DOMINGO SA PASYON

Bendita sa Lukay
– TUIG C –

Pari: Ang pasyon sa atong Ginoong Jesukristo

sumala ni San Lucas.

Tigsaysay: Sa pag-abot na sa takna, mitambong si Jesus sa

kan-anan uban sa mga apostoles. Ug miingon
siya kanila,

Kristo: “Dako kaayo ang akong tinguha sa pagkaon

uban kaninyo niining panihapon sa Pangilin sa
Pagsaylo sa dili pa ako mag-antus. Kay sultihan
ko kamo nga dili na gayod ako mokaon niini
hangtod nga himoon kini didto sa gingharian sa
Dios.”

Tigsaysay: Unya gikuha ni Jesus ang kupa og

nagpasalamat siya sa Dios, og miingon,

Kristo: “Dawata kini ug bahina ninyo; kay sultihan ko

kamo nga sukad karon dili na ako moinom
niining bino hangtod nga moabot ang
gingharian sa Dios.”
Domingo sa Pasyon | 1
Tigsaysay: Unya gikuha niya ang pan, og nagpasalamat
siya sa Dios, unya gipikaspikas niya kini og
gihatag kanila, nga nag-ingon,

Kristo: “Mao kini ang akong lawas nga gihatag alang

kaninyo. Buhata ninyo kini agig paghandum
kanako.”

Tigsaysay: Human sa panihapon, gikuha usab niya ang

kupa ug nagpasalamat siya sa Dios. Gihatag
niya kini kanila ug miingon siya,

Kristo: “Kining kupa mao ang bag-ong kasabutan sa

Dios, tiniman-an sa akong dugo nga giula alang
kaninyo. Apan angay ninyong hibaloan nga ang
nagbudhi kanako ania dinhi mitambong sa
lamesa! Kay mamatay ang anak sa Tawo
sumala sa pagbuot sa Dios, apan pagkaalaot
niadtong tawo nga nagbudhi kaniya!”

Tigsaysay: Unya nagpangutan-anay sila kon kinsa kaha

kanila ang magbudhi kaniya. Unya naglalis ang
mga tinun-an kon kinsa kanila ang isipon nga
labing dako sa tanan. Ug miingon si Jesus
kanila,

Kristo: “Ang mga hari niining kalibutana nagmando sa

ilang mga ginsakopan, ug ang mga punoan
2 | Domingo sa Pasyon
 gitawag og ‘Mga Dangpanan sa mga Tawo.”
Apan ayaw ninyo kini buhata; hinonoa, ang
labing dako kaninyo kinahanglang
magpakasama sa kinamanghoran, ug ang
pangulo kinahanglang magpakasama sa
sulugoon. Kinsa man ang labaw, ang gisilbihan
ba sa pagkaon o ang nagsilbi ba kaniya? Ang
gisilbihan gayud! Apan ako ania nagsilbi
kaninyo.”
“Miunong kamo kanako sa tanang mga
pagsulay nga akong naagian; ug ingon nga ang
akong Amahan naghatag kanako og katungod
sa paghari, himoon ko usab kaninyo ang
samang kasabutan. Mangaon kamo ug
manginom didto sa akong lamesa sa akong
Gingharian, ug manglingkod unya kamo sa mga
trono aron paghukom sa napulog – duha ka
banay sa Israel.”
“Simon, Simon! Pagbantay! Si Satanas
gitugotan sa pagsulay kaninyong tanan, ingon
sa usa ka mag-uuma nga maglain sa trigo gikan
sa uhot. Apan nag-ampo ako alang kanimo,
Simon, aron dili mabuntog ang imong pagtoo.
Ug kon mahibalik na ikaw kanako,
kinahanglang lig-onon mo ang imong mga
igsoon.”

Tigsaysay: Si Pedro mitubag,

Domingo sa Pasyon | 3
Pedro: “Ginoo, andam ako pag-unong kanimo hangtod
sa bilangguan ug sa kamatayon!”

Tigsaysay: Ug miingon si Jesus,

Kristo: “Sultihan ko ikaw, Pedro, nga dili motuktugaok

ang manok niining adlawa sa dili mo pa ako
ilimod sa makatulo.”

Tigsaysay: Unya miingon si Jesus kanila,

Kristo: “Sa dihang gipadala ko kamo kaniadto nga

walay dalang puyo ni puntil, ug walay
sandalyas, may nakulang ba kaninyo?”

Katawhan: “Wala gayod,”

Tigsaysay: Mitubag sila.

