Ama naming makapang-yarihan, kaming mga tinubos ay tunghayan mo ngayon sa iyong kagandahang-loob upang sa pagsampalataya sa Anak mong si Kristo makamtan ang kalayaan at pamana sa piling mo sa pamamagitan niya kasama ng Espritu Santo magpasawalang hanggan. B—Amen. Panalangin ukol sa mga Alay P—Ama naming Lumikha, sa paghahain ng banal na pagpapalitan ng iyong mga kaloob at ng aming alay kami’y pinapagsasalo mo sa iyong buhay na namumukod-tangi at walang kapantay. Ipagkaloobmong ang aming pakikinabang sa iyong pakikisamang aming maaasahan ay siya ring umiral sa aming pamumuhay araw-araw sa pamamagitan ni Hesukristo kasama ng Espiritu Santo magpasawalang hanggan. B—Amen. Prepasyo (Pagkabuhay IV) P—Sumainyo ang Panginoon B—At sumaiyo rin. P—Itaas sa Diyos ang inyong puso at diwa. B—Itinaas na namin sa Panginoon. P—Pasalamatan natin ang Panginoong ating Diyos. B—Marapat na siya ay pasalamatan. Ama naming makapangyarihan, tunay ngang marapat na ikaw ay aming pasalamatan ngayong ipinagdiriwang ang paghahain ng Mesiyas, ang maamong tupa na tumubos sa aming lahat. Siya’y talagang maaasahan at ang katapatan niya sa pananagutan ay siyang bumago sa dating pamumuhay sa sangkatauhang namihasa sa pagkasalawahan. Ang dangal ng tao ay ganap na itinampok upang mamana namin sa pakikipagkapatid kay Hesus. Kaya kaisa ng mga anghel na nagsisiawit ng papuri sa iyo nang walang humpay sa kalangitan, kami’y nagbubunyi sa iyong kadakilaan Panalangin Pagkapakinabang (Tumayo) P—Manalangin tayo. (Tumahimik) Ama naming mapagmahal, manatili kang kapiling ng iyong sambayanan na ngayo’y pinapakinabang mo sa iyong sariling buhay at gawin mong kami’y pasulong na makahakbang mula sa dati naming pagkamakasalanan patungo sa pagbabagong nagdudulot ng iyong kabutihan Sa pamamagitan ni Hesukristo kasama ng Espiritu Santo magpasawalang hanggan. Pagtatalaga Tagapamahala: Ngayon ay gaganapin natin ang pagtatalaga ng mga tagapaglingkod ng dambana na nagnanais paglingkuran si kristo at isabuhay ang mg autos niya. Reberendo ____________________ narito ang mga batang na humihiling na sila ay maitalaga bilang linkod ng dambana. PARI: Kapatid, Inihanda mo ba silang Mabuti upang maunawaan nila ang papasukin na Gawain? Tagapamahala: Opo, Padre PARI: Sagutin niyo ang mga katanungan. Tinawag kayo ng PANGINOON upang sumunod sa kanya. Kayo ba ay nakahandang tumugon sa tawag niya? Sacristan: Opo, nakahanda po kami. PARI: Handa ba kayong sumunod sa gabay ng Espiritu Santos sa buhay Ninyo? Sacristan: Opo, nakahanda po kami. PARI: Bilang mga lingkod sa dambana nakaanda ba kayong tuparin ang mga tungkuling iaatas sa inyo? Sacristan: Opo, nakahanda kami. PAGBABASBAS NG KASUOTAN Tagapamahala: Ngayon ay babasbasan ang mga kasuotan na gagamitin sa paglilingkod PARI: MANALANGIN TAYO. Ama naming mapagmahal na pinagmulan ng lahat ng biyaya, narito ang mga kasuotan ng iyong mga lingkod. Basbasan mo ┼ ang mga ito tanda ng kalinisan na tinanggap nila noong sila ay binyagan. Hinihiling naming ito sa pamamagitan ni Hesukristo kasama ng Espiritu Santo magpasawalang hanggan. Tagapamahala: Amen. TAGAPAMAHALA: ngayon isusuot sa mga bagong talaga ang kanilang kasuotan sa paglilingkod.
PARI: Diyos na maawain, ibinigay mo sa amin si kristong
anak mo hindi upang paglingkuran kundi maglinkod sa ngalan ng pag-ibig, ibinuwis niya ang kanyang buhay sa krus upang iligtas ang sanlibutan. Hinihiling naming na basbasan mo ang mga batang ito na tinawag mo upang maging lingkod ng iyong dambana. Hinihiling naming ito sa pamamagitan ni hesukristo na aming panginoon. Amen Palakpakan po natin ang mga bagong tagapaglingkod ng dambana