12 SENIOR HIGH SCHOOL

Filipino sa Piling Larang

(Tech-Voc)
Ikalawang Markahan – Modyul 6:
Pagsulat ng Naratibong Ulat
Filipino – Ikalabindalawang Baitang
Alternative Delivery Mode
Ikalawang Markahan – Modyul 6: Pagsulat ng Naratibong Ulat
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Shem Don C. Fabila
Editor: Arlene L. Decipolo, Ana Melissa T. Venido, Shem Don C. Fabila
Tagasuri: Arlene L. Decipolo, Ana Melissa T. Venido, Shem Don C. Fabila
Tagalapat: Romie G. Benolaria
Tagapamahala: Senen Priscillo P. Paulin, CESO V Rosela R. Abiera
Fay C. Luarez, TM, EdD., PhD Maricel S. Rasid
Adolf P. Aguilar, CESE Elmar L. Cabrera
Nilita L. Ragay, EdD.
Renante A. Juanillo, EdD.

Inilimbag sa Pilipinas ng ________________________

Department of Education –Region VII Schools Division of Negros Oriental

Office Address: Kagawasan, Ave., Daro, Dumaguete City, Negros Oriental

Tel #: (035) 225 2376 / 541 1117
E-mail Address: negros.oriental@deped.gov.ph
 12

Filipino sa Piling Larang

Ikalawang Markahan – Modyul 6:
Pagsulat ng Naratibong
Ulat
Paunang Salita
Para sa tagapagdaloy:

Malugod na pagtanggap sa asignaturang Filipino 12 ng Alternative Delivery Mode

(ADM) Modyul para sa araling Pagsulat ng Naratibong Ulat!

Ang modyul na ito ay pinagtulungang dinisenyo, nilinang at sinuri ng mga edukador

mula sa pambuliko at pampribadong institusyon upang gabayan ka, ang gurong
tagapagdaloy upang matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at

malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.

Bilang karagdagan sa materyal ng pangunahing teksto, makikita ninyo ang kahong

ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong
o estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang mag-aaral

kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.

ii
Para sa mag-aaral:

Malugod na pagtanggap sa Filipino 12 ng Alternative Delivery Mode (ADM)

Modyul ukol sa Pagsulat ng Naratibong Ulat!

Ang kamay ay madalas gamiting simbolo ng kakayahan, aksyon at layunin. Sa

pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral, ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga

dapat mong matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong laktawan
ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang leksyon.

Tuklasin Sa bahaging ito, ang bagong aralin ay

ipakikilala sa iyo sa maraming paraan tulad
ng isang kuwento, awitin, tula, pambukas na
suliranin, gawain o isang sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.

Pagyamanin Binubuo ito ng mga gawaing para sa

malayang pagsasanay upang mapagtibay ang
iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.

iii
 Isaisip Naglalaman ito ng mga katanungan o
pupunan ang patlang ng pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing makatutulong

sa iyo upang maisalin ang bagong kaalaman
o kasanayan sa tunay na sitwasyon o
realidad ng buhay.

Tayahin Ito ay gawain na naglalayong matasa o

masukat ang antas ng pagkatuto sa
pagkamit ng natutuhang kompetensi.
Karagdagang Sa bahaging ito, may ibibigay sa iyong
Gawain panibagong gawain upang pagyamanin ang
iyong kaalaman o kasanayan sa natutuhang
aralin.

Susi sa Pagwawasto Naglalaman ito ng mga tamang sagot sa lahat

ng mga gawain sa modyul.

Sa katapusan ng modyul na ito, makikita mo rin ang:

Ito ang talaan ng lahat ng pinagkuhanan sa

Sanggunian
paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay na papel
sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito, huwag
mag-aalinlangang konsultahin ang inyong guro o tagapagdaloy. Maaari ka rin
humingi ng tulong sa iyong mga magulang, sa nakatatanda mong kapatid o sino
man sa iyong mga kasama sa bahay na mas nakatatanda sa iyo. Laging itanim sa
iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!

iv
 ALAMIN

Pagsulat ng Naratibong Ulat

MGA KASANAYANG
PAMPAGKATUTO

1. Nakasusulat ng sulating batay sa maingat, wasto, at angkop na paggamit ng

wika (CS_FTV11/12WG-0m-o-95)
2. Naisaalang-alang ang etika sa binubuong teknikal-bokasyunal na sulatin (
CS_FTV11/12PU-Om-o-99)