Kristo: “Apan karon,”

Tigsaysay: Miingon si Jesus,

Kristo: “Ang adunay puyo ug puntil kinahanglan

magdala niini. Kadtong walay espada
kinahanglan nga ibaligya niya ang iyang kupo
ug ang halin ipalit og espada. Kay sultihan ko
kamo nga ang bahin sa Kasulatan nga nag-
4 | Domingo sa Pasyon
 ingon, ‘Gitipon siya sa mga kriminal,”
kinahanglang matuman dinhi kanako. Kay ang
nahisulat bahin kanako nagsugod na
pagkatuman.”

Tigsaysay: Ang mga tinun-an miingon,

Katawhan: “Tan-awa, Ginoo, aniay duha ka espada!”

Tigsaysay: Ug mitubag siya,

Kristo: “Igo na kana!”

Tigsaysay: Milakaw si Jesus, ug ingon sa iyang nabatasan,

miadto siya sa Bungtod sa mga Olibo; mikuyog
kaniya ang iyang mga tinun-an. Sa nahiabot na
siya didto, miingon siya kanila,

Kristo: “Pag-ampo kamo aron dili kamo madaog sa

panulay.”

Tigsaysay: Unya mipahilayo siya kanila sa gilay-on nga

maabot sa paglabay og bato, ug miluhod siya
ug nag-ampo.

Kristo: “Amahan,”

Tigsaysay: Miingon siya,

Domingo sa Pasyon | 5
Kristo: “Kon buot ka, kuhaa kining kupa gikan kanako.
Apan dili ang akong pagbuot kondili ang imo
maoy matuman.”

Tigsaysay: [May anghel nga mitungha gikan sa langit ug

milig-on kaniya. Ug samtang nag-antos siya sa
hilabihang kasakit, nag-ampo siya sa labi pa ka
mainiton gayod. Nangahulog sa yuta ang iyang
singot ingon sa dagkong tulo sa dugo.] Human
sa iyang pag-ampo, mitindog siya ug mibalik
ngadto sa iyang mga tinun-an. Nakaplagan niya
sila nga nahikatulog tungod sa hilabihang
kasubo. Ug miingon siya kanila,

Kristo: “Nganong nangatulog man kamo? Bangon ug

pag-ampo kamo aron dili kamo madaog sa
panulay.”

Tigsaysay: Samtang nagsulti pa siya, nahiabot ang usa ka

panon sa mga tawo. Si Judas, usa sa napulog
duha ka tinun-an na nag una kanila, ug miduol
siya kang Jesus aron paghalok kaniya. Apan si
Jesus miingon,

Kristo: “Judas, budhian ba diay nimo ang Anak sa

Tawo pinaagi sa usa ka halok?”

Tigsaysay: Sa dihang nakita sa mga tinun-an ni Jesus nga

6 | Domingo sa Pasyon
 kauban niya kon unsa ang mahitabo, miingon
sila,

Katawhan: “Ginoo, ipanigbas na ba namo ang among mga

espada?”

Tigsaysay: Ug usa kanila mitigbas sa ulipon sa Pangulong

Pari ug naputol ang iyang tuong dalunggan.
Apan si Jesus mitubag,

Kristo: “Husto na!”

Tigsaysay: Ug gihikap ni Jesus ang dalunggan sa ulipon ug

giayo siya. Unya miingon si Jesus sa mga
kadagkoan sa mga pari ug sa mga opisyal sa
mga guwardiya sa Templo ingon man sa mga
punoan sa mga Judio nga miadto didto aron
pagdakop kaniya,

Kristo: “Tulisan ba ako nga kinahanglang magdala pa

kamog mga espada ug mga puspos sa pagdakop
kanako? Matag adlaw uban ako kaninyo didto
sa Templo, ug wala ninyo ako dakpa. Apan
kining taknaa inyo ug sa gahom sa kangitngit.”

Tigsaysay: Unya gidakop nila si Jesus ug gidala ngadto sa

balay sa Pangulong Pari, ug misunod si Pedro
nga nagpaantaw. Sa taliwala sa hawanan may
Domingo sa Pasyon | 7
 hinaling nga kalayo, ug mitipon si Pedro sa
mga naglingkod libot niini. Sa pagkakita sa usa
sa mga babayeng sulugoon kang Pedro nga
naglingkod duol sa kalayo, mitutok siya kang
Pedro ug miingon,

Babaye: “Kining tawhana kauban usab niya!”

Tigsaysay: Apan gipanghimakak kini ni Pedro nga nag-

ingon,

Pedro: “Babaye, wala gani ako makaila kaniya!”

