Работна тетратка за деловен план #29

Курс - Финансирање на вашиот сон

Обработени теми:

• Понекогаш ви требаат пари за да започнете

• Колку пари ви се потребни?

Клучни точки

Понекогаш ви требаат пари за да започнете

Ова може да биде голем предизвик за многу претприемачи. Тие поминуваат многу
време размислувајќи за нивниот производ или услуга и можеби нема да одвојат
доволно време размислувајќи за трошоците поврзани со започнување и водење
бизнис.

Категории на трошоци за стартување

Бизнисите трошат пари уште пред да ги отворат вратите. Овие почетни „трошоци
за стартување“ спаѓаат во три главни категории:

1. Почетни трошоци

2. Средства за стартување

3. Месечни трошоци за време на стартување

Еднократни трошоци за стартување: Оваа категорија на трошоци ги вклучува

парите што ги плаќате за услугите потребни за воспоставување на вашиот бизнис.
Тие вклучуваат работи како што се првичен маркетинг дизајн, поставување веб-
страна, правни совети, лиценци, осигурување, обука и трошоци за избор или
подобрување на локацијата.
Средства за стартување: Оваа категорија на трошоци ги вклучува парите што ќе
ги потрошите на физички работи како што се земјиште, опрема, почетен инвентар,
мебел и знаци. Сите овие се физички елементи што ќе ви требаат за да започнете
со вашиот бизнис.

Месечни трошоци за време на стартување: Месечни трошоци за време на

стартување е категорија на трошоци што ги вклучува парите што ќе треба да ги
имате во банката за да управувате со вашиот бизнис пред да започнете да
остварувате профит. Овие пари ќе се користат за плаќање на повторливи
трошоци како што се кирија, платен список, комунални услуги, тековни залихи и
трошоци за маркетинг.

Трошоци за проширување

Ако веќе сте го започнале вашиот бизнис и имате идеја да го зголемите или
проширите, тогаш можеби ќе ви треба дополнително финансирање. Можеби ќе ви
треба дополнително финансирање поради една од следниве причини:

• Можеби размислувате да додадете друга локација

• Можеби размислувате да додадете нова линија на производи или услуги

• Можеби размислувате да купите понова опрема или да изнајмите поголема

локација

Колку пари ви се потребни?

Сега кога имате претстава за видовите трошоци што може да ги имате кога
започнувате или развивате бизнис. Ќе треба да ги соберете сите овие трошоци
заедно, за да одредите колку пари ќе ви требаат за да започнете или да го
развиете вашиот бизнис.

Вашите трошоци ќе варираат

Кога ги пресметувате вашите почетни трошоци, важно е да запомните дека

износот на пари што ќе ви треба зависи од видот на бизнисот што го започнувате
или развивате. На пример, ако започнувате бизнис што можете да го водите од
вашиот дом, вашите почетни трошоци најверојатно ќе бидат пониски отколку кога
започнувате бизнис каде што ви треба посебна локација за правење или
продавање работи.

Нема потреба да правите сè веднаш

Кога размислувате за сите трошоци за вашиот бизнис, запрашајте се „Дали овие

трошоци се за работи што „треба да ги имам“? Со други зборови, дали ви се
апсолутно потребни овие работи веднаш? Или... „Дали овие трошоци се за работи
што би било „убаво да се имаат“? Со други зборови, иако сте во искушение да ги
купите овие работи веднаш, можете да почекате. И со тоа што ќе чекате да ги
купите тие „убави работи“, можеби ќе можете да заштедите малку пари.

Прашања за бизнис планот

Долу ќе видите листа на прашања за бизнис планот поврзани со темите наведени

погоре. Ако го испечатите овој работен лист, можете да го искористите просторот
под секое прашање за да запишете некои првични мисли и идеи. Кога ќе бидете
подготвени да започнете да работите на вашиот бизнис план, вратете се на
курсот и изберете „Open my business plan“.

П: Опишете ја опремата и капацитетите што ќе ви бидат потребни за вашиот

бизнис.
П: Наведете проценка на трошоците за опремата и капацитетите што ќе ви бидат
потребни за вашиот бизнис.

П: Опишете ги сите дополнителни елементи и трошоците поврзани со нив што

треба да ги покриете за вашето стартување или проширување.
Работна тетратка за деловен план #30

Курс - Финансирање на вашиот сон

Обработени теми - Извори на средства

Клучни точки

Каде ќе ги најдете парите?

Размисливте што треба да купите и колку ќе ве чинат овие работи. Значи,

следното прашање е: Каде ќе ги најдете парите?

Вашите лични заштеди

Првото место каде треба да барате се вашите лични заштеди. Со инвестирање на

сопствените пари во вашиот бизнис, ќе бидете мотивирани да успеете. Исто така,
ќе им покажете на другите инвеститори дека сте посветени на вашата цел за
започнување или развој на бизнис. Честопати другите инвеститори ќе прашаат
колку пари сте вложиле во вашиот бизнис. Тие ја гледаат вашата одлука да
инвестирате во бизнисот како знак дека сте посветени на неговиот успех.