PANIMULA

Magandang araw! Kumusta ka? Sa araw na ito, susulat ka na ng isa

sa mga teknikal-bokasyunal na sulatin. Sa mga naunang modyul, nabasa
mo na ang hinggil sa naratibong ulat. Naging sapat ang iyong kaalaman sa
nasabing paksa sapagkat malinaw at maayos ang pagkalahad nito.
Kaya sa modyul na ito, susubukin ang iyong husay sa pagsulat ng
naratibong ulat. Ihanda ang iyong sarili para sa nasabing gawain. Dito mo
maipapakita ang iyong kakayahan sa nasabing gawain.
Halina’t simulan na nating lakbayin ang mundo ng pagsulat
ngnaratibong ulat!
 MGA LAYUNIN

Sa katapusan ng modyul na ito,

inaasahan na ikaw ay:
1. Naisaalang-alang ang mga hakbang at etika sa pagsulat ng naratibong
ulat;
2. Nakasusulat ng naratibong ulat sa isang tiyak na paksa o pangyayari;
3. Naisasagawa nang may kawilihan ang pagsulat ng naratibong ulat bilang
halimbawang anyo ng sulating teknikal-bokasyunal na sulatin.

SUBUKIN

PANIMULANG
PAGTATAYA

A. Panuto: Basahin at unawain nang mabuti ang bawat kaisipan sa ibaba. Isulat
ang Oo kung ang pahayag may kaugnayan sa naratibong ulat at Hindi
naman kung hindi ito kaugnay sa naratibong ulat.

1. Naglalaman ito ng mga nakamit, napagtagumpayan, gayundin ang naging

kalakasan o kahinaan ng isang ahensya o samahan. _____________
2. Kadalasang makakakita mula sa iba’t ibang ahensya o kompanya na
nagbubuo ng mga ulat hinggil sa isang gawain o kaya’y mahalagang
pangyayari sa isang organisasyon o institusyon. ___________
3. Isang pagtatala ng nangyari o kaya’y posibleng mangyari pa, mahalaga ito
upang magkaroon ng sistematikong dokumnetasyon ang mga nangyari o
kaya’y kaganapan na mababalikan kapag kinakailangan. ____________
4. Mahalaga na ang pagsusulat nito ay magsisimula at magtatapos batay sa
nangyari. Hindi maaaring patalon-talon ang pagtalakay sa pangyayari.
Makagugulo ito sa sinumang magbabasa ng nagawang pag-uulat. ______
 5. Mahalaga ang iba’t ibang elemento ng talata upang maging katanggap-
tanggap sa mga pamunuan ng ahensyang kinabibilangan nito. _________
6. Mahalagang malinaw sa ang konteksto ng pag-uusap/pagpupulong/gawain
dahil ito ang magtatakda ng kabuuang set-up ng pagkikita. _________
7. Kailangang masagot ang mga tanong gaya ng - kailan naganap ang pag-
uusap/pagpupulong/gawain.? ________
8. Maliban sa tagpuan at panahon kung kailan naganap ang pag- uusap,
mahalagang kilalanin sila sa pamamagitan ng pagbanggit ng buong
pangalan sa unang beses na banggitin ang pangalan nila. _________
9. Layunin ng isang naratibong ulat na mapag-ugnay ang mga pangyayaring
naging karanasan, namasid o nasaksihan at maaari namang pasalita o
pasulat ang pagsasalaysay. _________
10. Karaniwang nakikita ang naratibong ulat mula sa iba’t ibang ahensiya o
kompanya na nagbubuo ng mga ulat hingil sa gawain o kaya’y mahalagang
pangyayari sa isang organisasyon o institution. __________

Magaling! Nakakitaan kita ng kahusayan

sa mga naunang gawain. Ngayon,
bibigyan na naman kita ng pagkakataong
gawin ang mga inihandang pagsasanay
nang madagdagan ang iyong kaalaman
sa pagsulat ng naratibong ulat.

TUKLASIN

GAWAIN 1

Panuto: Gamit ang iyong dating kaalaman, maglahad ng sariling kaisipan hinggil sa
tanong nasa gitna ng concept map. Kopyahin ang concept map sa ibaba sa iyong
kuwaderno.
 SURIIN

PAGSUSURI

Mga tanong:
1. Kumusta ang iyong karanasan sa gawain 1? Nahirapan ka ba sa
paglalahad ng iyong kaisipan hinggil sa tanong?
2. Ano ang iyong naging pamamaraan upang makapaglahad ng mga
kaugnay na kaisipan?
3. Paano kaya makatutulong sa iyo ang gawaing iyong isinagawa sa
pagkatuto mo sa paksang ating tatalakayin?

