MGA GAWAIN
Gumawa ng pag-uugnay tungkl sa kasalukuyan at tema ng Noli Me Tangere at El
Filibusterismo. Kumuha ng artikulo ng balita at iugnay sa tema ng Noli Me Tangere at El
Filibusterismo.
Artikulo
Mayroon pa ring balita sa ngayon ng
mga pari na nang-aabuso o nanghahalay sa
kababaihan -Marami din ang mga asawang
babae na minamaltrato ng kani-kanilang
asawa, sila yung mga babaeng tinatago ang
kanilang mga pasa at ngumingiti na lamang-
Marami pa rin ang mga babaeng nagiging
bayaran ng sapilitan dahil sa kahirapan ng
buhay, sila ay binubugaw ng mga mapang-
abusong tao at pinagkakakitaan ang kanilang
katawan.
Artikulo
Diskriminasyon ang isa sa mainit na
usapin sa Australia. Hanggang ngayon kasi
ay marami ang dumanas nito tulad nating
mga Pilipino. Dito sa Australia, patuloy na
pina-iigting ng gobyerno ang mga batas para
bigyang proteksyon ang bawat isa laban sa
diskriminasyon.
Isang malakas na hagulhol at iyak
ang nangibabaw sa tahanan ng Pinay na si
Annie isang gabi. Nagulat silang mag-asawa
sa ginawa ng pitong taong gulang niyang
anak na si Carla. Pero pansin niya na
tahimik ito mula ng sunduin niya sa
paaralan.
"Aba pinaiinom ko lang ng gatas
matutulog na ng sana nang biglang umiyak
as in iyak na iyak sabi niya, ‘I didn't have a
good day today. Somebody told me I got a
flat nose."
"Sinabihan ko pa rin siya na normal
lang na feature yun ng Pilipino may flat nose
mayroon namang may kaunting
matangos,pero kinausap ko pa rin yung
teacher kasi hindi maganda na idinidiin na
flat nose siya."
Tema ng Noli Me Tangere
Pag-abuso sa mga kababaihan.-
Maraming parte sa nobela isinaad ni Rizal
ang iba’t ibang halimbawa ng pang-aabuso
na nararanasan ng mga kababaihan sa kamay
ng kanilang mga asawa at mga pare noong
panahon naiyon.- Isang halimbawa si Sisa.
Siya ay biktima ng pananakit mula sa
kanyang asawa na walang ginawa kundi
magsugal, magpagala-gala sa lansangan. Ito
rin ay tamad at iresponasableng asawa at
tatay sa mga anak nito.-Si Maria Clara rin ay
hinalay naman ni Padre Salvi sa kumbento
ng Santa Clara.- May dalawang kababaihan
din sa kuwento ang hindi nakaligtas dito.
Ang mag-inang sina Pia Alba at Maria Clara
ay parehong nakaranas ng panghahalay mula
sa mga pare. Hinalay ni Padre Damaso si Pia
Alba na kalaunan ay nagbunga, ito ay si
Maria Clara.
Tema ng El Filibusterismo
Ang El Filibusterismo ay ang
sumunod na libro pagkatapos ng Noli me
Tangere. Ito ay isang nobela na nagpapakita
ng kalagayan ng Pilipinas sa panahon ng
mga Kastila. Ito ang ikalawang nobela na
sinulat ni Jose Rizal, ang ating pambansang
bayani. Ang nobelang ito ay nagtatalakay sa
mga problema ng mga Pilipino sa nakaraan
tulad ng pang-aabuso at diskriminasyon sa
kamay ng mga Kastila. Nais ipakita ni Rizal
sa kanyang nobela ang matinding sakit sa
lipunan at bakit nangangailangan ng
pagbabago ang bansa. Sa ganitong paraan
nagsindi siya ng apoy sa puso ng bawat
Pilipino at tumulong sa pag-aangat ng
bansang Pilipinas.
Aljon M. Salak
BSTM-3A

MGA GAWAIN

Bilang kabataang Pilipino, gumawa ng artikulo na maaring i-post sa inyong Facebook at

nais ninyong maibahagi sa mga kabataang magiging pag-asa ng Pilipinas.

“Ang kabataan ay ang pag-asa ng ating bayan.”

Ito ay isa sa mga napaka-tanyag na katagang binitiwan ng ating pambansang bayani nasi
Doktor Jose Rizal noong siya’y nabubuhay pa. Dito, inilalarawan niya na angkabataan ay ang
siyang may kakayahan na ipagtanggol ang ating bayan laban sa mgamananakop o sa iba’t ibang
uri ng tao na may maitim na adhikain sa ating bansa. Ngunit, dahil sa mabilis na pagtakbo ng
panahon, masasabi pa ba natin na ang kabataan ay siyang tunay na pag-asa ng Pilipinas, ang
bayang ating sinilangan?
Ano ang magagawa nating mga kabataan upang maisulong ang pagbangon ng ating
bayan? Anong kontribusyon ang ating maibibigay? Saan natin ito sisimulan?
Sa ating sarili, sa ating pamilya, sa ating paaralan, sa ating pamayanan, sa bawat sangay
ng lipunan, sa ating bawat kilos at galaw.
Para sa ating sarili, DISIPLINA. Gumawa ng mga bagay na kalugod-lugod sa mata ng
tao. Katanggap-tanggap sa paningin ng Maykapal. Pakikisama, pakikipagkaibigan,
pagpapakumbaba.
Sa ating pamilya, PAGGALANG AT PAGMAMAHAL. Pahalagahan ang sinasabi ng
mga magulang. Magbigay ng pang-unawa sa mga kapatid. Bigyan ng panahon at sapat na oras
ang mga mahal sa buhay.
Sa ating paaralan, DEDIKASYON. Isipin ang mabuting edukasyon ang puhunan sa pag-
unlad ng sarili at ng bayan.
Sa ating pamayanan, PAGKAKAISA AT KAPAYAPAAN. Kung may pagkakaisa, may
pagsulong. Kung may kapayapaan, may pag-unlad.