Konsensiya Munting tinig Sa atin ay
Humuhusga
MAHALAGANG KAISIPAN
• Ang pagiging maingat at mapanuri
sa anumang pasiya o kilos na
gagawin ay palatandaan na
isinasaalang-alang natin ang dikta
ng ating konsensiya. Tinitimbang
natin ang kabutihan at ang
maaaring maging masamang
epekto nito kung isasagawa ang
isang pasiya o kilos. Ang
kakayahang magsuri at pairalin ang
konsensiya ang kaibahan ng tao sa
hayop.
• Ang tao'y nilikhang may
dimensyong espiritwal. Saklaw nito
ang bahagi ng ating pagkatao na
alam nating naririyan subalit hindi
nakikita at mahirap patunayan sa
pamamagitan lamang ng ating mga
panlabas na pandama.
Ang utak ay pisikal at ang isip ay
espiritwal. Ano ang kaibahan?
Maaaring makita ang una sa
pamamagitan ng makabagong
kagamitan at teknolohiya subalit
ang isip ng tao ay mahirap masukat.
Inihambing nga ng isang manunulat
na Intsik ang isip ng tao sa
karagatan. Higit raw na madaling
sukatin ang kalaliman ng karagatan
kumpara sa isip ng tao sapagkat siya
lamang ang nakababatid ng mga
diwang tumatakbo dito.
• Ang mga pasiya at ikinikilos ng tao
ay maaaring dikta ng kaniyang isip
o ng kaniyang emosyon. Alin man sa
dalawa ang pinaghuhugutan,
mananagot ang tao sa pasiya at
kilos na kaniyang gagawin.
• PAGPUKAW:
Magbalik tanaw tayo sa maling
pasiyang nagawa na bawat isa at
isulat sa ibaba.
Bakit mali ang sumusunod na
gawain? Anong pamantayan ng
kabutihan ang nilalabag
mga ito?
1. Hazing
2. Bullying
3. Vandalism
4. Suicide
5. Cheating
6. Kidnapping
7. Terrorism
8. Pre-marital sex
9. Abortion
10. Smuggling
• Pag- Alam
• Konsensiya ang tawag sa praktikal na paghusga ng isip gamit ang
Likas na Batas Moral. Ito ay nagmumula sa isip at hindi isang
damdamin o emosyon.

• Ito ay nagmumula sa isip . Ang bawat tao ay pinagkalooban ng isip at

malayang kilos- loob na kailangan sa pag- unawa ng Likas na Batas Moral na
itinanim ng Diyos sa puso ng tao.
Ibig sabihin ang lahat ng tao ay may konsensiya. Ngunit laging tandaan na
hindi lagi tama ang paghusga ng konsensiya, nagiging tama lamang ito kapag
ginamit ang Likas na Batas Moral.

• Ang Likas na Batas Moral at ang konsensiya ay may direktang kaugnayan sa

isa't isa sa kadahilanang nakabatay at umaasa ang konsensiya sa Likas na
Batas Moral. Hindi maaaring makahusga nang wastong pasiya o kilos ang
konsensiya kung wala siyang kaalaman sa Likas na Batas Moral. Ano kung
gayon ang kahulugan ng konsensiya? Ito ay ang aplikasyon o paggamit ng
Batas Moral bilang batayan sa paggawa ng pasiya o pagsasagawa ng kilos .
Hindi ito pakiramdam o emosyon tulad ng maling akala ng nakararami.

Ang ibat’ ibang halimbawa ng Batas Moral:

May tinatawag na antecedent conscience at

consequent conscience.
• Ano ang pagkakaiba ng dalawa?
• Antecedent kung bago mo pa man isagawa ang
isang kilos ay nabagabag ka na at nakilala mong
mali ito kung isasagawa kung kaya't hindi mo ito
itinuloy.
• Consequent kung nagawa mo na ang isang kilos at
saka mo pa lamang napag- isipang mali pala ito.