PAGYAMANIN

PAGLALAHAD

Mga Dapat Tandaan sa Pagsulat ng Naratibong Ulat

Maaaring basahin ang kabuuang nialalaman sa https://bit.ly/3kWPuHC
1. May maikli at kawili-wiling pamagat.
2. May mahalagang paksa.
3. May wastong pagkakasunod-sunod.
4. May kawili-wiling simula at wakas
5. May layuning ilahad ang mga pangyayaring namasid o nasaksihan.
6. Gumagamit ng mga salitang angkop at pormal.
7. Gumagamit ito ng mga pandiwang nasa aspektong pangnagdaan.
8. Gumagamit ito ng panahon o mga tiyak na petsa o araw upang tukuyin
kung saan at kalian nangyari o naganap ang isang pangyayari.
Mga Etika sa Pagsulat ng Naratibong Ulat
saad mula https://brainly.ph/question/476973
 1. Sumulat batay sa sariling ideya.
2. Timbangin kung makabubuti ba ang nilalaman ng sulatin.
3. Gumagamit ng tama at angkop na mga salita.
4. Iwasang mangopya ng likha/idea ng iba.
5. Tiyaking hindi nakakasakit ng damdamin ang ginagawang naratibong
sulatin.

Narito ang halimbawang naratibong ulat bilang gabay para sa iyo:

Naratibong Ulat sa Ikalimang Kongresyonal na Patimplak sa

Language Arts Show sa Filipino

Ika- 20 ng Setyembre 2017, ginanap ang isa sa pinakamalaking patimpalak

ng Third Congressional District ang Ika-limang Kongresyonal na Patimpalak sa
Language Arts Show kung saan ang Buong Distrito ng Zamboanguita (Elementarya
at Sekondarya) ay siyang naging punong-abala (host). Ang nasabing patimpalak ay
mga pakontes sa Filipino at Ingles. Ito ay pinamumunuan ng District In- Charge ng
Zamboanguita na si Dr. Jeanny M. Abejero, Bb. Ritchel Elnar District Subject
Specialist ng Filipino at Gng. Jacqueline Catargo District Subject Specialist ng
Englishat mga punong-guro sa mga paaralan ng Zamboanguita sa tulong at
koordinasyon ng lokal na pamahalaan ang Local Government Unit of Zamboanguita
na pinamumunuan ni Hon. Glenson E. Alanano ang Alkalde ng Zamboanguita.

Ang patimpalak na ito ay batay sa Memorandum ng Dibisyon ng Negros

Oriental na naitala noong ika-30 ng Hunyo, 2017 no.334, s.2017 na may Temang:
Pagpapahalaga sa Iba’t Ibang wika sa Pamamagitan ng K to 12 Kurikulum. Ang
Memorandum na ito ay nag-anunsyo sa pagkakaroon ng Pandibisyong Patimpalak
sa Language Arts Show at ang mananalo sa Third Cong ay siyang maging kalahok
sa nasabing patimpalak. Sinundan pa ito ng Division Memorandum na may Blg.
368.s.2017 tungkol sa mga Panununtunan at Pamantayan sa mga Tampok na
Paligsahan ng Language arts Show noong ika-13 ng Hulyo, 2017. At ang pangatlong
Memorandum ay ang Division Memorandum blg.465 s.2017 noong ika 31 ng
Agosto 2017 na nag-anunsyo sa pagkakaroon ng Congressional Language Arst
Show sa ika-20 ng Setyembre 2017. Ang nasabing patimpalak ay magpapakita at
magpapatunay sa kakayahan ng mga mag-aaral sa wika sa pakikinig, pagbabasa,
pagsusulat, pag-aawit at pagganap. Ang mga kategorya nito ay ang mga
sumusunod: Interpretasyong Pagbasa; Balagtasan; Dagliang Talumpati; Movie
Trailer; Puppetry at Likhawit.

Ang patimpalak na ito ay nilahukan ng labindalawang Distrito ng 3rd Cong.

