Edukasyon sa Pagpapakatao V

February 09, 2022

I. Layunin

A. Natatalakay ang mga paraan ng pag-aalaga ng matanda

B. Naipapakita ang wastong panggalang sa karapatan ng matanda.
C. Nagagaya ang kilos ng isang matanda

II. Nilalaman

A. Paksa
1. Wastong Pangangalaga sa Matanda
B. Mga Kagamitan
 Kuwento: "Ang Platong Kahoy"
 Liham: "Ang Sulat ni Nanay at Tatay"
 PowerPoint/Laptop/larawan/kahoot app
III. Pamamaraan

A. Gawain: Magpakita ng larawan ng matanda. Magtatanong ang guro.

Babasahin ng guro ang sulat ng may damdamin. (Filipino)

Itanong kung ano ang kanilang naramdaman habang binabasa ang liham.
Sa panahon ngayon, bakit pinag iingat ang mga matatanda?
Bakit bawal sila lumabas? (Araling Panlipunan – Current event)
Kung ang lola ko ay ipinanganak nung March 28,1924, ilang taon na sya ngayon? Paano mo nakuha ang iyong
sagot? January 1,1954? December 25, 1967? (Math)

Sa araw na ito, tatalakayin natin ang mga paraan ng pag-aalaga ng matanda

Pangkatin sa apat ang klase. Bawat grupo ay mayroong group chat na aking ginawa sa messenger. Pag usapan
ang mga gagawin. Bigyan ng tig-isang paksang tatalakayin. Papiliin ng lider, tagasulat, at taga-ulat ang bawat
pangkat.

Pamantayan sa Pangkatang Gawain

1. Makinig sa panuto ng guro
2. Gumawa ng tahimik.
3. Makipagtulungan sa mga kasama.
4. Kapag tapos na, maghanda sa talakayan.

Paksa para sa bawat pangkat:

Pangkat 1 - Katangian/Anyong Pisikal ng Matatanda (Filipino- pang uri)
Pangkat 2 - Iguhit ang dapat at hindi dapat kainin ng matatanda (EPP/Health/Arts)
Pangkat 3 - Kaya at hindi kayang gawin ng Isang matanda
Pangkat 4 - Pag-uugali ng matatanda (EsP)

B. Pagsusuri
Matapos nating talakayin ang katangian/anyong pisikal, pagkain, kayang gawin, at ang pag-uugali ng
matatanda. Ano ang dapat nating maging saloobin para sa matatanda?

C. Paglalahat
Ano ngayon ang masasabi natin tungkol sa pagtanda? (Ipasabi ang mga natutuhan) at basahin ang "Ang Platong
Lata."

"ANG PLATONG KAHOY"

May mag-asawang nakatira sa isang bayan na may isang anak. Sa loob ng mahabang panahon,
magkasamang namuhay nang masaya ang tatay kasama ang anak niyang lalaki at ang kaniyang
asawa. Subalit nang siya ay tumanda na, humina na rin ang kaniyang katawan. Palagi siyang
nakababasag ng plato sa tuwing kumakain siya sa mesa. Nanginginig na kasi ang mga kamay niya.
Hindi nagtagal, nagalit ang anak sa pagiging lampa ng tatay niya. Kaya isang araw, iginawa niya
ito ng mapagkakainang pinggan na kahoy. Ang pinggang kahoy na ito na ang nagsilbing kainan ng
kaawa-awang matanda. Nang mapansin ng lalaking apo ang ginawa ng kaniyang tatay, kumuha
siya ng ilang gamit pangkarpintero at nagpunta sa ilalim ng bahay. Nang makita siya ng tatay niya,
tinanong siya nito, “Anak, ano ang ginagawa mo?" “Tay, iginagawa ko kayo ni Ina ng pinggang
kahoy para sa inyong pagtanda", sagot ng anak. Pagkarinig sa mga salita ng anak, tumulo ang
mga luha ng ama. Simula noon, pinayagan na ang matandang lalaki na kumain sa mesa kasama
ng buong pamilya. Hindi na siya pinakakain sa pinggang kahoy.

(Pabayaang magbigay ng kani-kanilang palagay ang mga bata. Sa huli, ipunawa na

- ginagawa ng mga bata ang nakikita sa matatanda

- kung ano ang itinanim siyang aanihin
- ang pagmamalasakit at pagmamahal sa magulang/matatanda ay pagbabayad-utang lamang ng anak
D. Paglalapat
Paano mo maipapakita ang wastong paggalang sa karapatan ng matanda?

E. Pagtataya
Panuto: Isulat ang titik ng tamang sagot sa sagutang papel.

1. Nakita mong naglilinis ng bakuran ang iyong lola, ano ang iyong gagawin?
a. Hahayaan siyang maglinis
b. Tutulungan siya
c. Patitigilin siya sa paglilinis at ako ang magtutuloy ng kanyang ginagawa
d. Bibigyan siya ng gantimpala

2. Siksikan sa sasakyan. Nakatayo si Aling Celing habang tumatakbo ito. Ano ang iyong gagawin?
a. Ihahandog ang upuan sa kanya
b. Palilipatin ko siya ng sasakyan
c. Pagtatawanan ko siya
d. Bibigyan ko siya ng pamasahe

3. Kaarawan ng iyong lolo, ano ang dapat mong gawin?

a. Ipagluluto siya ng paborito niyang pagkain
b. Dalawin siya sa kanilang tahanan
c. Batiin siya at gawaran ng halik
d. Lahat ng nabanggit

4. Alin sa mga sumusunod ang dapat mong gawin kung makita mong nalulungkot ang matatanda mong
kapitbahay?
a. Tawagan ng pansin ang kanilang mga anak
b. Padalhan sila ng sulat
c. Dalawin sila at makipagkuwentuhan
d. Yayain silang manood ng sine

5. May sakit ang iyong lola, ano ang dapat mong gawin?
a. Huwag pansinin
b. Tulungan siya sa kanyang pangangailangan
c. Hayaan siyang kumilos mag-isa
d. Tulungan nang may pagkainis

IV: Takdang Aralin

Sumulat ng isang slogan na nagsasaad ng iyong pagmamalasakit sa matatanda.
 Prepared by:

EREL G. MARCELINO
Teacher I

Observed by:

CHONA F. DELA CRUZ

MT-Ii