Republic of the Philippines

Department of Education
Region IX-Zamboanga Peninsula
SCHOOLS DIVISION OF ZAMBOANGA DEL SUR
Maria Clara Lobregat National High School
Kabuuang Pagsusulit sa Edukasyon sa
Pagpapakatao-10
(Ikaapat na Markahan)

Inihanda ni: Reymundo B. Peniala

Pangalan:

Baitang at Pangkat:

Iskor
Address : Tickwas, Dumalinao, Zamboanga del Sur
Contact No. : Smart 0912 1655 231
Email Address: randybutch.gamboa@deped.gov.ph
o Ang pagsusulit na ito ay may kabuuang animnapung minuto.
o Basahin at unawain ng mabuti ang bawat tanong o pahayag sa ibaba.
o Bilugan ang titik ng iyong napiling sagot sa bawat bilang. Mga Panuto

1. Ano ang tawag sa may layuning pukawin ang sekswal na pagnanasa sa

pamamagitan ng panonood o pagbabasa?
(A) Prostitusyon (B) Sekswal
(C) Pornograpiya (D) Pagtatalik
2. Alin ang HINDI isyung moral tungkol sa sekswalidad?
(A) Pagpapatiwakal (C) Pagtatalik bago ang kasal
(B) Pornograpiya (D) Mga pang – aabusong sekswal
3. Paano mo lulutasin kung palagi mong nakikita ang iyong kapitbahay na
hinihipo siya ng kaniyang ama?
(A) Sisigawan (C) Isusumbong sa alcalde
(B) Papanoorin (D) Ipagbigay alam sa pulisya/DSWD
4. Bakit kailangang igalang ang dignidad at sekswalidad ng isang tao?
(A) Dahil ang buhay ng tao ay sagrado
(B) Dahil ang tao ay may karapatang mabuhay sa mundo
(C) Dahil ang tao ay may Kalayaan
(D) Dahil ang tao ay may karapatang igalang ang sarili
5. Alin ang HINDI tumutukoy sa mga pang – aabusong sekswal?
(A) Hinihikayat ng mga magulang ang anak na magpakita ng maseselang
parte ng katawan sa harap ng camera
(B) Panonood ng mga gawaing sekswal
(C) Pagpapakita ng ginagawang paglalaro sa sariling ari at paghihikayat sa
mga bata na makipagtalik
(D) Pag – iwas sa mga malalaswang babasahin at pelikula
6. Bakit kailangang pahalagahan ang iyong dignidad?
(A) Ito ang turo ng aking mga magulang
(B) Paggalang sa sarili at ng ibang tao
(C) Kailangan sa pakikipagkapwa – tao
(D) Magkaroon ng sariling disposisyon
7. Ikaw ay nangangailangan ng malaking pera dahil ooperahan ang iyong nanay,
hinikayat ka ng iyong matalik na kaibigan na magbigay ng panandaliang – aliw
kapalit ang malaking halaga ng pera, ano ang
dapat mong gawin?
(A) Sumama sa kanya upang magkaroon ng malaking pera
(B) Manghiram ng pera sa kapitbahay
(C) Hayaan na hindi ma-operahan ang nanay
(D) Tanggihan ang alok ng kaibigan at humingi nalang ng tulong sa
ahensiya ng gobyerno gaya ng DSWD
8. Sa paanong paraan na ikaw ay makakatulong sa mga kabataang maagang
nakaranas ng sekswal na gawain?
(A) Pagsasabihan na huwag manood ng pornograpiya
(B) Magpapakita ng pornograpiyang videos
(C) Bibigyan ng mga malalaswang larawan
(D) Makipagkwentuhan ng mga malalaswang karanasan
9. Unang monthsary mo ng iyong boyfriend/girlfriend at ang hiningi niya na
regalo ay makipagtalik ka sa kanya, ano ang iyong gagawin?
(A) Ibibigay ang gusto niya
(B) Mangako na sa susunod na buwan makipagtalik
(C) Hihiwalayan ang girlfriend/boyfriend
(D) Ipaliwanag sa kanya na hindi pa ang takdang panahon upang
makipagtalik
10. Inaanyayahan ka ng iyong mga kaklase na manood ng malalaswang pelikula
sa Youtube, ano ang dapat mong gawin?
(A) Umiwas sa kanila
(B) Manood kasama ang mga kaklase
(C) Ang cellphone mo ang gagamitin upang masaya
(D) Ipapaliwanag sa kanila ang epekto ng panonood ng malalasang pelikula
11. Ito ay isyung moral tungkol sa seksuwalidad na tumutukoy sa mga mahalay
na paglalarawan o babasahin na may layuning pukawin ang seksuwal na
pagnanasa ng nanonood o nagbabasa.
(A) pornograpiya (C) pang-aabusong seksuwal
(B) prostitusyon (D) pagtatalik bago ang kasal
12. Alin sa mga sumusunod ang may kaugnayan sa gawaing pagtatalik bago ang
kasal?
(A) pang-aabusong seksuwal (B) pre-marital sex
(C) pornograpiya (D) prostitusyon