Ang Valencia, Bacong, Dauin, Zamboanguita, Siaton 1, Siaton 2, Siaton 3, Siaton
4, Santa Catalina , Santa Catalina 2, Santa Catalina 3 at Santa Catalina 4. Bawat
Distrito ay may representateng kalahok na nanalo na sa Pandistritong Eliminasyon
sa kani-kanilang mga Distrito.

Ika-4 ng Setyembre, 2017 pa lamang, ang Pangkalahatang Tagapamahala

sa Filipino at District Suject Specialist na si Bb. Ritchel Elnar ay abalang-abala sa
pagkuha ng mga Hurado bilang paghahanda para sa mga Tampok na Patimpalak.
Nagpapadala siya ng Liham Pahintulot sa mga Dekano at Dekana ng paaralan at
sa mga Hurado o Lupon ng Inampalan mismo. Nagpadala ng Liham ang DSS ng
Filipino sa Dekano Kolehiyo ng Edukasyon ng Siliiman na si Dr. Pablito De la Rama;
sa Kolehiyo ng Sining at Agham naman sa Silliman University na si Dr. Earl Jude
Paul L. Cleope; sa Kolehiyo ng Sining at Agham naman sa NORSU na si Dr. Michael
P. Baldado at ng Kolehiyo ng Edukasyon sa Foundation University na si Dr. Cristina
P. Calisang. Ang Liham na ito ay nilagdaan ng punong-guro ng DSS sa Filipino na
si James D. Rodriguez at Dr. Jeanny M. Abejero ang District In-Charge ng
Zamboanguita.

Narito ang mga nakuha niya na mga Hurado mula sa Silliman University para
sa Patimpalak sa Interpretasyong Pagbasa: Gng. Maria Flordeline C. Sonjaco;
Bb.Ginalyn A. Orillana at Gng. Emelyn Jose-Kinilitan. Sa Balagtasan at Dagliang
Talumpati ay sina: Dr. Cristina P. Calisang ng Foundation University; G. Ronald B.
Kinilitan ng Silliman University; Gng. Marissa L. Salgado isang Asst.Professor ng
Negros Oriental State University. Sa Patimpalak sa Puppetry at Movie Trailer: ay
mga guro na galing sa Foundation University sina B. Nollete Mae Sialongo; G.
Baltazar Q. Banico at Felipe B. Sullera Jr. Ang mga Hurado sa Interpretasyong
Pagbasa,Balagtasan,Dagliang Talumpati, Puppetry at Movie Trailer ay mga
batikang guro sa Filipino na mayroong kasanayan at kakayahan sa wika.

Sa patimpalak sa Likhawit naman ay sina: Bb. Yaseff Ann S. Tuayon isang

guro sa musika ng Santiago Delmo Memorial High School; Nicky S. Dumapit na
isang Music Artist at Eleubert Benigay ng Parish Youth Choir ng Dauin. Ang mga
hurado sa Likhawit ay guro at artists na mayroong kasanayan at kakayahan sa
musika. Ang mga bio-data, liham at larawan para sa Lupon ng Inampalan na ito ay
kalakip sa Naratibong Ulat na ito.

Ika-14 ng Setyembre 2017, ay nagkaroon ng pagpupulong ang buong

Departamento ng Filipino at Ingles ng Elementarya at Sekondarya upang pag-
usapan ang lugar na pagdarausan o Venue ng nasabing patimpalak.
Napagkasunduan ng Buong Pangkat sa Filipino, na ang mga kategorya sa
Sekondarya ay gaganapin sa Zamboanguita Science High School. Ang mga
Coordinator sa Filipino na si G. Freddie E. Ibañez ng Santiago Delmo Mem. High
School, Bb. Ana Melissa Venido ng Zamboanguita Science High School, Bb. Ritchel
Elnar ng Jose Marie Locsin Memorial High School at Bb. Marivic P. Flores na siyang
tagatala at kalihim ng Zamboanguita Science High Schoool ay abala sa pagbabalak
sa mga venue, dekorasyon, at pagtatalaga ng mga Komitiba ng nasabing
patimpalak. Si Bb. Ana Melissa Venido mismo ang nag-aayos kung saang silid-
aralan ang gagamitin para sa patimpalak at mga billeting quarters dahil isa siya sa
mga guro ng Zamboaguita Science High School. Napagkasunduan ng mga Filipino
coordinators na magbigay ng mga katanungan na tampok para sa Dagliang-
Talumpati, at maghanda ng paksa para sa Interpretasyong Pagbasa at Movie
Trailer. Nagkaroon din ng rebyu at pagbabalik-aral sa mga panununtunan sa iba’t
ibang kategorya. Isa sa mga napagkasunduan namin na ang Chairman ng bawat
patimpalak ay mga District Subject Specialist ng ibang Distrito ng Third cong. At ang
mga Co-Chairman at mga tabulator nito ay magmula sa Distrito ng Zamboanguita.
Humingi ng pahintulot ang DSS ng Filipino sa mga punong-guro ng ilang chairman
upang payagan sila na maging isa mga Komitiba ng Patimpalak. (

