Ginpahayag ni Edilberto J.

Orillos, ang Chief Administrative Office sang Tertiary Education nga regulatory
lang ang ginatangdo nga katungdangan sang CHED nga amo ang pag-monitor sa mga operasyon sang
aton mga higher education institutions. Tatlo ang mandato sang CHED. Una ang pagpromotar sang
dekalidad kag nagakaangay nga edukasyon nga kung diin may ara ini sang technical supervision sa tanan
nga public kag private schools.

Ikaduha, ginasiguro sang CHED nga accessible ang quality education para sa tanan nga gusto mag-avail
sang higher education labi na gid sa mga pigado. Kag ikatatlo, amo ang pagsiguro sa education freedom
kag kahilwayan sa pagtuon kag pagpabutyag sang ideya.

Tungod sa Advisory No. 6 nga gin-issue sang Commission on Higher Education (CHED) angot sa
pagpaguwa sang guidelines sa paglikaw, pagcontrol, kag pagmitigate sang paglapta sang Coronavirus
Disease 2019 (COVID-19), ang higher educations nga nagagamit sang daan nga academic calendar (June-
May), ang may awtoridad nga tapuson ang semester subong nga academic school year ukon academic
period asta Abril 30, 2020. Apang, ang mga HEIs naman nga nagagamit sang bag-o nga academic
calendar (August-July), amo ang may oportunidad nga i-extend ang ila semestersa isa (1) ka bulan
pagkatapos kuhaon ang ECQ.

Nahanungod naman sa closing rites, ginadumuliaan ang mga okasyon nga may yara sang madamo nga
tawo bangod sa pag-implementr sang istrikto nga social distancing kag naupod na diri ang in-person
graduation.

Ginpaathag man sang Chief Administrative Officer nga ang pagsaylo sang Commision on Higher
Education sa pagbukas sang klase sang mga State Universities and colleges (SUCs) kag Local authorities
and Colleges (LUCs) halin sa bulan sang Hunyo pakadto sa Agosto ukon Setyembre, nakadepende sa ila
kahanda nga magconduct sang flexible learning.

Ginpanugda man ni Orillos nga ang flexible learning, amo ang estilo sang edukasyon nga ginrekomendar
sang CHED para masunod ang academic year. Ini ang kombinasyon sang online kag traditional learning
kag iban pa nga offline methods pareho sang take-home readings ukon exams, kag mga aktibidad nga
pwede mahimo sa balay.

Bangod wala danay gina-indorso ang in-person classes, ginpahayag ni Orillos nga ang mga colleges kag
universities nga may ikasarang magdumala sang online modes of learning ang pwede maka-umpisa sang
masunod nga academic year sa Agosto. Samtang ang mga SUCs kag LUCs nga may kakulangan sa
paghiwat sang digital learning ang maka-umpisa sang actual classroom classes sa bulan sang Setyembre
apang kinahanglan nagasunod ang ila plano sa social distancing protocols kag hygiene control guidelines.

Ginpahayag ni CHED Region 6 Officer in-charge Edilberto Orillos nga ang memorandum nga ginpaguwa
sang CHED indi compulsory kundi naga-engganyo sa ila. Bangod ginarespoeto sang CHED ang Academic
Freedom sang mga eskwelahan, ara na sa mga eskwelahan kung paano sila magstrategize sang internal
policies para sa completion of the academic year, graduation rites, conduct of classes, grades, kag mga
balayran.

Ginpanugyanan man ang mga eskwelahan nga makig-angot sa local authorities agud madeterminar kun
nagakaangayan ang ila plano sa sitwasyon sang probinsya.
Gin-anunsyo man sang Chief Administrative Office nga i-extend pa gid nila ang pagsumiter sang
aplikasyon sang mga estudyante sa kolehiyo nga luyag makakuha sang pinansyal nga bulig gikan sa
Commission on Higher Education (CHED) sa school year 2020-2021.

Ini ang idalom sang scholarship program sang CHED nga kung diin may ara inisang 2,467 ka mga slots
nga available para sa mga incoming college students nga may yara general average 90% pataas.

Kalakip man sa mga requirements sa nasambit nga scholarship, amo nga pagka-Filipino Citizen kag may
gintingob nga annual gross income sang ginikanan nga hindi dapat maglapaw sa ₱ 400, 000.

Siling pa ni Orillos, mahimo bisitahon ang website sang CHED agud maka-apply sa online application nga
maga-extend tubtob Mayo 31, 2020.

May ara man iban pa nga mga financial assistance programs para sa mga estudyante ang CHED in
adherence sa ika duha sin inga mandato amo ang pagsuporta sa accessible learning.

May ara sila gina-offer nga TES 1 nga kung diin makabaton ang kada estudyante sa government schools
sang 60, 000