POSISYONG PAPEL: ABORSYON, PWEDE BA MAGING

LEGAL SA ATING BANSA?

Ang pagpapalaglag ay isang napakakontrobersyal na paksa. Ito ay tumutukoy sa pagwawakas

ng pagbubuntis sa pamamagitan ng pag-alis ng fetus mula sa sinapupunan ng ina. Iba-iba ang
mga batas sa pagpapalaglag sa bawat bansa, may ibang bansa na ginawang legal ang aborsyon
meron namang bansa na hindi, kagaya na lamang ng ating bansa. Ang mga tagapagtaguyod ng
aborsyon ay nangangatwiran na ang bawat babae ay may karapatan na ipalaglag ang kanyang
pagbubuntis lalo na sa mga babaeng biktima ng rape at incest at nagsasabing ang isang fetus
ay hindi isang tao hanggang sa ito ay isinilang. Ngayon ang tanong, pwede ba maging legal ang
aborsyon sa ating bansa?

Bilang isang estudyante na may pagpapahalaga sa isang buhay, hindi ako sang ayon na gawing
legal ang aborsyon sa ating bansa dahil sa dalawang rason. Una, dahil ang aborsyon ay isang
kasalanan. Kahit biktima pa ng rape at incest, hindi dapat pahintulutan ang pagpapalaglag
dahil ang pagpapalaglag ng sanggol ay hindi isang personal na pagpipilian. Ang aborsyon ay
isang malubhang pagkakasala laban sa Diyos at sa Kanyang nilikha. Tandaan natin na ang
buhay ay nagsisimula sa sinapupunan. Nagsisimula ang buhay sa panahon ng paglilihi kahit na
ito ay maliit lamang na selula. Ang laki o bigat ng buhay na nilalang ay hindi mahalaga. Lahat
ng tao ay may karapatang mabuhay at sana’y huwag natin ipagkait sa isang sanggol na
maisilang at makita ang mundo kahit nabuo man ito sa hindi magandang pangyayari.

Pangalawa, dahil sa posibleng epekto nito sa mga kababaihan. Ang pagpapalaglag ay may
mapanganib na mga kahihinatnan sa kalusugan. May posibilidad ding magkaroon ng mga
komplikasyon pagkatapos ng pagpapalaglag na maaaring makaapekto sa susunod na
pagbubuntis. Ang mga babaeng nagpalaglag ng kanilang sanggol ay maaaring hindi na muling
magbuntis. Mayroon ding panganib ng impeksyon na maaaring magresulta sa pagpapaospital.
Dahil ang industriya ng aborsyon ay higit na hindi kinokontrol, maraming kababaihan ang
namamatay dahil sa mga maling pamamaraan. Ayon sa LifeDynamics.com, ang aborsyon ay
kumitil sa buhay ng 347 kababaihan noong 1973. Natuklasan din ng mga mananaliksik ang
kaugnayan sa pagitan ng kanser at aborsyon. Sinasabi nila na ang panganib ng kanser sa suso
ay tumaas sa mga babaeng nagpapalaglag ng kanilang sanggol.
Gayunpaman, akoy matatag sa aking paninindigan na hindi sang-ayon na gawing legal ang aborsyon.
Maraming paraan makaiwas sa pagbubuntis, upang maiwasan ang unwated pregnancy na nagdudulot
ng aborsyon, inaanyayahan ko ang mga kababaihan na gumamit ng contraception.