Binigyan ng pahintulot ng punong-guro ng Zamboanguita Science High School

na si Gng. Melissa Adanza Lero na magdaos ng patimpalak sa Zamboanguita
Science High School ang Filipino sa Sekondarya . Si Gng. Lero mismo ang
nangunguna sa paghahanda ng mga gagamitin para sa dekorasyon maging sa
tarpuline para sa pagtanggap ng mga delegado at bisita sa araw ng patimpalak. Ang
buong Faculty ng Zamboanguita Science High School ay tulong-tulong sa paglilinis
ng buong paaralan lalo na ang mga billeting quarters at sama-sama rin silang
gumawa ng makukulay na dekorasyon para sa entablado at mga silid-aralan na
pagdarausan ng mga patimplak para sa iba’t ibang kategorya.

Humingi ng tulong ang DSS ng Filipino na si Bb. Ritchel Elnar sa Lokal na

pamahalaan ng Zamboanguita kina Hon. Glenson A. Alanano at G. David De la
Peña ng munisipyo upang makahiram ng Canopy at Sasakyan para sa mga
delegado at Lupon ng Inampalan at pati sa Sound System na gagamitin para sa
patimpalak sa likhawit. Si G. Reynaldo S. Banua na guro sa sa Science High School
ang siyang nakipagnegosasyon kay G. Timoteo S. Adalim ang Radio Program
Director ng RK FM ng Zamboanguita upang makahiram ng mikropono na siyang
gagamitin sa patimpalak sa Likhawit.

Ika- 17 ng Setyembre 2017 nagpunta sa Zamboanguita District sina Bb. Ana

Melissa T. Venido at Marivic P. Flores ng Zamboanguita Science High School, Bb.
Ritchel Elnar ng Jose Marie Locsin Memorial High School upang kunin ang mga
tropeo, medalya at signature certificate holder para sa mga nanalo at mga kalahok
,special paper/inkjet paper para sa mga sertipiko sa mga kalahok at komite, token
at certificate holder para sa mga Hurado. Lapis at bondpaper na gagamitin ng mga
hurado at komite.Ang mga kagamitang ito ay handog ng Local Government Unit of
Zamboanguita na pinamumunuan ng butihing Alkalde na si Hon. Glenson E.
Alanano.

Ika-18 ng Setyembre 2017, abala na si G. Mark Vincent R. Buling at G. Jerry

Mar Vadil ng Jose Marie Locsin Memorial High School sa paggawa ng mga sertipiko
para mga kalahok at hurado. Sila rin ang gumawa ng mga numero para sa
pagkakasunod-sunod ng kalahok at mga sticker na may markang una-ikatlong
gantimpala para sa mga medalya at signature certificate holder. Si G. Mark Vincent
R. Buling ang tumulong sa DSS ng FILIPINO para sa pag-encode ng mga Score
Sheets, attendance sheets at tabulasyon para sa mga patimpalak sa iba’t ibang
kategorya. Tumulong din si Bb. Marivic P. Flores para sa pag-encode ng mga
attendance sheets na kakailanganin sa Zamboanguita Gymnasium para sa araw ng
patimpalak sapagkat doon ang opening sa araw ng Language Arts Show.

Ika-19 ng Setyembre ay handang-handa na ang lahat para sa araw nang

patimpalak kinabukasan. Ang lahat ay abalang-abala sa physical set-up ng
Zamboanguita Science High Shool hanggang sa pagpapapirma ng mga sertipiko
ng pagpapakilala at katibayan ng pagdalo kay Dr. Jeanny M. Abejero.

Ika-20 ng Setyembre, araw ng Miyerkules ay abalang-abala na ang lahat.

