➢ Ito ay isang proyekto na iminumungkahing isagawa dahil may nakitang
kinakailangan ng pagkakataon. ➢ Nangangahulugang ito’y kasulatan ng mungkahing naglalaman ng mga plano ng gawaing ihaharap sa tao o samahang pag-uukulan nitong siyang tatanggap at magpapatibay nito. Hakbang sa Pagsulat ng katawan ng Panukalang Proyekto 1. Pangalan ng proyekto ➢ Makikita sa pangalan ng proyekto ang malinaw na isinasagawang proyekto kung saan isasagawa at kung sino/alin ang mga tagatanggap. ➢ Dapat ito ay tiyak at maikli hangga’t maaari. 2. Proponent ng Proyekto ➢ Sa bahaging ito ay ipinapakilala kung sinong indibidwal o aling organisasyon ang nagmumungkahi ng proyekto. ➢ Ibabahagi rin nito ang tirahan, telepono, at tungkulin ng utak ng proyekto. 3. Klasipikasyon ng Proyekto ➢ Ilarawan kung sa gawain kabilang ang panukalang proyekto. 4. Kabuoang Pondong Kailangan ➢ Isa-isang itatala ang lahat ng mga kagastusan at ang kabuoang pondong kinakailangan upang matagumpay na maisakatupan ang paroyekto. 5. Rasyonale ng Proyekto ➢ Ito ang batayan ng pagsasagawa ng proyekto. ➢ Ipinapakita ang kahalagahan ng panukalang proyekto. ➢ Ang bahaging ito ay susuporta kung bakit kailangan ang proyekto, sa madaling salita ito ay pagkilala sa problema. 6. Deskripyong ng Proyekto ➢ Ang proyekto ay ilalarawan nang malinaw. 7. Layunin ng proyekto ➢ Isasaad din ang layunin sa pagsasagawa ng gawain at ilalahad ang kalendaryo ng mga gawain. 8. Mga kapakinabangang dulog ➢ Ilalahad kung sino ang mga makikinabang at isasaad din ang mga kapakinabangang makukuha matapos ang proyekto. 9. Kalendaryo ng gawain ➢ Ang bahaging ito ay magpapakita ng lahat at sunod-sunod na gawain tungo sa pagsasakatuparan ng mga layunin. 10.Lagda ➢ Lahat ng taong kasangkot sa panukalang proyekto ay lalagda upang mapagtibay ang panukalang proyekto. Mga Dapat tandaan sa Pagsulat ng Panukalang Proyekto 1. Alamin ang mga bagay na makapagkukumbinsi sa nilalapitang opisina o ahensiya sa pag-aapruba ng panukalang proyekto 2. Bigyang-diin ang mga pakinabang na maibibigay ng panukalang proyekto. Mahihirapang tumanggi ang nilalapitang opisina o ahensiya kung nakita nilang malaki ang maitutulong nito sa mga indibidwal o grupong target ng proyekto. 3. Tiyaking malinaw, makatotohanan, at makatuwiran ang badyet sa gagawing panukalang proyekto 4. Alalahaning nakaaapekto ang paraan ng pagsulat sa pag-apruba o hindi sa panukalang proyekto. Gumamit ng mga simpleng salita at pangungusap. Iwasan ang maging maligoy. Hindi makatutulong kung hihigit sa 10 pahina ang panukalang proyekto. Kahalagahan ng Panukalang Proyekto 1. Binabalangkas sa panukalang proyekto ang proseso (ng pag-aaral) mula simula hanggang katapusan. 2. Inihahanda ito upang maging maayos at sistematiko ang pagsisimula ng isang proyekto. 3. Maaaring magpatuloy ng isang pag-aaral o maaaring lumikha ng bagong pag-aaral. 4. Ngunit hindi mainam na mag-ulit ng isang pag-aaral o pananaliksik. 5. Kadalasang inihahanda ang panukalang proyekto bilang kahingian ng guro o propesor. 6. Kailangang laanan ito ng panahon ng mag-aaral bago pa man siya magsagawa ng masigasig na pag-aaral o pananaliksik. 7. Mahalagang magsaliksik muna tungkol sa isasagawang panukala bago pa man ipagpatuloy ang isang seryosong pag-aaral. 8. Ang paghahanda ng isang panukalang proyekto ay maiuugnay sa mga akademikong kahingian tulad ng tesis at desertasyon.
