Universiteti i Tiranës

Fakulteti i Ekonomisё
Dega Informatikë ekonomike
Departamenti Statistikë dhe Informatikë e zbatuar
Grupi IE303

Tema: Analiza e Sistemeve të Informacionit në një

kompani që operon në Shqipëri.
Albacall Sh.A Telemarketing Company

Projekt në lëndën: Sisteme Informacioni

Punuan: Pranuan:
Aleksandra Muskaj Xhulio Mitre
Egzona Cubaku Migel Zaçe
Era Ndreu
Sosina Lica

Tiranë, Shkurt 2020

 Abstrakt
Funksioni i sistemit të informacionit, në një sërë organizatash, evoluoi me kalimin e kohës për t'u
bërë një pjesë e domosdoshme e operacioneve të organizatës. Përdorimi i sistemeve të informacionit është
përmirësuar dhe rritur në vitet e fundit jo vetëm nga organizatat, por edhe nga punonjësit dhe madje edhe
organet qeveritare.Vitet e fundit, sisteme të ndryshme informacioni zhvillohen për qëllime të ndryshme, në
varësi të nevojës së biznesit. Në botën e sotme të biznesit, ekzistojnë shumëllojshmëri të sistemeve të
informacionit siç janë sistemet e përpunimit të transaksioneve (TPS), sistemet e automatizimit të zyrave
(OAS), sistemet e informacionit të menaxhimit (MIS), sistemi i mbështetjes së vendimeve (DSS) dhe sistemet
e informacionit ekzekutiv (EIS), eksperti Sistem (ES) etj. Secili luan një rol të ndryshëm në hierarkinë
organizative dhe operacionet e menaxhimit. Ky punim përpiqet të shpjegojë rolin e sistemit të informacionit
të përdorur në kompaninë Albacall Sh.A.

Sisteme Informacioni 2
 Tabela e përmbajtjes

1. Hyrje ..................................................................................................................................................... 4
2. Organigrama e shoqërisë ....................................................................................................................... 6
3. Struktura hardware e kompanisë ........................................................................................................... 7
4. Software-t e përdorur ............................................................................................................................ 8
4.1 Sistemi Check in, Payroll dhe Raportet ............................................................................................. 9
4.2 Sistemi i telekomunikimit ................................................................................................................ 10
4.3 Website-i i Kompanisë ..................................................................................................................... 10
5. Databaza dhe ruatja e të dhënave ........................................................................................................ 13
6. Organizimi i rrjetit .............................................................................................................................. 14
7. Interneti dhe Siguria e informacionit .................................................................................................. 15

Sisteme Informacioni 3
 1. Hyrje

Vështrim i përgjithshëm mbi kompaninë

Albacall Sh.A është një produkt i një kulture industriale krijuar në vitin 2009, prej më shumë
se 10 vitesh konsiderohet si lider në menaxhimin e qendrave të kontaktit përsa i përket outsourcing,
kjo falë organizimit, proceseve dhe teknologjive të reja të zhvilluara në bazë të nevojave të
klientëve. Kompania udhëhiqet nga ndershmëria, integriteti dhe transparenca në një treg me
konkurrencë të fortë. Ndershmëria dhe konsistenca ndaj klientëve të tyre konsiderohet si politika
më e mirë që ofron shoqëria. Përzgjedhja me kujdes e punonjësve me përvojë e të talentuar është
baza e strategjisë së shoqërisë. Trajnimet e vazhdueshme dhe nxitja për rritje profesionale e
individuale janë në fokus të përhershëm. Strategjia e kompanisë për arritjen e objektivave
përqendrohet në ndërtimin e marrëdhënieve të mira dhe reputacionit të fituar nëpërmjet shërbimit
cilësor ndaj klientit, shpejtësisë dhe cilësisë në ofrimin e shërbimit.

