Ako ba ay kumuha ng hindi sa akin laban sa
Bilang ama o ina, ako ba ay naging masikap na
makapagbigay sa aking mga anak ng maka-
kristiyanong edukasyon at matulungan sila sa
pamamagitan ng magagandang halimbawa at
pagpapakita ng tunay na pagiging magulang? Ako
ba ay naging matapat sa aking asawa at sa aking
pakikitungo sa iba?
Binabahaginan ko ba ng aking kabuhayan ang mga
kapus-palad? Ginagawa ko ba ang makakaya upang
matulungan ang mga biktima ng pang-aapi,
kahirapan at kawalang katarungan? O binabaliwala
ko ang aking kapwa, lalo na ang mga dukha,
maysakit, matatanda, mga dayuhan at mga taong
malayo sa akin?
Nakikiisa ba ako sa mga gawain at
pagkakawanggawa ng Simbahan at sa buhay ng
ating parokya? Tumutulong ba ako upang
matugunan ang pangangailangan ng Simbahan at
buong daigidig at ipinagdarasal ko ba sila para sa
pagkakaisa sa Simbahan, para sa ikalalaganap ng
Mabuting Balita, para sa kapayapaan, katarungan,
at iba pa?
Ako ba ay nagmamalasakit para sa ikabubuti at
ikasasagana ng sambayanan na aking
kinabibilangan, o ako’y nabubuhay para sa sarili
lamang? Ako ba ay nagsusumikap na makatulong
para sa pagpapairal ng katarungan, moralidad,
magandang pagsasamahan at pag-ibig, bilang isang
mamamayan? Nagbayad ba ako ng buwis?
Sa aking gawain o propesyon, ako ba ay naging
matuwid, masipag, matapat, naglilingkod sa lipunan
taglay ang pag-ibig sa kapwa?
Ako ba ay naging matapat o matuwid o nakasakit sa
kapwa sa pamamagitan ng panlilinlang, paninirang
puri, pagbibintang at pagbubunyag ng lihim ng
aking kapwa?
Ako ba ay nagtanim ng galit sa iba? Ako ba ay hindi
kasundo ng aking kapwa, dahil sa pakikipag-away,
samaan ng loob, galit?
kalooban ng aking kapwa? Nagnasa ba ako sa ari-
arian ng iba nang may labis na pag-iimbot?
Ako ba ay nagpatawad, at nagbigay ng pakikipag-
kapayapaan alang-alang sa pag-ibig kay Kristo, sa
mga nakagawa sa akin ng masama o ako ba ay
nagtanim ng galit o naghangad ng paghihiganti?
PANALANGIN SA PAGHINGI NG TAWAD
Paghahanda ng Sarili
sa Pagbabalik-loob
Namumuno: Panginoon naming Diyos,
sa Panginoon
patawarin mo kami sa lahat ng aming mga
kasalanan. Patawarin mo rin kami sa aming
pagkukulang sa Iyo, sa aming kapwa, sa aming
pamilya’t mga mahal sa buhay. Sa gitna ng
aming pagiging suwail, mapagkumbaba po
kaming sumasamo sa iyong awa at nagnanais
magbalik-loob sa iyo. Nawa’y loobin mo na
magkaroon kami ng malinis na puso at
kalooban, gayundin ng isip at diwa upang
makasunod sa iyong landas.
Panginoon, gawaran mo kami ng
mapagpatawad mong kadakilaan at bigyan mo
kami ng matibay na paninindigan upang
itakwil ang kasamaan. Nawa’y maging malakas
kami sa araw-araw para labanan ang mga
kamay ng kasamaan. Pagkalooban mo kami ng
matatag na pananampalataya upang maging
matibay sa mga tukso na dumarating at
darating sa aming buhay – nang kami’y
makapagbigay puri sa iyong kadakilaan
ngayon at magpasawalang hanggan.
Lahat: Amen
Namumuno: Sa Ngalan ng Ama, Anak at
Espiritu Santo.
Christ the King Parish
Lahat: Amen
 PAGHAHANDA NG SARILI SA
PAGBABALIK-LOOB SA
PANGINOON
PASIMULA
Sa isang taong hindi tayo nakakapagkumpisal
dulot ng pandemya, inaanyayahan ang lahat na
magnilay at manalangin sa pagbabalik-loob sa
Panginoon at ng maihanda ang ating sarili sa
pagpasok sa panahon ng kuwaresma,
Namumuno: Sa ngalan ng Ama, at ng Anak,
at ng Espiritu Santo
Lahat: Amen.
