Filipino sa Piling Larang (Akademik) Q4 Week 5-6

Magandang araw! Kumusta?

Lagi mong naririnig ang kasabihang ang isang larawan
ay katumbas ng sanlibong salita. Sinasabi nitong maaaring
maipahayag ang mga komplikadong ideya sa pamamagitan
lamang ng isang larawan. Kaya naman, karaniwang
kamangha-mangha ang resulta kapag pinagsama-sama at
inayos ang mga larawan.
Ang pag-aayos ng mga larawan upang maglahad ng
mga ideya ay tintawag na photo essay. Ang ilang photo essay
ay nang-aaliw at nagbibigay ng impormasyon samantalang
ang iba ay nag-iimbita ng pagtatalo.

Sa katapusan ng modyul na ito, inaasahan na kayo ay:

1.Nakikilala ang mga katangian ng mahusay na photo essay.
2.Nakasusulat ng organisado, malikhain at kapani-paniwalang sulatin.
3.Naipagpapatuloy ang kawilihan sa pagsulat ng sanaysay sa tulong ng mga larawang nabuo.
4. Nakakikilala ng mga bahagi ng panukalang proyekto.
5. Nakasusulat ng sariling panukalang proyekto.
6. Napahahalagahan ang katapatan sa pagsulat ng panukalang proyekto.

ARALIN 1
PHOTO ESSAY/LARAWANG SANAYSAY

Panuto: Tingnang mabuti ang mga larawan sa ibaba.

Mga gabay na tanong
1. Ano ang masasabi mo sa larawang iyong nakita sa Gawain 1?
2. Ano ang iyong mailahad sa larawang maipakita?

PAGLALAHAD

PHOTO ESSAY
Ang Photo Essay ay koleksyon ng mga larawang maingat na inayos upang upang maglahad ng
pagkakasunod-sunod ng mga pangyayari, magpaliwanag ng particular na konsepto o magpahayag ng
damdamin. Hindi limitado ang pak, magulong konsiyerto, o tahimik at payapang bukirin. Maaaring ito ay
tungkol sa natatanging tao o mga kakaibang pangyayari.
Sa pagsasalaysay, maaaring gamitin mismo ang mga binuong larawan o dili kaya’y mga
larawang may maiikling teksto o kapsyon. Malaki ang naitutulong ng larawang may teksto sapagkat
nakatutulong ang mga ito sa mga ideya/ kaisipang ipinakikita ng larawan. Ang pagtataglay ng larawan
ay dapat na isinaayos o pinag-isipang mabuti sapagkat ito ang magpapakita ng kabuoan ng kwento o
kaisipang nais ipahayag. Makapagsasalaysay dito sa pamamagitan ng mga larawang may kronolohikal
na ayos.
Ibig sabihin, isinasalaysay ang mga pangyayari ayon sa wastong pagkakasunodsunod ng
larawan. Kung pangkalahatang kaisipan lamang ng pangyayari ay maaari nang gamitin ang isang
larawang may natatanging dating. Ibig sabihin, sa isang kuhang larawan ay naroon na ang lahat-lahat
ng mga ideya.
Ang mga nakatalang sulat o katitikan sa bawat larawan ay suporta lamang sa mga
larawan kaya’t hindi ito kinakailangang napakahaba o napakaikli. Kailangang
makatutulong sa pag-unawa at makapukaw sa interes ng magbabasa o titingin ang mga
katitikang isusulat dito.
May isang paksang nais bigyang-diin sa mga larawan kaya’t hindi maaaring maglagay ng
mga larawang may ibang kaisipan o lihis sa paksang nais bigyang-diin. Kailangang
maipakita sa kabuoan ang layunin ng pagsulat o paggawa ng larawang-sanaysay.
Ang mahalagang katangian ng larawang-sanaysay ay ang mismong paggamit ng larawan
sa pagsasalaysay. Layunin nitong magbigay ng kasiyahan o aliw sa taong gumagawa ng
salaysay, magbigay ng mahalagang impormasyon, at malinang ang pagiging malikhain.
Ang photo essay ay katulad din ng iba pang uri ng sanaysay na ginagamit ng mga teknik sa
pagsasalaysay.ang kaibahan lamang ay ang paggamit ng mga larawan sa pagsasalaysay. May mga
photo essay na binubuo ng mga larawan. Ang iba naman ay binubuo ng mga larawang may maiikling
teksto. May mga nagsasabing ang photo essay ay isang sulatin kung ang kalakihan nito ay teksto at
sasamahan lamang ng ilang larawan. May iba namang nagsasabing ang mga larawan ang dapat
lumulutang sa anyong ito, hindi ang mga salita.
Ang photo essay ay hindi katulad ng tradisyunal na sanaysay na nagpapahayag ng damdamin
at kaisipan sa pamamagitan ng mga salita.ang mga larawan ay ang pangunahing nagkukuwento
samantalang ang mga nakasulat na teksto ay suporta lamang sa mga larawan. Gumagamitnlamang ng
mga salita kung may mga detalyeng mahirap ipahayag kung larawan lamang ang gagamitin.
Sa pag-aayos ng mga larawan, dapat ito’y kronolohikal upang kronolohikal din ang pagkukuwento sa
sanaysay.
(Ang kabuuan ng talakayang ito ay maaari mong Makita sa aklat na “Pagsulat sa Filipino sa Piling
Larangan: Akademik” (Makati City: DIWA LEARNING SYSTEMS INC, 2016), pp. 54-56.

