PAGTATALAGA NG KURA PAROKO

Ipagdiriwang ang banal na Misa ayon sa nakagawiang paraan sa pamumuno ng Obispo. Pagkatapos
basahin ang Mabuting Balita (Ebanghelyo), babasahin ang sulat na nagtatalaga sa pari bilang kura paroko
ng lugar.

PAGBASA NG SULAT NA NAGTATALAGA SA BAGONG KURA PAROKO

Obispo: Ginigiliw kong sambayanan ng N. [ngalan ng parokya] tanggapin ninyo

ang inyong bagong Pastol. Pakinggan natin ang pagpapahayag ng sulat
na nagtatalaga sa inyong bagong Kura Paroko.

Pagkatapos basahin ang Appointment Letter, magbibigay ng pangaral ang Obispo.

HOMILIYA
Pagkatapos gaganapin ang pagtatalaga ng bagong kura paroko.

PAGPAPAHAYAG NG PANANAMPALATAYA
Sa harap ng Obispo at ng buong sambayanan sasariwain ng pari ang kanyang pananamapalataya. Siya ay
luluhod sa harap ng Obispo. Kapag ang pagtatalaga ay hindi tumapat sa araw ng Linggo o Dakilang
Kapistahan, ang pari lamang ang magsasagawa ng Pagpapahayag ng Pananampalataya. Mananatiling
nakaupo ang sambayanan hanggang sa Panalangin ng Bayan. Kapag natapat naman sa araw ng Linggo ang
pagtatalaga ay tatayo ang sambayanan pagkatapos ng pasimula ng obispo at sasabay sa bagong kura
paroko sa pagpapahayag ng pananampalataya. Titigil sila at uupo ng tahimik pagkatapos nito at
magpapatuloy ang pari.

Obispo: Kapatid, tandaan mong laging maging mapagmahal na ama, maging

mabuting pastol at matalinong guro para sa sambyanang
ipinagkakatiwala sa iyo, upang pamunuan mo sila tungo kay Kristo,
sapagkat siya ang magbibigay lakas sa lahat ng iyong gawain.

Bilang tagapagturo ng pananampalataya, sa harap ng Diyos, sa harap

ko na iyong Obispo at sa harap ng buong sambayanan, ipahayag mo ang
iyong pananampalataya.

Commentator: Magsitayo po ang lahat. (Kapag araw ng Linggo o Dakilang Kapistahan)

Pari: Ako, si Fr. N., taglay ang matibay na pananampalataya ay

sumasampalataya at tinatanggap ang bawat isa at lahat ng nasa
simbolo at pananampalataya gaya nang sumusunod:

1
 Sumasampalataya ako sa iisang Diyos Amang makapangyayari sa lahat,
na may gawa ng langit at lupa, ng lahat ng nakikita at di-nakikita.

Sumasampalataya ako sa iisang Panginoong Jesucristo, bugtong na

Anak ng Diyos. Nagmula sa Ama bago pa nagsimula ang panahon, Diyos
buhat sa Diyos, liwanag buhat sa liwanag. Diyos na totoo buhat sa Diyos
na totoo. Ini-anak, hindi nilikha. Kaisa sa pagka-Diyos sa Ama.

Sa pamamagitan Niya ay nilikha ang lahat, na dahil sa ating mga tao at

sa ating kaligtasan ay nanaog buhat sa langit.

Nagkatawang-tao siya lalang ng Espiritu Santo kay Mariang Birhen at

naging tao. Ipinako sa krus dahil sa atin, sa ilalim ng kapangyarihan ni
Poncio Pilato; naghirap, namatay at inilibing.

Muling nabuhay sa ikatlong araw ayon sa kasulatan. Umakyat sa langit,

naluluklok sa kanan ng Ama, pariritong muli puspos ng kaluwalhatian
upang hukuman ang mga buhay at mga patay, at ang kaharian niya’y
walang hanggan.

Sumasampalatya ako sa Espiritu Santo, Panginoon at nagbibigay buhay,

na nanggagaling sa Ama at sa Anak, na sinasamba at niluluwalhating
kasama ng Ama at ng Anak. Nagsasalita sa pamamagitan ng mga
propeta.

Sumasampalataya ako sa isang Iglesiang Banal, Katolika at Apostolika.

