Republic of the Philippines

Department of Education
Region I
SCHOOLS DIVISION OF ILOCOS NORTE

Filipino 7
Ikaapat na Markahan – Modyul 1:
Unang Linggo
Ang Ibong Adarna
(Motibo ng May-akda)

MELC: Nailalahad ang sariling pananaw tungkol sa mga

motibo ng may-akda sa bisa ng binasang bahagi ng akda
(F7PB-Iva-b-20)

Inihanda ni:

JESSA ROSE R. SALABAO

Guro I
Banban National High School
Filipino – Ikapitong Baitang
Share-A-Resource-Program
Ikaapat na Markahan – Modyul 1: Ang Ibong Adarna (Motibo ng May-akda)
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring

magkaroon ng karapatang-sipi sa anomang akda ang Pamahalaan ng Pilipinas.
Gayonpaman, kailangan muna ang pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto
o brand name, tatak o trademark, palabas sa telebisiyon, pelikula, atbp.) na ginamit
sa modyul na ito ay nagtataglay ng karapatang-ari ng mga iyon. Pinagsumikapang
matunton ang mga ito upang makuha ang pahintulot sa paggamit ng materyales.
Hindi inaangkin ng mga tagapaglathala at mga may-akda ang karapatang-aring iyon.
Ang anomang gamit maliban sa modyul na ito ay kinakailangan ng pahintulot mula
sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag

sa anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Jessa Rose R. Salabao
Editor: Leonida D. Castillo
Tagasuri: Editha R. Mabanag
Jon Jon D. Garcia
Tagalapat: Marvin M. Marugay
Tagapamahala: Joann A. Corpuz
Joye D. Madalipay
Santiago L. Baoec
Jenetrix T. Tumaneng
Editha R. Mabanag
Division Design & Layout Artist: Marvin M. Marugay

Inilimbag sa Pilipinas ng ________________________

Schools Division of Ilocos Norte

Office Address: Brgy. 7B, Giron Street, Laoag City, Ilocos Norte
Telefax: (077) 771-0960
Telephone No.: (077) 770-5963, (077) 600-2605
E-mail Address: ilocos.norte@deped.gov.ph
 7

Filipino
Ikaapat na Markahan – Modyul 1:
Unang Linggo
Ang Ibong Adarna (Motibo ng
May-akda)
Paunang Salita
Ang Contextualized Learning Module o CLM na ito ay maingat na
inihanda para sa ating mag-aaral sa kanilang pag-aaral sa tahanan. Binubuo
ito ng iba’t ibang bahagi na gagabay sa kanila upang maunawaan ang bawat
aralin at malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na

naglalaman ng mga paalala, pantulong o estratehiyang magagamit ng mga
magulang o kung sinumang gagabay at tutulong sa pag-aaral ng mga mag-
aaral sa kani-kanilang tahanan.

Ito ay may kalakip na paunang pagsusulit upang masukat ang

nalalaman ng mag-aaral na may kinalaman sa inihandang aralin. Ito ang
magsasabi kung kailangan niya ng ibayong tulong mula sa tagapagdaloy o sa
guro. Mayroon ding pagsusulit sa bawat pagtatapos ng aralin upang masukat
naman ang natutuhan. May susi ng pagwawasto upang makita kung tama o
mali ang mga sagot sa bawat gawain at pagsusulit. Inaasahan namin na
magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang CLM na ito

upang magamit pa ng ibang mangangailangan. Huwag susulatan o
mamarkahan ang anumang bahagi ng modyul. Gumamit lamang ng hiwalay
na papel sa pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang

guro kung sila ay makararanas ng suliranin sa pag-unawa sa mga aralin at
paggamit ng CLM na ito.

Sa pamamagitan ng modyul na ito at sa tulong ng ating mga

tagapagdaloy, umaasa kami na matututo ang ating mag-aaral kahit wala sila
sa paaralan.
 Alamin

Mapagpalang araw mahal kong mag-aaral! Ipagpapatuloy muli natin ang

ating pag-aaral. Nawa’y maging matiyaga ka sa mga kasunod na aralin dahil ito ay
tiyak na kasiya-siya para sa iyo.