Mga Dapat Tandaan sa Pagsulat Larawang-Sanaysay

1. Pumili ng paksa ayon sa iyong interes.
2. Magsagawa ng pananaliksik sa iyong paksang gagawin.
3. Isaalang-alang ang kawilihan at uri ng iyong mambabasa.
4. Tandaan na ang isang istoryang nakatuon sa mga pagpapahalaga o emosyon ay madaling nakapupukaw
sa damdamin ng mambabasa.
5. Kung nahihirapan ka sa pagsusunod-sunod ng pangyayari gamit ang larawan, mabuting sumulat ka muna
ng kuwento at ibatay rito ang mga larawan.
6. Planuhing mabuti ang gagawing sanaysay gamit ang mga Iarawan. Tandaan na higit na dapat
mangibabaw ang larawan kaysa sa mga salita.
7. Palaging tandaan na ang larawang-sanaysay ay nagpapahayag ng kronolohikal na salaysay, isang ideya,
at isang panig ng isyu.
8. Siguraduhin ang kaisahan ng mga larawan ayon sa framing, komposisyon, kulay, at pag-iilaw. Kung
minsan, mas matingkad ang kulay at matindi ang contrast ng ilang larawan kompara sa iba dahil sa
pagbabago ng damdamin na isinasaad nito.
https://www.elcomblus.com/paglikha-ng-pictorial-essay-o-larawang-sanaysay/

Mga Hakbang sa Pagsulat ng Larawang-Sanaysay

1.Pumili ng isang paksa at mga larawang may kaugnayan nito.
2.Maghanap ng mga datos na susuporta sa iyong gagawing sanaysay.
3. Pagsunod-sunurin ang mga larawan na naaayon sa tema .
4.Lagyan ng pagkakawing ang bawat larawan na kinapapalooban ng iyong damdamin na maaaring
makapukaw sa interes ng mga mambabasa.
5.Simulan ang iyong sanaysay sa pahapyaw na paglalarawan sa bawat imahe at lapatan ito ng iyong kuro o
saloobin.
6. Makakatulong sa iyo ang paggamit ng mga transisyunal devices upang magkaroon ng kohirens ang iyong
pagsulat.
7. Maglapat ng isang hamon o kongklusyon sa hulihang bahagi ng iyong sanaysay.

Halimbawa ng Larawang-Sanaysay: Tunghayan ,Basahin at Unawain ang halimbawa

“ANG MGA MAG-AARAL NG UST SENIOR HIGH SCHOOL (UST-SHS)

SA LOOB AT LABAS NG BGPOP”
ni:Trisha Capulong

Kasabay ng maligayang pagsalubong sa mga bagong mag-aaral noong Thomasian Welcome Walk
ay ang pagtanggap nila sa lahat ng mga responsibilidad na kanilang haharapin bilang isang mahabagin,
maaasahan, at tapat na Tomasino.
 Gawain 2
Panuto: Lagyan at punan ng mga salita ang bawat bilang upang makabuo ng mga pangungusap.
1. Nagiging makabuluhan ang photo essay sa akin dahil_____________________________________
_________________________________________________________________________________
2. Ang photo essay para akin ay parang _________________________________________________
_________________________________________________________________________________

ARALIN 2
PANUKALANG PROYEKTO

Gawain 3

Panuto: Basahin at unawaing maigi ang isang sulatin na nasa ibaba. Pagkatapos, sagutin ang
katanungan sa ibaba. Isulat ang sagot sa iyong sagutang-papel.