Në fillimet e saj kompania kishte vetëm një administrator dhe dy punonjës IT që merreshin me
adminstrimin e rrjetave dhe serverit. Mbështetja softuerike merrej nga Italia. Kompania asokohe
kishte në zotërim vetëm 30 PC dhe menaxhimi bëhej nga një PC qendror. Kompjuterat ishin të
lidhur me topologjinë star dhe vetëm më një switch. Sot kompania numëron rreth 1000 punonjës,
më shumë PC, server dhe softuer. Gjë e cila tregon hapur evolimin galopant të shoqërisë dhe
përmirësimit të vazhdueshëm, për tu bërë lider në treg.

Vlerat
Telemarketingu dhe shitja e ofertave komplekse kërkon një ekip shitjeje shumë të aftë që mund të
profilizojë perspektivat dhe të komunikojë propozimet e produkteve në mënyrë strategjike. Qëllimi
i shitjeve është që të gjenerojë kërkesë dhe të krijojë marrëdhënie me klientë të shumëfishtë në një
grup pikash kontakti, përfshirë kontaktin me bazë telefonike. Kjo kërkon specialistë shitës shumë
të aftë, të cilët mund të kërkojnë, shesin dhe kultivojnë marrëdhënie përmes telefonit, të mbështetur
nga kanale të tjera të komunikimit.

Sisteme Informacioni 4
Krahasimi dhe përmirësimi i mëtejshëm
Kompania beson në mundësinë e menaxhimit të kriticitetit, si rrjedhojë e kompleksitetit, nëpërmjet
një krahasimi konstant, i mbështetur në përdorimin e “protokolleve relacionale”, të cilat ndihmojnë
vazhdimisht kompaninë në përmirësimin e proceseve dhe ambientit të punës.

Respektimi i dinjitetit të individit dhe Formim i vazhdueshëm

Kompania në fjalë është shembulli konkret i integrimit të kulturave dhe feve të ndryshme. Për
kompaninë është mjaft i rëndësishëm investimi në drejtim të zhvillimit profesional të burimeve të
saj nëpërmjet kurseve ad hoc, në bazë të nevojave të secilit prej tyre.

Vizioni
Kompania ka si qëllim të bëhet partner global biznesi dhe qendër ekselence në tregun
ndërkombëtar, në aspektin e përkufizimit, projektimit dhe shpërndarjes së një sistemi menaxhimi
të shërbimeve unike, të zhvilluara dhe inovuese (filozofia që sheh punëdhënësin dhe klientin si një
realitet të vetëm).

Shërbimet
Kompania, me qendër në Tiranë, ushtron aktivitetin në fushën e Qendrës së Kontaktit (contact
center) për tregjet ndërkombëtare. Falë ndërveprimit me të tjera Business Unit të Grupit, kompania
është e aftë tu ofrojë klientëve shërbime të personalizuara, të bazuara në ndërthurjen e kanaleve të
kontaktit midis kompanive dhe klientëve, duke u bërë kështu shembull i vërtetë për Qendrat e
Kontaktit shumëkanalësh.

 Qendër Kontakti (Inbound, Outbound, Back Office) për llogari të fushatave kryesore të
telekomunikacionit italian dhe jo vetëm, transportin ajror dhe shoqëri që ushtrojnë
aktivitetitn në edukim;
 Menaxhim dokumentacioni në proceset e bizneseve;
 Arkiv optik;
 Business Process Outsourcing (BPO); ku bashkëpunojmë me klientët tanë për t'i ndihmuar
në arritjen e rezultateve të matura në biznes si, rritjen e shitjeve, nivelin e kënaqësisë së
klientëve, rritjen e kuotës së tregut, duke ofruar eksperiencën tonë mbi përmirësimin e
proceseve në optikën E2E.

Sisteme Informacioni 5
 2. Organigrama e shoqërisë

Ndarja organizative i jep kompanisë një vlerë të shtuar. Qëllimi i organzimit qëndron në
arritjen e mundësisë së punonjësve për të punuar në mënyrë më efikase si grup apo kolektiv.
Karakterizohet nga rendi, siguria dhe objektivat. Struktura organizative e kompanisë, përbëhet nga
3 departamente kryesor të cilët janë: Departmenti i Burimeve Njerëzore, Departamenti i Financës
dhe Departamenti IT.

