*PËRPJEKJET E RILIDËSVE PËR HAPJEN E MËSONJTORES SË PARË SHQIPE*
PËRPJEKJET E ATDHETARËVE SHQIPTARË, NË KOHËN E LIDHJES SHQIPTARE TË PRIZRENIT
(1878-1881), PËR TË SIGURUAR TË DREJTËN E ARSIMIMIT NË GJUHËN SHQIPE DHE AUTONOMINË E SHQIPËRISË, PËRFUNDUAN PA SUKSES. PERANDORIA OSMANE PËRDORI TË GJITHA MJETET PËR TA SHKATËRRUAR LIDHJEN SHQIPTARE, DERISA NË PRILL 1881 ARRITI TA SHUANTE ATË. PËRHAPJEN E SHKOLLAVE NË GJUHË TË HUAJ, NË SHQIPËRI, ATDHETARËT TANË E KONSIDERONIN SI SHUMË
TË DËMSHME PËR INTERESAT KOMBËTARE. KONSTANTIN KRISTOFORIDHI,
NË ATË PERIUDHË SHKRUANTE: “SHQIPËRIA NUK MËSOHET DOT, AS NUK NDRITET SOT, AS NUK QYTETËROHET DOT ME GJUHË TË HUAJ, PËRVEÇ ME GJUHËN E MËMËS”. SHTYPJA E LIDHJES SHQIPTARE TË PRIZRENIT, I BINDI ATDHETARËT TANË, SE PA ZHVILLIMIN E ARSIMIT NË GJUHËN AMTARE, SHQIPTARËT E KISHIN TË VËSHTIRË TË ÇLIROHESHIN NGA SUNDIMI OSMAN. NJËRI NDËR RILINDËSIT TANË MË TË SHQUAR SAMI FRASHËRI, KISHTE SHKRUAR SE “ARSIMI I ZGJON NJERIUT KUJTESËN, IA NDRIÇON MENDJEN, IA SHTON ZGJUARSINË”.
PRANDAJ, VEPRIMTARËT E LËVIZJES KOMBËTARE I DHANË RËNDËSI TË VEÇANTË ZBATIMIT
TË PROGRAMIT TË TYRE KULTUROR, I CILI ISHTE PJESË PËRBËRËSE E PROGRAMIT KOMBËTAR TË RILINDJES. ATDHETARËT E KORÇËS DHE TË BUKURESHTIT MORËN PËRSIPËR TË SIGURONIN PAJISJET, LIBRAT DHE LOKALIN PËR SHKOLLËN, KURSE VËLLEZËRIT SAMI DHE NAIM FRASHËRI I PARAQITËN KËRKESA TË REJA QEVERISË OSMANE PËR LEJIMIN E HAPJES SË SHKOLLËS NË GJUHËN SHQIPE. PAS NJË PËRPJEKJE KËMBËNGULËSE DYVJEÇARE VËLLEZËRIT FRASHËRI ARRITËN TË MERRNIN NGA QEVERIA OSMANE LEJE NË EMËR TË PANDELI SOTIRIT PËR HAPJEN E NJË SHKOLLE NË GJUHËN SHQIPE, NË KORÇË.