Panukalang Proyekto
I. Pamagat: Panukalang Proyekto sa pagkakaroon ng maayos na silid-aklatan
II. Proponent ng proyekto: Cristine Joy Cabuga at Maricar Raven Carcosia
III. Kategorya:
Ang proyektong pag sasaayos ng silid aklatan ay pangangalapan ng pondong galing sa gagawing fund
raising upang makakalap ng sapat na pera para sa proyekto ito sa tulong ng mga guro,magulang at
punungguro ng paaralan.
IV. Petsa:
Ang mga sumusunod na araw ang itinakdang araw at hakbangin upang masimulan at matapos ang pag
sasaayos ng lagayan ng libro at pagdadagdag ng mga libro sa silid-aklatan na ilalahad sa ibaba.

Petsa Mga Gawain Lokasyon

Pebrero 25-30, 2018 Pag-aaproba ng guro LHS
Marso 3-24, 2018 Maghahanap ng donasyon para LHS
sa mga libro
 Marso 26-Abril 5, 2018
Marso 27-Abril 10, 2018
Paghahanap ng murang bagong ABC Bookstore
libro para sa pagadadagdag sa
mga kinakailangang libro
Inaasahang araw ng LHS
pangongolekta ng libro

V. Rasyonal:
Ang kahalagahan ng proyektong ito ay makapagbigay ng pakinabang sa pagkakaroon ng maayos at
organisadong silid- aklatan sa Lagro High School.
VI. Deskripsyon ng Proyekto:
Ang proyektong ito ay aabutin ng mahigit limang buwan upang maisakatuparan ang nais matamong pag
babago sa silid-aklatan.
VII. Badget:
Sa Proyektong ito inaasahang badget na igugol sa paaralan ay ilalahad sa ibaba.

Bilang ng Aytem Pagsasalarawan ng Aytem Presyong Pangkalahatan

Pangangalap ng donassyong 0
libro
Pagbili ng dagdag na librio Base sa presyong isinumite ng P15,000.00
ABC Bookstore
Pagpapagawa ng bagong P15,000.00
lagayan ng mga aklat
P30,000.00
Kabuuang gastusin

Mga gabay na tanong:

1. Ano ang iyong napapansin sa sulatin na iyong nabasa?
2. Paano ito naiiba sa iba pang akademikong sulatin?
3. Maayos at organisado ba ang pagkakasunod-sunod ng mga hakbang? Pangatwiran.
4. Ano ang pinakamalaking hamon sa iyo sa pagsulat ng sulating ito?

PAGLALAHAD

Panukalang Proyekto
Ang Panukalang Proyekto ay isang dokumento na ginagamit upang kumbinsihin ang isang
sponsor. Ito rin ay isang paraan upang makikita ang detalyadong pagtatalakay sa dahilan at
pangangailangan sa proyekto, panahon sa pagsasagawa ng proyekto at kakailanganing resources.
May mga bahagi ang panukalang proyekto. Ito ay ang mga espisipikong laman ng sulating panukalang
proyekto.

Pamagat – tiyaking malinaw at maikli ang pamagat

Proponent ng Proyekto – tumutukoy ito sa tao o organisasyong nagmumungkahi ng proyekto.

Isinusulat dito ang address, e-mail, cellphone o telepono at lagda ng tao o organisasyon

Kategorya ng Proyekto – ang proyekto ba ay seminar o kumperensiya, palihan, pananaliksik,

patimpalak, konsiyerto, o outreach program

Petsa – kailan ipadadala ang proposal at ano ang inaasahang haba ng panahon upang
maisakatuparan ang proyekto

Rasyonal – ilalahad dito ang mga pangangailangan sa pagsasakatuparan ng proyekto at kung

ano ang kahalagahan nito
 Deskripsyon ng Proyekto – isusulat dito ang mga panlahat at tiyak na layunin o kung ano ang
nais matamo ng panukalang proyekto. Nakadetalye rito ang mga pinaplanong paraan upang
maisagawa ang proyekto at ang inaasahang haba ng panahon upang makompleto ito

Badget – itatala rito ang detalye ng lahat ng inaasahang gastusin sa pagkompleto ng proyekto