Tigsaysay: Wala madugay, may usa ka tawo nga

nakamatikod kaniya ug miingon,

Tawo: “Ikaw usab kauban nila!”

Tigsaysay: Apan mitubag si Pedro,

Pedro: “Dili, oy! Dili ako kauban nila!”

Tigsaysay: Unya paglabay sa may usa ka takna, dihay laing

tawo nga miingon,

Tawo: “Walay duhaduha kining tawhana kauban

gayod niya kay taga-Galilea usab siya!”

8 | Domingo sa Pasyon
Tigsaysay: Apan mitubag si Pedro,

Pedro: “Oy, wala koy kalibutan sa imong gipanulti!”

Tigsaysay: Samtang nagsulti pa siya, may manok nga

mituktugaok. Milingi ang Ginoo ug mitutok
kang Pedro, ug nahinumdom si Pedro sa gisulti
sa Ginoo kaniya, “Sa dili pa motuktogaok ang
manok karong adlawa, ilimod mo na ako sa
makatulo.” Migula si Pedro ug mihilak sa
hilabihang pagbasul.
Unya gibugalbugalan ug gibunalan si Jesus sa
mga tawo nga nagbantay kaniya. Gitaptapan
nila ang iyang mata ug gipangutana siya,

Katawhan: “Tag-ana kinsay nagbunal kanimo?”

Tigsaysay: Ug daghan pang gisulti nila sa

pagpanamastamas kaniya. Sa pagkabuntag na,
nagtigom ang mga punoan sa mga Judio ug ang
mga kadagkoan sa mga pari ingon man ang
mga magtutudlo sa Balaod, ug gidala si Jesus
ngadto sa ilang Labawng Hukmanan.

Katawhan: “Sultihi kami,”

Tigsaysay: Miingon sila,

Domingo sa Pasyon | 9
Katawhan; “Ikaw ba ang Mesiyas?”

Tigsaysay: Mitubag siya,

Katawhan: “Kon sultihan ko kamo dili kamo motuo

kanako, ug kon pangutan-on ko kamo, dili
kamo motubag. Apan sukad karon ang Anak sa
Tawo maglingkod sa tuo sa Dios nga Labing
Gamhanan.”

Tigsaysay: Ug miingon silang tanan,

Katawhan: “Nan, ikaw ba diay ang Anak sa Dios?”

Tigsaysay: Siya mitubag kanila,

Kristo: “Giingon ninyo nga ako ang Anak sa Dios.”

Tigsaysay; Unya miingon sila,

Katawhan: “Wala na kita magkinahanglan ug mga saksi!

Kita mismo nakadungog sa iyang kaugalingong
mga pulong!”

Tigsaysay: Ang tanan mitindog ug gidala nila si Jesus sa

atubangan ni Pilato. Ug didto gisumbong nila
siya; sila miingon,

10 | Domingo sa Pasyon
Katawhan: “Kining tawhana hisakpan namo nga
nagpasalaag sa atong mga tawo, ug nag awhag
kanila sa dili pagbayad og buhis ngadto sa
Emperador, ug miangkon nga siya mao ang
Mesiyas, usa ka hari.”

Tigsaysay: Si Pilato nangutana kaniya,

Pilato: “Ikaw ba ang hari sa mga Judio?”

Tigsaysay: Si Jesus mitubag,

Kristo: “Giingon mo.”

Tigsaysay: Unya miingon si Pilato sa mga kadagkoan sa

mga pari ug sa mga tawo,

Pilato: “Wala akoy nakaplagang katarungan nga

silotan kining tawhana.”

Tigsaysay: Apan misamot hinuon sila sa pag-ingon,

Katawhan: “Nagpasiugda siyag kagubot sa mga tawo

tungod sa iyang pagtulon-an. Nagsugod siya sa
Galilea, unya milibot sa tibuok Judea, ug karon
ania na dinhi.”

Tigsaysay: Sa pagkabati ni Pilato niini, nangutana siya,

Domingo sa Pasyon | 11
Pilato: “Taga-Galilea ba kining tawhana?”

