"Ang aking karanasan sa gitna ng Pandemya"

-Sa ating buhay, normal lang na may pagsubok tayong mararanasan ngunit sa
paglipas ng panahon ay tila kakaibang pagsubok ang ating naranasan. Hindi lang
ako ang naghihirap o nagdurusa kundi buong mundo ang apektado ng pandemic
na ito. Naalala ko ang huling araw ng pasukan bago ang lockdown ng Marso.
Noong araw na iyon ay nagtanghal kami ng isang kanta para sa isang palabas sa
aming paaralan. Ang kantang ito ay malungkot kaya medyo may pagkakahawig
sa mga pinagdadaanan natin ngayon sa panahon ng pandemya. Naisip ko rin na
magkikita kami ng mga kaklase at guro namin sa susunod na linggo pero iyon na
pala ang huli naming pagkikita. Napakalungkot isipin na mapupunta tayo sa
ganitong sitwasyon.

Sa panahon ng pandemya, ang aking pang-araw-araw na gawain ay nagbago

din, halimbawa, nagkaroon ng mas kaunting oras para sa social media at mas
naging malinis ako. Ako din ay nagsimulang manatili sa loob ng bahay at upang
mas makapag-adjust pa para sa bagong new normal. Lumalabas lang ako lalo na
kasama ang aking ama kapag may kailangan akong bilhin at kapag may bumisita
sa aming bahay, sinisigurado naming sumunod sa social distancing upang
maiwasang mahawa ng posibleng virus. Sumasang-ayon ako dito dahil mas
nakakatulong ito sa ating kalusugan at nakakaiwas sa pagkakaroon ng
nakamamatay na virus. Nagkakaroon din ako ng oras para mas kilalanin ang
sarili ko at gawin ang mga bagay na gusto kong gawin. Sa mga natutunan ko
araw-araw, pumasok sa isip ko na marami pa akong kayang gawin kaysa dati na
nagcecellphone lang ako at gumagala. Ngayon marami na akong natutunan at
mas marami pa akong matutunan. May oras din ako para makasama ang
pamilya ko ng mahabang oras at sabay sabay kaming nagdarasal araw araw
upang ipanalangin na sana ay mawa na itong Pandemya at Wala ng buhay na
makikitil pa.

Ang aking napagtanto at ang aking natutunan sa panahon ng pandemyang ito ay

dapat tayong magtiwala at kumapit sa Diyos dahil siya lamang ang
makakasuporta sa atin sa anumang uri ng pagsubok. Hindi tayo dapat mawalan
ng pag-asa at magtiwala sa kanya dahil lahat ay nasa ilalim niya. Natuto din
akong maging bukas sa mga pagkakataong dumarating sa panahong ito.
Mahalaga rin sa oras na ito na magtulungan tayo para malampasan ang ating
mga pinagdadaanan. Mahalaga rin na magbigay ng kasiyahan sa iba sa maliliit
na paraan. Ito ay magkakaroon ng malaking epekto sa sangkatauhan. Panghuli,
dapat tayong maging responsable sa ating mga ginagawa o mga aksyon upang
makatulong na hindi lumala ang mga kaso ng COVID 19 at tuluyang ng mawala
ang Pandemyang ito.