Ang Matandang Tindera ng Saging

● Pagkagaling mula sa trabaho ay palaging dumaraan si Nathaniel sa
isang grocery ilang metro lamang ang layo sa kanilang bahay upang
bumili ng saging na ipapasalubong sa kaniyang nanay. Nakagawian niya
na sa grocery na iyon bumili ng paboritong prutas ng kaniyang nanay.
Isang araw na palabas siya ng bahay, ay nakakita siya ng isang
matandang babae na may kariton na ang laman ay panindang saging.
"Magkano po ang isang kilo ng saging?" tanong niya. "₱70 ang lakatan
at ₱50 ang latundan", tugon ng matanda . "Ibigay na lamang ninyo ng
₱50 ang isang kilo ng lakatan at kukuha ako ng dalawang kilo.
● Doon nga sa grocery na binibilhan ko ₱50 lamang ang kilo,” wika ni
Nathaniel . "Maaari ko lang ibigay hanggang ₱60 , kapag ₱50 ay wala na
akong kikitain,” paliwanag ng matanda . Umalis na si Nathaniel at
pumunta sa grocery upang bumili ng saging. Nang marating na niya ang
lagayan ng mga prutas, laking gulat niya ng makita ang presyo na
₱100.00/kilo ng saging. May halong pagtatakang lumapit siya sa
manager ng grocery at tinanong, “ Sir, talaga bang ₱100 ang kilo ng
saging? Noong nakaraang linggo lamang ay ₱70 ang kilo bakit ngayon ay
₱100 na? Baka naman pwedeng bawasan ang presyo tutal ay suki naman
ninyo ako," pakiusap ni Nathaniel. "Naku, grocery po kami, hindi
palengke, fixed price po lahat ng produkto namin,” tugon ng manager.

● Dali-daling lumabas si Nathaniel at binalikan ang matandang

nagtitinda. Sinalubong siya ng bati ng matanda na , "Hindi ko talaga
 pwedeng ibigay ang aking paninda sa presyong ibig mo, wala na akong
tutubuin," paalaala ng matanda . "Huwag kayong mag- alala sa presyo.
Kukunin ko iyan sa halagang ₱100 . Bigyan ninyo ako ng dalawang kilo".
Natuwa ang matandang tindera sa narinig at agad naglagay ng saging sa
kiluhan at ng matimbang na ang dalawang kilo at inilagay na sa plastic
bag. "₱70/kilo lamang ang kukunin ko,” wika ng matanda.
● "Natutuwa ako sa kabutihang loob mo . Alam mo ba na noong nabuhay
pa ang asawa ko ay may maliit kaming tindahan ng prutas . Kaya lamang
ay nagkasakit siya at napilitan kaming ibenta ang maliit naming
tindahan upang ipambili ng gamot para sa kaniyang karamdaman, kaya
lamang ay namatay din siya . Wala kaming anak o mga kamag-anak na
maaaring hingan ng tulong. Dahil dito, kaya nagtitinda na lamang ako
ng saging para may pagkunan ako ng ikabubuhay ko,"maluha-luhang
pagkukuwento ng matanda.
● "Huwag kayong mag-alala . Mukha namang maayos na kayo . Simula po
ngayon sa inyo na ako bibili ng saging,” nasisiyahang tugon ni
Nathaniel. Matapos niyang iabot ang bayad sa dalawang kilo na kaniyang
nabili ay iniabot pa niya ang ₱500 sa matanda sabay ang wikang,
"Idagdag na ninyo ito sa inyong puhunan para bukas ay may iba pa
kayong prutas na maidagdag sa paninda ninyo .
● Huwag kayong mag- alala, ituring na lamang ninyong paunang bayad ko
iyan sa mga bibilhin kong prutas sa inyo sa hinaharap," ani Nathaniel .
Mula noon , inerekomenda na niya sa kaniyang mga kaibigan na sa
matandang nagtitinda na ng saging sila bumili at ng makatulong pa rito.