Ang Modyul 1 ay tatalakay sa motibo ng may-akda sa bisa ng babasahing

bahagi ng akda. Sa pag-aaral na ito, inaasahang matatamo mo ang mga
sumusunod:

Pinakamahalagang Kasaayanang Pampagkatuto (MELC)

 Nailalahad ang sariling pananaw tungkol sa mga motibo ng may-akda sa bisa

ng binasang bahagi ng akda. (F7PB-IVa-b-20)

Nasasabik ka na ba? Tara na’t tuklasin natin ang hiwaga ng Ibong Adarna.

1
 Subukin

Bago galugarin ang aralin, magkakaroon muna tayo ng paunang pagtataya.

Sikapin mong sagutin ang mga kasunod na mga aralin para mataya kung ano ang
mga dapat mo pang malaman sa mga susunod na pag-aaral.

Paunang Pagtataya
Panuto: Basahing mabuti ang mga sitwasyon sa bawat bilang. Piliin ang titik ng
tamang sagot sa at isulat sa sagutang papel.
1. May kasabihan tayong, “bukod sa sipag at tiyaga, kailangan din nating
magkaroon ng inspirasyon sa ating gawain upang lalong maging matagumpay.”
Alin sa mga pagpipilian ang katumbas nito ng kahulugan?
A. Ang inspirasyon natin ay siyang nagpapatibay sa ating loob upang gawin
ang isang bagay.
B. Siya ang instrumento upang maisakatuparan ang ninanais.
C. Nagbibigay ng dahilan upang hindi magtagumpay.
D. Pinapakitaan lamang ng kababaang-loob.
2. Ano ang kahalagahan ng pag-aaral ng Ibong Adarna sa paghubog ng pag-uugali
ng kabataan?
A. Naglalaman ng kultura ng lugar na pinagmulan nito.
B. Naglalaman ng pakikipagsapalaran ng mga tauhan.
C. Naglalaman ng paalala tungkol sa magagandang pag-uugali.
D. Naglalaman ng kahusayan ng tatlong prinsepe (Don Pedro, Don Diego,
Don Juan).
3. Ano ang diwang ipinahahayag sa saknong?
“O, Birheng kaibig-ibig,
Ina naming nasa langit,
Liwanagin yaring isip,
Nang sa layo’y di malihis?”
A. Pagpupuri sa mahal na birhen
B. Pakikipag-usap ng mahinahon
C. Paghingi ng gabay sa gagawing pagalalakbay
D. Pagsusumamo na maging maliwanag ang lahat
4. Ang pagpapahalagang Pilipino na masasalamin sa kasunod na saknong ay
_________________?
“Sa Diyos dapat manawagan,
Ang lahat ng nilalang,
Ang sa mundo ay pumanaw,
Tadhana ng kapalaran.”
A. Katatagan C. pananalig sa Diyos
B. Pagtitiwala D. pagtulong sa kapwa