Tigsaysay: Ug sa pagkasayod niya nga si Jesus gikan diay

sa dapit nga gimandoan ni Herodes, gipadala
niya si Jesus ngadto kang Herodes nga didto sa
Jerusalem niadtong panahona. Nalipay pag-ayo
si Herodes pagkakita niya kang Jesus, kay
nakabalita na man siya mahitungod kaniya, ug
dugay na siyang nagtinguha pagpakigkita
kaniya. Labot pa niini, nangandoy siyang
motan-aw kang Jesus nga maghimog milagro.
Busa gipangutana ni Herodes si Jesus bahin sa
daghang mga butang, apan wala gayod
motubag si Jesus. Miduol ang mga kadagkoan
sa mga pari ug ang mga magtutudlo sa Balaod
ug mipasakag bug-at nga mga sumbong batok
kang Jesus. Unya gibugalbugalan siya ug
gibiaybiay ni Herodes ug sa iyang mga sundalo.
Gisul-oban siya nilag harianong bisti ug
gipadala balik kang Pilato. Niadto gayong
adlawa, nagkahigala si Herodes ug si Pilato;
kaaway sila kaniadto. Unya gipatawag ni Pilato
ang mga kadagkoan sa mga pari, ang mga
punoan, ug ang mga tawo, ug giingnan sila,

Pilato: “Inyong gidala kanako kining tawhana, ug

miingon kamo nga nagpasalaag siya sa mga
tawo. Giimbistigar ko siya dinhi sa inyong
12 | Domingo sa Pasyon
 atubangan, apan nakaplagan ko nga dili siya
sad-an sa bisan unsa nga mga daotang butang
nga gisumbong ninyo batok kaniya. Si Herodes
wala usab makakaplag kaniya nga sad-an, kay
siya gipadala man niya pagbalik kanato. Walay
nabuhat kining tawhana nga angay silotan sa
kamatayon. Busa ipalatos ko lang siya ug unya
buhian.”

Tigsaysay: Apan misinggit ang tibuok pundok sa mga

tawo,

Katawhan: “Patya siya! Si Barabas maoy buhii!”

Tigsaysay: (Si Barabas gibilanggo gumikan sa usa ka

kagubot nga nahitabo sa siyudad, ug tungod kay
siya nakabuno man.) Buot si Pilato nga buhian
si Jesus, busa misulti siya pag-usab ngadto sa
mga tawo. Apan misinggit sila pagtubag
kaniya,

Katawhan: “llansang siya sa krus, ilansang siya sa krus!”

Tigsaysay: Sa ikatulo ka higayon miingon si Pilato kanila,

Pilato: “Apan unsa bay sala nga nahimo niya? Wala

akoy nakaplagan bisag unsa nga angayng
silutan sa kamatayon. Ipalatos ko siya ug unya
Domingo sa Pasyon | 13
 buhian.”

Tigsaysay: Apan mipadayon sila pagsinggit og kusog

kaayo nga si Jesus kinahanglan gayod ilansang
sa krus; ug milampos gayod sila sa katapusan.
Busa gipahamtangan ni Pilato kang Jesus ang
silot nga ilang gipangayo. Ug gibuhian niya ang
tawo nga ilang gipili, ang gibilanggo tungod sa
pagpanggubot ug sa pagpatayg tawo, ug
gitugyan niya si Jesus ngadto kanila aron
buhaton nila kaniya ang ilang gusto. Samtang
gidala nila si Jesus, gikasugat nila ang usa ka
tawo nga ginganlag Simon nga taga-Cirene, nga
nagpadulong sa siyudad gikan sa banika.
Gidakop nila siya ug gipapas-an sa krus ug
gipasunod kang Jesus. May dakong panon sa
mga tawo nga misunod kang Jesus, ug pipila
kanila mga babaye nga naghilak ug nag-
minatay tungod kaniya. Ug milingi si Jesus
kanila ug miingon,

Kristo: “Mga babaye sa Jerusalem! Ayaw ako ninyog

hilaki, kon dili hilaki ang inyong kaugalingon
ug ang inyong mga anak. Kay moabot ang mga
adlaw nga moingon ang mga tawo, ‘Bulahan
ang mga babaye nga dili manganak ug ang mga
babaye nga wala makapanamkon, ug wala
gayod makapasuso og mga bata!’ Mao kadtong
14 | Domingo sa Pasyon
 panahona nga ang mga tawo moingon sa mga
bukid, Pangatumpag kamo kanamo!” ug ngadto
sa mga bungtod, Tabuni kami!’ Kay kon kining
mga butanga gibuhat pa sa lunhaw pa ang mga
kahoy, unsa kahay mahitabo kon kini laya na?”