Bordi Drejtues

Administrimi

Departamenti i Dep . i Burimeve

Departamenti IT Security Magazina
Financës Njerëzore

Përgjegjësi i
Zyra e Punësimit Përgjegës IT
Fushatës

Administratori i Administator Administratori i

Floor Manager Suporti Teknik
Rrjetave Web DAtabazes

Manaxhim
Team Leader
Software

Operatorët

Departamenti IT përbëhet nga një staf prej 20 personash. Në krye të ekipit IT qëndron
Përgjegjësi IT i cili manaxhon ekipin me administratorët përkatës dhe suportin teknik si dhe
raporton në nivelet e sipërme. Stafi i suportit teknik përbëhet prej 3 punonjës të cilët ofrojnë
përkrahje teknike dhe udhëzojnë përdoruesit si të përdorin softuerët dhe pajisjet. Ata gjithashtu
instalojnë, konfigurojnë, mirëmbajnë kompjuterë, laptopë, printera dhe paisje të tjera kompjuterike
dhe telekomunikuese, instalojnë aplikacione/softuer të ndryshëm kompjuterik sipas kërkesave dhe
nevojave të stafit dhe diagnostikojnë dhe zgjidhin probleme të paisjeve apo teknologjisë për
përdoruesit fundor. Administratori i databazës mirëmban dhe administron databazat dhe
aplikacionet që lidhen me to. Ai është përgjegjës për instalimin, konfigurimin, optimizimin dhe
backup-in e databazave. Administratori i rrjetave është përgjegjës për monitorimin e rrjetit,
testimin e tij si dhe implementimin e programeve të sigurisë. Albacall ka ndërtuar Website-in e vet

Sisteme Informacioni 6
për ti ardhur në ndihmë klientëve dhe punonjësve të saj. Mirëmbajtja dhe përditësimi i faqes web
janë detyrat kryesore të Administratorit Web.
Ekipi i manaximit Software ka detyra si mirëmbajtja e softwareve të kompanisë dhe
manaxhimin e Databazës së burimeve njerëzore. Ky ekip përbëhet prej 15 punonjësve të cilët kanë
edhe detyra të tjera si përshtatja dhe konfirmimi i tipit të të dhënave tw insertuara në software. Një
rast konkret është korigjimi i orareve të punës të punonjësve në raste vonesash.

3. Struktura hardware e kompanisë

Një sistem kompjuterik është një bashkim i integruar i pajisjeve i qendërzuar në të paktën një
mekanizëm për përpunimin dixhital elektronik që përdoren për hyrjen, përpunimin, ruajtjen dhe
daljen e të dhënave dhe informacionit. Komponentët hardware varen shumë nga nevoja e
organizatës dhe aplikacionet që ajo përdor, si dhe nga veprimtaria e organizatës. Kompania e marë
në studim e ka shumë të nevosjhme pasjen e një numri të konsiderueshëm kompjuterash desktop
sepse në një call center, e gjithë puna e operatorit bazohet mbi një kompjuter.
Kompania përdor një numër të madh kompjuterash desktop me parametra të procesorit
Core I5 2.4GHz, Dual Core 2.7 GHz , INTEL PENTIUM 4,CORE 2 DUO, 1-4 GB RAM, 80-500
GB hard disk. Kompjuterat qendror kanë parametra: 8 GB RAM, i7, 256 GB SSD + 1 TB HDD.
Kompjuterat e operatorëve nuk kanë një process pune të komplikuar në tërësi, ndryshe nga
kompjuterat qendorë, kjo është arsyeja pse kompania nuk e ka parë të arsyeshme zëvëndësimin e
tyre me komjutera më të shpejtë ashtu sic përdoren nga floormenaxherët apo nga administratorët
e databzave, të rrjetit etj. Këta kompjutera janë blerë në kompaninë Gjergji Kompjuter dhe
JUPITER Computer dhe janë të kompanisë DELL.
Pajisje të tjera që përdoren janë kufjet e qendrës së thirrjeve, kufjet janë pajisje të plota
që kanë një mikrofon dhe altoparlant për agjentët e qendrës së thirrjeve. Përzgjedhja e kufjeve të
mira dhe komode lehtëson si punën e operatorëve dhe ndihmon në komunikimin e klientëve me
operatorët më mire dhe më qartë. Kompania përdor kujfe me tel sepse janë më pak të kushtueshme
se ato pa tel, si edhe operatorët nuk e kanë shumë të nevojshme të punojnë në kufje larg
kompjuterit. Duke patur një numër mjaft të lartë punonjësish është
parë e arsyeshme vendosja e një sistemi check-in, i cili me anë të
leximit të një kartës RFID që zotëron punonjësi, arrin të ruajë në një
databazë oraret e futjes së tyre në punë dhe largimin e tyre nga puna
në mënyrë që rregjistrimi i pagave nga ana e departamentit të
financës të jetë sa më i saktë dhe korrekt për të gjithë punonjësit.
RFID nënkupton "identifikimin e frekuencës së radios", dhe kjo është
teknologjia thelbësore që qëndron pas tyre. Ata lëshojnë
informacione për identifikimin në rangun e frekuencës së radios dhe
lexuesi do t'i marrë ato sinjale dhe t'i vërtetojë ato.

