Nagningning muli ang sigla at aktibidad sa opisyal na pagbubukas ng
CNHS Intramurals 2023 na may temang “Achieving Excellence and Sportsmanship Through Sports” ngayong Miyerkules, ika-11 ng Oktubre. CNHS INTRAMURALS 2023
Pinangunahan nina Ma'am Reishel Ladino at Sir Ezekiel Cariño ang
programa na naging dahilan ng mas kapana-panabik at masiglang intramurals na dinaluhan ng Citrusians mula sa iba't-ibang baitang. Sinimulan ang makulay na parada sa ganap na ika-2 ng hapon ng mga koponan mula sa iba’t-ibang antas, ka-akibat ang CNHS Boys Scouts, mga guro, mga mag-aaral, at mga kawani mula sa iba't-ibang curriculums. Kasabay nito ang paglalaban-laban ng mga manlalaro sa pangunahing mga paligsahan na basketball, volleyball, at chess. Lalo pang naglagablab ang buong Multi-Purpose Hall sa pagtatanghal ng natatanging kisig at ganda ng mga contestants sa Mr. And Ms. Intramurals 2023. Dumalo dito sina Mark Kenneth Reyes at Louniebele Jayogue na pinakahuling nagtamo ng titulong ito, bilang isa sa mga hurado. Ipinamalas ng Citrusians ang kanilang suporta sa kapwa mag-aaral, sa pamamagitan ng pagpapasikat sa kani-kanilang yell at mga hiyawan na lalong nagpa-init at nagpakulay sa programa.