Sa PSU ang pagiging mapanagutan ay patuloy na pinanghahawakan ng mga
empleyado nito patunay rito ang malinaw na bisyon, misyon, at mga batayang halagahan ng institusyon. Patuloy na pinayayabong ng pagiging mapanagutan ang masikhay na pagsulong ng pamantasan sa pagtatamo ng kahusayan. Ang iisang pagtahak ng direksiyon ng unibersidad ang nagsisilbing tanglaw sa patuloy nitong pagpapabuti.
2) Pagiging Tapat o Bukas / Transparency
Ang pagiging tapat o bukas ay mabisang ipinamamalas ng PSU sa pagbibigay
nito ng serbisyo sa lipunan. Pinatutunayan ito ng iba’t ibang mekanismo sa pagpapaabot ng mga impormasyon at datos gaya na lamang ng pagpapabatid ng mga balita sa iba’t ibang platapormang online gaya ng sa social media, gayundin ang mga pahayagan na inililimbag ng pamantasan upang tiyaking naidodokumento at naipaaalam sa mga tao ang mga pangyayaring nagaganap sa loob ng unibersidad. Nananatiling bukas at tapat ang PSU sa pagpapabatid ng impormasyon sa publiko.
3) Kredibilidad / Credibility
Patunay ang kredibilidad ng PSU upang patuloy na pagkatiwalaan ng iba’t ibang
sektor ng lipunan ang institusyon. Matibay na pinangangalagaan nito ang matagal nang naitatag na reputasyon sa mabisang pagbibigay-serbisyo. Patunay rito ang matagal nang pakikisapi ng pamantasan sa iba’t ibang samahan at organisasyon, at pakikipag-ugnayan sa mga pamantasan at kolehiyo sa loob at labas ng bansa.
4) Integridad / Integrity
Ang integridad ng pamantasan ay kalidad ng matibay na etikal na prinsipyo nito
na sinusunod sa lahat ng pagkakataon. Ang katapatan at tiwala ang sentro ng integridad. Ang halagahang ito ay lumalawig sa mga propesyonal na bahagi ng trabaho gaya ng pagdedesisyon, pakikipag-ugnayan sa mga kapuwa empleado at sa paglilingkod sa mga kliyente ng unibersidad. 5) Kakayahan at Sigasig na Makatamo / Competence and Commitment to Achieve
Responsibilidad ng pamantasan na panatilihin ang mataas na pamantayang
akademiko nito sa instruksiyon, riserts, ektensiyon, at produksiyon. Ang kakayahan at sigasig na makatamo ay kasanayang patuloy na ipinamamalas ng mga administrador, kaguruan, at mga kawani ng pamantasan. Patunay rito ang tagumpay sa mga akreditasyon at mga natanggap na parangal at pagkilala ng pamantasan sa lokal, nasyonal, at internasyonal na larangan.
6) Kahusayan sa Pagbibigay ng Serbisyo / Excellence in Service Delivery
Nakahanay ang kahusayan sa pagbibigay ng serbisyo sa kalidad ng mga
akademikong programa nito. Idinudulot ng halagahang ito ang pagtuon sa tagumpay ng mga produktong mag-aaral nito gayundin ang patuloy na paghahasa sa kakayahan ng mga kawani upang tumugon sa pangangailangan ng nagbabagong mundo.
7) Social Responsiveness / Lipunang Pagtugon
Obligasyon ng pamantasan ang paglilingkod sa bayan at sa sambayanan. Ang
mga makabuluhan at aktibong programang ekstensiyon at inisyatiba ng PSU ay patunay na ito ay nakapag-aambag ito sa lipunan upang maiangat ang kalidad ng pamumuhay ng mga Filipino. Ambag din ng PSU ang pagiging tulay sa pagtupad sa hangarin ng bawat PSUnian para sa progreso at transpormasyon ng lipunan.
Binibigyang-tuon ng PSU ang pagtugon sa mga isyung kinasasangkutan ng
kapaligiran. Nilalayon nitong maging responsable at aktibo sa pangangalag ng kalikasan kasabay ng napananatiling development. Patuloy ang pamantasan sa pagpopondo upang maisagawa ang mga saliksik na nakatuon sa pangangasiwa ng kapaligiran upang maging mabisang kalahok ang institusyon sa paglutas ng mga suliranin idinudulot ng pagkasira ng kalikasan.
9) Espirituwalidad / Spirituality
Kinikilala ng PSU ang espirituwalidad bilang mahalagang komponent ng
mabisang pamumuno. Malaki ang ambag ng paglinang espirituwalidad sa pang- araw-araw na pamumuhay ng mga empleado nito. Inilalaan ng pamantasan ang pagkintal ng halagahang ito sa mga kawani, guro at mag-aaral na sa gitna ng mga development at transpormasyon ay may ginagampanang papel ang esprituwalidad sa moral at etikal na pamantayan ng lipunan.