Si kodohen lejet në një kartë magnetike?

Sistemi i kartës vjen me një çelës kyç, i cili do të konfigurojë lejet e dhëna për kartën tuaj.
Sistemi duhet lejon të keni akses për dyer të shumta, të konfiguroni datën dhe kohën e tij. Të gjitha
këto detaje janë ndërtuar në një algoritëm shumë të ndërlikuar, i cili është shkruar në magstripe-in
Sisteme Informacioni 7
e kartës. Ky magstrip përmban mijëra bare të vogla magnetike. Polarizimi i këtyre magneteve
krijon një sekuencë që është e koduar në kartën e punonjësit.
Si funksionojnë kartat RFID?
Kartat pasive kanë tre përbërës të mbyllur në plastikë: Një antenë (kryesisht spirale ose
tela), një kondensator dhe një qark të integruar (IC), i cili përmban numrin e identitetit të
përdoruesit. Lexuesi RFID në mur ka një antenë, e cila vazhdimisht lëshon një fushë të frekuencës
radio (RF) me rreze të shkurtër. Kur e mban kartën në lexues, kartela absorbon energjinë nga fusha
RF e krijuar nga lexuesi - termi teknik tregon se është një rrymë e induktuar. Kjo energji krijon
(nxit) një rrymë që fuqizon qarkun e integruar, i cili nga ana e tij bën që çipi të lëshojë numrin e
tij të identitetit. Lexuesi e dërgon ID-në përsëri në serveri, ku zakonisht ndodhet sistemi kryesor i
kontrollit të hyrjes. ID e dërguar sinjalizon që ky përdorues dëshiron të futet në ambientet e
kompanisë. Formati në të cilin lexon lexuesi shpesh është protokolli Wiegand.
Pajisje të tjera hardware përfshijnë kamerat ruajtëse të ambienteve të cilat janë të lidhura
me departamentin e sigurisë, skanerat, tastiera, mouse etj. Kurse pajisjet dalëse janë: monitorët
dhe printerat. Printerat që përdor kompania janë printera me gjilpërë të cilët pavarësisht se kanë
një kosto më të lartë blerjeje se printerat e tjerë, kanë kosto më të ulët riparimi dhe operimi,
gjithashtu nuk zënë shumë vend. Në këta printera, gjilpëra godet fletën duke krijuar karakteret.
Kjo e bën printerin të jetë më efektiv në rastet e printimeve të sasive të mëdha të informacionit në
mënyrë të vazhdueshme. Ky lloj printeri kryen edhe funksionin e fotokopjes dhe të skanerit.
Serverat ndodhen në një dhomë të izoluar me pajisje frigoriferike për të ruajtur
temperaturën e duhur. Në këtë dhomë, aksesi autorizohet nga shefi i departamentit të IT-së.
Serverat janë të tipit DELL me 16 GB deri 64 GB RAM. Hard disk që kompania përdor është i
konfiguruar në RAID (Redundant Array of Indipendent Disk), e cila është një teknologji që ka për
qëllim rritjen e funksionit të memories dhe sigurinë e shpërndarjes (redundanca). Kompania përdor
disqet e konfiguruar në RAID për ruajtjen e të dhënave që kopjohen nga disqet fizike. Arsyet sepse
përdor RAID është rritja e shpejtësisë, rritja e kapacitetit të memories dhe minimizon dështimin e
diskut.