2
5. Anong gawi ng tao ang masasalamin sa kasunod na saknong?
“Malimit na makagawa
Ng hakbang na pasaliwa
Ang tumpak kong ninanasa
Kung mayari ay pahidwa”.
A. Tapat sa mga sinasabi
B. May mga pagkakataon na hindi natutupad ang nais.
C. Pinag-iisipang mabuti ang gagawin
D. Nakikipag-usap at nakikipagkasundo upang tahimik ang buhay
6. Kanino nananalangin ang may akda?
A. Panginoon C. Tao
B. Mahal na Birhen D. Tauhan
7. Bakit nananalangin ang may akda bago ipagpatuloy ang kaniyang pagsulat?
A. Gabayan siya sa kanyang tatahakin hanggang sa matapos ang sulatin.
B. Ipaunawa sa mambabasa ang nilalaman nito
C. Maikintal sa isip ng mambabasa ang nilalaman
D. Matanto ang kahulugan ng bawat mahihirap na salita.
8. Ano ang nararamdamang pangamba ng sumulat?
A. Ang hindi mailabas ang kultura ng isang bansa.
B. Hindi maintindihan ng babasa.
C. Hindi maipakilala ang tunay na bisa ng damdamin.
D. Ang hindi magtagumpay sa pagsulat at makagawa ng hakbang na
pasaliwa.
9. Ano ang mensaheng nais iparating ng may-akda sa kabataan?
A. Mailabas at maunawaan ang korido.
B. Matutong kilalanin.
C. Mahalin gaya ng sarili
D. Maihambing sa tunay na buhay ang mga pangyayari.
10. Ano ang motibo ng makata sa pagsulat ng kanyang obra?
A. Maihatid sa mga mambabasa ang mga asal sa obra.
B. Makilala ang sumulat.
C. Tangkilikin ang sariling obra.
D. Magpasalamat sa talentong mayroon ang sumulat.

Mahusay! Naisakatuparan mo ang paunang pagtataya. Kung mababa man ang iyong
iskor, huwag mabahala sapagkat paunang pagtataya lamang ito. Ipagpatuloy mo
lamang ang aralin at tiyak ang marka mo’y tataas din.

3
 Aralin
Ibong Adarna
1 (Motibo ng May-akda)

Balikan

Sa modyul na ito, malalaman mo ang iba’t ibang dahilan o motibo ng may-

akda sa babasahing bahagi ng akda. Handa ka na ba? Kung handa na, halika na’t
magsimula na.

Gawain 1: Unang Kintal!

Matapat na sagutin ang mga katanungan. Isulat ang sagot sa sagutang papel.
Mga Tanong:
1. Bakit kailangang magdasal tayo sa anumang hakbang na gagawin?
2. Paano naipadama ng may-akda ang mensaheng nais niyang iparating sa
mambabasa?
3. Ano-ano ang mga dahilan o motibo ng may-akda sa kanyang pagsusulat?

Tuklasin

Narito ang isang bahagi ng Ibong Adarna, “Panalangin ng May-Akda”.

Basahin at unawain mo ito nang mabuti upang matuklasan ang mensaheng nais
nitong ipahatid.

PANALANGIN NG MAY AKDA

O, Birheng kaibig-ibig
Ina naming nasa langit
liwanagin yaring isip
nang sa layon, di malihis.

Ako’y isang hamak lamang

taong lupa ang katawan
mahina ang kaisipan,
at maulap ang pananaw.

4
 Malimit na makagawa
ng hakbang na pasaliwa
ang tumpak kong ninanasa
kung mayari ay pahidwa.

Labis yaring pangangamba

na lumayag na mag-isa,
baka kung mapalaot na
ang mamangka’y di makaya.

Kaya Inang kadakilaan

ako’y iyong patnubayan,
nang mawasto sa salysay
nitong kakathaing buhay.

At sa tanang nariritong
nalilimping maginoo,
kahilinga’y danggin ninyo
buhay na aawitin ko.

Gawain 2: Pili-letra!
Panuto: Piliin ang kasingkahulugan ng nakadiing salita. Piliin at isulat ang titik ng
tamang sagot sa iyong sagutang papel.
1. Sundin mo ang payo ng mga magulang nang di ka malihis sa kagandahang asal.
A. mapasama B. malayo C. maharap D. matabi
2. Malimit ngumiti ang tuberong kakilala mo kaya maraming kakilala.
A. madalang B. ayaw C. madalas D. gusto
3. Kung handa tayo sa lahat ng bagay, walang puwang ang pangamba sa ating
buhay.
A. pag-ibig B. pag-asa C. pag-aalala D. pagsisikap
4. Papatnubayan tayo ng Diyos kung tapat ang ating mga dasal sa kanya.
A. pakikinggan B. kagagalitan C. gagabayan D. katutuwan
5. Isa sa mga pagpapalang natanggap ko mula sa Panginoon ang kalusugan.
A. biyaya B. kabayaran C. pakiusap D. utos

Gawain 3: Bisa ng Pag-unawa!

