Professional Documents
Culture Documents
Liturgie Cahier 3 Lingala
Liturgie Cahier 3 Lingala
Eglise néo-apostolique
Libongisami ya
balosambo kati ya
Eglise néo-apostolique
Mokanda 3
Mosala ya batisimo
Sik’oyo maloba ya batisimo na Bosatu Bosantu ezali kolanda :
« (Soki ezali bana, kopesa nkombo na ye ya misato),
nazali kobatisa yo na nkombo ya Nzambe, Tata, Muana pe Molimo-Mosantu. »
Tango azali kobimisa maloba oyo ya batisimo, Mokambi akokoma kuruze moko mbala
misatu na elongi ya moto azali kozwa batisimo, sima ya bokotisi mbala misatu mosapi na
ye kati ya mai epambolami. Esengeli kobongisa mai ya kokoka po na mosala oyo.
Akobandela maloba pe akokoma kuruze na elongi ya bato nyonso bakozwa batisimo.
Sima, akotiela bango maboko, pe Mokambi akokoba na bolobi ete :
4
« Uta na mosala oyo, Nzambe azali kolimbisa yo lisumu ya ebandeli. Sik’oyo ondimami
lokola eteni ya nzoto ya Kristo, pe na bongo, okoti na Eklezya ya Kristo.
Lipamboli ya batisimo
Lipamboli ya batisimo ezali kopesama na botieli bango maboko. Maloba oyo endimami
yango oyo:
« Nzambe, Tata
Azali kopesa yo ngolu na ye pe kokamba yo na nzela ya
lobiko ya kokoka ;
• Azali kobatela yo na bolingo ;
• Yezu-Kristu
• Akabi bomoi na ye po na yo ;
• Apesi yo nzela po ozwa molei – mosantu pe mapamboli ya ndako ya Nzambe ;
• Azali kopesa yo kimia na ye ;
• Molimo-Mosantu • Akolakisa yo pe akobongisa yo na lolenge ya Kristu ;
• Akobatela yo na nzela ya bomoi pe ya bondimi ;
« Tika ete lipamboli ya Nzambe ekamba yo/ ekamba bino. Kimia ya Mosekwi na liwa
ezala na yo/ ezala na bino. Amen. »
Tango bazwi bilaka ya mapamboli na bango, bandimi bakozonga na bisika na bango
kati ya lisanga.
Soki mosala mosusu ezali te, to pe nzembo ezali te, lisanga ekotikala ya kotelema po na
bomilengeli na molei-mosantu.
Kondimama
Kondimama esalamaka sima ya bolimbisi masumu pe libondeli ya botondi Nzambe
botondi, pe ekoki kobanda na nzembo. Soki misala ebele ebongisami liboso ya bozwi
molei-mosantu, ekolandana na lolenge oyo :
• Batisimo esantu ya mai
• Kondimama
• Bopesi Molimo-Mosantu
• Bolapi-ndai
Maloba ya mosala
(7) Maloba oyo nde esengeli elanda :
• Na nzela ya batisimo esantu ya mai, Nzambe azali kopesa ngolu na ye ya yambo pe ya
monene
• Bato nyonso babatisami na mai, soki bazali kondima YezuKristu pe bazali kotatola ye
lokola Mokonzi, bazali kati ya Eklezya ya Kristu.
• Batisimo ya mai ezwami epai mosusu ezali kondimama soki moto azali na bondimi pe
azali kotatola
¤ bozongi ya Yezu-Kristo po na konetwama ya Muwasi na ye
¤ botindami ya bantoma babongisa Mwasi po na bozongi ya Kristo
¤ bozwi ya likabo ya Molimo-Mosantu na maboko ya ntoma
¤ kondimama epesaka nzela po ete moto azwa molei-mosantu tango nyonso
Kosenga « Ee »
Mokambi akosenga na lisanga etelema.
7 Bana baye bamemi mokumba ya bondimi na bango moko. Na ngonga ya boye, baye
bazali lokola baboti na bango bakokoma « Ee » na bango.
« Liboso ya Nzambe pe ya lisanga, nazali sika kotuna motuna oyo : Bozali kondima
kokota na bino kati ya Eklezia néo-apostolique, bozali pene po na kolanda Yezu-Kristo
pe komitika babongisa bino kati ya liloba ya nzambe po na kozwa likabo ya Molimo-
Mosantu ? Soki wana ezali kolinga na bino, bolakisa yango na bolobi « Ee ».
Libondeli elandi « Ee »
Libondeli yango ekolanda makanisi oyo :
• Nzambe ayoki « Ee » ya ndeko muasi/ndeko mobali oyo asengi ete akota kati ya
lisanga
• Tika ete Nzambe apambola « Ee » na ye.
• Tika ete Nzambe apesa ye bokasi pe makoki ya kokokisa ndai na ye
• Libondeli ezali kosuka na bolobi : « Amen ».
Mosala ya kondimama
Mokambi azali kokokisa mosala na maloba oyo :
« O nkombo ya Nzambe, Tata, Mwana, pe Molimo-Mosantu, nazali koyamba yo kati ya
bomoko ya bondimi pe molei-mosantu kati ya Eklezya néo-apostolique Kobanda lelo,
ondimami na moleimosantu pe mapamboli ya ndako ya nzambe. »
(8). Maloba mosusu ya mapamboli ekoki pe kopesama :
• Tika Nzambe akembisa bino kati ya bondimi pe abatela bino kati ya bomekoli ya
Yezu-Kristu.
