ANG LITURHIYA NG INSTITUSYON O

PAGTATALAGA SA ISANG PARI BILANG

KURA PAROKO AT REKTOR NG ISANG

Pagtatalag
PAROKYA
Bago magsimula ang Liturhiya ng Pagtatalaga kinakailangang naihanda na ang mga
sumusunod: Ang Mga Liham ng Pagtatalaga (Insitution Letter & Appointment
Letter), Sipi ng Bibliya, Filipino Missal, Filipino Ritual, Saligang Batas ng Simbahan
at Isang malaking susi.

Ang Tagapagtalaga ay ang Obispo Diyosesano, o maari ring sinumang pari sa Lokal
na Simbahan na Kanyang uutusang isagawa ang pagtatalaga.

a Bilang
Sa pagsapit ng Takdang oras para sa pagtatalaga, ang Obispo Diyosesano at mga pari
ng Diyosesis kasama ang itatalaga at pati na rin ang mga manlilingkod ay isasagawa
ang nakaugaliang prusisyon sa pagpasok sa Simbahan. Nasa unahan ng Prusisyon
ang Pangulo at Ingat-Yaman ng Komite Sentral. Maringal na tutunog ang Kampana,
Kampanilya at ang Pambungad na Awit ay aawitin.

Matapos maisagawa ang nakaugaliang Pagbibigay galang sa Dambana, ang Obispo

ay tatayo sa gitna ng Dambana o Altar na nakaharap sa sambayanang sumasamba.
Ang Pangulo ng Komite Sentral ay nakatayo na nakaharap sa Obispo sa Kaliwa.
Habang sa kanan naman ang Ingat-Yaman na nakaharap din sa Obispo. Ang Paring
itatalaga ay nakatayo sa gitna na nakaharap sa Obispo. Hawak ng Ingat-Yaman ang
malaking susi.

Ang Obispo na nakamitra at hawak ang Kanyang Bakulo ay magwiwika:

Obispo: Mga minamahal sa Panginoon, tayo ay nangagkakatipon

ngayon sa kadahilanang ating itatalaga si Reberendo Padre
BILLY JOE COLUNA, sa Parokyang ito, bilang Kura
Paroko at Rektor; Kami ay naririto dahil na rin sa ang aming
pagpili sa kaniya ay inyong nagustuhan at sinasang-ayunan. Sa
ilang sandali ay maririnig natin ang Pagbasa sa kanyang
pagkatalaga sa dakong ito.

Subalit bago isagawa ang mga iyon nais naming marinig kung
mayroon man sa inyo dito na tumututol na siya ay maitalaga
bilang inyong Kura Paroko at Rektor ay magsalita na ngayon
bago mahuli ang lahat? Sapagkat hindi marapat na kayo’y
paglingkuran ng isang Manlilingkod na di karapat-dapat.