Panuto: Sagutin ang mga sumusunod upang matukoy ang motibo ng may- akda sa
bisa ng binasang bahagi ng akda.

1. Ano ang kahilingan ng may akda sa kanyang panalangin?

_____________________________________________________________________________
_____________________________________________________________________________
_____________________________________________________________________________

5
2. Bakit nanalangin ang may akda bago ipagpatuloy ang kanyang pagsusulat?
_____________________________________________________________________________
_____________________________________________________________________________
_____________________________________________________________________________

3. Kung ikaw ang may akda, ano ang iyong mararamdaman habang inuusal ang
panalangin kaugnay ng paggabay sa gawaing iyong hinihiling?
_____________________________________________________________________________
_____________________________________________________________________________
_____________________________________________________________________________

4. Anong katangiang Pilipino ang masasalamin sa nilalaman ng panalangin?

_____________________________________________________________________________
_____________________________________________________________________________
_____________________________________________________________________________

5. Bakit mahalaga ang panalangin sa buhay ng may-akda at sa inyong buhay?

_____________________________________________________________________________
_____________________________________________________________________________
_____________________________________________________________________________

Gawain 4: Tukuyin Mo!

Panuto: Sa pamamagitan ng Inverted Pyramid, isa-isahin ang mga dahilan o
layunin ng may-akda sa pagsulat nitong akda.

6
 Mahusay, binabati kita! Upang lubos mo pang maintindihan ang akdang
binasa, makatutulong sa iyo ang pagsagot sa mga mahahalagang katanungan. Alam
kong kayang-kaya mong sagutin ang mga katanungan dahil ikaw ay may malalim
nang pang-unawa sa binasa.

Suriin

Alam mo bang ang….

MOTIBO NG MAY-AKDA

Ang Motibo ay nangangahulugang dahilan, kagustuhan, pakay o pagnanais

para gawin ang isang bagay. Anuman ang naging dahilan o katwiran ng isang
pagkilos o pasiya, lalo na yaong inililihim o hindi kapansin-pansin.

HALIMBAWA NG MOTIBO
1. Isa sa motibo ng makata ay ang mapalabas at makilala ang kultura ng isang
bansa.
2. Mailabas ang bisang pandamdamin ng katha.
3. Maiparating sa mambabasa ang kahulugan ng mga pangyayari batay sa mga
sitwasyon o bahagi ng akda.
4. Maganda ang motibo ng proyektong binubuo ng mga kawani ng pamahalaan,
tiyak na malaki ang maitutulong nito sa pag-unlad ng ating bayan.
5. Nararamdaman na hindi maganda ang motibo ng lalaking sumilip sa aming
bakuran.
6. Sinabi ni Marlon sa magulang ng kanyang nililigawan na maganda ang motibo
niya sa kanilang anak na babae.
7. Alam ko na ang motibo ni Juan kung bakit lagi niya akong binibigyan ng
bulaklak.
8. Kahit iniwan kami ng aming ama ay naiintindihan namin siya sapagkat maganda
ang motibo niyang pumunta sa ibang bansa para magtrabaho.

7
Gawain 5. Kaya Ko ‘To:

Panuto: Basahin ang mga sumusunod na sitwasyon at ibigay ang MOTIBO ng may-
akda sa pagsulat.

SITWASYON: Pinagbilinan ng matanda si Don Juan na huwag masilaw o

mahumaling sa kinang ng mahiwagang puno upang makaiwas sa kapahamakan.

MOTIBO:

SITWASYON: Ikinalulungkot ng buong kaharian ang pagkakasakit ng kanilang

hari.
MOTIBO:

SITWASYON: Naging matapang ang tatlong magkakapatid sa pagsuong sa panganib

para lamang makahanap ng lunas sa sakit ng kanilang ama.”

MOTIBO:

8
 Pagyamanin

Gawain 6: Tiyakin Natin!