4. Software-t e përdorur

Përdorimi i programeve ndihmon në eleminimin e gabimeve njerëzore, duke lejuar kështu

efektivitetin dhe konsistencën. Përdorimi i tij është i rëndësishëm për përfundimin e detyrave të
kompanisë dhe raportimin e aktiviteteve të organizatës. Ajo rrit efikasitetin dhe efektivitetin e
aktiviteteve të biznesit. Për më tepër, ndihmon në kryerjen e aktiviteteve të biznesit në një periudhë
më të shkurtër kohore që zvogëlon ngarkesën e punës. Qëllimi i të gjithë programeve të kompanisë
është të mirëmbajë dhe kontrollojë biznesin. Ai është një nga asetet më të rëndësishme. Softueri
menaxhon detyrat e të gjithë organizatës.
Duke ju referuar sistemit operativ të kompjuterave të përdorur nga ana e kompanisë të
marrë në studim, themi se përdoret sistemi i kompanisë Windows, version 7 Pro. Për menaxhimin
dhe koordinimin e aktiviteteve, analizuar nga pikëpamja e sferës së grupit dhe aksesimit nga ana
përdoruesve të sistemit në të dhëna, përdoren servera përsëri të kompanisë Windows, version 5.0
prodhimi i vitit 2008.

Sisteme Informacioni 8
 Një software që përdor kompania është edhe Office 365, i cili ka funksion të ngjashëm me
paketën Office të Windows, por të jep mundësinë që të shohësh nëse dokumentat që ti po përdor
janë duke u edituar nga persona të tjerë. Nëpërmjet këtij aplikacioni, punonjësit e departamenteve,
mund të aksesojnë dokumentat kurdoherë në çdo moment. Kjo alternativë është e përshtatshme
sepse këta punonjës mund ta aksesojnë programin dhe dokumentat e nevojshëm pa qenë nevoja
për të qenë prezentë në zyrat e departamenteve të tjera. Një përfitim tjetër është edhe fakti që me
Office 365 ata mund të komunikojnë dhe të bashkëpunojnë me anëtarët e tjerë të organizatës
nëpërmjet mailbox, instant messaging dhe online meetings. Gjithashtu ky program ofron siguri
duke mbrojtur dokumentat dhe emaile-t e kompanisë.
Gjithashtu departamenti IT ka krijuar programin e tij inhouse për menaxhimin e burimeve
njerëzore. Ky program është ndërtuar në bazë të nevojave të kompanisë dhe përbëhet nga modulet:
punonjës, Payroll dhe moduli i raporteve. Moduli punonjës ka të gjitha funksionalitet për
menaxhimin dhe profilizimin e punonjësve dhe lëvizjeve të tyre. Pra ky modul përmban
informacione në lidhje me të dhënat e punonjësve si: emri, koha ose periudha kur ka filluar punën,
eksperiencat e tyre të mëparshme, pozicionin e tyre në organizatë, në cilin departament punojnë,
cili është supervizori i tyre dhe aftësitë e tyre të veçanta.Gjithashtu ky modul përfshin dhe
implementimin e sistemit të checkimit të hyrje daljeve.

