WIKANG FILIPINO SA MATEMATIKA

Matematika ang isa sa pinakamahirap ngunit pinakakailangang asignatura na nagbibigay kasagutan sa

mga tanong at problemang mayroon kinalaman sa numero ,sukat ,kapasidad,istruktura at
pagbabago.Ang komunikasyon at pagkatuto ay nararapat na magkaroon ng matatag na ugnayan upang
ang kahirapan sa pag-aaral sa anumang larangan o asignatiura ay mapagtatagumpayan sa pamamagitan
nang maayos at epektibong paraan ng pagbabanggit ng mga ideya at suliranin(Daniel sat Housley –
Gaffiney,2009).

 Isa sa malaking hamon ay kung aling wika ang gagamiting midyum sa pagpapahayag.Alinsunod
sa mga pananaliksik at mungkahi ng UNESCO 2003 at Summer Institute of Linguistics
(SIL,2007),praktikal na gamitin ang alinmang wikang higit na gamay ng mga mag-aaral kung saan
higit sila ay bihasa.
 Ilan sa hamon at suliraning kinakaharap ng mga mag-aaral sa asignaturang matematika ay kung
paano sila magpapahayag ng kanilang sagot.Sa katunayan,sanhi ng katotohanang napakahirap
na asignatura ang matematikapara sa maraming mag-aaral,binibigyang turing ni
Moshkovich(2013)na higit itong naging hamon lalo pa at kung dumaragdag na balakid ang mga
suliraning pangwika.
 Acelajado(1996)na walang anumang naging pag-aaral na makapagsasabi at makapagpatunay na
dapat ay Ingles ang gamiting midyum sa matematika at wala pang matibay na magpapatunay na
ang ingles,bilang midyum,ay magpapabago sa antas ng pagkatuto ng mgamag-aaral.
 Pinatunayan din sa kanyang artikulo na sa mga pagkakataong nahihirapan ang mga mag-aaral na
maunawaan ang aralin sa matematika na itinuturo sa Wikang Ingles,nagiging mas kawili-wili at
madali ito gamit ang Wikang Filipino.
 Binanggit naman ni Aldaba(1996)na may ibang pananaliksik na naisagawa na masigasig na
nagtataguyod sa Filipino bilang wika sa pagpapadali sa pag-aaral,lalo na sa agham at
matematika,kailangan lang pag-ibayuhin.Sa kanyang karanasan napatunayan niyang mas
nakapagpapadali ng pagkatuto ang paggamit ng Filipino sa pagtalakay.
Malaki ang maiaambag sa pagkatuto at sa pagpapadali at pagtuturo ang paggamit ng
wikang Filipino,maging sa mga asignaturang teknikal tulad ng matematika.Maraming
kulang lang sa kasanayan ang ibang mga guro at mag-aaral sa paggamit ng sariling wika
subalit malalasap ang sarap na bunga ng pagtuturo at pagkatuto kung mahahasa sa
paggamit sa Wikang Filipino na malapit sa ating puso.

Matibay naman ang paniniwala ni Atty. James Dominggo ng Kolehiyo ng

akawntansi ng Unibersidad ng Sto. Tomas (UST)sa kakayahan ng Wikang Filipino bilang
midyum sa pagtuturo ng mga asignatura sa kursong akawntansi.Sa katunayan,ayon sa
kanya,sa loob ng ilang taon ng paggamit ng Wikang Filipino sa pagtuturo,lubos na
nauunawaan ng mga mag-aaral niya ang iba`t ibang koseptong pang-
akawntansi.Patunay rito ang mas mataas na porsyento ng mga mag-aaral na nakakapasa
sa kanyang mga ginagawang pagsusulit sa mga araling ginagamit niya ang Filipino bilang
midyum sa pagtuturo upang ganap na maipaunawa sa mga mag-aaral ang mga
mahihirap na konseptong pang-akwantansi at bilang ambag na rin sa pagpapaunlad ng
Wikang Filipino ay naglathala na rin siya ng mga libro tungkol dito gaya ng Harry Potter
(Accounting Process)at Bentahan(merchandising and manufacturing)na kapwa nakasulat
sa wikang Filipino.Ito ay kasalukuyang ginagamit bilang alternatibong sanggunian ng
mga mag-aaral ng Akawntansi sa buong bansa(Fajilan,2015).
Nabanggit nina Broadway at Zamora(2018)na napakahalaga ng Matematika sa
buhay ng tao kaya`t mahalagang ikintal sa isipan ng mga mag-aaral ang aral na
maibibigay nito sa kanila.Sa katunayan,magmula sa simpleng pagbibilang hanggang sa
pagkokompyut ng income tax return at ang mga bayarin sa kuryente at tubig ,makikita
ang tungkuling ginagampanan ng matematika.Kaugnay nito ang mga nabanggit na ay
ilan lamang sa mga dahilan kung kaya`t mahalagang matutunan ng mga mag-aaral ang
asignaturang ito tungo sa pagbuo ng kaalamang matutunan ng mga mag-aaral ang
asignaturang ito tungo sa pagbuo ng kaalamang magagamit nila sa pang-araw-araw na
buhay.Sa kanilang pag-aaral na pinamagatang Ang Filipino Bilang Wika sa
Matematika.Isang Palarawang Pagsussuri sa Kaso ng Isang Pribadong Paaralan na
inilathala sa The Normal Lights Tomo 12. Blg 1(2018),napatuinayan nilang malaki ang
papel na ginampanan ng Wikang Filipino bilang wikang pantulong sa pagtuturong
Matematika sa mga Pilipinong mag-aaral.Sa kaptunayan ,ayon sa nasabing pag-aaral
mas madaling naipapaliwanag ng guro ang mga konseptong pang-matematika at mga
panuto ukol dito sa tulong ng Wikang Filipino.Gayun din mas madaling naipapahayag ng
mga mag-aaral ang kanilang mga tanong ukol sa asignaturang gamit ang Wikang Filipino
dahil komportable na sila sa paggamit ng Wikang ito.Wala ring hadlang sa pagsasalita
lalo na sa talakayan.