Marapatin po nating ilagay ang ating mga sarili sa presensiya ng ating
Diyos. Diyos Ama na lumikha ng sanlibutan, kami po’y sumasainyo sa mga oras na ito. Amin pong kinikilala ang Iyong kadakilaan at ang Iyong kabutihan na patuloy na gumagabay sa amin sa aming pamumuhay dito sa lupa. Mangyari po na Inyong bigyang sigla ang araw na ito sa aming pagbubukas sa isa naming bagong lingo na aming muling inaalay sa Iyong harapan. Loobin Niyo po na kami ay muli Mong bigyan ng lakas at gabay sa aming buhay. Bigyan Niyo po kami ng malusog na katawan at sapat na pangangailangan sa bawat araw na dumadaan. Gabayan Niyo po kami sa aming mag-aaral na sila ay matuto ng lubos mula sa aming paaralan. Gabayan Niyo po ang mga kapwa ko guro at ang aming punung guro upang magampanan namin ng maayos ang responsibilidad na aming tinahak sa layuning makapaglingkod sa Iyong nilikha. Gabayan Niyo rin po ang mga magulang na naghahanap ng paraan at tranaho upang ang mga anak ay mabuhay at mapunan ang kanilang mga pangangailangan ito man ay pisikal, emosyonal, spiritwal, at edukasyonal. Hinihingi po namin na patuloy po Ninyong bigyan ng biyaya ang aming paaralan upang patuloy ito sa pagbibigay ng magandang kinabukasan sa lahat. Sa Iyo din po namin idinudulog ang aming kagustuhan na Inyo pong biyayaan ang aming pagdiriwang ng Buwan ng Wikang Pambansa upang aming maisagawa ang pagkakaisa bilang isang bayan sa ilalim ng Iyong patnubay. Bendisyonan po Ninyo ang araw na ito na kami ay malayo sa kahit anomang kabiguan o kamalasan. Hayaan Niyo po ang inyong banal na pagpapala na umulan sa amin para din po sa inyong kadakilaan. Kinikikala po namin kayo bilang aming Diyos at personal na tagapagligtas. Amen.