4.1 Sistemi Check in, Payroll dhe Raportet

Për të hyrë brenda në kompani, punonjësit duhe të bëjnë check in- in me anë të disa kartave.
Në këtë mënyrë bëhet identifikimi i personave që hyjnë brenda ambienteve të organizatës. Për të
bërë këtë sistem të funksionojë përdoren, sic e përmendëm edhe me sipër, RFID cards. Kartat
RFID përdoren gjerësisht në hapësirat komerciale të zyrave. Këto karta mund të klasifikohen sipas
intervalit që komunikojnë (i ulët, i lartë ose ultra i lartë) dhe nga mënyra se si komunikimi ndodh
me lexuesin (aktiv ose pasiv).
Të dhënat që ky modul prodhon do të shkojnë te një modul tjetër që përdor ky program i
quajtur Payroll. Payroll është një program nëpërmjet të cilit kompania paguan punonjësit për
punën që ata bëjnë. Nëpërmjet këtij programi organizohen pagesat për detyrat që punonjësit
kryejnë duke përfshirë dhe taksat e punonjësit. Payroll kërkon shumë pak të dhëna që futen nga
punëdhënësi. Është e nevojshme që punëdhënësi të fusë të dhëna mbi pagën e punonjësit dhe orët
e punës brenda orarit zyrtar dhe jashtë tij, pastaj software-i e llogarit të gjithë informacionin duke
përfshirë automatikisht dhe tatimin për punonjësit. Programi Payroll përditësohet automatikisht sa
herë që ndryshojnë taksat. Ky program është i thjeshtë për t’u përdorur pasi mjafton që të vendoset
numri i orëve dhe automatikisht programi llogarit pagën e çdo punonjësi. Në departamentin e
burimeve njerëzore, ky program quhet modul dhe përveç taksave parashikon ulje të tjera të pagës
si edhe përfitime shtesë të pagës. Në përfundim Payroll të jep dhe një paraqitje të performancës së
punonjësve.
Moduli i tretë i programit inhouse është ai i Raporteve . Ky modul i lejon menaxherëve të shikojnë
lëvizjet e punonjësve në rast largimi nga puna apo rast promovimi në detyrë, masat e marra për
punonjësit , sa kohë ata kanë qenë pjesë e organizatës, orët shtesë që kanë punuar, menaxhimin e
pushimeve, etj.

Sisteme Informacioni 9
4.2 Sistemi i telekomunikimit

Për të patur akses në sistemin ku do të bëhet komunikimi me klientët, punonjësit duhet të

logohen në sistem me anë të kredincialeve të tyre. Çdo logim regjistrohet për të patur kështu rdhe
rekorde përsa i përket orëve të punës të bëra nga cdo operator. Vetë sistemi i logimit është bërë
outsource. Pasi operatorët logohen sistemi bën direkt lidhjen me programin telemarketing të ofruar
nga kompania partnere (në rastin tonë Vodafone). Kompania jonë nuk bën përzgjedhjen e
individëve që do të telefonohen për të bërë telefonatën e promovimit dhe nuk ka asnjë rekord përsa
i përket atyre. E gjithë kjo realizohet nga kompania partnere që ofron edhe shërbimin VOIP.

Më sipër është paraqitur ndërfaqja e operatorëve gjatë telefonatës. Sic mund të vihet re,
ekzistojnë disa opsione për përdoruesit. Komanda Play/Pause konsiston në ndalimin e punës nga
ana e operatorit kur është orari i pushimeve apo kur bëhet ndërrimi i turnit. Në cdo moment, kur
vetë operatori e gjykon si të nevojshme, ai mund të bëjë ndërprerjen e telefonatës. Në rast se klienti
është i interesuar mbi produktet e ofruara, kalojmë te krijmi i një order për këtë klient. Të gjitha
porositë e bëra, të dhënat e shërbimit dhe marrëveshjes me klientët ruhen në sistem dhe më pas,
kur bëhet konfirmimi i tyre, porositë dërgohen te kompanitë që i ofrojnë këto produkte për të bërë
lëvrimin e tyre. Gjithashtu ky sistem lejon operatorët të bëjnë kërkesë drejtuar supervizorit, për
orë shtesë gjatë ditës, kërkesa të cilat trajtohen në kohë reale.

4.3 Website-i i Kompanisë

Jetesa tashmë në një botë dixhitale, ka bërë që një faqe interneti është një domosdoshmëri
për një biznes, i madh apo i vogël. Një faqe në internet është gjithashtu e rëndësishme sepse
ndihmon që kompania të krijojë besueshmëri si biznes. Webpage-s janë gjithashtu të
disponueshme dhe të arritshme 24 orë në ditë, çdo ditë të vitit. Për shkak të kësaj, klientët aktualë
dhe klientët e mundshëm, mund të vizitojnë faqen për mbështetje ose informacion në lidhje me
Sisteme Informacioni 10
produktet dhe shërbimet e reja dhe të ardhshme, sa herë që është e përshtatshme për ta. Website-i
vepron padyshim si një burim i paçmueshëm dhe gjithnjë i disponueshëm për informacion, i cili
përndryshe do të ishte i arritshëm vetëm gjatë orarit të punës së kompanisë.

