EBANGHELYO: JUAN 6:51-58
Ito ang
Lektor: Mahirap para sa mga tagapakinig
ni Jesus na tumugon sa kanyang
paanyayang kainin ang kanyang laman at
inumin ang kanyang dugo. Sa kabila nito,
binibigyan-diin ni Jesus ang magagandang
bunga ng pagtanggap sa kanyang katawan
at dugo sa mga tumatanggap sa kanya
nang buong pananalig.
Noong panahong iyon, sinabi ni Jesus
sa mga tao: “Ako ang pagkaing
nagbibigay-buhay na bumaba mula sa
langit. Mabubuhay magpakailanman
ang sinumang kumain nito. At ang
pagkaing ibibigay ko sa ikabubuhay ng
sanlibutan ay ang aking laman.” Dahil
dito'y nagtalu-talo ang mga Judio.
'Paanong maibibigay sa atin ng taong
ito ang kanyang laman upang kanin
natin?' tanong nila. Kaya't sinabi ni
Jesus, 'Tandaan ninyo: malibang kanin
ninyo ang laman ng Anak ng Tao at
inumin ang kanyang dugo, hindi kayo
magkakaroon ng buhay. Ang kumakain
ng aking laman at umiinom ng aking
dugo ay may buhay na walang
hanggan, at muli ko siyang bubuhayin
sa huling araw. Sapagkat ang aking
laman ay tunay na pagkain, at ang
aking dugo, tunay na inumin. Ang
kumakain ng aking laman at umiinom
ng aking dugo ay nananahan sa akin,
at ako sa kanya. Buhay ang Amang
nagsugo sa akin, at ako'y nabubuhay
dahil sa kanya. Gayon din naman, ang
sinumang kumain sa akin ay
mabubuhay dahil sa akin.
pagkaing bumaba mula sa langit; ang
kumakain nito'y mabubuhay
magpakailanman. Hindi ito katulad ng
kinain ng inyong mga magulang sa
ilang; namatay sila bagamat kumain
niyon.'
Ang Mabuting Balita ng ating Panginoon
PANALANGIN NG BAYAN
Pari: Pinasisigla ng mensaheng buhat
sa Salita ng Diyos, dumulog tayo sa
Bukal ng lahat ng kabutihan. Sa kanya,
idulog natin ang ating mga
pakumbabang kahilingan: ang maging
tugon natin:
Tugon: Panginoong Jesus, Pagkaing
Nagbibigay- buhay, dinggin mo
kami!
Lahat:  Panginoong Jesus, salamat sa
iyong napakahalagang kaloob na
Eukaristiya. Nawa’y lagi kaming
mamuhay alinsunod sa mensaheng
umaabot sa amin sa pamamagitan ng
dakilang Sakramentong ito. Ikaw na
nabubuhay at naghahari
magpakailanman. Amen!
Reb. Jose Mari Fuentes Palanca – Kura Paroko
Ika-12 Linggo Pagkatapos ng
Pentekostes
Agosto 19, 2018 Liturhiyang Kulay: Luntian
Lektor: Magandang umaga po sa ating
lahat. Tayo ay nasa ika-12 Linggo
pagkatapos ng Pentecostes.
Malaki ngayon ang panga-
ngailangan sa mga tagapag-alaga, lalo na
para sa mga bata, matatanda, at mga may
kapansanan. Ngunit lahat tayo, at di
lamang ang mga nabanggit, ay
nangangailangan ng “malawaka’t lubos na
pag-aalaga.” Kailangan natin di lamang ng
pagkain, damit, at masisilungan, kundi ng
pagtanggap, paggalang, pampasigla, at
pagmamahal. Ang laging handa’t
nakalaang tumugon sa lahat ng ganitong
pangangailangan ay si Jesu-Cristo, ang
pinakadakila nating “Tagapag-alaga,” ating
Manunubos, at “Pagkaing Nagbibigay-
buhay.” Ang Banal na Misa natin tuwing
Linggo ay isang natatanging pagpapakilala
ng dakilang pagmamahal sa atin ni Jesus
sa Kanyang pagiging espirituwal nating
pampalusog. Siya ang bukal ng ating
karunungan at lakas. Ang Banal na
Eukaristiya ay isa ring pagkakataon para
maipahayag natin ang ating pasasalamat
sa kanya at sa Ama para sa
pinakamahalagang kaloob na ito. Sa Banal
na misang ito, ipanalangin natin ang
Diyosesis ng Dinagat at kay Obispo
Mervin Jose Elimaco at mga kaparian.
Gayundin, isama natin sa ating mga
panalangin ang mga kapatid nating biktima
ng kalamidad na nangyayari sa ating
bansa, lalung-lalo na ang mga walang
masilungan at walang makain.... gayundin
ang mga nagdiriwang ng kanilang
kaarawan na sina....