Kinikilala ko ang isang binyag sa ikapagpapatawad ng mga kasalanan.
Hinihintay ko ang muling pagkabuhay ng nangamatay at ang buhay na
walang hanggan Amen.

Commentator: Magsi-upo po ang lahat. (Kapag araw ng Linggo o Dakilang Kapistahan)

Luluhod ang pari sa harap ng Obispo.

Sinasampalatayanan ko ring matatag ang lahat ng napapaloob sa Salita

ng Diyos, na sinulat o kaya'y isinalin sa tradisyon at inihahandog ng
Simbahan, sa pamamagitan ng maringal na kahatulan o kaya sa
kaparaanan ng ordinario at pangkalahatang Magisterio, bilang
katotohanang ipinahayag ng Diyos at dapat sampalatayanan.

2
 Matatag ko ring tinatanggap ang bawat isa at lahat ng itinuturo ng
Iglesia Katolika tungkol sa pananampalataya at magandang kaugalian.

Sa wakas, ako'y sumasang-ayon nang may kusang-loob na pagtalima sa

isip at damdamin, sa mga aral na itinuturo ng Santo Papa o kaya ng
kapulungan ng mga Obispo, kung sila ay gumaganap ng tunay na
Magisterio, kahit na ipinahahayag ang mga aral na ito sa pamamagitan
ng isang kautusang di hatitiyak.

Isusunod ang pagsasariwa sa mga pangakong binigkas sa ordinasyon.

PAGSARIWA NG PANGAKONG BINIGKAS SA ORDINASYON

Obispo: Mahal na Anak, sa harap ng bayang ipinagkakatiwala sa iyo, ulitin mo
ang mga pangakong binigkas mo sa iyong ordinasyon.

Nangangako ka ba, na sa tulong ng Espiritu Santo, ay gaganapin mong

mabuti ang iyong tunkulin bilang kapanalig at kasama ng Obispo sa
pangangalaga sa kawan ng Panginoon?

Pari: Opo, Mahal na Obispo.

Obispo: Taos puso ka bang nagtitika na idaraos ang mga misteryo ni Kristo
nang tapat at taimtim ayno sa diwa ng Santa Iglesia sa ikararangal ng
Diyos at sa ikapagiging banal na Kristiyano?

Pari: Opo, Mahal na Obispo.

Obispo: Ipinangangako mo bang gaganapin nang karapat-dapat at nang buong

dunong ang pagpapahayag ng Ebanghelio at ang pagpapaliwanag ng
Pananampalatayang Katoliko?

Pari: Opo, Mahal na Obispo.

Obispo: Handa ba ang iyong kalooban na ianib ang iyong sarili araw-araw kay
Kristo, and Dakilang Pari, naghandog ng kanyang sarili pakundangan sa
ating lahat bilang isang ganap na hain sa Diyos Ama; at talaga bang
ilalaan mo ang iyong sarili sa Diyos sa ikaliligtas ng mga kaluluwa?

Pari: Opo, Mahal na Obispo.

3
Obispo: Ikaw ba ay nangangakong magiging magalang at masunurin sa akin at
sa aking magiging kahalili?

Pari: Opo, nangangako ako.

Obispo: Nawa'y bigyang katuparan ng Diyos ang mabuting gawaing

pinasimulan niya sa iyo.

Pari: Amen.

Pagkatapos bigkasin ang pagsasariwa sa mga pangakong binigkas sa ordinasyon, lalagda ang pari bilang
katunayan ng pagtatalaga. Lalagda din ang Obispo. Kailangan ng tatlong kopya – isa sa parokya, isa sa
Obispo, isa sa chancery.

