SANAYSAY Ang salitang sanaysay ay hango sa salitang Pranses na essayer na ang ibig sabihin ay “sumubok” o“tangkilikin”. Ito ay nagsimulang yumabong sa mga sulatin ni Michael de Montaigne (1533-92)
Ayon kay Francis Bacon, ang sanaysay ay isang kasangkapan
upang isatinig ang maikling pagbubulay-bulay at komentaryo sabuhay. • Ayon kay Paquito Badayos sa kanyang aklat na Retorika Susi sa Masining na Pagpapahayag (2001:11), naglalahad ang sanaysay ng matalinong kuro at makatwirang paghahanay ng kaisipan. Naglalahad din ito ng mga personal at pansariling pananaw ng manunulat tungkol sa isang paksa. REPLEKTIBONG SANAYSAY • Ang replektibong sanaysay, ayon kay Michael Startford, isang guro at manunulat,ay isa sa mga tiyak na uri ng sanaysay na may kinalaman sa introspeksiyon na pagsasanay. • Kinapapalooban ito ng pagbabahagi ng mga bagay na naiisip, nararamdaman, pananaw, atdamdamin hinggil sa isang paksa at kung paano ito nakalikha ng epekto sa taong sumusulat nito. REPLEKTIBO Isang uri ng panitikan na nakapasailalim sa anyong tuluyan o prosa
Tuluyan o prosa- Ito ang mahabang pagsulat na karaniwang takbo ng
pagpapahayag, walang bilang ang mga pantig at hindi pinatutugma- tugma ang mga dulo ng taludtod sa bawat saknong na katulad ng patula, hindi limitado o pigil ang paggamit ng mga pangungusap ng isang manunulat. Halimbawa: alamat, anekdota, maikling kwento atbp. • Maihahalintulad ito sa pagsulat ng isang journal kung saan nangangailangan ito ng pagtatala ng mga kaisipan at nararamdaman tungkol sa isang tiyak na paksa o pangyayari. • Maiuugnay rin ito sa pagsulat ng mga academic portfolio kung saan nagkakaroon ng malalim na pagsusuri ang may-akda kung paano siya umuunlad bilang tao kaugnay ng paksa opangyayaring binibigyan-pansin sa pagsulat. • Ang replektibong sanaysay ay kadalasang nakabatay sa karanasan kaya mula sa nilalaman nito ay masasalamin ang pagkatao ng sumulat. • Ayon naman kay Kori Morgan, guro mula sa West Virginia University at Universityof Akron, ang replektibong sanaysay ay nagpapakita ng personal na paglago ng isang tao mula sa isang mahalagang karanasan o pangyaari. Ibinabahagi rin ng sumulat ang kanyang natutuhan o nakikita. Mga Dapat Isaalang-alang sa Pagsulat ng Replektibong Sanaysay 1. Magkaroon ng isang tiyak na paksa o tesis na iikutan ng nilalaman ng sanaysay. 2. Isulat ito gamit ang unang panauhan o panghalip. 3. Tandaan na bagaman nakabatay sa personal na karanasan, mahalgang magtaglay ito ng patunay o patotoo batay sa iyong mga naobserbahan o katotohanang nabasa sa paksa upang higit na maging mabisa at epektibo ang pagkakasulat. 4. Gumamit ng mga pormal na salita sa pagsulat nito. 5. Gumamit ng tekstong naglalahad sa pagsulat nito. Gawing malinaw at madaling maunawaan ang gagawing pagpapaliwanag ng mga ideya o kaisipan upang maipabatid ang mensahe sa mga babasa. 6. Sundin ang tamang istruktura o mga bahagi sa pagsulat ng sanaysay. 7. Gawing lohikalat organisado ang pagkakasulat ng talata. Mga Hakbang sa Pagsulat 1. Sa pagsulat ng simula, maaaring mag-umpisa sa pagsagot sa sumusunod na tanong: • Ano ang aking nararamdaman o pananaw tugkol sa paksa? • Paano ito makakaapekto sa aking buhay? • Bakit hindi ito makakaapekto sa akig pagkatao? -Tandaang ito ay dapat makapukaw sa atensiyon ng mambabasa. -Sundan agad ito ng pagpapakilala ng paksa at layunin ng pagsulat ng sanaysay na siyang magsisilbing preview ng kabuoang sanaysay. Isulat ito sa loob lamang ng isang salita. 