PAMBUNGAD NA PANALANGIN
Pari: O Diyos, na makapangyarihan sa
lahat, ibinigay MO ang Iyong bugtong na
Anak upang magsilbing sakripisyo sa
aming kasalanan, at maging halimbawa ng
maka-Diyos na pamumuhay: Bigyan Mo po
kami ng biyaya upang tanggapin ang
bunga ng Kanyang ginawang pagliligtas
upang patuloy kaming makasunod sa mga
yapak ng Kanyang banal na buhay; sa
pamamagitan ng Iyong Bugtong na Anak
na si Jesu-Cristo na aming Panginoon, na
nabubuhay at nagahharing kasama Mo, at
ng Espiritu Santo, iisang Diyos, ngayon at
magpakailanman. Amen.
Lektor: Ang sipi ngayong hango sa Aklat ng
mga Kawikaan ay nagpapahayag ng
masidhing hangad ng Diyos na makabahagi
ang sangkatauhan sa Kanyang karunungan
at buhay. Ang planong ito’y magkakatotoong
ganap sa piging ng Eukaristiya. At sa
Bagong Tipan, pinaaalalahanan tayo ni San
Pablong mag-ingat sa ating asal at
magpasalamat sa Ama para sa lahat. Ito ay
ilan sa mga pangunahing kailangan natin
para sa kapakipakinabang na pagtanggap ng
Banal na Komunyon.
UNANG PAGBASA KAWIKAAN 9:1-6
3
Pagbasa sa Lumang Tipan hango sa
Aklat ng mga Kawikaan kabanata 9
nagsisimula sa talata 1 hanggang 6.
Gumawa na ng tirahan itong karunungan,
Na itinayo niya sa pitong patibayan.
Nagpatay s'ya ng hayop, nagtimpla ng
inumin, Ang mesa ay inihanda, punung-
puno ng pagkain. Katulong ay isinugo sa
gitna nitong bayan, Upang lahat ay abutin
ng ganitong panawagan: "Ang kulang sa
kaalaman, dito ay lumapit.' Sa mga walang
muwang ay ganito ang sinambit: Halikayo't
inyong kainin ang pagkain ko, At tunggain
ang inuming inilaan ko sa inyo. Lisanin ang
kamangmangan upang kayo ay mabuhay,
At ang landas ng unawa ang tahakin at
daanan.
Ang Salita ng Panginoon
SALMONG TUGUNAN Awit 44:10-15
Tugon: Mapalad ang bayang si
Yahweh'y Diyos na dinadakila!
Tagumpay ng hari ay iyong kaloob, at
iniligtas mo si David mong lingkod. Iligtas
mo ako sa mga malupit kong kaaway; sa
kapangyarihan ng mga banyaga ay
ipagsanggalang; sila'y sinungaling, di
maaasahan, kahit may pangako at mga
sumpaan. Tugon
Nawa ang ating mga kabataan lumaking
matatag tulad ng halaman. Ang
kadalagaha'y magandang disenyo, kahit
saang sulok ng isang palasyo. At nawa'y
mapuno, mga kamalig natin ng lahat ng uri
ng mga pagkain; at ang mga tupa'y
magpalaanakin, sampu-sampung libo, ito'y
paramihin. Tugon
Mga kawan natin, sana'y dumami rin at
huwag malagas ang kanilang supling; sa
ating lansangan, sana'y mawala na ang
mga panaghoy ng lungkot at dusa!
Mapalad ang bansang kanyang pinagpala.
Mapalad ang bayang si Yahweh'y Diyos na
dinadakila! Tugon
IKALAWANG PAGBASA EF 5:15-20
Pagbasa sa Bagong Tipan hango sa
Sulat ni Pablo sa mga taga-Efeso
kabanata 5 nagsisimula sa talata 15
hanggang talata 20.
Mga kapatid: kaya’t ingatan ninyo
kung paano kayo namumuhay. Mamuhay
kayong tulad ng matatalino, at di tulad ng
mga mangmang. Sapagkat masama ang
takbo ng daigdig, samantalahin ninyo ang
bawat pagkakataon na kayo'y makagawa
ng mabuti. Huwag kayong mga hangal.
Unawain ninyo kung ano ang kalooban ng
Panginoon. Huwag kayong maglalasing,
sapagkat nakasisira iyan ng maayos na
pamumuhay. Sa halip ay sikapin ninyong
mapuspos kayo ng Espiritu Santo. Sama-
samang ipahayag ang inyong damdamin
sa pamamagitan ng mga salmo, mga imno
at mga awiting espirituwal. Buong puso
kayong umawit at magpuri sa Panginoon.
Lagi kayong magpasalamat sa Diyos at
Ama dahil sa lahat ng bagay, sa pangalan
ng ating Panginoong Jesu-Cristo.
Ang Salita ng Panginoon