Kahit malaking hadlang ang namamagitan sa Diyos at sa tao
dahil sa kanyang pagiging Diyos, malimit pa ring isalarawan ng iblia ang Diyos sa mga anyo ng tao, upang tulungan tayong maunawaan ang kanyang kalikasan. Ang Diyos ay may mukha, na nagbibigay katiyakan na siya’y ngumingiti sa atin ng may pag-ibig at biyaya. Ang Diyos ay may tainga na nagpapahayag na dinidinig niya tayo habang nananalangin. Ang Diyos ay may mat ana nagpapatotoo na Nakita niya ang lahat ng mga nangyayari sa mundo. Ang Diyos ay may bibig at boses na nagbibigay katiyakan na kinakausap niya tayo sa pamamagitan ng kanyang salita. Ang Diyos ay may daliri na nagpapakita na ginawa niya ang lahat ng bagay. Ang isang tiyak na mahalaga ay ang mga kamay ng Diyos na nagpapatunay na siya ay nagliligtas, nag-aakay, nagkakaloob at nag-iingat sa atin, bagamat sa pamamagitan parin ng kaniyang mga kamay ay nararanasan natin ang pag-palo at parusa. Ang ating pag-kaunawa kung sino nga ang Diyos at kung ano siya ay lalo pang ipinaliwanag sa tuwing ang Biblia ay tumutukoy sa mga katangian na nakikita sa ama at ina. Ang Diyos ay inilarawan sa Biblia bilang Ama – ang Ama ng lahat, dahil nilikha niya ang bawat isa, at higit sa lahat, siya rin ang Ama ng lahat na tumanggap kay Jesus bilang Panginoon at Taga-pagligtas. Bilang Ama, ang Diyos ayuu mahabagin, puno ng pag-ibig, marunong sa lahat at makatarungan. Ang malapit na damdamin ng Diyos para sa kanyang bayan ay inihambing sa magiliw, maamo, mapag-arugang damdamin ng isang mapagmahal na Ina sa kanyang anak. Ang iba pang mga katangian ng tao katulad ng paninibugho, at pagkagalut na nakikita nating mali, ay nagiging tama kung itutukoy sa Diyos. Ang lahat ng mga katangiang pantao na nasa Diyos ay makakatulong sa ating pagkaunawa tungkol sa sangkatauhan na nilikha ayon sa larawan ng Diyos. ADAN Ang unang tao na si Adan ay nilalalang mula sa alabok at hiningahan ng Diyos upang magkaroon ng buhay. Mula kay Adan ay nilalang ng Diyos ang babae. Kapwa sila nilalang ayon sa larawan ng Diyos. ( Gen. 1:26). Bagamat inutusan ng Diyos si Adan na huwag kakainin ang bunga ng puno na nasa gitna ng halamanan, si Eva ay tinukso ng ahas at sila’y sumuway sa Diyos. Bilang bunga, bawat batang isinilang ay may batik na ng kasalanan at nakatakdang mamatay, at ang bawat tao ay napatunayang nagkasala sa harap ng Diyos na Manlilikha. Subalit nagsugo ang Diyos ng isa pang Adan, ang kanyang anak na si Jesu-Cristo, isang inapo ng unang Adan, upang akuin ang ating masamang kalikasan at bayaran ang parusa nito, upang ipakita ang daan sa pamamagitan ng kanyang buhay na may pagsunod, at upang magtagumpay labas sa diyablo at sa lahat ng kapangyarihan ng kasamaan. Sa pamamagitan ng kanyang buhay at kamatayan at muling pagkabuhay, nagawa niyang maibigay ang kagandahang loob ng Diyos na puspos ng kaloob na katuwiran at buhay. Sa pamamagitan ng pangalawang Adan na nagbibigay buhay, matatanggap natin ang kaloob na bagong buhay at makakaasa sa bagong katawang espirituwal tulad ng kay Cristo.