PAMBUNGAD NA PANALANGIN
Namumuno: Ama naming mapagmahal,
Kami ay dumudulog sa Iyo at humihingi ng
kapatawaran sa aming mga pagkukulang,
pagkakamali at pagkakasala sa Iyo at sa aming
kapwa. Papagindapatin mo po na ang liwanag
ni Kristo ang siyang gumabay at mag-akay sa
amin pabalik sa Iyo – nang kami ay
makabangon muli at maging mga buhay at
tunay na saksi ng Iyong pagmamamahal at
katotohanan. Tulungan mo po kaming
mamuhay ng banal at kalugud-lugod sa iyong
paningin at tumalikod sa kasamaan at mga
layaw ng mundo. Bigyan mo kami ng tuwid na
isipan at malinis na puso upang ang bawat
sandali ng aming buhay ay mapuspos ng
paglilingkod sa iyo. Iligtas mo po kami sa
kapahamakan at ilayo sa tukso ng sanlibutan
nang kami ay makipag-isa sa iyong
ipinangakong kaharian, sa pamamagitan ni
Kristong iyong anak na aming tagapagligtas.
Lahat: Amen.
PAGPAPAHAYAG NG SALITA NG DIYOS
Ang Mabuting Balita ng Panginoon ayon kay
San Lucas
Lahat: Papuri sa Iyo, Panginoon
Noong panahong iyon, sinabi ni Hesus
sa mga Pariseo at mga eskriba ang
talinghagang ito: “Kung ang sinuman sa
inyo ay may sandaang tupa, at mawala
ang isa, ano ang gagawin niya? Iiwan
ang siyamnapu’t siyam sa ilang at
hahanapin ang nawawala hanggang sa
matagpuan, hindi ba? Kapag
nasumpungan na’y masaya niyang
papasanin ito. Pagdating ng bahay,
aanyayahan niya ang kanyang mga
kaibigan at mga kapitbahay. Sasabihin
niya, ‘Makipagsaya kayo sa akin,
sapagkat nasumpungan ko sa wakas
ang tupa kong nawawala!’ Sinasabi ko
sa inyo, magkakaroon ng higit na
kagalakan sa langit dahil sa isang
makasalanang nagsisisi’t tumatalikod
sa kanyang kasalanan kaysa
siyamnapu’t siyam na matuwid na
hindi nangangailangang magsisi.
Ang Mabuting Balita ng Panginoon.
Lahat: Pinupuri Ka naming, Panginoong
Hesukristo
Lp-
PAG-UUSISA NG BUDHI
Sinasabi ng namumuno habang may awit
tungkol sa pagsisisi.
Hinahangad ko ba nang buong katapatan ang
lumaya sa kasalanan, magbalik-loob sa Diyos,
magsimula ng bagong buhay, at pumasok sa isang
matatag at matapat na pakikipagkaibigan sa Diyos?
O para sa akin ito ay isang mabigat na dalahin, na
kung maaari lamang ay maiwasan?
Naging masigasig ba ako sa pag-unlad sa aking
pananampalataya, sa pakikinig ng Salita ng Diyos, sa
pakikinig sa mga itinuturo ng pananampalataya, sa
pag-iwas sa mga ikakapanganib ng aking
pananampalataya?
Nagdasal ba ako sa umaga at gabi? Kung ako ay
nagdarasal, itinataas ko ba ang aking isip at puso sa
Diyos, o ito ay mga salita lamang? Iniaalay ko ba sa
Diyos ang aking kahirapan, kasayahan at
kalungkutan? Sa panahon ng tukso, sa Diyos ko ba
ibinabaling ang aking sarili?
Ako ba ay mayroong pag-ibig at paggalang sa
ngalan ng Diyos? Nagkasala ba ako ng paglait sa
Diyos, ng panunumpa nang walang katotohanan, o
binanggit ko ang ngalan ng Diyos nang walang
kabuluhan?
Ipinangingilin ko ba at pinagiging banal ang mga
araw ng Linggo at pistang pangilin, sa pamamagitan
ng ganap na pakikiisa sa Pagdiriwang ng Liturhiya,
lalo na ang Eukaristiya?
Ako ba ay may pag-ibig sa kapwa? O ginagamit ko
sila para sa aking sariling layunin, o ginagawa ko sa
kanila ang ayaw ko na gawin nila sa akin?
Nakapagbigay ba ako ng masamang halimbawa sa
salita at sa gawa?
Bilang anak, ako ba ay naging masunurin sa
magulang, sa wastong paggalang at pagtulong sa
kanilang pangangailangang materyal at
espirituwal?