Bayan: Kami po’y walang pagtutol o kahit ano pa man!
Kung walang pagtutol ay magpapatuloy ang Obispo.
Obispo: At kung gayon. Magsipag-upo tayong lahat at
hayaan nating mabasa at ating mapakinggan ang
Liham ng kanyang pagkatalaga sa dakong ito na
mula rin naman sa amin.
Ang Kalihim ng Diyosesis ay magtutungo sa dakong pinagbabasahan ng Epistola at
babasahin ng malinaw ang Liham Pagtatalaga.
Matapos basahin ang Liham ng Institusyon at Pagtatalaga. Tatayo ang Pangulo ng
Komite Sentral magbibigay galang sa Obispo at tutungo sa dakong pinagbabasahan
ng mga epistola.
Pangulo: Sa ngalan ng Parokya ni Hesus, ang Divino
Pastor, ay malugod kong tinatanggap si
Reberendo Padre BILLY JOEY COLUNA,
bilang aming Kura Paroko at Rektor; at bilang
tanda ng aming pagtanggap at pagkilala sa
kaniya bilang aming manlilingkod ay tanggapin
po ninyo Padre mula sa kamay ng Ingat- Yaman
ng parokya ito ang susi ng ating Simbahan.
Tatayo ang Ingat-Yaman, magbibigay galang sa Dambana at sa Obispo at matapos ay
haharap sa itinatalaga.
Ingat-Yaman:Tanggapin po ninyo Padre ang susi na ito, ang
susi sa Tahanan ng Diyos dito sa ating lugar. Ito’y aming alay
sa araw ng iyong pagkatalaga sa amin at sagisag
ng aming pagkilala sa inyo bilang aming
manlilingkod.
Sasagot ang Kura.
Kura: Tinatanggap ko ang susi ng Tahanan ng Diyos,
mula sa iyong mga kamay, bilang inyong
pangako sa aking pagkatalaga sa Simbahang ito at
bilang inyong pagkilala sa akin bilang inyong
pastol, Ako ay nangangakong magiging tapat na
tagapaglingkod at taga-akay ng mga kaluluwa at
bilang inyong tagapamahala. Sa Ngalan ng Ama at
ng Anak, at ng Espiritu Santo. Amen.
Babalik na sa kanilang mga upuan ang Pangulo at ang Ingat-Yaman. Luluhod ang
Bayan. Ang Obispo ay walang mitra at nakatayo na hawak ang kanyang bakulo.
ANG PANALANGIN NG TAGAPAGTALAGA
Obispo: Sumainyo ang Panginoon.
Bayan: At ang Kanyang Espiritu.
Obispo: Gabayan Mo kami, O Panginoon, sa lahat naming
mga gawain, sa Iyong kagandahang-loob, at
ibuhos Mong ganap ang Iyong pagtulong upang
ang aming mga pagkilos ay magmula,
magpatuloy at magtapos sa Iyo, upang ang Iyong
Ngalan ay aming luwalhatiin at ang Iyong awa, at
sa wakas ay magkamit ng buhay na walang
hanggan. Sa pamamagitan ni Hesukristo na aming
Panginoon, na nagturo manalangin kami sa
Iyo, O aming makapangyarihang Ama, sa
pamamagitan ng Kanyang nanaig na Ngalan at
Salita;
Manatiling nakaluhod ang bayan.
ANG PATER NOSTER
Lahat: Ama namin sa langit, sambahin ang Ngalan mo,
sumapit nawa ang kaharian Mo, sundin ang loob
Mo dito sa lupa tulad nang sa langit. Bigyan
Mo kami ngayon ng aming kakanin sa araw-
araw. Patawarin Mo ang aming mga kasalanan
tulad ng pagpapatawad namin sa nagkakasala sa
amin. Huwag Mo kaming ipahintulot sa pagsubok
 kundi iadya Mo kami sa masama. Sapagkat sa Iyo
nagmumula ang kaharian, ang kapangyarihan, at
ang kaluwalhatian ngayon at
magpakailanman.Amen.
Matapos ang Ama namin, uupo ang lahat. Ang Obispo ay uupo na rin na nakamitra at
walang hawak na bakulo. Ang dalawang pari mula sa Diyosesis ay dadalhin nila ang
itinatalaga sa palapit sa obispo hawak ang kanyang mga kamay.
Luhuhod ang itinatalaga sa harap ng Obispo.
ANG PAGKAKALOOB NG SIPI NG BANAL NA
KASULATAN
Obispo: Tanggapin mo ang Banal na Kasultang ito; at
hayaan mong ito ang iyong maging
panuntunan ng iyong pangangaral ng Banal na
Salita ng Diyos para sa kaligtasan ng
kongregasyong aming ipinagkakatiwala sa iyo
ngayon. Marapat na sa araw-araw ay
pagdilidilihin mo ang mga nakasulat dito,
managaral ka gamit ito at magturo. Huwag mong
