Tawong tinampo an turugan kay wara sira maranian Kaya dapat nato sira pansinon nan mapag istoryahan Mapag istoryahan pero an dere dapat na pagsipatan
Ato kapwa man maaksyonan basi sira man madanunan
Mga nakakataas na dapat maanunsyuhan, masumatan Basi kanira ini pagka atensyunan, marespundihan Dita lang sira na pagparaimudon kundi na danunan
Na dapat matagan man kuta san mayad na masisirungan
Di lang kuta dapat an mga may kakayanan an pagbantayan Kay halos intero man kita sa lipunan nangaipuhan Sabihong dayo lang didi, dapat mayon kita kapatasan
Diman taga didi ato man kuta sira na akoderan
Kay ato na bungto an kanira intuturing na istaran Kamayadan na pakikitungo sira man na paimudan Masabi man sa iyang sadere sira may maaasahan
Magkamay'on man sira san maski diyo na kaginhawaan
Diyo na danon dako-dako na an kanirang kaugmahan Nasasabi ko yon kay minsan kuna man sira naabutan Maski an sakanirang ihatag diman nanggad kadakuan
Basta lang an kanira tyan na nagngungurob masuludan
Dapat baga kuta ilaban mga tawong wara kakayahan Kanirang mga kondisyon na dapat man kuta mapaghandaan Dae man sana pag para paagahan san nasa tungkulan
Kay mao yon, kanirang obligasyon perme nalilimutan
Di lang dapat interong may balay an kaupod sa listahan Na mao nalang perme an sa kanirang naaayudahan Maski nasa kalsada dapat man baga kuta marasyunan
Makakaon man san mga masiram kanira maranasan
Iparanas man baga kuta mayumok na mahihigdaan Dere lang karton o salog an sa kanira mapamunayan Sa gab'ing kaipuhan nira san diyo na kapayapaan
Kanira in-iisip magiging sitwasyon kina-agahan
Kirita may mga masiram na inkakaon sa pang adlawan Sira nano daw an kanira inkakaon sa pang-agahan Masustansya man kaya an kanira nagkakataradihan?
Kun an sa kanira pamilya, sira man na pinagkaitan
Kita dita na man kuta dapat sira na pagkahagasan Buhay nira dapat ma solusyonan istaran hinguhaan Na basi man makaturog naman sira san may kaugmahana sa imo inumon.