Professional Documents
Culture Documents
Esp9 Q2, W1
Esp9 Q2, W1
MGA TUNGKULIN
May kaakibat na tungkulin ang bawat karapatan. Narito ang anim na tungkulin na tutugon sa
angkop na karapatan:
1. Sa karapatan ng buhay, may tungkulin ang bawat tao na pangalagaan ang kaniyang kalusugan
at ang kaniyang sarili sa panganib ng katawan at kaluluwa. May tungkulin siyang paunlarin ang
kaniyang mga talent at kakayahan-sa epektong pangkatawan, pangkaisipan at moral.
2. Sa karapatan sa pribadong ari-arian. May tungkulin ang tao na pangalagaan at palaguin ang
anumang ari-arian niya at gamitin ito upang tulungan ang kapuwa at paunlarin ang pamayanan.
3. Sa karapatang magpakasal. May kaakibat na tungkulin na suportahan ang pamilya at gabayan
ang mga anak upang maging mabuting tao ang mga ito. Kasama rito ang pagging mabuting
halimbawa sa mga anak, pag-iwas sa eskandalo na magiging sanhi ng pagsira ng pangalan ng
pamilya, at pagsasabuhay ng mga birtud bilang isang pamilya.
4. Sa karapatang pumunta sa ibang lugar. May tungkulin na igalang ang mga pribadong
boundary. Kaakibat ng karapatang ito ang tungkulin na kilalanin ang limitasyon ng sariling
kalayaan at pribadong espasyo ng kapuwa.
5. Sa karapatang sumamba o ipahayag ang pananampalataya. May tungkulin na igalang ang
relihiyon o paraan ng pagsamba ng iba.
6. Sa karapatang magtrabaho o maghanapbuhay. May tungkulin ang bawat isa na magpunyagi sa
trabaho o hanapbuhay at magpakita ng kahusayan sa anumang gawain. Kasama sa karapatang
ito ang karapatang mag-alsa (strike) kung may inhustisya sa pagsusuweldo at ang pagiging
bukas ng mga empleyado sa diyalogo sa kompanya o arbitration.
May 19 na artikulo (articles) ito. Narito ang apat na Batayang Prinsipyo ng Sangkatauhan
(Fundamental Principles for Humanity).
Artikulo 1. Ang bawat tao, anuman ang kasarian, lahi, estado sa lipunan, opinion sa mga isyung
political, wika, edad, nasyonalidad, o relihiyon ay may tungkulin na pakitunguhan ng tao sa
paraang makatao.
Artikulo 2. Walang tao ang dapat sumuporta sa anumang uri ng hindi makataong asal, kaya ang
lahat ng tao ay may tungkuling pagsumikapang pangalagaan ang dignidad at tiwala sa sarili ng
kapuwa.
Artikulo 3. Walang tao, pangkat, organisasyon, bansa, army o pulisya ang dapat mangibabaw sa
mabuti at masama; lahat ay dapat sundin ang pamantayang moral. Bawat isa ay may tungkuling
itaguyod ang mabuti at iwasan ang masama sa lahat ng bagay.
Artikulo 4. Lahat ng tao, gamit ang kanilang isip at konsensiya, ay dapat tanggapin ang kanilang
tungkulin sa bawat isa,sa mga pamilya at pamayanan, lahi, bayan, at relihiyon nang may
pagkakaisa: Huwag mong gawin sa iba ang anumang ayaw mong gawin nila sa iyo.
Kaakibat sa karapatan ng isang tao ang obligasyon ng kaniyang kapuwa na igalang ito at ang
kaniyang obligasyon na tuparin ang kaniyang mga tungkulin. Mahalaga sa bawat isa, lalo na sa
yugtong ito ang iyong kabataan, ang pagsasaloob ng mensaheng ito. Matutugunan mo ang tawag sa
pagbuo ng iyong pagkatao sa lipunan kung igagalang mo at ng kalipunan ang mga karapatan ng
iyong kapuwa at kung tutuparin mo nang mapanagutan ang iyong mga tungkulin. Masalimuot man
ang pagtupad ng iba’t-ibang tungkulin sa bawat papel na ginagampanan mo lalo na sa lipunan,
mahalagang patuloy na tayahin ang sarili kung napaunlad mo ang mga kaloob ng Diyos sa
pamamagitan ng pagtupad ng iyong mga tungkulin at paglilingkod sa lipunan.