Pakinabang – ano ang pakinabang ng proyekto sa mga direktang maaapektuhan nito sa

ahensiya o indibidwal na tumulong upang maisagawa ang proyekto

Mga Dapat Gawin sa Pagsulat ng Panukalang Proyekto

Ayon kina Jeremy Miner at Lynn Miner sa kanilang aklat na “A Guide to Proposal Planning and
Writing,” sa pagsasagawa ng panukalang papel, ay kailangang magtalay ng talong mahahalagang
bahagi at ito ay ang sumusunod:
1.Pagsulat ng Panimula ng Panukalang Proyekto,
2.Pagsulat ng Katawan ng Panukalang Proyekto
3.Paglalahad ng Benepisyo ng Proyekto at mga Makikinabang nito.

Pagsulat ng Panimula ng Panukalang Proyekto

➢ Tukuyin ang pangangailangan ng komunidad, samahan, paaralan, klasrum, o kompanyang
paguukulan ng project proposal upang makatulong at makalikha ng positibong pagbabago.
➢ Gawing tiyak ,napapanahon, at akma ang gagawing panukalang proyekto.
➢ Ang pangangailangan ang magiging batayan ng isusulat na panukala.
➢ Ang panukalang proyekto ay isang nakasulat na mungkahi at siyang ihaharap sa mga taong
makatutulong sa pagkamit ng layunin para sa pamayanan.
➢ Ang panimula, ang unang bahagi ng iyong panukalang proyekto, ang magiging paksa ng araling ito.
Dito mo tutukuyin ang kaukulang pangangailangan ng iyong pamayanan. Batay dito, maaari mo nang
mailahad ang layunin ng iyong proposal. Dapat ay nakasaad din kung bakit mo ipinapalagay na ito ay
mahalagang pangangailangan.
➢ Ang bahaging ito ay dapat na maikli lamang ngunit malinaw at direkta ang punto. Dapat na
nakapaloob dito ang paglalarawan ng iyong pamayanan at kung paanong makatutulong sa
pangangailangan ng pamayanan ang panukalang proyektong iyong ibinigay.

Pagsulat ng katawan ng Panukalang Proyekto I

to ay binubuo ng:
1.Layunin -Kailangang maging tiyak at isulat batay sa inaasahang resulta ng panukalang proyekto.
Ayon kina Jeremy Miner at Lynn Miner (2005) , ang layunin ay kailangang maging SIMPLE.
• Specific – bagay na nais makamit o mangyari sa panukalang proyekto
• Immediate – tiyak na petsa kung kailan ito matatapos
• Measurable – may basehan o patunay na naisakatutuparan ang nasabing proyekto
• Practical - solusyon sa suliranin
• Logical - paraan kung paano makakamit ang proyekto
• Evaluable – nasusukat kung paano makatutulong ang proyekto.

2.Plano ng Dapat Gawin- Matapos maitala ang mga layunin ay maaari nang buoin ang talaan ng mga
gawain o plan of action na naglalaman ng mga hakbang na isasagawa upang malutas ang suliranin.
Mahalagang maiplano itong mabuti ayon sa tamang pagkakasunod-sunod ng pagsagawa nito kasama
ang mga taong kakailanganin sa pagsasakatuparan ng mga gawain. Dapat maging makatotohanan at
kailangang ikonsidera ang badyet sa pagsasagawa nito. Makakatulong kung gagamit ng tsart o
kalendaryo para markahan ang pagsasagawa ng bawat gawain.
Suriin ang plano ng mga gawain sa pagpapatayo ng breakwater o pader para sa Barangay Bacao
sa ibaba.
3.Badyet – pinakamahalagang bahagi ito ng anumang panukalang proyekto. Ang badyet ay ang talaan
ng mga gastusin ( tulad materyales at sweldo sa manggagawa ,allowance sa magbabantay at iba pang
kakailanganin sa pagsasakatuparan ng layunin. Mahalagang ito ay mapag-aralang mabuti upang
makatipid sa mga gugugulin. Maaaring magsagawa ng bidding sa mga kontraktor na kadalasan ay may
panukalang budget para sa gagawing proyekto. Maaaring magkaroon ng tatlo o higit pang bidder na
pagpipilian.Ibigay o ipagkatiwala ang proyekto sa kontraktor na magbibigay ng pinakamababang
halaga ng badyet.Sa mga karagdagang kagamitan o materyales ,mas makabubuti kung maghahanap
muna ng murang bilihan para makatipid din sa mga gastusin. Huwag ding kaligtaang isama sa talaan
ng badyet ang iba pang mga gastusin tulad ng sweldo ng mga manggagawa ,.allowance para sa mga
magbabantay sa pagsasagawa nito.
Mga dapat tandaan sa paggawa ng badyet para sa panukalang proyekto ayon sa mga datos
mula sa modyul tungkol sa pagsulat ng panukalang proyekto na may pamagat na “ Paghahanda ng
Isang Simpleng Proyekto “ https://eskwelanaga.files.wordpress.com/2011/02