Семејството и пријателите

Не грижете се ако немате заштедено доволно сопствени пари за да ги купите сите

работи што ви се потребни. Ако ви треба финансиска помош, можете да се
обратите кај луѓе кои веруваат во вас и вашиот бизнис. Најлогичното место за
почеток е вашето семејство и пријателите. Тоа се луѓе кои веќе ве познаваат, па
веќе сте ја заслужиле нивната доверба и сигурност. Можете да го користите
вашиот бизнис план за да ја споделите вашата деловна идеја со вашето семејство
и пријателите. Тоа ќе покаже дека сте сериозни за започнување или развивање на
вашиот бизнис. Дури и ако станува збор за позајмување од тесниот круг на
семејството и пријателите, треба да имате договор за задолжување. Всушност,
треба да се справите со аранжманот на ист начин како што би позајмувале од
банка или друга финансиска институција - тоа значи дека треба да го
документирате.

Банкарски заеми

Ако не сакате да позајмувате пари од семејството и пријателите, или ако вашето

семејство и пријатели не можат да ви помогнат, тогаш банкарските заеми се друга
опција. Во некои случаи, може да се квалификувате за личен заем од банка, но
тоа ќе се заснова на квалитетот на вашиот бизнис план и вашата лична
финансиска состојба. Сепак, како нов сопственик на бизнис, може да ви биде
предизвик да се квалификувате за заем. Честопати, банките сакаат одредена
гаранција дека сте добра инвестиција. Ова најверојатно ќе значи дека тие сакаат
да видат колатерал или некој друг доказ дека ќе можете да го вратите заемот.
Меѓутоа, штом вашиот бизнис ќе порасне и ќе стане профитабилен, банките ќе
бидат поподготвени да ви позајмат пари за да можете да продолжите да го
развивате вашиот бизнис.

Аплицирајте за грант

Друга опција е да аплицирате за грант. Грант се пари што доаѓаат од влади или
други организации. Грантовите се атрактивна опција, бидејќи парите не мора да
се враќаат. Но, вашиот бизнис мора да ги исполнува правилата и условите на
грантот, во спротивно нема да се квалификувате. Можете да направите некое
истражување, да проверите кај вашата локална самоуправа, локални непрофитни
организации или дури и корпорации за да видите дали има грантови достапни за
нови бизниси. Добро развиениот деловен план ќе ви биде од голема важност за
да можете да добиете средства од грант.

Вашите добавувачи

Во некои случаи, можеби ќе можете да добиете финансиска помош од вашите

добавувачи. Да речеме дека купувате многу материјали од одреден добавувач.
Овој добавувач можеби ќе биде подготвен да ви ги продаде материјалите по
пониска цена како начин да ви помогне со вашиот бизнис. Или, овој добавувач
може да биде подготвен да ви даде повеќе време да ја платите вашата првична
нарачка, за да имате повеќе време да остварите профит. Општо земено,
добавувачите ќе го направат тоа само ако имате добро развиен бизнис план,
бидејќи тие ќе сакаат да се уверат дали има можност за подолготраен бизнис. Не
штети да ги прашате вашите добавувачи дали можат да ви дадат подобра цена.
Најлошото што може да се случи е да кажат не… а ако кажат да, можеби ќе
можете да заштедите пари.

Вашите клиенти

Можеби ќе можете да добиете пари од потенцијалните клиенти, доколку тие се

подготвени да нарачаат однапред или однапред да платат за производите или
услугите што ќе ги обезбедувате. На крајот на краиштата, ова може да зависи од
тоа дали вашите клиенти ви веруваат или не дека ќе ги исполните вашите
ветувања. Ако постојано обезбедувате висококвалитетни производи или услуги,
вашите клиенти може да бидат по подготвени да платат однапред. Ако имате
навика да ги разочарувате вашите клиенти, тие можеби нема да бидат подготвени
да платат однапред.

Надворешни инвеститори

Надворешните инвеститори може да бидат заинтересирани да обезбедат пари, но

тие најверојатно ќе сакаат да учествуваат во сопствеништвото и/или контролата
врз вашиот бизнис. Можеби е потешко да се најдат надворешни инвеститори во
раните фази на вашиот бизнис. Но, штом ќе се воспостави вашиот бизнис и ќе
можете да покажете дека е профитабилен, можеби ќе можете да го придобиете
интересот на некој надворешен инвеститор.

Прашања за бизнис планот

Долу ќе видите листа на прашања за бизнис планот поврзани со темите наведени

погоре. Ако го испечатите овој работен лист, можете да го искористите просторот
под секое прашање за да запишете некои првични мисли и идеи. Кога ќе бидете
подготвени да започнете да работите на вашиот бизнис план, вратете се на
курсот и изберете „Open my business plan“.

П: Кои се изворите на финансирање на вашиот бизнис? (Вашите заштеди,

семејството и пријателите, повеќестрано финансирање (crowdsourcing), банките
итн.). Вклучете ги имињата на кои било поединци или организации или банки каде
што планирате да добиете средства.

П: Колкав износ на финансирање ќе добиете од секој извор?