Magayunon imudon Bagan gusto kuna lang maabutan Maimod manlang sa haranian saka kuman makaputan Makugos na Bagan ako lang sakaniya may karapatan
Bata pa ako Mao ini an paborito ko pag masdan
Kada tangad habang naglalakaw ako niya insusunudan Ako man ruyagon kay perme niya ako inbabantayan Maka mundo Lang Ugang kon an ulap siya natatahuban
Siya man perme saato nag hahatag San kaliwanagan
Di tana na kaipuhan pang mangapa pa sa kaduluman Kay Kita niya Kusa in-iilawan para magabayan Kamayadan niya ato man dapat perme naiimudan
Mga sabi-sabi San ibang tawo Di tana paniwalaan
Sabi-sabing wara napapatunayan kundi kabuwaan Na kun bilog kuno an Bulan maluwas an kaasuwangan Didi Siguro naluwas an uyag na kabilugang buwan
Sa uyag kun bilog an bulan maluwas an kaasuwangan
Mao man ini an saro sa mga gustuhon ta pag-uyagan Basi maka iwas lang sa taya sege ta an daralagan Magayunon baga yun na uyag pag para balik-balikan
Ini Ugang na ako gustuhong Bulan mayon kasabihan
May mga negatibo na dere mo talaga magugustuhan May mga positibo man na talagang imo maruruyagan Pero Di kita mahadlok kay pwedeng wara yun katuturan
Grabi man an mga nag suway son na insasabing kasabihan
Grabi man an mga nag sunod son na insasabing kasabihan Wara man nakapatunay na mayon yon San katunayan Kaya di kita masyado kasunod sa wara man katuturan
Diko insasabing tapukon an paniwala San kagurangan
Dito lang pag palipasan an kagayunan san ato Bulan Lalo kun bilog an bulan magayunon baga pagtitigan Kaya akay man an kabighanian niya ato iwasan Ato dapat pakahalagahan an kagayunan san bulan Minsan didi ta mahahanap an sa ato kapayapaan Problema ta maiiwasan pag ini ato nasilayan Maiisip ta nalang sa kaniya puro mga kaugmahan
Kaugmahan man palan ini San mga tawong nagmamahalan
Kaya sa Bulan na magayunon man na sira nanumpaan Na maski nano an mangyari sa bulan kanira kadtuan Pangako sa Kada saro na didto an kanira imudan