Ano ang natutuhan mo sa paghahanda ng isang panukalang badyet? Sa palagay mo ba ay

mahirap itong gawin? Hindi ito mahirap kung isasaisip mo ang sumusunod:

1. Gawing simple at malinaw ang iyong badyet. Dapat na malaman agad ng ahensiyang magtataguyod
ang mga bahagi nito. Ang mahahalagang detalye ng gastusin ay dapat na malinaw ang pagkakasaad.
2. Ayusing mabuti ang iyong panukala. Pagpangkat-pangkatin ang mga gastusin ayon sa klasipikasyon
ng mga ito. Siguraduhing nakahanay ang mga halaga upang madaling sumahin ito.
3. Gumawa ng pag-aaral ng mga ahensiyang nagtataguyod ng mga proyekto at alamin ang mga bagay
na kailangan sa panukala at ang halagang kanilang tinutustusan upang makasama ang iyong panukala
sa kanilang itataguyod. Sa ganitong paraan mas malaki ang tsansang maaprobahan ang iyong proyekto.
Maaari ka ring manghingi ng kopya ng mga naaprobahan nilang mga proyekto upang maikumpara ang
gawa mo.
4. Ihanda ang iyong badyet hanggang sa huling sentimo. Ang mga ahensiyang nagtataguyod ng mga
proyekto ay kadalasang gumagawa ng pag-aaral para sa itataguyod nilang proposal.
5. Siguraduhing tama ang lahat ng kukuwentahin. Mangangahulugan ito ng iyong integridad at karapat-
dapat na pagtitiwala para sa iyo.

Paglalahad ng Benepisyo ng Proyekto at mga Makikinabang nito

Mahalagang maging espesipiko sa tiyak na grupo ng tao o samahang makikinabang sa
pagsasakatuparan ng layunin hal. Mga bata, mamamayan,kababaihan ,magsasaka,mahihirap na
pamilya,mga negosyante at iba pa.Maaari na ring isama sa bahaging ito ang katapusan o kongklusyon
ng iyong panukala. Sa bahaging ito, ay maaaring ilahad ang mga dahilan kung bakit dapat aprobahan
ang ipinasang panukalang proyekto .Tunghayan ang halimbawang nakasulat sa ibaba.

Paano Mapakinabangan ng Barangay Bacao ang panukalang proyekto?

Ang pagpapatayo ng breakwater o pader sa ilog ay magiging kapaki-pakinabang sa lahat ng
mamamayan ng Brgy.Bacao. Ang panganib sa pagkawala ng buhay dahil sa panganib na dulot ng baha
ay masosolusyunan. Di na makararanas ang mga mamamayan ng pagkasira ng kanilang tahanan at
mga kagamitan na tunay na nagdudulot ng malaking epekto sa kanilang pamumuhay.Higit sa lahat,
magkakaroon na ng kapanatagan ang puso ng bawat isa tuwing sasapit ang tag-ulan dahil alam nilang
hindi agad aapaw ang tubig sa ilog sa tulong ng mga opapatayong mga pader.

Balangkas ng Panukalang Proyekto

1. Pamagat ng Panukalang Proyekto - hinango sa inilahad na pangangailangan bilang tugon sa suliranin

2. Nagpadala- tirahan ng sumulat ng paanukalang proyekto
3. Petsa- araw kung kailan ipinasa ang panukalang papel isinama na rin kung gaano katagal gagawin
ang proyekto.
4. Pagpapahayag ng Suliranin- nakasaad ang suliranin at kung bakit dapat maisagawa o maibigay ang
pangangailangan,
5. Layunin – dahilan o kahalagahan kung bakit isagawa ang panukala
6. Plano na dapat gawin- talaan ng pagkakasunod-sunod ng mga gawaing para pagsasakatuparan ng
proyekto gayundin ang petsa at bilang ng araw na gagawin ang bawat isa.
7. Badyet- kalkulasyon ng mga guguling gagamiti sa pagpapagawa ng proyekto
8. Paano mapakinabangan ng pamayanan o samahan ang panukalang proyekto- konklusyon ng
panukala kung saan nakasaad dito ang mga taong makikinabang ng proyekto at benepisyong makukuha
nila mula rito.
Ailene Baisa-Julian et.al Pinagyamang Pluma Filipino sa Piling Larangan
(Akademik )Phoenix Publishing 2016