• Tika ete lipamboli ya Nzambe ekamba bino, pe kimia ya Mosekwi na liwa ezala na
bino Mosala oyo ekosuka na bolobi : « Amen. »
Sima ya bozwi bilaka ya mapamboli, bandimi bazali kozonga na bisika na bango kati
ya lisanga.
Komilengela po na molei-mosantu Soki mosala mosusu to nzembo ezali te, lisang
ekotikala ya kotelema po na bomilengeli na molei-mosantu.
6
Bomilengeli po na molei-mosantu
Molei-Mosantu ezali nde kolanda na sima.
Lolenge ekosalema
Lipamboli ya kokanisa mokolo ya libala epesamaka na ngangaNzambe to na ntoma.
Mosala wana ekosalema liboso ya mesa ya bonzenga to na bisika babalani bafandi kati
na lisanga. Mosala oyo ekobanda na nzembo.
Maloba
Ndenge ekolandana : Kokanisa mikolo eleka
• Kokumisa pe kotonda nzambe po na bobateli pe bokambi na ye
• Kokanisa makambo ya minene na bomoi ya babale
• Kokanisa bomipesi ya babalani kati ya lisanga to na district Lelo
• Lokumu pe matondo na Nzambe po na bonzenga na
• Esengo ya kokanisa molulu oyo ya libala
• Kobimisa bizaleli ya lolenge na yango ya balongani Lobi
• Kotiela Nzambe motema, akokoba na kokamba malamu
• Kotangela bango liloba ya biblia pe kopesa bango maloba na mokuse.
9. Lolenge ekomami na CENA 12.2.3.2. :
« Mapamboli epesami na mikolo mosusu ya bokundoli mokolo ya libala
Lipamboli
Balongani bakopesana loboko ya mobali. Mokambi akotia ya ye loboko
likolo na maboko ya balongani pe akopambola bango na maloba oyo :
« O nkombo ya Nzambe, Tata, Mwana pe Molimo–Mosantu, bozwa lipamboli ya
Nzambe na bokanisi mokolo ya libala na bino […]
Tokoki kobakisa maloba ya boye :
Tika Nzambe, Tata,
• Oyo asangisi bino kati ya bolingo na ye,
• Oyo abateli bino kati na bambula eleka,
• Apesa bino bokasi ya komema makumba moko po na moninga,
• Apambola lisusu bokangami na bino,
• Tika ete Yezu Kristo
* Oyo alingi bino pe akabaki bomoi na ye po na bino
* Akamba bino na mikolo ekoya, asalisa bino na bileko nyonso
* Tika ete Molimo-Mosantu
* Akamba bino na maponami ya bomoi na bino;
* Alamwisa makanisi ya malamu kati na bino, po bokoka kosepelisana
* Abongisa bino po na bozongi ya Yezu-Kristo.
Maloba ya suka
« Tika ete lipamboli ya Nzambe ekamba bino, pe kimia yaMosekwi na liwa ezala na
bino. Amen. »
Libondeli ya suka
Soki nzembo ekolanda bilaka ya lipamboli ya Mokambi, lisanga ekofanda. Kasi, soki
nzembo ezali te, lisanga ekotikala yakotelema. Libondeli ya suka nde ekolanda na sima
Na bokoli na ye kati ya libumu ya mama, mwana akangami na mama na ye. Azali kolia
kaka oyo mama na ye azali kolia te, kasi mosuke ya mwana elandaka pe maye ezali na
motema ya mama na ye, na oyo azali komona kati ya bomoi na ye. Yango wana, na
libondeli na ye bokotisi ya mwana na ye kati ya bomoi ya bondimi na ye, mama akoki
kopesa ye lisalisi na nzela ya molimo, yambo abotama, pe Nzambe andimaka yango.
Libondeli
Mokambi azali kosenga bato bazali esika wana batelema pe azali kobanda lipamboli na
libondeli oyo ebandaka na Nzambe Basatu.
Bopesi lipamboli
Na botieli maboko na motu ya mama ya lobi, Mokambi azali kopesa lipamboli na
mwasi ya zemi na maloba oyo elandi :
« Zwa lipamboli ya mwasi ya zemi, O nkombo ya Nzambe, Tata,
Mwana pe Molimo-Mosantu. » Akoki pe kolandisa maloba na makanisi oyo elandi :
* Nzambe apesi likabo ya bomoi ya sika ezali kokola kati ya mama ya lobi
* Nzambe azali kolaka ete akobatela mwana na mama na ye tango nyonso oyo ya zemi
* Tika ete bolingo ya Kristo ekamba mama pe mwana tango nyonso oyo ya zemi
* Tika ete Molimo-Mosantu asalisa
¤ baboti po bakoka komema mokumba ya mwana na bango na nzoto pe na molimo,
¤ baboti bazala na makoki ya koluka boyokani kati ya libota oyo ekosalisa pe mwana
oyo akobotama Tika ete Nzambe abatela mama pe mwana na tango ye akobotama.
Po na kosukisa
« Tika ete lipamboli ya Nzambe ekamba bino. Kimia ya Mosekwi na liwa ezala na bino.
Amen. »
Libondeli ya suka
Lipamboli ekosuka na libondeli pe lipamboli ya suka
PO NA BAWEI
Libongisami ekokani po na misala pe balosambo po na bawei. Na sima awa, tomemeli
bino ndimbola ya malamu na oyo ekomami na buku 2 ya libongisami ya balosambo kati
ya Eklezya néo-apostolique :
Balosambo ya lolenge na yango (2013, p. 292 sqq.).
1
0