-Ang liham na ito ay kapag ikaw ay naglalahad ng pagbati sa isang tao tulad ng nakatanggap o nakakuha ng karangalan, nanalo sa isang patimpalak, o di kaya’y pagtatapos ng pag-aaral.Halimbawa, ako ay nakakuha ng ikalawang pwesto sa pagkuha ng litrato sa Buwan ng Panitikan at maaari may magpadala sa akin ng liham pagbati.
Liham Paanyaya (Letter of Invitation)
-Isang uri ng dokumento na tumutulong na humiling ng presensya o pagdalo sa isang partikular na kaganapan o sa isang okasyon tulad ng kasal, kaarawan, pagtipipon, at iba pa.Maaaring nakasaad dito ang lugar,oras,at araw kung saan gaganapin ang nasabing pagtitipon.
Liham Tagubilin (Letter of Instruction)
- Ang liham na ito ay ang pagbibilin ng mga gustong ipahayag sa partikular na tao at partikukar ng mga bagay katulad ng liham na isusulat ng iyong ina o ama bago sya mag trabaho sa isang malayong lugar.
Liham Pasasalamat (Letter of Thanks)
- Ito ay patungkol sa iyong pagtanaw ng utang na loob sa kabutihang tinamo mo mula sa isang gawain, o mula sa tao. Pagpapahayag ng pasasalamat sa mga naihandog na tulong, kasiya-siyang paglilingkod, pagbibigay ng kapaki-pakinabang na impormasyon, at iba pa
Liham Kahilingan (Letter of Request)
- Liham na ito ay isang pormal na paraan at inihanda kapag kailangan o humihiling ng isang bagay, paglilingkod, pagpapatupad at pagpapatibay . Halimbawa, ako ay sumulat ng Liham ng Kahilingan sa Sponsorship pra sa darating na aktibidad sa paaralan na may malaking halaga ang kinakailangan.
Liham Pagsang-ayon (Letter of Affirmation)
- Ang Liham na Pagsang-ayon ay kumpirmasyon sa isang bagay na sinabi, ginawa at mga plano. Ito ay pagsuporta at pagpapatibay sa bagay na napag-usapan. Dagdag pa, sinasamahan din ito ng kondisyon kung kinakailangan.
Liham Pagtanggi (Letter of Negation)
- Ito’y uri ng liham na nagpapahayag ito ng dahilan ng pagtanggi o di pagsang-ayon. Halimbawa, ako ay binigyan ng liham paanyaya tungkol sa isang selebrasyon ng ika-18 na kaarawan ng aking kaibigan at hindi ako makakapunta dahil mayroong aktibidad sa paaralan,kaya’t ako ay gumawa ng Liham Pagtanggi.
Liham Pag-uulat (Report Letter)
-Ito’y uri ng liham na nagsasaad ng katayuan ng isang gawain na dapat isakatuparan sa itinakdang panahon. Liham Pagsubaybay (Follow-up Letter) -Ito ay liham na ipinadadala upang alamin ang kalagayan ng naunang liham ng hindi nabigyan ng tugon at para na ring paalala. Halimbawa, ang pagpapadala ko ng liham pagsubaybay sa isang seller sa Manila dahil may depekto ang aking na order na gamit at hindi pa nya nabigyan ng kasagutan ang nauna kong liham kaya ako’y nagsulat muli ng liham pagsubaybay.
Liham Pagbibitiw (Letter of Resignation)
- Ito ay uri ng liham na ikaw ay nagpasiyang huminto o umalis na sa pagtatrabaho at nakalahad ng maayos dito sa liham ang dahilan. Halimbawa, Si Yana ay gumawa ng liham pagbibitiw sa kanyang trabaho dito sa Pilipinas kasi may balak syang mangibang bansa.
Liham Kahilingan ng Mapapasukan/Aplikasyon (Letter of Application)
- Ito ay pinapadala kapag ang isang tao ay nagnanais mag apply ng trabaho na mapasukan.Halimbawa, ako ay gumawa ng liham kahilingan ng mapasukan/aplikasyon upang mag apply para sa posisyon na bank teller.