2. Sa pagsulat naman ng katawan, dito inilalahad ang mga pantulong o kaugnay na kaisipan tungkol sa paksa o tesis sa inilalahad na panimula. • Maglagay sa bahaging ito ng mga obhetibong datos batay sa iyong naoobserbahan o naranasan upang higit na mapagtibay ang kaisipang iyong ipapaliwanag. • Sa bahagi ring ito makikita o isusulat ang iyong mapagnilay nilayan o mga natutuhan. Gayundin, kung paano umunlad ang iyong pagkatao mula sa mga karanasan o mga ganitong aral na napulot. 3. Sa pagsulat naman ng wakas o kongklusyon, muling banggitin ang tesis o ang pangunahing paksa ng sanaysay. - Lagumin ito sa pamamagitan ng pagbanggit kung paano mo magagamit ang iyong natutuhan sa buhay sa hinaharap. - Bilang pagwawakas, maaring magbigay ng hamon sa mambabasa na sila man ay magnilay sa kanilang buhayhinggil sa iyong natutuhan o kaya naman ay mag-iwan ng tanong na maaari nilang pag-isipan. https://www.scribd.com/document/360456256/replektibong-sanaysay- halimbawa Pamilyang Hindi Perpekto Hindi lahat nang mayroong magulang ay masaya, hindi din lahat ng buo ang pamilya ay masaya. Ang karanasan ng isang tao ay tila isang matayog na puno, ugat na nagsisilbing sanhi at mga prutas at dahon na nagsisilbing bunga. Ang mga karanasang ito ay bahagi na ng ating buhay. Ito ay nakaukit o nakatadhana na sa atin, na maaring magsilbing isang aral o isang kaloob. Sa labing siyam na taon kong nanatili at pakikibaka sa mundong ibabaw masasabi kong ako ay parang nasa isang tulay ng lubid na walang ibang hinangad kung hindi ang makarating sa dulo, balanse na tila balakid o pagsubok na mas lalong nagpapahirap upang marating ko ang dulo. Ang paghihiwalay ng aking ama’t ina ang karanasang kailan man ay hindi mawawala sa aking isipan at kalooban. Naranasan ko ang buhay na nakitira, makisimpatya sa ina ng aking mga pinsan. Naging miserable ang buhay naming magkakapatid, na maging ugat dito din ng pagrerebelde ng nakatatanda naming kapatid. Iniwan kami ng aming ina sa aming ama na lulong sa droga nung mga oras na iyon. Halos hindi mawala ang sakit ng aking kalooban sa karanasang iyon. Sa tuwing makakakita ako ng buo at masayang pamilya sa simbahan o sa daan hindi ko maiwasang mainggit dahil may ama at ina na gumagabay at nagmamahal sa kanila. Naranasan kong mahinto sa pag-aaral dahil sa kahirapan at kawalan ng magulan na gumagabay. Isang makasariling magulang ang aking ama. Oo tama ang nababasa mo. Wala siyang ibang ginawa noon kung hindi ang magpakasasa sa kanyang adiksyon na sa amin ay nagbigay lamang ng pasakit at matinding paghihirap. Ang tanging namumutawi na lamang sa kanyang isipan noon ay ang sariling kasiyahan. Naaalala ko pa noon na sa tuwing magtatabi matulog ang aking magulang ay nagtatabi ang aking ama ng kutsilyo sa kanyang unan na nagsisilbing panakot sa aming ina. Gustuhin man ng aking ina itago ang kanyang nararamdaman, subalit ito ay kumakawala at siya’y tila isang ibon na sa piitan ay nananahan. Hindi man hayag sa aming magkakapatid ang balakid sa kanilang relasyon subalit nararamdaman ko ito. Pinipilit kong tulungan ang aking ama labanan ang balakid na ito subalit wala akong magawa. Napakalakas ng enerhiyang ito at siya ring enerhiya ang unti-unting sumisipsip sa pag-asa ng aking ama na makapagbagong buhay. Ang karanasang ito ang nagturo sa akin kung paano umunlad hindi lamang sa aking pangarap na nais matamo subalit nakaanib na din dito ang mga prinsipyo at impresyon na hindi na maiaalis sa aking puso’t isipan. Anumang buhay mayroon tayo ngayon ay mula sa poong maykapal. Lahat ng pagsubok ay may nakalaang solusyon. Isipin natin na walang perpektong pamilya at kung naging masalimot o naging madilim man ang buhay natin sa ngayon ay laging bukas ang ating pananaw na sa huli ay may nakalaang liwanag para sa atin.