Ibinigay ni Haring Salermo ang huling pagsubok kay Don Juan at
nagtagumpay naman ang binata nang kanyang mapili si Donya
Maria na kanyang tunay na minamahal. Hindi ito ikinatuwa ni Haring Salermo kaya’t gumawa siya ng paraan upang hindi mapunta kay Don Juan ang kanyang pinakamamahal na anak. Nalaman ni Donya Maria ang planong ito ng kanyang ama kaya’t sinabihan niya si Don Juan na sila’y umalis o magtanan. Pinilit silang habulin ni Haring Salermo ngunit siya ay nabigo. Bunga ng matinding galit ay isinumpa niya ang dalawa. Bumalik sa Berbanya sina Don Juan at Donya Maria. Sa pakiusap ni Don Juan ay iniwan muna niya si Donya Maria sa nayon upang mabigyan ito ng maaayos na pagsalubong sa kanilang kaharian. Nang makabalik sa Berbanya si Don Juan ay agad siyang pinuntahan ni Donya Leonora na pitong taon nang naghihintay sa kanya. Hindi napigilan ng dalaga ang kanyang damdamin at ipinahayag niya ang nilalaman ng kanyang nararamdaman para sa bunsong prinsipe. Kasabay nito ang pagsisiwalat ng katotohanan sa mga kasinungalingang hinabi nina Don Diego at Don Pedro na madali namang napatawad ng hari dahil sa pagmamahal sa mga anak.
Samantala, marahil ay nagkatotoo na ang sumpa ni Haring
Salermo kaya’t sa pagbabalik ni Don Juan sa Berbanya ay tuluyan na niyang nakalimutan si Donya Maria Blanca. Inihanda ang lahat para sa pag-iisang dibdib nina Don Juan at Donya Leonora. Nang malaman ito ni Donya Maria Blanca ay agad siyang tumungo sa kaharian ng Berbanya at doon muling ipinaalala kay Don Juan ang kanilang pag-iibigan. Nang bumalik ang alalaala ng bunsong prinsipe ay ipinahayag niyang si Donya Maria ang tunay na nilalaman ng kanyang puso at si Donya Leonora ay ipakasal sa kanyang panganay na kapatid na si Don Pedro. Sa huli ay itinanghal na bagong hari ng Berbanya si Don Pedro at si Donya Leonora bilang kanyang reyna.
Samantalang bumalik sa kanilang kaharian si Donya
Maria kasama si Don Juan kung saan sila ay masayang nanirahan at itinanghal na bagong hari at reyna ng kaharian. Masaya silang tinanggap ng mga tao bilang kapalit ng kanyang yumaong ama at mga kapatid.
Utusan NG Hari Ang Panganay Na Anak Na Si Don Pedro Na Magtungo Sa Bundok Tabor at Hanapin Ang Puno NG Piedras Platas Dahil Dito Dumadapo Ang Ibong Adarna