Liham Paghirang (Appointment Letter)
-Ang Liham Paghirang, o Appointment Letter sa Ingles, ay isang dokumentong nagpapakita ng pagtatalaga ng isang tao sa isang tiyak na posisyon sa isang kumpanya o organisasyon. Ito ay naglalaman ng mga detalye tungkol sa trabaho na itinalaga sa indibidwal, tulad ng posisyon, mga tungkulin at responsibilidad, sweldo, benepisyo, at iba pa. Karaniwang binibigyan ng kopya ang indibidwal na itinalaga at ginagamit din ito bilang katibayan ng pagkakaroon ng trabaho.
Liham Pagpapakilala (Letter of Introduction)
-ay isang uri ng sulat na nagpapakilala sa isang tao sa iba. Karaniwang ginagamit ito sa mga sitwasyon tulad ng pagpapakilala sa isang bagong kaibigan o kakilala sa ibang tao o organisasyon, o kaya naman ay sa mga professional setting tulad ng pag-aapply sa isang trabaho.
Liham Pagkambas (Canvass Letter)
- Ang Liham Pagkambas, o Canvass Letter sa Ingles, ay isang uri ng liham na ginagamit upang magtanong o mag-imbestiga tungkol sa mga produkto, serbisyo, o presyo ng isang kumpanya. Halimbawa ako ay gumawa ng liham pagkambas upang malaman ang mga kagamitan na maari kong bilhin.
Liham Pagtatanong (Letter of Inquiry)
-Sa Liham Pagtatanong, nagpapakilala ang nagsusulat at nagtatanong tungkol sa mga detalye na nais malaman. Kadalasan, kasama rin dito ang pagpapakita ng interes ng nagsusulat sa pagkakaroon ng trabaho, pag-aapply sa isang paaralan, o kaya naman ay sa pagbili ng produkto o serbisyo.
Liham Pakikidalamhati (Letter of Condolence)
-ay isang uri ng liham na nagpapahayag ng pagkalinga, pakikiramay, at pagbibigay ng suporta sa isang tao o pamilya na nagdalamhati sa pagkawala ng isang mahal sa buhay. Ito ay isang mahalagang paraan upang maipakita ang ating pagmamalasakit at pagbibigay ng suporta sa mga taong nangangailangan ng tulong sa panahon ng kanilang pagdadalamhati.
Liham Pakikiramay (Letter of Sympathy)
-Ang Liham Pakikiramay, o Letter of Sympathy sa Ingles, ay isang uri ng liham na nagpapahayag ng pakikiramay at suporta sa isang tao o pamilya na dumaranas ng krisis o kahirapan, tulad ng karamdaman, pagkamatay ng isang mahal sa buhay, o kaya naman ay sa mga sitwasyon tulad ng kalamidad o trahedya. Ang layunin ng liham na ito ay upang magpakita ng pag-aalala, pagmamalasakit, at pakikisimpatiya sa taong nakakaranas ng kahirapan.
Liham Panawagan (Letter of Appeal)
-Ito’y isang uri ng liham na ginagamit upang humingi ng tulong o suporta sa mga taong may kakayahang magbigay ng tulong sa isang partikular na sitwasyon. Halimbawa, ang aming organisasyon o grupo na may layuning makatulong sa isang partikular na isyu o suliranin.aaari itong magpakilala ng kampanya, proyekto, o kahilingan ng tulong sa mga mambabasa upang makakuha ng suporta o tulong para sa kanilang layunin.
Liham Pagpapatunay (Letter of Certification)
-ay isang uri ng liham na nagpapatunay ng katotohanan o kahusayan ng isang tao, organisasyon, o produkto. Ito ay kadalasang ginagamit upang mapatunayan ang kwalipikasyon, karanasan, o mga tagumpay ng isang indibidwal o organisasyon para sa mga layunin tulad ng aplikasyon sa trabaho, pagrehistro sa isang institusyon, o pagpapakilala ng isang produkto.