Tigsaysay: Nagdala usab sila og laing duha ka tawo nga

pulos kriminal aron patyon uban kang Jesus. Sa
pag-abot nila sa dapit nga ginganlag “Ang
Kalabera,” gilansang nila si Jesus ug ang duha
ka kriminal ang usa diha sa iyang tuo ug ang
usa diha sa iyang wala. Unya miingon si Jesus,

Kristo: “Amahan, pasayloa sila kay wala sila mahibalo

sa ilang gibuhat.”

Tigsaysay: Ug gibahinbahin nila ang iyang sapot pinaagi sa

ripa. Nagtindog didto ang mga tawo nga
nagtan-aw, samtang nagbugalbugal kaniya ang
mga kadagkoan sa mga Judio, nga nag ingon,

Katawhan: “Giluwas niya ang uban, paluwasa siya sa iyang

kaugalingon, kon siya ang Mesiyas nga gipili sa
Dios!”

Tigsaysay: Gibugalbugalan usab siya sa mga sundalo;

miduol sila ug gitunolan siyag bino, ug
miingon,
Domingo sa Pasyon | 15
Katawhan: “Kon ikaw ang hari sa mga Judio luwasa ang
imong kaugalingon!”

Tigsaysay: Sa ibabaw sa krus gisulat nila kining mosunod:

“Kini siya mao ang hari sa mga Judio.” Unya,
usa sa mga kriminal nga nagbitay didto
mibugalbugal kaniya,

Kawatan: “Dili ba ikaw mao ang Mesiyas? Luwasa ang

imong kaugalingon ug kami.”

Tigsaysay: Apan gibadlong siya sa iyang kauban nga nag-

ingon,

Kawatan: “Wala ka ba mahadlok sa Dios? Kita ania dinhi

gisilotan sa mao rang silot. Apan ang silot
kanatong duha angay kanato, kay gisilotan man
kita sibo sa atong nabuhat, apan siya walay
sala.”

Tigsaysay: Ug miingon siya kang Jesus,

Kawatan: “Jesus, hinomdumi intawon ako kon maghari

ka na!”

Tigsaysay: Miingon si Jesus kaniya,

16 | Domingo sa Pasyon
Kristo: “Sultihan ko ikaw, karong adlawa adto ka sa
paraiso uban kanako.”

Tigsaysay: Mga alas dose ang takna sa dihang mihunong

pagdan-ag ang adlaw ug mitabon ang kangitngit
sa tibuok kayutaan hangtod sa alas tres; ug
napikas ang tabil didto sa Templo. Unya
misinggit si Jesus pagkusog,

Kristo: “Amahan, itugyan ko sa imong mga kamut ang

akong espiritu!”

Tigsaysay: Human siya makasulti niini, namatay siya.

MANGLUHOD ANG TANAN

Tigsaysay: Ang opisyal sa mga sundalo nakakita sa

nahitabo, ug gidayeg niya ang Dios sa pag-
ingon,

Sundalo: “Tinuod gayod nga siya maayong tawo!”

Tigsaysay: Sa dihang nakakita sa nahitabo ang mga tawo

nga nagtapok didto aron pagtan aw, namauli
silang tanan nga namukpok sa ilang mga
dughan. Ang tanan kaila ni Jesus lakip ang mga
babaye nga misunod kaniya sukad sa Galilea,
nagpaantaw didto aron pagtan-aw niining mga
Domingo sa Pasyon | 17
 butanga. May tawo nga gingalag Jose nga taga-
Arimatea, usa ka lungsod nga mga Judio.
Maayo ug dungganan siya nga pagkatawo, ug
nagpaabot sa paghari sa Dios. Ug bisan tuod
sakop siya sa Labawng Hukmanan sa mga
Judio, wala siya mouyon sa ilang hukom ug sa
ilang gibuhat. Miadto siya kang Pilato ug
gipangayo niya ang lawas ni Jesus. Unya
gikuha niya ang lawas gikan sa krus ug giputos
niya ug habol nga lino, ug gibutang sa usa ka
lubnganan nga gilungag diha sa bato – usa ka
lubnganan nga wala pa gayod magamit. Adlaw
kadto sa pagpangadam ug hapit na magsugod
ang Adlawng Igpapahulay. Ang mga babaye
nga misunod kang Jesus sukad sa Galilea
mikuyog kang Jose ug nakita nila ang
lubnganan ug giunsa paglubong didto ang lawas
ni Jesus. Unya namauli sila ug ilang giandam
ang mga pahumot ug ang mga igdidihog sa
iyang lawas.
Nianang Adlawng lgpapahulay namahulay sila,
sumala sa gisugo sa Balaod.

Pari: Ang pasyon sa atong Ginoong Jesukristo.

18 | Domingo sa Pasyon