Panuto: Maghanap ng taludturan o pahayag mula sa mga saknong ng Ibong Adarna
na nagpapakita ng pagkakaroon ng motibo ng may akda. Suriin ang motibo ng may
akda. Isulat ang taludturan o pahayag na may motibo. Ipaliwanag.

Taludturan/Pahayag Motibo Paliwanag

Isagawa

Gawain 7: Isulat Mo!

Panuto: Bumuo ng sariling panalangin kaugnay sa paghingi ng gabay upang maging
mabuting mag-aaral/anak. Iugnay sa paksa o tema ng kahilingan sa panalangin.
Gamitin ang rubric sa pagmamarka.
PANALANGIN NG ISANG KABATAAN
__________________________________________________________________________________
__________________________________________________________________________________
__________________________________________________________________________________
__________________________________________________________________________________
__________________________________________________________________________________
__________________________________________________________________________________
__________________________________________________________________________________
__________________________________________________________________________________
__________________________________________________________________________________
__________________________________________________________________________________

9
 PAMANTAYAN SA PAGSULAT
Maraming
Pamantayan Napakahusay Mahusay Katamtaman Di-mahusay
Kakulangan
(5) (4) (3) (2)
(1)
Nagkaroon ng Naisasama ang
Hindi
Lahat ng ideya komplikasyon walang
masyadong
ay tumatalakay Naiiba ang sa pag-unawa kaugnayan at
malinaw ang
sa isang paksa. daloy ng sa kabuuan hindi
Kaisahan ng panalangin dahil
Malinaw na isinulat na ng panalangin naaangkop na
nilalaman na mayrong isa
magka-ugnay panalangin dahil sa mga paksa.
ideya ng hanggang
ang bawat ideyang
panalangin tatlong
panalangin. walang
pangungusap o
kaugnayan sa
taludtod na
paksa.
naiiba.

Wasto ang May tatlo Marami ang

May isa Karamihan ng
gamit ng hanggang apat kamalian sa
hanggang isinulat ay mali
bantas at na kamalian sa paggamit ng
dalawang ang paggamit ng
baybay ng mga paggamit ng bantas at
Kawastuhang kamalian sa bantas at
salita. bantas at baybay ng mga
Gramatikal paggamit ng baybay ng mga
baybay ng mga salita.
bantas, salita.
salita.
baybay ng
mga salita.

Nakapag-iwan
Nakapag-iwan Hindi nakapag-
Nag-iwan ng ng isang
Nakapag-iwan ng mahigit sa iwan ng malalim
maraming impresyon sa
ng tatlong dalawang na impresyon sa
malalim na isipan ng
impresyon sa impresyon sa isipan ng mga
impresyon sa mambabasa
isipan ng isipan ng mambabasa
Kakintalan isipan ng mga upang
mambabasa mambabasa upang
mambabasa mahikayat ang
upang upang mahikayat ang
upang mga ito.
mahikayat ang mahikayat ang mga ito.
mahikayat ang
mga ito. mga ito.
mga ito.

10
 Tayahin

Panuto: Basahing mabuti ang mga sitwasyon sa bawat bilang. Isulat ang titik ng
tamang sagot sa sagutang papel.
1. Ano ang diwang ipinahahayag sa saknong?
“O, Birheng kaibig-ibig,
Ina naming nasa langit,
Liwanagin yaring isip,
Nang sa layo’y di malihis?”
A. Pagpupuri sa mahal na birhen
B. Pakikipag-usap ng mahinahon
C. Paghingi ng gabay sa gagawing pagalalakbay
D. Pagsusumamo na maging maliwanag ang lahat