13. Alin sa mga sumusunod ang HINDI tumutukoy sa isyung seksuwal?
(A) Si Jessica ay araw-araw hinihipuan ng kaniyang amain sa maseselang
bahagi ng kaniyang katawan.
(B) Niyaya ni Nolly ang matagal na niyang kasintahang si Malyn na
magpakasal sapagkat gusto na nilang magtatag ng pamilya.
(C) Dala ng kabataan at bugso ng damdamin, nagbunga ang isang gabing
pagkalimot sa sarili ni Daisy at ng kaniyang boyfriend na si Ariel.
(D) Maganda ang hubog ng katawan ni Ann kaya nagpasiya siyang
magpaguhit nang nakahubad.
14. Alin sa sumusunod ang tamang pananaw sa pakikipagtalik?
(A) Ang pakikipagtalik ay karapatang makaranas ng kasiyahan?
(B) Ang pakikipagtalik ay kailangan ng tao upang maging malusog at
mabuhay.
(C) Ang pakikipagtalik ay tama kapag parehong may pagsang-ayon ang
gagawa nito.
(D) Ang pakikipagtalik ay ang pagsasakatawan ng pagmamahal na
ipinapahayag ng mag-asawa sa bawat isa.
15. Kailan masasabing ang paggamit ng seksuwalidad ng tao ay masama?
(A) Kapag ang paggamit ay nagdadala sa kasiyahan.
(B) Kapag ang paggamit nito ay nauuwi sa pang-aabuso.
(C) Kapag ang paggamit ay hindi nagdadala sa tunay na layunin ng
seksuwalidad.
(D) Kapag ang paggamit ay nagdadala sa tao upang maging isang pakay o
kasangkapan.
16. Ang isang lalaki o babae ay nagkaroon ng kakayahang makibahagi sa
pagiging manlilikha ng Diyos kapag tumuntong na sa edad na pagdadalaga o
pagbibinata. Subalit kahit sila ay may kakayahang pisyolohikal na gagamitin ito,
hindi nangangahulugang maari na silang makipagtalik at magkaroon ng anak.
Hanggang wala sila sa wastong gulang, at hindi pa tumanggap ng sakramento
ng kasal hindi sila kailanman magkakaroon ng karapatang makipagtalik. Anong
katotohanan ang ibinubuod ng pahayag na ito?
(A) Maaari nang makipagtalik ang kabatang nagdadalaga at nagbibinata.
(B) Maaari nang magkaanak ang kabataang nagtatalik.
(C) Ang mga taong may kakayahang pisyolohikal ay maaari nang
makipagtalik.
(D) Ang mga taong nasa wastong gulang at ipinagbuklod ng kasal ang
maari lamang na makipagtalik.
17. Paano mo paghandaan ang iyong kinabukasan upang hindi maging biktima
o makaranas ng pang-aabusong seksuwalidad at prostitusyon?
(A) Ituon ang sarili sa pag-aaral upang magkaroon ng magandang
kinabukasan at umiwas sa mga kaibigang maaaring mgdulot sa iyo ng
masamang impluwensiya.
(B) Huwag gumamit ng mga ipinagbabawal na gamot.
(C) Gawing sandata o sentro ang Diyos sa lahat ng bagay.
(D) Lahat ng nabanggit.
18. Si Belle ay labinlimang taong gulang at napabilang sa mahirap na pamilya.
Siya ay biktima nang paulit-ulit na pananamantala ng kaniyang amain. Dahil
dito, nawalan na siya ng interes na ipagpatuloy ang kaniyang pag-aaral.
Nakilala niya si Anna at niyaya siya nitong mamuhay sa lansangan at magbenta
ng aliw. Sumama siya rito at nagsabing lubog narin naman siya sa putik kung
kaya’t marapat lang na ito ang kaniyang gawin at kikita pa siya. Ano ang
maipapayo mo kay Belle?
(A) Ang pagkakamali ay hindi malutas ng isa pang pagkakamali kaya’t
nararapat na ituwid ang pagkakamali at magkakaroon ng pagkataong
magbago.
(B) Huwag gawing dahilan ang mga madilim na nakaraan para lang
ipagpatuloy ang di nararapat na tatamasing buhay.
(C) Hindi pa huli ang lahat. Mamasukan na lamang siya bilang working
student upang may pantustos siya sa kaniyang pag-aaral at
makapagtapos.
(D) Lahat ng nabanggit.
19. Si Wilson ay nakatira sa kaniyang nanay at amain. Isang araw, pumasok
ang kaniyang amain sa kuwarto niya at nagpakita ng mga malalaswang litrato.
Hindi mapakali si Wilson at hindi niya alam ang
kaniyang sasabihin. Sabi ng kaniyang amain, “Halika rito, anong klaseng lalaki
ka?” Kinuha ni Wilson ang babasahin at ito’y kaniyang tiningnan at nagustuhan
naman niya ito. Gagayahin mo ba si Wilson?
