyadong naunawaan sapagkat inaabot ko
na ang aking mga binili;

6. Na, bigla na lamang sinuntok ng lalaking nakapulang basketball jersey

si Martin Nabera na tumama ang ulo sa sementong lamesa bago
bumagsak sa lupa;

7. Na, nang tinangkang gumanti ni Gary Balenciaga ay agad siyang

inundayan ng saksak gamit ang isang maliit na balisong ng lalaking
nakaputing t-shirt at pinalo ng isang pirasong kahoy na napulot ng
lalaking naka dilaw na t-shirt;

8. Na, narinig kong sumigaw si Martin Nabera upang humingi ng tulong;

9. Na, nagtakbuhan palayo ang tatlong kabataan palayo sa Jelly’s Burger;

10. Na imbis na habulin ko ang mga suspek ay agad ko na lang

nilapitan si Martin Nabera sapagkat nabalot ng dugo ang kanyang
mukha at tinawag ko ang dalawang lalaking nagdedeliver sa kiosk;

11. Na, isinakay namin si Martin Nabera at si Gary Balenciaga upang

maisugod sa pinakamalapit na ospital;
 12. Na, noong dumating ang mga kaanak ni Martin Nabera at Gary
Balenciaga sa St. Patrick’s Hospital ay ikwinento ko ang detalye ng
mga pangyayaring aking nasaksihan;

13. Na, noong ika-sampu ng Disyembre taong 2019 ay pinakiusapan

ako ni Martin Nabera na magbigay ng salaysay at maging saksi
kaugnay ng kanyang reklamong isinampa sa Barangay Hall ng
Barangay Sta. Clara, Batangas, City;

14. Na, ako ay hindi pinilit, tinakot, o pinangakuan ng anumang

gantimpala, at ang salaysay na ito ay kusang loob kong isinasagawa
ayon sa mga kaganapang aking nasaksihan.

SA KATUNAYAN NG LAHAT NG ITO, ako ay lumagda sa ibaba nito

ngayong ika- 10 ng Disyiembre, 2019, dito sa Lungsod, ng Batangas.

ZANDRO P. MARUDO
Nagsalaysay

SUBSCRIBED AND SWORN to before me this 10th day of December

2019 by affiant Zandro Marudo y Panganiban who personally appeared before
me and signed this document in my presence and presented to me as competent
proof of his identity his Driver’s License with Card No. 000096679864 valid until
September 27, 2022. I hereby certify that I have ascertained the identity of the
affiant through competent identification document.

_____________________
DANIEL C. BERNARDO
Attorney’s Roll No. 919650
IBP Lifetime No. 24681000
MCLE Compliance No. 369852
March 17, 2018