Gawain 4
Panuto: Kilalanin kung anong bahagi ng panukalang proyekto ang nasa ibaba. Isulat ang sagot sa iyong
sagutang-papel.
___________1. Mark Edison Julian, Jenalyn Alonzo
___________2. Ang proyektong ito ay aabutin ng limang buwan bago maisakatuparan o makompleto.
Maliban sa pagbuo ng grupo, gagawa rin ang mga ito ng newsletter at sasali sa ilang patimpalak.
____________3. PANUKALANG PROYEKTO SA PAGKAKAROON NG PANGKAT PARA SA CAMPUS
JOURNALISM SA SAN JOSE HIGH SCHOOL
____________4.

Petsa Mga Gawain Lokasyon

Agosto 19, 2019 Pagpupulong ng Student Council Officers Room 202
kasama ang mga guro sa English at Filipino na
magsisilbing school paper advisers
Agosto 20, 2019 Pagtatalaga ng mga guro na magiging punong SJHS
abala sa paghikayat sa mga mag-aaral
/pagpaplano ng gagawing campaign sa buong
paaralan
 Agosto 21, 2019 Pagsasagawa ng campaign sa buong SJHS SJHS
upang mahikayat ang mga mag-aaral na
nagnanais na magpamiyembro
Agosto 23, 2019 Pagpupulong ng mga club officers kasama Room 202
ang ang school council at school paper
advisers para sa mga proyektong pasisimulan

______________5. Ang proyektong pagbuo ng pangkat para sa Campus Journalism sa San Jose High
School (SJHS) ay isasagawa sa pamamagitan ng pagpupulong sa mga guro sa English at Filipino at
pagbuo ng plano upang mahikayat ang mga mag-aaral na sumali sa nasabing pangkat.

SANGGUNIAN
Dela Cruz, Mar Anthony.Simon. Pagsulat sa Filipino sa Piling Larangan: Akademik (Makati City: DIWA
LEARNING SYSTEMS INC, 2016), pp. 107-109.
Halimbawa ng Panukalang Plano sa Pagsasaayos ng Silid-Aklatan ng ANSHS
bit.ly/3cFWztf.
Dela Cruz, Mar Anthony.Simon. Pagsulat sa Filipino sa Piling Larangan: Akademik (Makati City: DIWA LEARNING
SYSTEMS INC, 2016), pp. 54-56.
chrome-
extension://efaidnbmnnnibpcajpcglclefindmkaj/viewer.html?pdfurl=https%3A%2F%2Fznnhs.zdnorte.net%2
Fwp-content%2Fuploads%2F2021%2F01%2FQ-2_M8_V4_-PAGSULAT-NG-PANUKALANG-
PROYEKTO.pdf&clen=879820&chunk=true
 Republic of the Philippines
Department of Education - Region III
Division of San Jose City
TONDOD HIGH SCHOOL - SENIOR HIGH SCHOOL
SY 2020-2021
LEARNING ASSESSMENT TEST
Filipino sa Piling Larang (Akademik)
Quarter 4 Week 5-6

I. Panuto: Isulat ang titik ng tamang sagot sa iyong sagutang-papel.

1. Ang photo essay ay koleksyon ng mga –

A. Larawang maingat na inaayos upang makapagsasalaysay ng mga pangyayari.
B. Larawang inaayos nang sunod-sunod
C. Larawang inaayos nag mabuti upang maglahad ng pagkakasunod-sunod ng mga pangyayari

2. Ito rin ay kasintulad ng iba pang uri ng sanaysay na gumagamit ng mga –

A. Teknik sa pagsasalaysay
B. Paraan ng paglalarawan
C. Kasangkapan sa paglalahad

3. Sinasabing ang isang larawan ay katumbas ng –

A. Puno ng mga saloobin B. Maraming saysay C. Sanlibong salita

4. Isa ito sa mga dapat isaalang-alang sa paglikha ng isang photo essay-

A. Siguraduhing pamilyar sa pipiliing paksa
B. Huwag alamin kung sino ang mambabasa
C. Maaaring gumamit ng abstraksiyon sa presentasyon ng mga larawan

5. Ang mensahe ng photo essay ay makikita sa –

A. Mga serye ng larawan
B. Mga pagkakasunod-sunod na teksto
C. Mga komento ng mambabasa

II. A. Panuto: Kilalanin anong bahagi ng panukalang proyekto ang inilalarawan sa bawat bilang. Isulat
ang sagot sa patlang bago ang bilang sa iyong kuwaderno.