Faqja Kryesore

Më poshtë është paraqitur faqja kryesore e Website-it të kompanisë. Ajo përfshin

informacione rreth organizatës, aktivitetet dhe shërbimet e ofruara, vendet e punës si dhe forma
kontakti të kompanisë. Ekzistenca e saj, që u përmend edhe më sipër është mjaft e rëndësishme
për kompaninë dhe aktivitetet e saj. (Kjo faqe është dizenjuar dhe zhvilluar nga Global Enterprise
Sh.p.k. në Dhjetor 2013)

Kompania
Në këtë ndërfaqe shpalosen misioni,
vlerat, objektivat dhe vizioni i kompanisë.
Gjithashtu listohen edhe aktivitet dhe
shërbimet që ofron kompania dhe shërben si një
“urë“ informacioni midis vizituesve të faqes
dhe organizatës.

Sisteme Informacioni 11
 Jobs
Kjo ndërfaqe mund të pohojmë se është një nga më të rëndësishmet e Website-t të
kompanisë. Këtu publikohen të gjitha vendet e punës vakante, kualifikimet e nevojshme,
përgjegjësitë si dhe një sërë informacionesh të tjera esenciale të një vendi pune të ofruar nga
kompania. Rëndësia e kësaj faqeje qëndron në krijimin e lidhjeve midis tregut të punës dhe
kompanisë duke ofruar informacione rreth pozicioneve të punës si dhe kritereve që kërkon.

Format e Kontaktit
Në këtë ndërfaqe listohen adresa
dhe format e kontaktit të kompanisë
për të gjithë ata që duan të dinë dhe të
informohen më shumë rreth
kompanisë, shërbimeve që ajo ofron
apo informacione rreth pozicioneve të
punës.

Sisteme Informacioni 12
 5. Databaza dhe ruatja e të dhënave

Aktiviteti i Albacall dhe përgjithësisht i qedrave të kontaktit bazohet në të dhënat e klientëve,

punonjësve, produkteve etj. Është e nevojshmme që këto të dhëna të ruhen dhe përpunohen kur
është e nevojshme. Albacall i ruan të dhënat nëpërmjet një sistemi të përbërë prej tre serverash.
Njëri prej tyre shërben për administrimin e shërbimit të Emailit dhe për ruajtjen e të dhënave të
punonjësve. Serveri i dytë i shërben Albacall por jo vetëm, në të ruhen të dhëna rreth klientëve dhe
partnerëve të kompanisë. Ndërkohë serveri i tretë shërben për backup i cili kryhet cdo ditë në orën
18:30.

Të dhënat e punonjësve përbëhen nga disa atribute si Emri, Mbiemri, ID, Pozicioni i punës etj.
Këto të dhëna futen në sistem nga stafi i Burimeve Njerëzore dhe në to kanë akses të plotë vetëm
persona të autorizuar sipas kushteve. Një shembull konkret është rasti ku cdo Team Leader ka të
drejtë të shohë vetëm të dhënat dhe raporte mbi performancën e grupit të vet. Punonjësit kanë të
drejta të kufizuara, pra ata mund të shohin orët e punës por nuk mund ti modifikojnë ato. Cdo
punonjës identifikohet me kodin e tij albXXXXXX. Në tabelë paraqitet një shembull rekordi me
të dhëna të punonjësve.

ID Emri Mbiemri Grupi Fushata Pozicioni Orë Orë

punës pune shtesë
albXXX … … … … …… … …
XXX
albXXX … … … … … … …
XXX
… … … … … … … …

Stafi i ekipit manaxhim software është përgjegjës për ruajtjen e të dhënave në formatin e
duhur. Ndërkohë stafi i departamentit të Fianancës mund të shkarkojë file Exel me oraret e punës
së punonjësve të marra nga sistemi për të llogaritur pagat e tyre në programin Payroll.

