M

SDO TAGUIG CITY AND PATEROS

 Paunang Salita
Para sa tagapagdaloy:

Ang modyul na ito ay pinagtulungang dinisenyo, nilinang at sinuri ng mga edukador

mula sa pambuliko at pampribadong institusyon upang gabayan ka, ang gurong ta-
gapagdaloy upang matulungang makamit ng mag-aaral ang pamantayang itina-
kda ng Kurikulum ng K to12 habang kanilang pinanagumpayan ang pansarili, pan-
lipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay

at malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga kasa-
nayang pan-21 siglo habang isinasaalang-alang ang kanilang mga pangan-
gailangan at kalagayan.

Bilang tagapagdaloy, inaasahang bibigyan mo ng paunang kaalaman ang mag-

aaral kung paano gamitin ang modyul na ito. Kinakailangan ding subaybayan at
itala ang pag-unlad nila habang hinahayaan silang pamahalaan ang kanilang saril-
ing pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.

Para sa mag-aaral:

Ang modyul na ito ay ginawa bilang tugon sa iyong pangangailangan. Layunin ni-
tong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang mga sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang marka
o sulat ang anumang bahagi nito. Gumamit ng hiwalay na papel sa pagsagot
sa mga pagsasanay.
2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
4. Tapusin ang kasalukuyang gawain bago pumunta sa iba pang pagsasanay.

Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari
ka rin humingi ng tulong kay nanay o tatay, o sa nakatatanda mong kapatid o
sino man sa iyong mga kasama sa bahay na mas nakatatanda sa iyo. Laging
itanim sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng maka-

hulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
 Aralin
Kasaysayan ng

1 Kinabibilangang Rehiyon

Ano ang target ko?

Pagkatapos ng modyul na ito, inaasahang nagagawa mong:

Masuri ang kasaysayan ng kinabibilangang rehiyon.

Ano ako magaling?

Tukuyin ang mga lungsod sa Kalakhang Maynila o National Capi-

tal Region (NCR) na inilalalarwan. Piliin sa kahon at isulat ang
letra ng tamang sagot bago ang bilang.

A. Taguig B. Makati C. Ilog Pasig

D. Quezon E. Maynila F. Look ng Maynila

____ 1. Ang pinakamalaking lungsod sa Kamaynilaan ay ang

lungsod _____.
____ 2. Ito ang pinakamalaking distritong pangkalakalan sa
Kalakhang Maynila.
____ 3. Matatagpuan sa kanluran ng Kalakhang Maynila
ang ________________.
____ 4. Dating komunidad ng palaisdaan sa pampang ng Laguna
de Bay. Isa na itong mahalagang pamahayan at industri-
yal
na arabal ng Maynila.
____5. Mula pa noong panahon ng mga Espanyol, ang _______
ay itinuturing bilang isang orihinal na lungsod pandaigdig.
 Ano ang balik-tanaw ko?

Panuto: Lagyan ng tsek (√) kung nagpapakita ng pangangalaga

sa likas na yaman at ekis (×) kung hindi.
_____1. Pag-iwas sa paggamit ng mga kagamitang na
nakapipinsala sa pangingisda.
_____2. Pagputol ng mga puno sa kagubatan.
_____3. Paggamit ng dinamita sa pangingisda.
_____4. Pagtatanim ng mga puno at halaman sa mga
bakanteng lupa at kagubatan.
_____5. Pagpapalit-palit ng tanim upang manatiling mataba
ang lupa.

Ano ang gagawin ko?

Ano ang ibig sabihin ng NCR? Alam mo ba ang kasaysayan ng

NCR? Pag-aaralan mo ang kasaysayan nito ngayon

Ano ang kahulugan?

Bago mo simulan ang aralin. Basahin mo ang muna mga tala.

NATIONAL CAPITAL REGION
ATAS NG PANGULO 824 – itinatag ang NCR noong Nobyembre 7,
1975
Binubuo ng 16 na lungsod at 1 munisipalidad.
1. Maynila 9. Marikina (1996)
2. Quezon 10. Las Piñas (1997)
3. Caloocan 11. Parañaque ( 1998)
4. Pasay 12. Valenzuela (1998)
5. Pasig (1994) 13. Malabon (2001)
6. Mandaluyong (1994) 14. Taguig (2004)
7. Makati (1995) 15. Navotas (2007)
8. Muntinlupa (1995) 16. San Juan (2007)
17. Pateros (Bayan)
 Ang Kalakhang Maynila (Metropolitan Manila)ay tinatawag
ding Pambansang Punong Rehiyon ( National Capital Region),Ito
ang kabiserang rehiyon. Isa ito sa mga itinakdang kalakhang pook
ng Pilipinas. Binubuo ito 16 na lungsod at 1 bayan.
Ang rehiyon ay sentro ng politika, kalakalan, lipunan, kultura,
at edukasyon . Ayon sa Utos ng Pampanguluhan Blg. 940,
ang Kalakhang Maynila ang sentro ng pamahalaan. Ang Maynila
ang kabisera. Ang pinakamalaking lungsod ay Quezon. Ang
pinakamalaking distritong pangkalakalan ay Makati. Ang Taguig
ay sakop ng Kalakhang Maynila. Dating komunidad ng palaisdaan
sa pampang ng Laguna de Bay. Ngayon, isa na itong ma-
halagang pamahayan at industriyal na arabal ng Maynila.
Pinakamaliit sa mga rehiyon ng Pilipinas ang Kalakhang
Maynila. 636 kilometrong parisukat ang lawak nito.Ito ang pinaka-
matao at pinakamakapal ang populasyon . May populasyon
itong 12,877,253 noong 2015. Napaliligiran ito ng Bulacan sa
hilaga,
Rizal sa silangan, at Laguna at Cavite sa timog. Matatagpuan
naman sa kanluran ang Look ng Maynila . Sa timog-silangan
naman ang Laguna de Bay. Dumadaloy sa gitna ng Kalakhang
Maynila ang Ilog Pasig . Ito ang siyang nagdurugtong ng Laguna
de Bay sa Look ng Maynila.
Sagutin mo:
1. Kailan naitatag ang National Capital Region?
2. Ilang lungsod ang bumubuo ng National Capital Region?
3. Anu-ano ang mga lungsod ng National Capital Region?
4. Anu-ano ang mga lalawigan nakapaligid sa NCR?