_________________1. Humihiling kami ng 150,000 pesos upang maisakatuparan namin nang lubos
ang mga layunin ng proyekto.
_________________2. Tatagal ng tatlong buwan ng pagtatayo, mula Hunyo - Agosto.
_________________3. Konsultasyon sa lahat ng mga mag-aaral kaugnay sa iminumungkahing
proyekto (tatlong araw).
_________________4. Panukala para sa mga mag-aaral ng SHS sa NOHS
_________________5. Hinihiling naming magkaroon ng Reading Center sa ikatlong palapag sa
kapakinabangan ng mga estudyanteng naghahanap ng lugar sa pananaliksik ng mga aralin.
_________________6. Panukala para sa Reading Center taong panuruan 2020- 2021.
_________________7. NOHS-SHS
PTA
Kagawasan Avenue, D.C
_________________8. Proyekto ng PTA

Panuto: Basahin at unawaing mabuti ang bawat pahayag. Isulat ang titik T kung tama ang pahayag, M
kung mali sa patlang bago ang bilang sa iyong sagutang-papel.
_____9. Bago sumulat ng panukalang proyekto, kailangan munang malinaw ang nais na mangyari sa
binabalak na proyekto.
_____10. Hindi na kailangang malaman kung magkano ang iminumungkahing badget.
_____11. Sa unang bahagi ng panukalang proyekto, ilalahad ang rasyonal o ang mga suliranin.
_____12. Sa katawan ng sulatin, ilalagay ang mga hindi mahahalagang detalye ng proyekto.
_____13. Sa pagsulat ng panukalang proyekto, isipin mo na nakikipag-usap ka sa iyong kliyente at
ang layunin mo.
_____14. Sa bandang kongklusyon ng panukalang proyekto, ilalahad ang mga benepisyong maaaring
idudulot ng proyekto.
_____15. Hindi naidaraos ang proyekto gaano man kahalaga ang layunin nito, kung walang badget.

II. Pamantayang Pagganap

A. Panuto: Basahing mabuti ang senaryo, nahirang ka bilang pangulo ng Student Government ng
iyong paaralan. Binigyan ka ng sampung buwang badget na magkaroon ng proyekto. Batay sa
paksang natalakay, gumawa at sumulat ng sariling panukalang proyekto. Isulat ang sagot sa
iyong kuwaderno. Sundin ang walong hakbang sa pagsulat nito.

I. Pamagat
II. Proponent ng Proyekto
III. Kategorya ng Proyekto
IV. Petsa
V. Rasyunal
VI. Deskripsyon ng Proyekto
VII. Badget
VIII. Pakinabang

Pamantayan Napakahusay Mahusay Di-gaanong Mahusay

Kasapatan ng Imporamasyon 5 3 2
Porma at Organisasyon 5 3 2
Pagiging makatotohanan ng mga Gawain 5 3 2
at badget
Kabatiran ng wika 5 3 2
Kabuuan

B. Panuto: Gumupit ng apat na larawan mula sa lumang magasin. Idikit ito sa papel. Sikaping
makabuo ng kuwento. Lapatan ng caption at isulat ito sa ibaba ng mga larawan.
RUBRIK SA PAGSULAT NG PHOTO ESSAY

Inihanda ni: Natunghayan:

PRINCESS MELANIE J. SOMERA JEFFERSON S. BAER, PhD
Guro sa Filipino Asst. School Principal II
Sagot
1. C
2. A
3. C
4. A
5. A

II,
1. Badget
2. Petsa
3. Deskripsyon ng proyekto
4. Pakinabang
5. Rasyunal
6. Pamagat
7. Proponent ng proyekto
8. Kategorya ng proyekto
9. T
10. M
11. T
12. M
13. T
14. T
15. T