Labing Mahigugmaon ug Maloloy-on nga Dios, pinaagi sa pangama ni San Jose ug
San Juan Pablo Dos, kami padayon sa pagtugyan nganha sa imong Diosnon nga Probidensya ang katukuran sa among Seminaryo, ang Kasingkasing sa Diyosesis. Itugot nga si Hesus Imong Anak, among Ginoo, maghimo kanamo nga makanunayon diha sa dalan padulong sa kahumanan sa pagtukod sa Seminaryo. Himoa nga padayonon Nimo sa pagbendisyon nga madagayaun, ang mga manggihatagon nga katawhan kinsa, taliwala sa ilang mga panginahanglan niining mga panahon sa krisis, nagasuporta gihapon niining maong proyekto. Panalipdi gikan sa tanan nga kadaot ang susama nga pisikal ug spiritwal nga aspeto sa tanang mga trabahante sa pagtukod sa seminaryo, ang mga arketikto ug mga enhinyero. Hinaut nga si San Miguel Arkanghel magpanalipod kanatong tanan diha sa pakibatok sa kahugawan, pagkumpyansa, walay pagsalig sa uban, kakapoy, ug walay paglaum. O Maria, Inahan sa Simbahan ug Reyna sa mga Apostoles, ig-ampo mo kami. Amen.