Ano pa ang gagawin ko?

A. Panuto: Punan ang kahon ng tamang letra upang mabuo

ang tamang salita.
1. Kabisera ng Pilipinas.

2. Pinakamalaking lungsod sa NCR.

3. Pinakamalaking distritong pangkalakalan

4. Lalawigang nasa hilaga ng NCR

5 Nag-iisang munisipalidad ng National Capital Region.

B. Panuto: Isulat kung Tama o Mali ang pahayag.

_______ 1. Ang NCR ay binubuo ng 16 na lungsod at 1 bayan o
munisipalidad.
_______ 2. Itinatag ang NCR noong 1970.
_______ 3. Ang Taguig ay kabilang sa isa sa mga lungsod ng
NCR.
_______ 4. Ang Pateros ang pinakahuling naging lungsod ng NCR.
_______ 5. Ang NCR ang sentro ng politika, pangangalakal,
lipunan, kultura, at edukasyon ng Pilipinas

C. Panuto: Lagyan ng tsek (√) ang tamang tala at ekis (×) ang
mali .
___1. Ang Taguig ay isa sa mga lungsod ng NCR.
___2. Pinakahuling naging lungsod ng NCR ang San Juan at
Navotas
___3. Pinakamataong rehiyon sa Pilipinas ang NCR,
___4. Naging lungsod ang Taguig noong taong 2000.
___5. Pinakamalaki ang NCR sa lahat ng rehiyon.

Ano ang natamo ko?

Ang Kalakhang Maynila, tinatawag din bilang Pambansang

Punong Rehiyon ( National Capital Region), ay ang kabiserang
rehiyon ng bansa. Binubuo ito ng labing anim na syudad at isang
munisipalidad. Ito ang sentro ng politika, kalakalan, lipunan, kul-
tura, at edukasyon ng Pilipinas.

Ano ang kaya kong gawin?

Punan ang talahanayan. Kailan naging lungsod ang mga

 sumusunod na lugar sa NCR?

Pangalan ng Lungsod Taon ng Pagkatatag

Taguig
Pasig
Makati
Mandaluyong
Las Pinas

Kumusta na ang target ko?

Panuto: Isulat ang titik ng tamang sagot.

1. Sa mga sumusunod na lugar sa NCR, alin ang hindi lungsod?
A. Taguig B. San Juan C. Pateros
2. Itinuturing na pinakamalaking distritong pangkalakalan ang
lungsod ng ________?
A. Makati B. Quezon City C. Valenzuela
3. Ito ay naging kabisera ng pamahalaan noong panahon ng
mga Espanyol maging sa kasalukuyan?
A. Las Pinas B. Mandaluyong C. Maynila
4. Sa lahat ng rehiyon sa Pilipinas, ang NCR ang _____________.
A. pinakamahirap B. pinakamalaki C. pinakamaliit
5. Ang Taguig ay bahagi ng NCR at naging lungsod noong ____.
A. 2000 B. 2002 C. 2004

Ano pa ang kaya kong gawin?

A. Iguhit ang mapa ng NCR at kulayan ang lungsod ng Taguig,

kasama ang apat na lugar na bago pa man itatag ang NCR
ay lungsod na batay sa iyong kagustuhang kulay.
B. Para sa karagdagang kaalaman, panoorin ang video sa ibaba
gamit ang link.
https://www.youtube.com/watch?v=Is-ZD46FaC4
SANGGUNIAN
• Google.com Image
• https://www.slideshare.net/mstweety/national-capital-region-region-ncr
• http://www.Wikipediatagalog
 EXECUTIVE COMMITTEE FOR HYBRID MODULE

Chairperson: DR. MARGARITO B. MATERUM – OIC-SDS

Vice-Chairperson: DR. GEORGE P. TIZON – SGOD Chief
DR. ELLERY G. QUINTIA – CID Chief

Ex-Officio Members: EDUCATION PROGRAM SUPERVISORS

ELEMENTARY SCHOOL PRINCIPALS

Secretariat: QUINN NORMAN O. ARREZA

Team Leader/Facilitator: DR. DANILO S. GUTIERREZ
Writer: FE B. COLETA
LILYPET J. TRAPAL
FLERIDA T. OROLFO
Content Evaluator: CHERYL C. IBARRETA
Laguage Evaluator:
Reviewers: FERDINAND PAGGAO
CHERYL IBARRETA
Lay-out Artist : CRISELLE G. FERRERAS
MA. CRISTINA M. JAVIER
Illustrators: MELANIE O. ALORRO
MICHELLE B. MANAGUELOD

Content Validator: CAROL C. JINAHON

Format and Language Validators: PRIVATE INTERNATIONAL SCHOOLS
REPRESENTATIVES
School Head In-charge: JOSEFINA R. GRANADA (Primary)
DR. MA. CHERYL S. FERNANDEZ (Intermediate)

EPS In-charge: MR. FERDINAND PAGGAO, EPS AP

DR. DAISY L. MATAAC, EPS – LRMS/ALS

For inquiries, please write or call:

Schools Division of Taguig City and Pateros Central Bicutan, Taguig City

Telefax: 8384251

Email Address: sdo.tapat@deped.gov.ph