2. Ano ang kahalagahan ng pag-aaral ng Ibong Adarna sa paghubog ng pag-uugali

ng kabataan?
A. Naglalaman ng kultura ng lugar na pinagmulan nito.
B. Naglalaman ng pakikipagsapalaran ng mga tauhan.
C. Naglalaman ng paalala tungkol sa magagandang pag-uugali.
D. Naglalaman ng kahusayan ng tatlong prinsepe (Don Pedro, Don Diego,
Don Juan).
3. Ang pagpapahalagang Pilipino na masasalamin sa kasunod na saknong ay
_________________?
“Sa Diyos dapat manawagan,
Ang lahat ng nilalang,
Ang sa mundo ay pumanaw,
Tadhana ng kapalaran.”
A. Katatagan C. pananalig sa Diyos
B. Pagtitiwala D. pagtulong sa kapwa
4. Kanino nananalangin ang may akda?
A. Panginoon C. Tao
B. Mahal na Birhen D. Tauhan
5. May kasabihan tayong, “bukod sa sipag at tiyaga, kailangan din nating
magkaroon ng inspirasyon sa ating gawain upang lalong maging matagumpay.”
Alin sa mga pagpipilian ang katumbas nito ng kahulugan?
A. Ang inspirasyon natin ay siyang nagpapatibay sa ating loob upang gawin
ang isang bagay.
B. Siya ang instrumento upang maisakatuparan ang ninanais.
C. Nagbibigay ng dahilan upang hindi magtagumpay.
D. Pinapakitaan lamang ng kababaang-loob.

11
6. Bakit nananalangin ang may akda bago ipagpatuloy ang kaniyang pagsulat?
A. Gabayan siya sa kanyang tatahakin hanggang sa matapos ang sulatin.
B. Ipaunawa sa mambabasa ang nilalaman nito
C. Maikintal sa isip ng mambabasa ang nilalaman
D. Matanto ang kahulugan ng bawat mahihirap na salita.
7. Anong gawi ng tao ang masasalamin sa kasunod na saknong?
“Malimit na makagawa
Ng hakbang na pasaliwa
Ang tumpak kong ninanasa
Kung mayari ay pahidwa”.
A. Tapat sa mga sinasabi
B. May mga pagkakataon na hindi natutupad ang nais.
C. Pinag-iisipang mabuti ang gagawin
D. Nakikipag-usap at nakikipagkasundo upang tahimik ang buhay
8. Ano ang nararamdamang pangamba ng sumulat?
A. Ang hindi mailabas ang kultura ng isang bansa.
B. Hindi maintindihan ng babasa.
C. Hindi maipakilala ang tunay na bisa ng damdamin.
D. Ang hindi magtagumpay sa pagsulat at makagawa ng hakbang na
pasaliwa.
9. Ano ang motibo ng makata sa pagsulat ng kanyang obra?
A. Maihatid sa mga mambabasa ang mga asal sa obra.
B. Makilala ang sumulat.
C. Tangkilikin ang sariling obra.
D. Magpasalamat sa talentong mayroon ang sumulat.
10. Ano ang mensaheng nais iparating ng may-akda sa kabataan?
A. Mailabas at maunawaan ang korido.
B. Matutong kilalanin.
C. Mahalin gaya ng sarili
D. Maihambing sa tunay na buhay ang mga pangyayari.

12
Susi sa Pagwawasto

13
Sanggunian
Apiit, Marilyn S., et.al (2020). Panitikang Rehiyunal Gabay sa Pagtuturo. Pasig City: FEP Printing
Station.

Buenaventura, Antonio, et. Al (2012). Ibong Adarna.Quezon City: ANI Publishing and Educational
Center.

Villaverde, Sharon A., et. Al(2013). MUOG Pundasyon ng karunungan sa Filipino.Cavite: Pisara
Publishing

14
 Para sa mga katanungan o puna, sumulat o tumawag sa:

Schools Division of Ilocos Norte – Curriculum Implementation Division

Learning Resource Management Section (SDOIN-CID LRMS)

Office Address : Brgy. 7B, Giron Street, Laoag City, Ilocos Norte
Telefax : (077) 771-0960
Telephone No. : (077) 770-5963, (077) 600-2605
E-mail Address : sdoin.lrmds@deped.gov.ph
Feedback link : https://bit.ly/sdoin-clm-feedbacksystem