(A) Oo, dahil sumunod lamang ako sa gusto ng aking amain.
(B) Hindi, dahil wala akong panahon sa malalaswang litrato.
 (C) Oo, dahil wala namang ibang nakakaalam maliban sa aking amain na
nagbibigay nito.
(D) Hindi ko gagayahin si Wilson dahil masama ang epekto nito sa aking
sarili at sa pakikitungo ko sa aking kapwa.
20. Hiniling ng isang kapitbahay ni Mela na kunan siya ng litrato na nakabikini.
Sinabi sa kaniyang maaari itong ipagbili sa isang kompanya ng pagmomodelo
at kumita ng malaking pera. Tumanggi si Mela at sinabing ang katawan niya ay
kailanman di-maaring i-display. Tama ba ang nagging desisyon ni Mela?
(A) Tama, dahil nakapagpababa ng dignidad ni Mela kung papayag siya rito.
(B) Mali, dahil babayaran naman siya ng pera kapalit ng kaniyang kuhang
larawan.
(C) Mali, dahil hindi naman nakakasira sa kaniyang dignidad kapag siya’y
binigyan ng pera.
(D) Tama, dahil mali ito.
21. Alin sa mga pahayag ang tumutukoy sa premarital sex?
(A) Gawaing paglilibang ng isang babae at lalaki na nasa tamang edad
subalit hindi pa kasal.
(B) Gawaing pagtatalik ng matalik na magkaibigang lalaki at babae.
(C) Gawaing pagtatalik ng isang babae at lalaki na nasa wastong edad na.
(D) Gawain ng mga kabataang magkasintahan sa kasalukuyang panahon.
22. Paano nagaganap ang isang seksuwal na pang-aabuso?
(A) Kapag walang panggagahasa at seksuwal na panghahalay na naganap.
(B) Kapag nagpagahasa ang isang babaeng umiibig sa kanyang kasintahan.
(C) Kapag may panggagahasa at seksuwal na panghahalay na naganap.
(D) Kapag ramdam lang ng isang babae na inabuso siya.
23. Ayon sap ag-aaral, ano ang karaniwang nagtutulak sa karamihan sa mga
taong nasasangkot sa prostitusyon?
(A) Nakaranas ng karangyaan sa buhay.
(B) Naghahanap lamang ng aliw sa buhay.
(C) Nakaranas ng hirap, hindi nakapag-aral, at walang muwang kung
kaya’t madali silang makontrol.
(D) Nakaranas ng sobrang pagmamahal sa mga magulang.
24. Kailan nagkakaroon ng kakayahang makibahagi sa pagiging manlilikha ng
Diyos ang isang lalaki o babae?
(A) Kapag tumuntong na siya sa edad ng pagdadalaga o pagbibinata.
(B) Kapag nagsisimula ng pumuti ang kaniyang mga buhok o nakakalbo na.
(C) Kapag marunong na siyang kumilala sa kung ano ang tama o mali?
(D) Kapag tanggap na ni babae at lalaki ang isa’t isa
25. Paano mo matitiyak o masisiguro na wagas ang pagmamahal ng iyong
kasintahan sa iyo?
(A) Kung mayroon itong hinihinging kapalit sa akin.
(B) Kung lagi akong sinusundo sa paaralan gamit ang kanyang motorsilo.
(C) Kung wala itong hinihinging kapalit sa akin.
(D) Kung lagi itong nag-vi-video call sa akin
26. Bakit mahalagang makasal muna ang isang babae at lalaki bago
magkakaroon ng pagtatalik?
 (A) sapagkat ang pakikipagtalik nang hindi pa kasal ay mas
kapanapanabik.
(B) sapagkat ang pakikipagtalik nang hindi kasal ay nagpapahayag ng kaluguran.
(C) sapagkat ang pakikipagtalik sa loob ng konteksto ng kasal ay
nagpapahayag ng paggalang, komitment at dedikasyon sa katapat na
kasarian.
(D) sapagkat ang pakikipagtalik nang hindi kasal ay nagpapahayag ng kalayaan.
27. Sino ang tunay na nagpapakita ng paggalang at pagpapahalaga sa
kanilang dignidad?
(A) Mga lalaki at babaeng nagpapakita ng kanilang hubad na sarili sa
internet dahil sa paniniwalang, nakikita lang naman ito at hindi
nahahawakan.
(B) Ang mga lalaki at babaeng nagbebenta ng sarili dahil sa mabigat na
pangangailangan sa pera.
(C) Ang lalaki at babaeng ipinagbuklod ng kasal saka nakipagtalik sa isa’t isa.
(D) Ang mga lalaki at babaeng adik sa panonood ng pornograpiya.
Ikaw ay “in a relationship”, ng dahil dito, sinisikap mong
makaiwas sa mga mapanuksong sitwasyon upang patuloy
mong mapapahalagahan ang iyong dignidad sa ganitong
paraan gayundin ang pagsasakatuparan sa iyong
sinumpaan sa batas ng scout.

