Ang pagtaas ng mga pangunahing bilihin o ang tinatawag nating
implasyon ay hindi natin mapipigilan ngunit posible nating maiwasan at
malutasan. Kaya bilang isang mag-aaral, ako’y magiging isang matalinong mamimili at bibilhin ko lamang ang mga pangunahing o importanteng kagamitan na magagamit ko sa pang araw-araw na buhay para hindi tumaas ang demand nito . Ako rin ay magtitipid ng pera na maari kung gamitin sa oras ng kagipitan at hindi rin ako magpapadala sa aking mga kagustuhan. Tutulungan ko rin ang aking mga magulang sa pag bubudget ng pang araw-araw na gastusin sa aming bahay. Sa pamamagitan nito posebleng malulutasan natin ang mga problemang kaugnay sa implasyon.
Isa sa mga dahilan ng implasyon ay ang pagtaas ng suply ng salapi, kaya
naman ipinapatupad ng Bangko Sentral ng Pilipinas ang mga patakaran sa pananalapi upang mabawasan ang suplay nito. Isa na dito ang, dapat pahalagahan ng pamahalaan ang maayos na paggastos, pagbabadyet, pangungulekta ng buwis at pangungutang. Dapat din na taasan ang antas ng produktobidad lalo na ang pagsasaka. Nakababawas din ng suliranin ang pagtitipid at wastong paggamit sa mga inaangkat na materyal at kagamitan na kailangan sa produksuyon. Makatutulong din sa paglutas ng Implasyon ang Tight Money Policy, pagtangkilik at paggamit ng mga local na materyales at produkto, pagbibigay ng parusa sa mga nagtatago o nagkokontrol ng supply ng produkto ng sa ganun maiwasan natin ang implasyon