Sisteme Informacioni 13
 6. Organizimi i rrjetit

Në dy zyrat qendore të kompanisë, ku në secilën prej tyre ndodhet një PC kryesor që përdoret
nga administratori përgjegjës dhe që janë të lidhur direkt me databazën, për lidhjen e pajisjeve PC
të tjera përdoret tipi i rrjetit LAN, ndërsa vetë degët me njëra-tjetrën janë të lidhura me WAN
(lidhen dy kompjuterat qendrorë që përdoren nga admin-ët). PC-të lidhet në LAN nëpërmjet kartës
ndërfaqëse rrjet (NIC) dhe lidhja fizike e tyre realizohet duke përdorur kabllo koaksialë. Këto
kabllo ofrojnë transmetim më të pastër të të dhënave si edhe shpejtësi më të madhe. Kompania e
ka parë këtë mënyrë lidhjeje si një zgjidhje kosto-eficiente. Ky rrjet lidhet në NIC nëpërmjet një
konektori. Duke qenë se sistemi i shitjeve ndodhet në serverin e dytë, aksesimi i tij nga kompjuterat
e tjerë të kompanisë realizohet duke përdorur lidhjen client-server.
Rrjeti që përdor kompania është konfiguruar duke u bazuar në dy linja: në ato primare dhe
sekondare të internetit. Linja primare është e konfiguruar në router, switche të CISCO-s dhe
firewall, të cilët menaxhojnë të gjithë trafikun dhe shpërndarjen e kapacitetit të rrjetit të sistemit të
shitjes dhe agjentëve të kompanisë dhe punonjësve. Përdorimi i këtyre pajisjeve zvogëlon trafikun
nëpër kabllo duke sjellë zvogëlimin të numrit të përplasjeve midis paketave sepse këto pajisje
dërgojnë paketat vetëm në destinacionin e duhur. Kompania përdor firewall-et si një barrierë midis
network-eve të besueshëm dhe network-eve të pabesueshëm. Në fillimet e veta, kompania ka
përdorur filtrimin e paketave që është një program i cili ekzaminon headerin e çdo pakete bazuar
në disa rregulla specifikë për të vendosur kalimin apo ndalimin e paketave.
Topologjia e përdorur është topologjia star e cila është zgjedhur për shkak të përparësive
të saj që janë lehtësia në menaxhim, fleksibiliteti për të shtuar nyje të tjera në rrjet duke krijuar një
extended star. Nëse ndodh një dështim në kabllo, ndikon vetëm në një përdorues dhe nuk ndikon
në pjesën tjetër të rrjetit. Në një topologji star burimi i avarisë në rrjet mund të lokalizohet shumë
thjeshtë pasi çdo kompjuter është i lidhur individualisht me hub-in, kështu që mund të izolohet
problem në një zonë të vogël. Topologjia star është një zbatim normal i LAN-eve që kompania ka
implementuar.

Sisteme Informacioni 14
 7. Interneti dhe Siguria e informacionit

Fokusi kryesor i kompanisë është siguria dhe ruajtja e informacionit dhe i konfidencialitetit të të
dhënave që ka. Departamenti i IT-së ka marrë parasysh çdo rast si në ndodhjen e incidenteve ashtu
edhe ndaj katastrofave natyrore. Kompania ka një IRP e cila fokusohet në përgjigje të
menjëhershme nëse sulmi përshkallëzohet apo është katastrofik. Si fillim departamenti ka
implementuar firewall-et, viruse dhe është shumë vigjilent ndaj kërcënimeve më të fundit të
sigurisë të informacionit. Kompania përdor dy providera ISP Albtelecom dhe Abcom, që i jep
mundësinë e të paturit një linjë rezervë gjithmonë. Në kontratën që kompania lidh për linjën e
dedikuar kërkon një siguri të lartë të ofruar nga providerat. Në rast problemi me linjat, këputje
kabllosh me apo pa dashje kompania ka një antenë që i siguron lidhje wireless. Megjithatë, kjo
mënyrë përdoret vetëm në raste emergjente për shkak të problemeve të sigurisë që mbart.

Sisteme Informacioni 15