RIMANAKUY- DIALOGO

INTI RAYMINMANTA

1.- HUGO: PANAY ESTRELLA KUNAN P’UNCHAYMI T’AQWIRISUN QOSQO LLAQTAQ

RAYMICHAKUYNINMANTA, ALLICHU KANMAN?

ESTRELLA: ARI TURAY ALLINMI, NOQAPAS MUNANIN YACHAYTA: IMAYNATACHUS APAKURAN,

IMAKUNAN RUWAKUN, HAYKAQMANTAN QALLARIN, PIKUNAN SUMAQTA TANQARINKU
RAYMIKUNAPI, CHAYKUNATAN LLAPANTA YACHAYTA MUNANI.

HUGO: KUSA PANAY ESTRELLA, CHHAYNA KAQTINQA QALLARISUN RIMANAKUYTA:

2.- HUGO: ÑAUPA PACHAPIQA, INKANCHISKUNA PACHAPI; IMAYNAN WILLAKUNKU

QELQAQKUNA GUAMAN POMA DE AYALA, GARCILASO DE LA VEGA IMA; INKA PACHAKUTIQSI
RUWACHINMAN KARAN ÑAUPA ÑEQE INTI RAYMITAQA, WARANQA TAWA PACHAK KINSA
CHUNKAN WATAPI, MANARAQ ESPAÑOLKUNA CHAYAMUSHAQTINKURAQ. CHAY RAYMIQ
SUTINSI ÑAUPAQTA KANMAN KARAN “YAWARINCHA AYMURAY”

ESTRELLA: ARÍ TURAY HUGO; NOQAPAS YACHANIN IMAPAQMI RUWAKURAN INTI RAYMI
CHAYTA, TAYTI INTI KUSICHINANKU RAYKU, ALLIN WATAN WATAN MIKHUYNINKU KANANPAQ,
UYWAKUNAPAS ASKHATA MIRANANPAQ, CHAYPAQSI ISKAY CHUNKA TAWAYUQ P’UNCHAY INTI
RAYMI KILLAPI HUÑUNAKUQKU TAWANTIN SUYUKUNAMANTA, RUWAYNINKUTA,
MIKHUYNINKUTA, TUSUYNINKUTA IMA APARIKUSPA CHAYAMUQKU QOSQO HATUN
LLAQTAMAN, ÑAUPAQ INTI RAYMIQA CHUNKA PISQAYUQ P’UNCHAYKUNAPIS APAKUQ .
ICHAQA, ESPAÑOLKUNAQ CHAYAMUSQANKU PACHAMANTAS CHAY HATUN RAYMITA
QOLLUCHIPUSQAKU, CHAY RAYMIQA MANAN ALLINCHU, SINCHI LAYQA, ACHACHIN NISPA.

3.- HUGO: PANAY ESTRELLA, QHEPAMANQA APAKUQSI CHAY RAYMIQA HAUQAY PATAPI,
ICHAQA MANAÑA INKANCHISKUNAQ PACHAPI HINAÑACHU, MANAÑAS TAYTA INTITA
YUPAYCHANKUCHU, NITAQSI AYAKUNATAPAS YUYARINKUÑACHU, ASWANSI RANTINTAQA
SANTOKUNATA, SANTAKUNATA IMA ESPAÑA SUYUMANTA APAMUNKU, MUYUCHINKUTAQSI
HAUQAY PATAPI. CHAYWAN CHINKAPUSQA INTIQ RAYMIN.

