Sa Asignaturang ito ay marami akong natutunan tulad na lamang ng
pag sulat ng iba’t ibang sulatin. Hindi lamang isa, dalawa, tatlo, o apat kung hindi lima. Nagagalak ako sa aking sarili na mayroon ako maayos at magaling na guro na nag tuturo sa amin kung paano mag sulat nang ayos. Naniniwala ako na magagamit namin ito sa mga darating pa na panahon. Kahit na ang teknolohiya ay lalong pinapatibay at pinapalago, ang mga sulatin na ito ay makakasabay pa rin. Ito ay importante bagkus tinuturo nito ang mga tama at maayos na paraan na pag sulat ng mga sanaysay sa iba’t ibang paraan.
Idadagdag ko lamang ang kaalaman na natutunan ko sa pag gawa ng
iba’t ibang sanaysay. Lubos na mahalaga ang tamang pag basa at pag sulat ng mga sanaysay tulad ng Lakbay sanaysay, Replektibong sanaysay, Bionote, at iba pa. May kanya-kanya itong layunin kung kaya’t nararapat lamang na kilatisin natin ang bawat isa nito. Ang tamang pag sasa ayos ng mga datos ay lubos rin na importante sa bahagi ng iyong sanaysay o talumpati.
Ang pinaka paborito kong sulatin ay ang Lakbay sanaysay.
Ipinapaalala nito ang mga panahon na kung saan ako ay nag sasaya sa isang partikular na lugar. Hindi lamang iyon, sa pag sulat nito ay hindi ko napipigilan na maging emosyonal dahil sa mga masasayang bagay na nangyari noon. Ang lakbay sanaysay ay isa sa mga hindi nakakatamad sulatin dahil ito ay nag bibigay ng kaligayahan mula sa nakaraan. Ang mga lugar na isang beses mo lang napuntahan ngunit dahil sa pag sulat mo ng ala-ala mo dito, nanaisin mo na bumalik pa sa lugar na iyon.