TEMA: Filipino at mga Katutubong wika sa Dekolonisasyon ng
Pag-iisip ng mga Pilipino
1. Anong mga bagay o kaalaman ang iyong natutuhan sa nasabing
webinar?
Ang webinar sa pagbibigay pugay sa buwan ng Wikang
Pambansa ay ginanap noong ika-17 ng Setyembre taong 2021 na may temang “Filipino at mga Katutubong wika sa Dekolonisasyon ng Pag-iisip ng mga Pilipino.” Ang webinar na ito ay patungkol sa pagdiriwang ng buwan ng Wikang Pambansa na nagpahayag ng maraming impormasyon at mga katutubong aral sa mga manonood. Gayunpaman, sa kabila ng pandemya ay naisakatuparan ang pagbabantayog ng ating Wikang Pambansa na lubos na nagpapaalala sa kahalagahan ng wika at kultura.
Ang webinar nagpapakita ng kahalagahan sa ating mga
katutubo at mga tradisyon. Ang wika ay isang instrumento sa pagbabago at dapat na kinikilala at tinatangkilik bilang mga Pilipino Ang wika ay may kaakibat na kahulugan simula pa noong nagdaang panahon at kung paano nabago magpasahanggang ngayon. Ang pagpapahalaga ay hindi lamang sa panlabas na kaanyuan kung kaya’t kailangan tanggapin at mahalin ang wika sa bawat puso ng mga Pilipino. Ang wika ang nagbibigay pagkilala sa mga Pilipino at nagpapanatili sa ating pagka- Pilipino.
2. Anong bahagi nang programa ang iyong naibigan na nag papa
alala sa iyo bilang Pilipino?
Ang naganap na webinar ay nagpakita ng ibang pamamaraan
sa pagpapaalala sa atin bilang mga Pilipino. Sa bawat presentasyon ay may kaakibat na mensahe kung saan mapupulutan ng aral at repleksiyon. Ang mga bahagi ng pograma na lubos kong nabatid ay ang mga sumusunod:
A. Ang Pagbibigay pugay sa ating Pambansang Awit sa
pamamagitan ng pagpapakita ng ating watawat sa isang bidyo. Sa simula pa lang ng bidyo ay makikita ang kahinahunan at kagandahan ng kanta na sumisimbolo sa ating mga Pilipino at ating pinagmulan. B. Ang pambungad na pananalita ni G. Mark Steve Mansano na isang estudyane na nag-iiwan ng mensahe na ituring ang wika bilang isang anak para magamit sa mga susunod na henerasyon. C. Ang pagpapakita ng bidyo galing sa youtube na patungkol sa kagandahan ng kultura kung saan ito ay isang bukal na kagalingang pandaigdig. D. Sa bawat presentasyon ng sining at katutubong sayaw ay nakitaan na ng pagka-Pilipino. Makikita sa bawat presentasyon ang pag-aalay ng sarili at puso sa kanilang ginawa na nagpapahayag ng pagmamahal sa wika at bansa. Buong tapang na hinarap ng mge estudyante ang hamon, datapwa’t napahayag nila ang pag alala sa wika sa pamamagitan ng kanilang ginawa na lubos kong ikinagalak. E. Ang panghuling mensahe ni Gng. Josephine Manuel na sinasabi na ang wika ay hindi mamatay at mawawala, maaring tahimik ito ngunit habang tumatagal ay lalong sumasarap at ito ay magsisilbing kayamanan ng ating bansa.
3. Anong kahalagahan para sa iyo ang ginawang programa?
Sa bawat programa ay may kaakibat na mensahe at
kahalagahan kung saan mag-iiwan ng alala sa bawat manonood. Ako ay napabilang sa paghahanda ng programang ito, kung kaya’t ito ay binigyan ng oras at lakas upang mabuo at maging matagumpay. Marami akong mga nabatid na kahalagahan sa programang ito, kabilang na ang mga sumusunod.
Kooperasyon at paniniwala sa isa’t isa. Bilang kabilang sa
paghahanda sa programang ito ay nakitaan ko ng kahalagahan ang kooperasyon at paniniwala sa isa’t isa upang maging matagumpay ang programa. Ang lahat ay nagtulong-tulong at nag bigay ng parte upang mas mapaganda ito. Ang kooperasyon ay isa sa mga napakahalaga sa pagbuo ng programang ito. Sa pamamagitan ng diskusyon sa huling bahagi ng programa ay aking nabatid na ang wika ay isang instrumento ng pag- uugnay ugnay ng bawat kultura at tradisyon ng ibat ibang rehiyon sa ating bansa. Sa pagtunghay ng programang ito ay aking napatunayan na hindi tyao maaring makalimot sa ating pinagsimulan. Sa ating kasaysayan na hinubog ng kolonisasyon ng ibat ibang banyaga.
4.Isulat ang mga pangalan ,antasvat kurso ng kamag-aralo
kaibigan na iyong inmibtia at nakapanood ng ating programa.hingan ng puna at komento. Ako ay nataasan bilang isang host kasama ang isa ko pangkaklase at ako ay nasiyahan sa aking mga nabasang komento mula sa mga estudyante ng Santa Isabel gamit ang makabagong teknolohiya kagaya ng facebook at messenger. Karamihan sa kanila ay nagpahayag ng mga pagbati at pasasalamat gamit ang messenger. Nakita ko na lubos nilang ikinagalak ang programa sa kabila ng pandemya at natunghayan nila ang mga presentasyon na nagbigay-aliw sa kanilang mga puso. Mga kaalaman na madadala nila sa mga susunod na panahon at mga ala-ala ng pagpupugay sa ating mga katutubo at pagka- Pilipino.
Kaming limang estudyante kasama ang aming butihing guro
ay nagsumikap upang mabuo ang programa na mag-iiwan ng mensahe sa mga manonood. Ang bawat isa sa amin ay may kanya- kanyang parte na gagawin upang mas mapaganda ito. Naniniwala ako na ang lahat ng bagay ay magagawa kapag pinagtutulungan.
5.Ano ang mabibigay mong puna sa kabuuan ng ating programa.
Ang isang programa ay matatagumpayan sa tulong ng mga
taong bumuo rito. Ang programa ay nagbigay kahalagahan hindi lamang sa mga taong naghanda rito pati na rin sa mga manonood. Datapwa’t ito ay nakitaan ng kaayusan ng mga nakapanood dito.
Ang imbitasyon ay makulay at maaliwalas kung kaya ay
madali itong mabasa. At ang background music ay may mabilis ang tempo upang mas maramdaman ito. Ang mga host ay nakasout ng pormal na damit na naayon sa pagdiriwang. Malinaw ang pagkakasabi ngunit medyo mahiyain sa kadahilanang unang karanasan pa nila ito sa paaralan ng Santa Isabel. Maayos ang pagpapakita ng presentasyon ngunit may mga bahagi na hindi napakilala ang speaker sa kadahilanang may mga binago dito. Subalit maayos naman ang programa. Maayos ang pagpapakita sa presentasyon ng mga sining ngunit ang pagbibigay kaalaman ay nasa bandang huli kung kaya’t ang mga manonood ay kalimitang magbigay ng attention dahil nauna na ang presentasyon. Ang mga speaker ay nagbigay ng maayos na kaalaman sa pagbibigay-pugay sa Buwan ng Wikang Pambansa na may kaakibat na mga kahalagahan. Sa pangkalahatan ay maayos at maganda ang programa. Malugod kong binabati ang mga taong bumuo rito.