PAGTATAGUBILIN SA MGA LUGAR NG BINYAGAN, KUMPISALAN,

TABERNAKULO AT PAG-UUPO SA BAGONG KURA-PAROKO

Obispo: Fr. N.,

Bilang bagong pastol ng pamayanang ito,
Ipinagkakatiwala ko sa iyo ang mga lugar sa pagdiriwang
ng Binyag at Kumpisal
gayundin ang susi ng tabernakulo.
Ikaw nawa’y maging tapat na lingkod
at katiwala ng mga misteryo ni Kristo

Sa paglilingkod mo bilang pari,

Ang bayan ng Diyos
ay isisilang muli sa tubig ng Binyag,
palalaguin ng Tinapay ng Buhay
at Salita ng Diyos,
papanibaguhin ng mga sakramento
at aakayin sa pananampalataya,
pag-asa at pag-ibig,

Sasamahan ng Obispo ang bagong kura sa lugar ng Binyagan, Kumpisalan, Tabernakulo, at sa upuan ng
namumuno [o alin man sa apat na ito na matatagpuan sa simbahan]. Ang kura paroko lamang ang iuupo
sa upuan ng namumuno. Samantalang sila ay nagpupunta sa mga lugar sa simbahan ay sasabihin ng
commentator ang mga sumusunod sa bawat lugar habang ang obispo at ang kura paraoko ay naglalakad
patungo sa lugar na iyon. Ang prusisyon ay pangungunahan ng tagadala ng insesnso, krus at dalawang
kandila. Habang sila ay nagpuprusisyon ay maaring umawit ang koro ng isang awit ng pasasalamat.

4
Commentator: Dadalhin ng Obispo ang bagong kura-paroko sa binyagan bulang
paalala ng karangalan natin bilang mga anak ng Diyos at ang
pangkalahatang pagkapari na tinanggap natin sa binyag.

Pagkatapos insesnsuhan ang Binyagan ay dadalhin ng tagapaglingkod ang aspergillium sa obispo at

maga-antanda ng krus ang obispo. Pagkatapos ng obispo ay maga-antanda ng krus ang kura= paroko at
wiwisikan ang mga tao sa paligid ng Binyagan.

Pagkatapos nito ay dadalhin ng Obispo ang pari sa kumpisalan na

siyang tanda ng awa at grasya ng Diyos na nagpapatawad sa
ating mga kasalanan.

Pagkatapos nito, iaabot ng Obispo ang susi ng Tabernakulo sa

bagong kura-paroko bilang paalala ng tungkuling pakanin ang
bayan ng Diyos ng Salita ng buhay at ng katawan at dugo ng
ating Panginoon.

Pagkatapos iabit ng Obispo ang susi ay sasabihin ng commentator ang sumusunod:

Magsiluhod po ang lahat.
Pagkasara ng tabernakulo ay sasabihin ng commentator ang sumusunod:
Magsi-upo po ang lahat.

Panghuli, iuupo ng Obispo ang bagong kura paroko sa upuang

nakalaan para sa pagdiriwang ng misa at mga sakramento bilang
tanda ng kanyang pamumuno sa komunidad at paglilingkod sa
mga kapus-palad

PAGPAPAKILALA SA BAGONG KURA PAROKO

Obispo: Mga minamahal kong mananampalataya ng N. [ngalan ng parokya],

tanggapin ninyo ang inyong bagong Pastol, si N. [ngalan ng pari].

Pau-upuin ng obispo ang kura-parako. Pagkatapos ay yayakap sa Obispo ang kura-paroko bilang tanda ng
pasasalamat at pagbati. Isa-isang babati ang mga paring nakikipagdiwang sa itinalang kura paroko.

Aalisin ng obispo ang kanyang Kapa at stola. Susunod ang Panalangin ng Bayan na pamumunuan ng
bagong Kura Paroko. Itutuloy ang misa sa pamumuno ng kura paroko.

5
Panalangin ng Bayan (Karagdagan)

Deacon/Lector: Ang Simbahan, sa pamamagitan ng kanyang mga pinuno – ang

ating Santo Papa na si Francisco, at ang ating Obispo na si
Honesto – nawa’y umakay ng mga sumasampalataya sa mas
malalim na kaalaman at pag-ibig ng Diyos, manalangin tayo sa
Panginoon:

Nawa, ang ating bagong kura-paroko, si Fr. N, ay maging daan ng

pagkakaisa para sa ating komunidad. Ang pamumuhay nawa niya
ay maging halimbawa ng paglilingkod, manalangin tayo sa
Panginoon

Nawa, tayong lahat na natitipon rito ay magkaisa ng puso at

diwa, habang tayo ay patuloy na naglalakbay bilang bayan ng
Diyos, manalangin tayo sa Panginoon:

Sa pagtatapos ng misa, ang Obispo ang magbibigay ng pagbabasbas.