Professional Documents
Culture Documents
Karagdagang Impormasyon Kahulugan NG Wika
Karagdagang Impormasyon Kahulugan NG Wika
Ang wika ayon kay Chomsky (1957), ay isang prosesong mental. May unibersal na
gramatika at mataas na abstrak na antas; may magkatulad na katangiang
linggwistik.
Ayon kay Hayawaka, may tatlong gamit ang wika: (1) Pagbibigay ng impormasyon
tungkol sa tao, bagay, at maging sa isang magaganap na pangyayari, (2) Ito ay nag-
uutos, (3) Ito ay nagseset-up o saklaw ang mga kahulugan.
Ayon kay Haring Psammatikos, ang wika ay sadyang natutuhan kahit walang
nagtuturo ay naririnig. Ang naging batayan, ipinadala niya ang dalawang sanggol sa
malayong lugar na walang nakikita o naririnig. Ang unang salitang binibigkas ay
“bekos”, ang ibig sabihin ay tinapay.
Ayon kay Plato, isang pilosopong Griyego, ang wika ay nabubuo ayon sa batas ng
pangangailangan ng tao na may mahiwagang kaugnayan sa kalikasan at ng mga
kinatawan nito. Paniniwala naman ng mga siyentipiko na ang wika ay nagmula sa
homo sapiens o mga unang tao.
Ayon kay Todd (1987) ang wika ay isang set o kabuuan ng mga sagisag na ginagamit
sa komunikasyon. Ang wikang ginagamit ng tao ay hindi lamang binibigkas na tunog
kundi ito ay sinusulat din. Ang mga tunog at sagisag na ito ay arbitraryo at
sistematiko. Dahil dito ay ayon sa kanya, walang daalwang wikang magkapareho
bagamat bawat isa ay may sariling set ng mga tuntunin.
Ang wika ayon kay Dr. Jose Villa Panganiban, ay paraan ng pagpapahayag ng kuru-
kuro at damdamin sa pamamagitan ng mga salita upang makipag-unawaan sa
kapwa-tao. Ito ay binubuo ng mga salita, parirala, at pangungusap na may
kahulugan.
Ayon kay Edward Sapir, ang wika ay isang likas at makataong pamamaraan ng
paghahatid ng mga kaisipan, damdamin at mithiin.
Ang wika ayon kay Wardaugh (1972) ay arbitraryong sistema ng mga sinasalitang
tunog na ginagamit para sa komunikasyon ng tao.
Ayon sa isang Pilosopong Ingles na si John Locke, ang wika ay arbitraryong walang
kahulugan kundi naglalaman ng ideya sa pag-iisip ng tao.