pababayang ang kaloob na ito na aming ibinibigay
sa iyo sa ngalan ng Butihing Diyos ay hindi
magagamit. Ikaw ay aking ginagawang propeta sa
ngalan ng aming pagpapatong ng kamay sa iyo.
Pag-aralan mong mainam ang mga Salita ng
Diyos upang maibuhos mong ganap ang iyong
pangangaral at makita ng lahat ang iyong pag-
unlad.
Kura:Amen.
ANG PAGKAKALOOB NG FILIPINO RITWAL
Obispo: Tanggapin mo ang aklat na naglalaman ng mga
dasal at debosyon ng ating Simbahan; at hayaan
mong ito ay iyong maging panuntunan ng iyong
pag-uugali sa iyong pamumuno ng mga debosyon
ng mga tao. At alalahanin ito’y may malaking
maitutulong sa lalong pagpapabanal ng iyong
sarili at ng bayan ng Diyos. Gamit ang mga ito’y
makakamit mo ang kalasag at baluti mula sa
Panginoon. Maging ang lalong pagpapalalim ng
iyong ugnayan sa Diyos, sa kabanalan, sa pag-
ibig, sa katatagan, sa kahinahunan at itaguyod
ang isang mabuting laban para sa ating
pananampalataya.
Kura: Amen.
ANG PAGKAKALOOB NG FILIPINO MISSAL
Obispo: Tanggapin mo ang Missal na ito na naglalaman ng
lahat ng mga gawain at pagsamba sa ating Iglesia.
Ito ang marapat na iyong gabay sa
pagsasagawa ng mga ritu at ritwal sa loob at labas
ng ating Simbahan. Ito rin ang iyong magiging
panuntunan at gabay sa pagbabahagi ng mga
sakramento ng Simbahan na magdadala sa bawat
mananampalataya tungo sa ganap ng kaligtasan.
Inaasahan namin na isagagawa mo ng matapat
ang ministeryong ipingkatiwala namin sa iyo
ngayon at pinagkatiwala rin sa Iyo ng Diyos sa
ngalan namin.
Kura: Amen.
ANG PAGKAKALOOB NG BANAL NA SALIGANG
BATAS NG SIMBAHAN
Obispo: Tanggapin mo ang Banal na Saligang Batas ng
ating Iglesia ito ang iyong gagamitin sa
pagpapatupad ng kaayusan at disiplina sa
Simbahan. Aming ipinapaalala na maging isang
mahigpit subalit maibiging ama ka sa iyong
 kongregasyon. Kinakailangang magpatupad ng
kaayusan sapagkat ang ating Diyos ay maibigin sa
kaayusan at hindi ng kaguluhan. Maging tunay na
ama ka sa kanila na nagdidisiplina ng kanyang
mga anak. Sapagkat ano ang saysay ng iyong
magiging ama kung hindi mo naipapatupad ang
mga bilin sa iyo sa Diyos ang ating walang
hanggang Ama.
Kura: Amen.
ANG PAG-AWIT/ PAGDARASAL NG SALMO 26
Aawitin o sasabihin ng lahat.
1 Ipahayag mo ako, Yahweh, na walang sala,
    pagkat ako'y matuwid at sa iyo'y lubos na umaasa.
2 Yahweh, ako'y siyasatin mo at subukin,
    hatulan mo ang iniisip at ang aking hangarin.
3 Pag-ibig mong wagas ang aking patnubay,
    ang iyong katapatan ang lagi kong kaagapay.
4 Di ako nakikisama sa walang kuwentang tao,
    hindi ako nakikiisa sa mga hipokrito.
5 Ang nakikisama sa kanila ay aking kinamumuhian,
    at ang makihalo sa kanila'y aking iniiwasan.
6 Kamay ko'y malinis pagkat ako'y walang kasalanan,
    ako'y lumalakad, Yahweh, sa paligid ng iyong altar.
7 Awit ng pasasalamat ay aking inaawit,
    gawa mong kahanga-hanga, ay aking sinasambit.
8 Mahal ko, Yahweh, ang Templo mong tahanan,
    sapagkat naroroon ang iyong kaluwalhatian.
9 Sa parusa ng masasama, huwag mo akong idamay,
    ilayo rin sa parusa ng mahihilig sa pagpatay—
10    mga taong walang magawâ kundi kasamaan,
    at palaging naghihintay na sila ay suhulan.
11 Ngunit para sa akin, gagawin ko ang tama,
    kaya iligtas mo ako at sa akin ay maawa.
12 Ako ay ligtas sa lahat ng kapahamakan;
    pupurihin ko si Yahweh sa gitna ng kapulungan!
ANG PANALANGIN PARA SA ITINATALAGA
Ang Obispo na walang mitra at bakulo at luluhod at sasabihin ang mga
sumusunod.
Obispo: Ang mga utos ay ibinigay sa atin sa pamamagitan