Ang pambungad na palatuntunan o opening ay ginanap sa Zamboanguita Municipal
Gymnasium kung saan nagpapatala ang mga kalahok at mga tagapagsanay sa iba’t
ibang Distrito ng 3rd Cong. Nagsipagdating din ang mga Lupon ng Inampalan mula
sa Silliman University para sa Patimpalak sa Interpretasyong Pagbasa: Gng. Maria
Flordeline C. Sonjaco; Bb.Ginalyn A. Orillana at Gng. Emelyn Jose-Kinilitan. Sa
Balagtasan at Dagliang Talumpati ay sina: Dr. Cristina P. Calisang ng Foundation
University; G. Ronald B. Kinilitan ng Silliman University; Gng. Marissa L. Salgado
isang Asst.Professor ng Negros Oriental State University. Sa Patimpalak sa
Puppetry at Movie Trailer: ay mga guro na galing sa Foundation University sina B.
Nollete Mae Sialongo; G. Baltazar Q. Banico at Felipe B. Sullera Jr.. Ipinakilala ang
mga Lupon ng Inampalan ng DSS ng Filipino. Pagkatapos ng pagpapakilala ay
pinasakay sila sa sasakyan ng Local Government Unit of Zamboanguita upang
ihatid sa Zamboanguita Science High kung saan ang pagdarausan o venue. Ang
mga kalahok ay pumunta din sakay ng kanilang mga sasakyan at ang iba naman ay
nakisakay sa sasakyan ng munisipyo.

Maraming mga bisitang dumating mga tagapagsanay sa iba’t ibang distrito,

mga magulang at dumating din ang mga District In-Charge ng Distrito ng Siaton,
Dauin at Santa Catalina atbp.

Nandoon din sa pambungad na palatuntunan ang Superbisor sa Filipino na si

Dr. Reynante Juanillo upang subaybayan ang buong patimpalak sa Filipino. Si G.
Juanillo mismo ang naghanda ng piyesa para sa Interpretasyong Pagbasa; paksa
para sa Movie Trailer na may kaugnayan sa tema at mga katanungan o paksa sa
Talumpating Di-Handa na may kinalaman sa mga isyung panlipunan.

Bago nagsimula ang patimpalak ay nagkaroon muna ng briefing at mga

tagubilin ang Superbisor sa Filipino sa mga Lupon ng Inampalan sa iba’t ibang
kategorya. Ibinigay niya sa mga Lupon ng Inampalan ang kaniyang mga inihandang
paksa para sa mga kalahok.

Eksaktong alas 9:45 ng umaga ay nagsimula na ika 5Th Kongresyonal na

Patimpalak sa Filipino sa kani-kaniyang mga Venue. Sabay-sabay ang mga
kategorya. Tanging dalawa sa patimpalak ay ginanap ang paghahatol sa hapon ang
Movie Trailer (dokumentaryo sa umaga) at ang Talumpating Di-Hinda. Handang-
handa na rin ang mga komite sa bawat kategorya na naghihintay na sa mga Venue.
Nandoon na ang pagkakasunod-sunod ng bilang kung saan dumaan muna sa draw
lots ang bawat kalahok, handa na rin ang scoresheets at tabulation sheets.
Naghintay na rin ang mga tabulators upang masimulan ang tabulasyon pagkatapos
din ng patimpalak.

Lahat ng mga kalahok ay nagtagisan sa pangangatuwiran sa Balagtasan at

Dagliang Talumpati. Ang ibang kalahok naman ay nagpatalbugan sa pagbirit at pag-
awit at komposisyon sa Likhawit. Pagandahan naman ng Puppet at iskrip sa
Puppetry. Patalbugan naman sa pagbibigay ng interpretasyon sa Interpretasyong
Pagbasa. Pagalingan at pagandahan naman sa iskrip at Video sa Movie Trailer.
Napagkasunduan na igagawad ang mga parangal sa kani-kanilang venues
pagkatapos ng bawat patimpalak. Ang mga nanalo ng una hanggang ikatlong
Gantimpala ay nakatanggap ng medalya, sertipiko at tropeo habang ang mga hindi
nanalo ay nakatanggap din ng sertipiko ng pakikilahok o partisipasyon.

Alas Dose Y media ng tanghali (12:30 n.t ), tatlo sa mga patimpalak ang
Interpretasyong Pagbsa, Balagtasan at Puppetry ang tapos na at binigyan muna
ng pagkakataon na makapananghalian ang mga hurado sa Zamboanguita District.
Hinatid sila ng sasakyan ng LGU patungo doon kung saan naghihintay ang butihing
District In-Charge na si Dr. Jeanny M. Abejero. Isang masarap na pananghalian
ang pinagsasaluhan ng lahat. Sumusnod naman na nananghalian ang mga Hurado
sa Likhawit.