28. Aling bahagi sa panunumpa ng scout ang iyong naipamamalas batay sa

sitwasyong binanggit sa itaas?
(A) Pamalagiing malakas ang katawan (C) Marangal ang asal
(B) Gising ang isipan (D) Matapang
29. Bakit mas pinipili pa rin ng ilang mga kababaihan ang pagbebenta ng
panandaliang aliw o pagsasangkot sa sarili sa prostitusyon bagamat alam
nilang masisira nito ang kanilang dignidad o reputasyon?
(A) Dahil hindi mahalaga sa kanila ang kanilang reputasyon.
(B) Dahil nasasadlak sila sa kahirapan at wala silang magawa kaya kahit
sa patalim, kumakapit.
(C) Upang makisabay sa kanilang mga katropa na ganoon din ang trabaho.
(D) Dahil mas pipiliin nila ang sariling kaligayahan kaysa sasabihin ng ibang tao.
30. Paano mo tutuparin ang iyong sinumpaang pangako sa Diyos at sa ating
bayan ang pagiging laging gising ang isipan bilang isang scout?
(A) Laging magmasid sa paligid. Isuplong kaagad sa pulis ang mga taong
nakikitaang nagsasagawa ng seksuwal na pang-aabuso sa kapwa.
(B) Huwag pakialaman ang mga taong nagsasagawa ng isang seksuwal
na pang-aabuso bilang proteksiyon sa sarili at sa pamilya.
(C) Talamak na ang pang-aabusong seksuwal sa ating lipunan kaya ayos
lang na lagi natin itong nasasaksihan sa ating paligid.
(D) Hindi na matutulog sa gabi upang hahanapin ang mga taong
nagsasagawa ng seksuwal na pang-aabuso.
31. Si Lovely ay madalas hipuan ng kaniyang amain kapag wala ang kaniyang
ina. Ito ay isang halimbawa ng isang isyung moral na _____________.
(A) Prostitusyon (B) pornograpiya
(C) pre-marital sex (D) pang-aabusong seksuwal
32. Anong isyung moral ang tinutukoy kung ito ay pagpapakita ng mahahalay
na larawan o palabas na may layuning pukawin ang seksuwal na pagnanasa ng
manonood o mambabasa?
(A) aborsiyon (B) euthanasia
(C) pornograpiya (D) pre-marital sex
33. Ang pakikipagtalik nang hindi kasal ay pagpapahayag ng kawalan ng _____.
(A) pera (B) paggalang
(C) pag-iisip (D) pagmamahal
34. Binabayaran ang pakikipagtalik upang ang taong umupa ay makadama ng
kasiyahang seksuwal ____? Ano ang tawag nito?
(A) prostitusyon (B) pornograpiya
(C) pre-marital sex (D) pang-aabusong sekswal
35. Hiniling ng isang kapitbahay ni Ela na kunan sya ng litrato na nakahubad.
Sinabi nito sa kaniya na kikita siya ng malaki mula sa mga litrato sa isang
kompanya ng pagmomodelo. Tumanggi si Ela dahil ayaw niya umanong i-
display ang kaniyang katawan. Tama ba ang pasya ni Ela? Oo o hindi at bakit?
(A) Oo, dahil hindi siguradong malaki ang kaniyang kikitain mula dito.
(B) Hindi, kung ito ay hindi niya ipagpapaalam sa kaniyang ina bago niya
ito gawin.
(C) Oo, sapagkat ang katawan ng tao ay sagrado at hindi dapat gamiting
kasangkapan para kumita ng pera.
(D) Hindi, dahil ang kaniyang hubad na katawan ay napakaganda para
pag piyestahan lamang ng mga taong puno ng pagnanasa.
36. May ipinakilalang bagong nobyo ang ina ni Joanna. Pinatira niya ito sa
bahay nila at ipinagbilin na pagsilbihan niya. Mahal na mahal ito ng kaniyang
ina at sinusunod lahat ang gusto nito. Isang gabi na wala ang kaniyang ina,
pumasok ang kasintahan ng kaniyang ina sa kwarto ni Joanna. Hinipuan sya