Halimbawa ng Panukalang Proyekto
I. Pangalan ng Proyekto: Technology Transfer of "Electrical Wiring Circuit Trainer" to Rosario National High School II. Proponent ng Proyekto: Dr. Erma B. Quinay – VPRDE Prof. Romeo M. De Castro - Director, ESO Atty. Edgard E. Valdez – Executive Director Asst. Prof. Armando V. Mendoza Jr. - Asst. Director, Industry and Institutional Development Services Asst. Prof. Adelaido P. Pinawin - Associate Dean, CIT Mr. Bryan M. Macasaet – Extension Services Coordinator, CIT Mr. Felomino A. Barcelos - Faculty Extensionist Rodemer M. Dela Cruz -Proponent David C. Dimaano – Proponent III. Klasipikasyon ng Proyekto: Extension Service IV. Kabuoang Pondong Kailangan: Budget para sa Trainers at Facilitators
Iba pang gagastusan:
V. Batayan ng Proyekto: Ang Electrical Wiring Circuit Trainer ay idinisenyo sa pamamagitan ng paglalapat ng mga simulain at prinsipyo tungkol sa industrial wiring. Kapakipakinabang ito lalo't higit sa paglinang ng kasanayang praktikal. Ang Rosario National High School ay isa sa nangungunang paaralang sekondarya sa bayan ng Rosario sa Batangas. Isa rin sa magpapatupad ng Senior High School sa hinaharap. Makatutulong nang lubha ang pagbibigay ng teknolohiya at maipasa sa mga guro ng pampublikong paaralan ang makabagong kagamitang pampagtuturo. Sa pamamagitan ng magandang ugnayan sa pagitan ng dalawang institusyon, matutulungan ang mga mag-aaral na makatamo ng de-kalidad na edukasyon. VI. Deskripsyon ng Proyekto: Ang Gawain ay naglalayong maipasa ang teknolohiya ng Electrical Wiring Circuit Trainer sa Rosario National High School. Tuturuan ang mga guro sa nasabing paaralan ng paggamit ng makabagong kagamitang pampagtuturo sa loob ng isang buong araw. Malilinang sa kanila ang kaalamang prosidyural sa pamamagitan ng masusing paggabay sa tulong na rin ng manwal. Matapos silang masanay sa pamatnubay ng mga eksperto, tatayain kung handa na silang gamitin ang teknolohiya. Ang pagbubuo ng kasunduan ay isasagawa matapos maging handa ng mga guro. At para masigurado ang kapakinabangan sa teknolohiya, imomonitor ng Batangas State University ang paggamit ng teknolohiya. VII. Layunin: 1. Ibahagi ang kaalaman ng mga eksperto sa mga beneficiary 2. Makapagsagawa ng pagsasanay upang magamit ang teknolohiya 3. Magamit ang kagamitan nang may tiwala sa kakayahan VIII. Mga Kapakinabangang Dulot: Ang paaralan ay magkakaroon ng makabagong teknolohiya na magagamit sa pagpapaturo ng mga mag-aaral. Malaking ambag ang training para sa mga guro na magtuturo sa SHS. Inihanda ni: Mr. Bryan M. Macasaet Extension Coordinator, CIT Binigyang pansin nina: Asst. Prof. Armando V. Mendoza Jr. Asst. Prof. Adelaido Pinawin Extension Head - Rosario & Asst. Director, Assoc. Dean, CIT Industry and Institutional Development Services Atty. Edgard E. Valdez Executive Director & Dean of Colleges, Rosario and San Juan Campuses Iminungkahi nina: Prof. Romeo M. De Castro Dr. Erma B. Quinay Director, Extension Services VPRDE Dr. Jessie A. Montalbo Atty. Luzviminda A. Rosales VP for Admin and External Affairs VP for Admin and Finance Pinagtibay ni: Dr. Tirso A. Ronquillo University President