Kinahapunan ay nagbalik ang ibang hurado para sa Dagliang Talumpati na

kung saan ay natapos ng mga alas dos Y media ng hapon (2:30 n.h)at paghatol
naman sa Movie Trailer na kung saan ay ginawa ang pagdodokumento sa umaga.

Natapos din ang patimpalak sa movie Trailer bandang alas tres ng hapon
(3:00) . Ginawaran ng parangal ang mga kalahok.

Naging matiwasay at punong-puno ng sigla ang naganap na patimpalak. Ang

buong Distrito sa Sekondarya ay nagpapasalamat sa lahat ng nakikilahok,
nakikidalo at lahat ng tumulong upang maging matagumpay ang ika-5 Kongresyonal
na Patimpalak sa Language Arts Show ng Filipino. Ginawaran ng parangal ang lahat
ng nanalong mag-aaral at tagapagsanay at ginawaran ng sertipiko ng pagkilala ang
mga tagapamahala sa bawat kategorya.

Inihanda ni: Bb. RITCHEL ELNAR

District Specialist sa Filipino
Pangkalahatang Tagapamahala
Kongresyonal Language Arts Show

Inaprobahan ni: JEANNY M. ABEJERO Ed.D

District In-Charge
Zamboanguita Neg.Or.

Mga Gawain

Panuto: Muling basahin at suriin ang halimbawang naratibong ulat sa itaas.

Tingnan mo kung nakapaloob ba rito ang mga dapat tandaan at etika sa pagsulat
ng naratibong ulat sa pamamagitan ng pagsagot ng mga tanong sa ibaba. Isulat mo
kuwaderno ang iyong sagot.

1. Nasunod ba ng halimbawang naratibong ulat sa itaas ang mga dapat tandaan

kung paano ito isulat? Ipaliwanag.

2. Bakit mahalaga sa isang naratibong sulatin ang pagkakasunod-sunod ng

mga pangyayari?

3. Paano nakatulong sa iyo ang halimbawang naratibong ulat sa paghahanda

mo ng iyong sulatin?
 ISAISIP

Mahalagang tandaan na ang

pagsulat ng Teknikal-Bokasyuna na
sulatin, partikular na ang naratibong
ulat ay isang kasanayan na dapat
mong malinang at matutuhan. Ito ay
isang gawain upang maisalaysay ang
mga tiyak na pangyayari na naganap
na batay sa anumang programa o
gawain. Halimbawa, kapag pinasulat
ka ng naratibong ulat hinggil sa
kabuuang kita sa loob ng isang
buwan, magagamit mo ang iyong
natutuhan hinggil rito.

ISAGAWA

PAGLALAPAT

Panuto: Magsulat ng sariling naratibong ulat batay sa isang pangyayari,

mahalagang gawain o programa na may kaugnayan sa strand na iyong
kinabibilangan. Sundin ang format sa ibaba.
 ____________________________
PAMAGAT
Simula
______________________________________________________________
______________________________________________________________
______________________________________________________________
______________________________________________________________
______________________________________________________________
Gitna
______________________________________________________________
______________________________________________________________
______________________________________________________________
______________________________________________________________
______________________________________________________________
______________________________________________________________

Wakas
______________________________________________________________
______________________________________________________________
______________________________________________________________
______________________________________________________________
______________________________________________________________

Ipinasa ni _________________________
Pangalan ng Mag-aaral
Ipinasa kay: ____________________________
Pangalan ng Guro

Pamantayan sa Pagtataya

1. Nilalaman (may kaugnayan sa paksa) ……………………. 20 puntos

2. Kaayusan ng anyo at mga bahagi ………………………. 20 puntos
3. Kawastuhang Panggramatika …………………………….10 puntos

KABUUAN 50 PUNTOS
 KARAGDAGANG
GAWAIN

PAGPAPAYAMAN

REFLEKSIYON

Ang husay mo! Ngayon upang matiyak na may natutuhan ka mula sa modyul na
ito, dudugtungan mo lamang ang nasa kahon upang makabuo ng makabuluhang
kaisipan. Tandaan na ang itatala mo ay ang mga konseptong may kaugnayan sa
araling nakapaloob dito. Kopyahin ang pormat sa ibaba at isulat sa iyong
kuwaderno.
Nang dahil sa araling tinalakay ng modyul na ito, mapauunlad ko ang
kakayahan ko sa … (Pangatwiranan ang iyong sagot)
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________

