(Wala po kaming magasin o artikulo sa bahay kaya nagbasa nalang po ako sa Google News)
PAGTAAS NG BILANG NG TEENAGE PREGNANCY
Ang artikulong ito ay isa sa mga kontemporaneong isyu sa na nagaganap hindi lamang sa ating bansa kundi sa ibang parte na ng mundo. Maituturing ang teenage pregnancy bilang isang malaking problema na pinaguusapan ng mga netizens. Kung bakit ito naging usap-usapan lalo na sa media ay malaking pag-aalala ang dating nito sa mga kabataan mapa-dalaga o binata. Bakit? Sapagkat ang isyung ito ay nagsasanhi ng maraming suliranin sa ating lipunan. Isa na dito ang 'poverty' o kahirapan na hindi pa nasosolusyunan ng ating bansa marahil ay dahil sa mga inuuna nitong suliranin kagaya ng COVID-19. Ngunit ayon sa artikulong aking nabasa,isa sa mga sanhi ng teenage pregnancy ay ang intense lockdown nitong pandemic. Ayon sa survey, mataas ang bilang ng mga batang nabubuntis na meron kasintahan ngunit kung sa ganon, marami rin ang katanungan ukol dito katulad ng pagkwe- kwestyon ng netizens kung pinapalabas ba nila ang kanilang mga anak sa gitna mg pandemya? Isa rin sa mga resulta ng isyung ito ay ang posibilidad ng single-parent isyu na sa kabilang palad ay hindi sana muna ito pinag- uusapan kundi respetuhin na lamang. Ang pinaka-malaking problema dito ay hindi lamang ang kawalan ng disiplina kundi ang kakulangan ng edukasyon sa mga kabataan kung ano nga ba ang gawaing kanilang isinasalang-alang. Ang problema ay ang kawalan ng sex education at ang solusyon ay ang pagkokonsidera sa sex education sapagkat tama lamang na mabigyan ng kaalaman ang mga kabataan upang matanong din nila ang kanilang sarili kung “tama ba ito?” sa halip na mapa-isip sa huli kung “handa na ba akong harapin ito?”. Hindi ito sa sinasabing buong mali ang gawaing ito ngunit dahil hindi pa sila nasa tamang-edad o tamang pwesto para gawin ito, isa pa rin itong isyu na matatawag nating kaabala-abala at uri ng isyu na sa kasulukuyang nagbibigay ng kwestyon sa madla, nagiging pala-isipan ng kabataan, at higit sa lahat ito ay isyu na naaapektuhan tayong lahat kung kaya dapat ito pagaralan ng mabuti upang tayo ay maging mulat sa kasulukuyang kaganapan.