ni Moises.
Bayan: Subalit ang biyaya at katotohanan ay dumating sa
atin
sa pamamagitan ng ating Panginoong Hesukristo:
Lahat: Na Diyos higit sa lahat, at pinagpala kailanman!
Obispo: Manalangin tayo. Saglit na tatahimik.
Pinakaibig-ibig na Ama, ang tagapagbigay ng
lahat ng mabuti at ganap na mga kaloob, na sa
Iyong matalinong pangangalaga ay nagtalaga ng
iba’t ibang katungkulan sa Iyong Simbahan;
ibigay Mo sa amin ang Iyong biyaya na aming
ipinamamanhik ngayon lalung lalo na sa Iyong
lingkod na aming itinatalaga sa araw ito; punuin
Mo siya ng katotohanan sa Iyong mga doktrina, at
alisin siya palagi sa buhay na walang kabuluhan,
upang siya ay matapat na maglingkod sa Iyong
harapan, sa lalung ikadadakila ng Iyong banal
na Pangalan, at sa kapakinabangan ng Iyong
Simbahan. Sa pamamagitan ni Hesukristo, ang
aming tanging tagapamagitan at tagapagtubos.
Bayan: Amen.
Obispo: Banal na Hesus, na nagbayad sa pamamagitan ng
Iyong Dugo upang matubos ang pangkalahatang
Iglesia, at Siyang nangakong sasamahan ito at ang
kanyang mga ministro hanggang sa wakas ng
 sanlibutan; malugod Mo nawang pagpalain ang
ministeryo ng Iyong lingkod na ngayo’y aming
itinatalaga bilang Kura Paroko at Rektor ng
dakong ito; nawa ang kanayng bibig ay mapuno
lamang ng Iyong mga salita at ang kanyang puso
ay mapuno ng pagninilay- nilay sa Iyo,
upang siya’y maging kalugod-lugod sa Iyong
paningin, O Panginoong aming lakas at aming
manunubos.
Bayan: Amen.
ANG PANALANGIN PARA SA KONGREGASYON
Obispo: O Diyos, Banal na Espiritu, na siyang
nagpapabanal sa mga tapat, pumarito Ka po sa
amin; Ipinapanalangin namin sa Iyo ang
kongregasyong ito na mapuspos ng pag-ibig mula
sa Iyo; lalo mong pagliwanagin ang kanilang
isipan upang lalong maisabuhay ang Banal na
Ebanghelyo; itanim sa kanilang mga puso ang
pag-ibig sa katotohanan; at manatiling tapat sa
aming pananampalataya, O Pinagpalang Espiritu,
na kasama ng Ama at ng Anak, sinasamba Ka
namin at niluluwalhati bilang iisang Diyos, sa
mundong walang katapusan.
Bayan: Amen.
ANG BASBAS MULA SA TAGAPAGTALAGA
Matapos ang panalangin. Ang Obispo ay nakamitra at hawak ang kanayang bakulo,
siya ay nakatayo ay igagawad ang basbas. Manatiling nakaluhod ang lahat.
Obispo: Ang Diyos ng Kapayapaan, na muling nagbangon
sa ating Panginoong Hesukristo mula sa mga
patay, ang Dakilang Pastol ng mga tupa, sa
pamamagitan ng dugo ng walang hanggang Tipan;
gawin kayong ganap sa bawat kabutihan, upang
ang Kanyang kalooban ay inyong masunod ng sa
gayo’y maging kalugod-lugod sa Kanyang
paningin. Sa pamamagitan ni Kristo † Hesus, na
ating Panginoon.
Bayan: Amen.
Matapos ang Pagbabasbas, tatayo ang lahat para sa pag-awit ng Luwalhati.
Isasagawa na ang Misa sa nakaugaliang paraan.
Matapos ang Pangungumunyon. Nakaupo ang lahat. Ang Bagong Kura Paroko
ay lalapit sa Dambana at luluhod at kanyang sasabihin:
ANG PANALANGIN NG BAGONG ITINALAGA
Kura: O Panginoong Diyos hindi ako karapat- dapat na
magpatuloy sa Iyo sa aking bubungan; gayon pa
man ay iginagalang Mo ang Iyong lingkod sa
pagtatalaga sa kanya bilang lingkod sa Banal
MongDambana. Nanalangin akong, ako’y Iyong
patuloy na kalingain at gabayan, upang
maisagawa ko ang tungkuling iniatang sa aking ng
may buong kagalakan. Kupkupin Mo ang aking
puso upang kahit na anong pagsubok ang dumaan
ito’y aking palaging mapagtagumpayan. Sa ngalan
ni Kristong aking Panginoon. Amen.
ANG PAGPAPALANG PONTIPIKAL
Agad na isusunod ang Panalangin pagkatapos ng pakikinabang at gayun din
ang Pagpapalang Pontipikal. Magsiluhod ang lahat.