ESTRELLA: CHHAYNAN TURAY HUGO, CRISTOQ UKHUN RAYMITAS YUPAYCHAYTA

QALLARISQAKU, CHAYSI HATUN RAYMIMAN TUKUPUSQA, KUNAN NOQANCHIS
REQSISHANCHIS CORPUS NISQA RAYMITA, CHAYWANMI QALLARIN QOSQOQ
RAYMICHAKUYNIN, KUNANQA CHUNKA PISQAYUQ SANTOKUNA SANTAKUNANTIN
MUYUPUSQAKU HAUQAY PATAPI, QONQAPUSQAKU UNAYTAÑA INTI RAYMITA. CHAYMANSI
ASWAN HOQ WIRAQOCHAKUNA QOSQO LLAQTAQ WAWANKUNA IMAYNAN CHAY
WIRAQOCHA HUMBERTO VIDAL HUNDA, CHAYMANTA WIRAQOCHA FAUSTINO ESPINOZA
NAVARRO, PAYKUNA UMALLIQTINÑAS, WARANQA ISQON PACHAK TAWA CHUNKA TAWAYUQ
WATAPI HOQMANTA QHAWARICHISQAKU INTI RAYMITA, CHAYPIS KASQA PERÚ SUYU
UMALLEQ MANUEL PRADO UGARTECHE: CHAYMANTA PACHAS APAKUN SAPA WATAN INTI
RAYMIQA.

4.- ESTRELLA: NOQAPAS TAPUKUYTA MUNANI TURAY HUGO, IMANAQTINTAQ INTI RAYMITARI
YUPAYCHANCHIS, IMAYNATAN APARIKUN CHAY HATUN RAYMIRI?
HUGO: PANAY ESTRELLA, CHAY QELQAKAMAYUQ WIRAQOCHAKUNAQ WILLAKUYNINPI HINA,
KAY INTI RAYMIQA RUWAKURAN ALLPA LLANK’AQ RUNAKUNA YUPAYCHANAPAQMI (DIA DEL
CAMPESINO) KUNAN QHEPA INTI RAYMIQA RUWAKUN, LLAPA TEQSI MUYUNTINPI
RUNAKUNAMAN ÑAUPA APUCHANCHISKUNAQ, AWICHANCHISKUNAQ KAUSAYNINKU,
RUWAYNINKU IMA REQSICHINANCHIS RAYKU. MAYPITAQ QALLARIN CHAY Q’OCHURIKUYRI?,
INTI RAYMIQA QALLARIKUN QORI KANCHAPI SUMAQTA INKANCHIS AYLLU MASINKUNATA
RIMAPAYAN, ALLIN HUNT’ASQA RUWAYNINKU KANANPAQ, AMA QELLAKUSPA, AMA
LLULLAKUSPA, AMA SUWAKUSPA IMA KAUSAYNINKU APANANKUPAQ. RIMAPAYAYTA
TUKUSPATAQ WALLAKUNAQ Q’EPISQAN HAUQAY PATAMAN SUCHUYKUN, CHAYPITAQMI
VARAYUQ QOSQO UMALLEQWAN RIMAN, IMAKUNACHÁ QOSQO LLAQTANPAQ RUWANA
KASHAN CHAYKUNAMANTA RIMAYTA TUKUSPATAQ, APU SAQSAYWAMAN PATAMAN PURIRIN.
CHAYPIÑA APAKUN, MUNAY HARAWIKUNA, TUSUYKUNA IMA; CHAYMANTATAQ TAYTA INTIPAQ
ALLIN WIRA LLAMATA WAÑUCHINKU, SONQONTATAQ HAYWARINKU INKA TAYTA INTIMAN,
QOYAKUNAQ SANKHU WAYK’USQANKUTA, AQHATA IMA, MAÑAKUNKUTAQ TAYTA INTIMANTA,
ALLIN WATA KANANPAQ HUNT’ASQA MIKHUYKUNAPAS KANANPAQ, TUKUKUYNINPAQTAQ
QALLARIN HATUN MUNAY QHASWA, TAKIYKUNA, TUSUYKUNA IMA.

5.- HUGO: PANAY ESTRELLA, ALLINCHU CHAY RIMANAKUSQANCHIS?

ESTRELLA : ALLINMI TURAY HUGO, KUSA.

6.-HUGO: NISPAQA, TUPANANCHISKAMA PANAY ESTRELLA

ESTRELLA: TUPANANCHISKAMA TURAY HUGO.