Professional Documents
Culture Documents
Comentario Castelao
Comentario Castelao
outras dúas narracións do autor explicando o contido de cada unha delas. A que
xeración literaria pertence?
Aínda eu era médico rural e rubía por un camiño da serra. Os casais estaban lonxe;
os arboredos, tamén; e por alí non había máis que toxos e pedras.
No curuto avistei a figura dunha muller que me chamaba coa man, e o patrucio que
camiñaba de par do meu cabalo contoume:
– ¡Malpocadiña! Chámanlle a tola do monte. Era unha rapaza ben asisada e bonita
coma un sol e din que foi unha meiga quen a enfeitizou e despois de perder o xuízo
tívolle un fillo e contan que foi do demo...
Por riba da tola do monte voaba un miñato.
Esta cousa trata sobre unha muller que, sendo nai solteira, é repudiada pola sociedade
ao non seguir as normas relixiosas e sociais tradicionais, que non aceptaban a maternidade
libre sen pasar polo matrimonio. As palabras do patrucio denotan a falsa interpretación da
sociedade cando identifica o mozo proxenitor co “demo”, polo que se lle exime da asunción da
paternidade, e o feito de ser nai solteira con estar enmeigada (“unha meiga quen a enfeitizou”),
o que explica a tolemia á que alude o seu alcume: “tola do monte”. O castigo do illamento
social declárase dende o principio a través da soidade que sofre a moza: “e por alí non había
máis que toxos e pedras”. O final, no que a voz narrativa de afasta da historia cun anticlímax,
aumenta a soidade da muller: “Por riba da tola do monte voaba un miñato”, sancionada pola
aldea ao culpabilizala só a ela da situación fóra dos canons sociais.
A cousa, forma literaria inventada polo autor, consiste nun relato breve previamente
ilustrado cunha imaxe que o decora; esta posúe só unha acción, tempo, espazo e moi poucos
personaxes.
Castelao, pertencente á Xeración Nós, autores que se implicaron na edición da revista
do mesmo nome de 1920 a 1936, tamén publicou Retrincos, cinco relatos de carácter
autobiográfico nos que se pon de relevo a condición humana, temática que impregna toda a
súa obra narrativa, e Un ollo de vidro, noveliña na que un esqueleto enterrado nun cemiterio ve
e conta todo o que pode ollar co seu ollo de vidro, obxecto que en vida non lle valía para ver.
Nesta critícase o caciquismo e resáltase os comportamentos humanos do ser galego co
emprego do mundo de ultratumba, eido moi do gusto de Castelao.