nito sa maseselang bahagi ng kaniyang katawan. Tinakot si Joanna na
papatayin niya ang ina nito kung magsusumbong siya. Kung ikaw si Joanna,
ano and dapat mong gawin?
(A) magsusuplong sa pulis
(B) mananahimik para walang gulo
(C) magsasabi sa kapitbahay para may sumaklolo
(D) magsusumbong sa ina para mag-away sila’t maghiwalay
37. May iba’t-ibang dahilan kung bakit ang isang kabataan na wala pa sa
wastong gulang ay pumapasok sa maagang pakikipagtalik. Ang mga ito ay
nasa ibaba MALIBAN sa isa. Ano ito?
(A) matugunan ang pangangailangang biyolohikal
(B) malayang gawin ito at walang batas na nagbabawal
(C) karapatan ng bawat isa ang makaranas ng kasiyahan
(D) pagsunod sa utos ng Diyos na magparami at magmahal
38. Mag-isa sa bahay si Nellie nang dumating ang kaniyang nobyo na si Bong.
Pinatuloy niya ito sa loob ng bahay at sila’y nag-usap. Habang tumatagal ay
nag-iiba na ang tema ng usapan at nagiging agresibo na si Bong. Sabi pa niya,
“ tayo lang naman ang nandito” habang hinahalikan si Nellie. Kung ikaw si
Nellie, ano ang iyong dapat gawin?
(A) kakausapin si Bong at sasabihing panagutan kung ano man ang
kahihinatnan ng gagawin nila
(B) magpapakipot muna sa umpisa pagkatapos ay papayag din
(C) kakausapin si Bong nang mahinahon at ipapaliwanag kung ano ang
tama
(D) magagalit kay Bong at ito ay paaalisin sa kanilang bahay
39. Si Meril ay 15 taong gulang at galing sa isang mahirap na pamilya. Ayaw na
niyang pumasok sa paaralan mula ng paulit-ulit siyang gahasain ng kaniyang
amain. Nakilala naman niya si Hannah, isang babaeng nagbebenta ng aliw
kapalit ang pera, inalok siya nito na sumama sa kanya.
Tama ba o mali na sumama sya dito? Bakit?
(A) Mali, sapagkat ang katawan ng tao ay sagrado at hindi dapat gamiting
kasangkapan para kumita ng pera.
(B) Tama, para mabuhay niya ang kaniyang sarili at makaalis sa bahay ng
amain na patuloy na humahalay sa kanya.
(C) Tama,sapagkat ang isang tulad nya ay may karapatang makaranas ng
kasiyahan habang kumikita ng pera habang bata pa.
(D) Mali, dahil dapat mag-asawa nalamang siya upang ipagsakatawan ng
pagmamahal na ipinapahayag ng mag-asawa sa isa’t-isa.
40. Si Walter, na nasa ikasampung baitang at miyembro ng Boy Scouts of the
Philippines, ay nakatira sa kaniyang nanay at amain. Isang araw, pumasok ang
kanyang amain sa kanyang silid tulugan at nagpakita ito ng malalaswang litrato.
Hindi mapakali si Walter at hindi alam ang sasabihin. Hinimok sya ng kaniyang
amain na tingnan ito. Kung s’ya nga raw ay tunay na lalaki ay babasahin nya ito
at ng kanya naming nabasa ay nagustuhan naman niya. Bilang isang boy scout
na may dangal at disiplina sa sarili, tama ba ang ginawa ni Walter na pagsunod
sa amain? Oo o hindi at bakit?
(A) Oo, dahil baka sya ay sasaktan nito kung hindi sya susunod.
(B) Hindi, sapagkat hindi nya ito tunay na ama.
(C) Oo, dahil mahalaga ang may alam tungkol sa sex lalo na sa mga
kabataang katulad ni Walter at lalo dahil boy scout siya.
(D) Hindi, sapagkat ito ay hindi mabuti at kailangan niya itong ipaalam sa
kaniyang ina.

“Kasiyahan Nawa Kayo Ng DIYOS”