Makatutulong sa akin ang mga kaalamang aking natutuhan sa modyul

na ito dahil… (Pangatwiranan ang iyong sagot)
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
_______________________________________________________________________
 TAYAHIN

PANGWAKAS NA
PAGTATAYA
A. Panuto: Basahin at unawain nang mabuti ang bawat kaisipan sa ibaba.
Isulat ang Oo kung ang pahayag may kaugnayan sa naratibong ulat at Hindi
naman kung hindi ito kaugnay sa naratibong ulat.

1. Mahalagang malinaw sa ang konteksto ng pag-uusap/pagpupulong/gawain

dahil ito ang magtatakda ng kabuuang set-up ng pagkikita. ________
2. Kailangang masagot ang mga tanong gaya ng - kailan naganap ang pag-
uusap/pagpupulong/gawain? ____________
3. Maliban sa tagpuan at panahon kung kailan naganap ang pag- uusap,
mahalagang kilalanin sila sa pamamagitan ng pagbanggit ng buong pangalan
sa unang beses na banggitin ang pangalan nila. _________
4. Layunin ng isang naratibong ulat na mapag-ugnay ang mga pangyayaring
naging karanasan, namasid o nasaksihan at maaari namang pasalita o
pasulat ang pagsasalaysay. _________
5. Karaniwang nakikita ang naratibong ulat mula sa iba’t ibang ahensiya o
kompanya na nagbubuo ng mga ulat hingil sa gawain o kaya’y mahalagang
pangyayari sa isang organisasyon o institution. _________
6. Naglalaman ito ng mga nakamit, napagtagumpayan, gayundin ang naging
kalakasan o kahinaan ng isang ahensya o samahan. ___________
7. Kadalasang makakakita mula sa iba’t ibang ahensya o kompanya na
nagbubuo ng mga ulat hinggil sa isang gawain o kaya’y mahalagang
pangyayari sa isang organisasyon o institusyon. ___________
8. Isang pagtatala ng nangyari o kaya’y posibleng mangyari pa, mahalaga ito
upang magkaroon ng sistematikong dokumnetasyon ang mga nangyari o
kaya’y kaganapan na mababalikan kapag kinakailangan. _________
9. Mahalaga na ang pagsusulat nito ay magsisimula at magtatapos batay sa
nangyari. Hindi maaaring patalon-talon ang pagtalakay sa pangyayari.
Makagugulo ito sa sinumang magbabasa ng nagawang pag-uulat. _______
10. Mahalaga ang iba’t ibang elemento ng talata upang maging katanggap-
tanggap sa mga pamunuan ng ahensyang kinabibilangan nito. ______
 Panimulang Pagtataya
TAMA O MALI
1. TAMA 6. TAMA
2. TAMA 7. TAMA
3. TAMA 8. TAMA
4. TAMA 9. TAMA
5. MALI 10. TAMA
/Pangwakas na Pagtataya
1. TAMA 6. TAMA
2. TAMA 7. TAMA
3. TAMA 8. TAMA
4. TAMA 9. TAMA
5. TAMA 10. MALI
SUSI SA PAGWAWASTO
 MGA SANGGUNIAN

Aklat
Perez, April J., Santos, Corazon L. Filipino sa Piling Larang - Tech-Voc: Kagamitan ng
Mag-aaral. Department of Education – Bureau of Learning Resources (DepEd –
BLR). Unang Limbag 2016.
SHEM DON C. FABILA
Siya ay nakapagtapos ng Master of Arts in Education na
nagpapakadalubhasa sa Filipino sa Unibersidad ng Foundation,
Lungsod ng Dumaguete.
Siya ay naging guro sa Sumaliring High School at kasalukuyang
SSG Adviser sa Pambansang Mataas na Paaralan ng Siaton.

Para sa mga katanungan o puna, sumulat o tumawag sa:

Department of Education – Schools Division of Negros Oriental

Kagawasan, Avenue, Daro, Dumaguete City, Negros Oriental

Tel #: (035) 225 2376 / 541 1117

Email Address: negros.oriental@deped.gov.ph
Website: lrmds.depednodis.net